#ولقد_اخذنا_ال_فِرْعَوْن_سيدنا_موسى_ج١٢#الليله٣٠٩

#ولقد_اخذنا_ال_فِرْعَوْن_سيدنا_موسى_ج١٢
#الليله٣٠٩
(فَأَرْسَلْنا عَلَيْهِمُ الطُّوفانَ والْجَرادَ والْقُمَّلَ والضَّفادِعَ والدَّمَ آياتٍ مُفَصَّلاتٍ فَاسْتَكْبَرُوا وكانُوا قَوْماً مُجْرِمِينَ) [ 133] الأعراف
بعد السنين والطوفان والجراد والقُمل
وف كل مره فرعون يروح يعيط لسيدنا موسى ان يطلب من ربه يرفع عنهم البلاء مقابل انه يطلق بنى اسرائيل ويرجع ف كلامه وخلاص على كده 
وتنزل الايه التاليه من عقاب ربنا لهم 
٥ - #الضفادع
طبعا زى المره اللى قبلها ادعوا ربك يا موسى يرفع القمل ونمشيك ونمشى معاك بنى اسرائيل 
بس طبعا اول ما ربنا رفع القمل رجعوا ف كلامهم تانى 
اوم ايه .... ف يوم بعدها قاعد كده فرعون وملأوه من اخوان الفساد واذية العباد  وعلى حين غره سمعوا صوت نقيق ضفادع 
ساعتها ابتسموا ف سرهم ههههه 
هتعمل فينا ايه يعنى الضفادع 
هتدوشنا شويه وخلاص يعنى 
يا فرعونتى ... دا الضفادع بقت موجوده ف كل حاجه ف حياتهم 
ف الفرش لما ييجوا يناموا يلاقوا فرشهم مليان ضفادع 
ف شرابهم ومياههم و حتى ف اكلهم 
 الضفادع بقت حواليهم وعليهم لدرجة ان الضفدع يبقى قصاد فم الراجل من دول اول ما ييجى يفتح بقة علشان يتكلم 
تروح الضفدعه نااااطه جوه بقه😆😆😆
وتانى ياموسى ادعى ربك والمرادى هنأمن معاك ونرسل معاك بنى اسرائيل
ودعا سيدنا موسى ربه 
و رفع ربنا الضفادع ونقص تانى فرعون ف عهده 
٦ - #الدم
دم ... دم ايه ؟؟؟
وجه منين ؟؟؟
الميه بقت دم اى اناء فيه ميه يلاقوها اصبحت دم
عارفين لدرجة ايه ؟؟
لدرجة ان الميه واحده اللى يشرب منها قبطى و عبرى الميه تكون عاديه ف فم العبرى ولما يشربها القبطى تتحول لدم
ولدرجة ان السيده المصريه تطلب من جارتها العبريه انها تشرب من الميه ولما تتأكد ان طعمها ميه عاديه تقولها طب حطى الميه ف بقك واديهالى ف بقى (ومع انى انا شخصيا مش متخيله المنظر بس احنا محطيناش نفسنا مكانهم علشان نحكم )
المهم ان العبريه لما تيجى تدى الميه للمصريه ف فمها  ترجع تانى تبقى دم
وبكده خلصت العقوبات اللى ربنا انزلها على بنى اسرائيل فى رواية القرآن الكريم 
ومن الليله الجايه باذن الله هنحكى اللى قالوه بنى اسرائيل ف التوراه وحكوه على ما اسموه الضربات العشر 
اللى عاقب بها المولى سبحانه وتعالى فرعون وقومه 
وهنلاقى تشابهات واختلافات فى الضربات او فى ترتيبها 
وهنلاقى اللى متكرر فمريت عليه سريعاً بما انه اتكلمناه فى حدوتة الليله 
واللى اللقاء فى الغد باذن الله مع جزء جديد من حكايتنا لحدوته سيدنا موسى 

#حبيبي_القرآن
#يارب_اكون_فهمتها_صح
#اكثر_من_ذكرت_قصته_في_القرآن_سيدنا_موسي١٢
#ابتسام

تعليقات

إرسال تعليق

المشاركات الشائعة من هذه المدونة

#ليه_طيب_اكسر_وراه_قله؟ج٢#الليله٦٠٨

صورة
#ليه_طيب_اكسر_وراه_قله؟ج٢ #الليله٦٠٨ اما بقى الحدوته التانيه فبتقولك ان زمان وبردو ايام الفراعنه كانت لما الانسان يموت بيكسروا وراه اناء من الفخار  يعنى هنا كانت عاده مرتبطه بالجنائز  وطبعا كلنا عارفين اهمية الموت و الحياه الابديه والكلام دا كله عند المصريين القدماء واظن انى لسه مخلصه سلسلة ايزيس وازوريس اللى بتحكى باستفاضه ف اهمية الدفن والليله دى  طب بردو ليه نكسر وراه حاجه فخار واللى رسيت ع القله لاننا بقينا نستخدم معادن وصينى واوانى تانيه حاليا  انما القله فهى اللى كانت مكمله حتى دخول التلاجه الايديال ال ٨ قدم لكل بيت نرجع لكسر القله الفكره انهم مش بس بيكسروا القله لاء وكمان بياخدوها ويدفنوها جنب قبر المرحوم طيب الله ثراه ... ودا ليه؟ علشان لما ترجع الكا يعنى (الروح) على بيته مره تانيه مره ماتأذيش اهل البيت اللى موجودين فيه دول كانوا بيعملوا الاكل ف البيت وياخدوه عند مكان المقبره وياهم وهناك ياكلوا وبعدين يكسروا الاوانى دى ويسيبوا الفخار الكسر هناك  واللى كانوا بيسموه الشِقف جمع شقفه لدرجة ان المتخصصين فى الآثار وهم بينقبوا لو لقوا ف مكان ما آنيه  فخاري...
قراءة المزيد

#هو_صحيح_الجوع_كافر_بس_مش_للدرجه_دى؟؟؟ج٢#الليله٦٥٠

صورة
#هو_صحيح_الجوع_كافر_بس_مش_للدرجه_دى؟؟؟ج٢ #الليله٦٥٠  زى ما قولنا كان الموسم الزراعي في شمال العراق اواخر عام ١٩١٧ سئ جداً ومطر قليل ومحصول ضعيف و بيقول محمد امين العمري  واللى كان ف الوقت ده ضابط اعاشة في الجيش السادس التركي ويعتبر شاهد عيان ع الفتره دى بيحكى ويقول : انه كتب تقرير للقائد خليل باشا وضح فيه الخطر اللي هيحصل في ولاية الموصل بسبب قلة الحبوب و انهم ضرورى يستعدوا ويجيبوا مؤن من اسطنبول و يلحقوا الدنيا قبل فوات الاوان   لكن خليل باشا كبر دماغه و مهتمش للتحذير ده وقال له  ان ولاية الموصل هي مستودع تموين العراق و هي مش  محتاجة تموين يجي لها من بره يا حبيبى احنا ناخد ومنديش بس زى ما توقع محمد امين العامرى بدأت المجاعه حصل ايه ف المجاعه ؟ هل تداركت الحكومه الغير واعيه سوء الحال ؟ ولا ايه اللى حصل؟ ازاى اتعامل اهل الموصل مع المجاعه؟ اقولكم اولا زى ما توقع ضابط الاعاشه بدأت المجاعة تستفحل وشملت الموصل والمنطقة الواسعة اللى ف الشمال منها لحد بحيرة ((وان)) وبدأت جموع من الجياع تهجر ديارها في الاناضول وتتوجه ناحية الموصل  ما الكل بقى فاكرها مليانه خير...
قراءة المزيد

#زئرده #الليله١٠١

صورة
#زئرده #الليله١٠١ الحدوته المرادى حقيقيه زى حكايه #الشنطه_المعجزه  اللى ده الرابط بتاعها https://www.facebook.com/102264164820545/posts/142331610813800/ بردو جيران ماما زمان ف الحى العريق والشارع الجميل (( ابن الرشيد )) اللى لا اتولدت فيه ولا عشت فيه بس حبيته من حب امى فيه ومن حكاياتها عنه  (( زئرده ))  دى واحده جارتهم وباين من اسمها -اللى طبعا مش اسمها الحقيقى - ولكن الناس كانوا مسمينها كده لانها كانت صغننه الحجم  تقريبا كان اسمها نوال بس اللى كانت الدنيا كلها بتناديها بيه كان زيئرده كانت متجوزه بس معهاش اولاد وجوزها كان بيشتغل ف بلد تانيه وبييجى يشوفها كل فتره  وعلشان كده كانت عايشه ف شقه ف بيت اهلها بس بتبات لوحدها ف شقتها كان الناس كلها عارفين انهم مرتاحين ماديا  وف ليله صيفيه حاره حين لم يكن يوجد لا تكييف ولا حتى مروحه فى هذا الزمان القديم  و حيث لا يوجد حل سوى ان تنهى ليلتك بدش بارد لتذهب للنوم متأخراً على ١١ونص ١٢ بالليل كده  بعد ساعه ولا ٢ اما المدينه كلها تغرق فى سبات عميق مفيش صاحى  كانت كالعاده بايته لوحدها وحست بحركه معاها ف اوضة ...
قراءة المزيد