#كَدَأْبِ_آلِ_فِرْعَوْنَ_وَ_الَّذِينَ_مِنْ_قَبْلِهِمْ_كَذَّبُوا_بِآيَات_رَبِّهِمْ_فَأَهْلَكْنَاهُمْ٢#سيدنا_موسى_ج١٤#الليله٣١١#بينضربه_المثل

#كَدَأْبِ_آلِ_فِرْعَوْنَ_وَ_الَّذِينَ_مِنْ_قَبْلِهِمْ_كَذَّبُوا_بِآيَات_رَبِّهِمْ_فَأَهْلَكْنَاهُمْ٢

#سيدنا_موسى_ج١٤

#الليله٣١١

#بينضربه_المثل

ياترى هتعمل ايه يا فرعون ؟؟؟😳😳😳

دا طفل  😢

وامرهم بالقاء الولد ف الزيت 

هو ممكن حد يوصل به القسوه والوحشيه ف طفل علشان يقنع امه تستجيب لاوامره 

اكيد مش هيرميه ف الزيت اللى بيغلى 

اكيد هتاخده رحمه بالطفل انه يعرضه للالم ده 

حتى لو عاوز يعاقب الام او ينتقم منها مش هيعمل كده ف ابنها 

بس الجنود مسكوا الولد وعاوزين يحطوه ف الزيت والولد يرفض و 

يرفص ويفلفص ... وف الاخر رموه 

وكانت الام بتتحرق من الالم معاه وهى سامعه صوت ابنها بيتالم لحد ما اختفى صوته 

وظهرت ريحته وهو بيتغلى لحد ما ذاب اللحم 

وعامت العظام البيضاء على وجه القدر

وتانى اكفرى بربك 

والام ترفض 

وهاتوا الولد التانى 

وتانى الابن الثانى يقاوم بعد ما شاف اللى حصل لاخوه 

بس للاسف ... نفس التجربه ... بنفس الالم 

ونفس العظام البيضاء اللى بتزيد جنب اختها على وجة القدر 

ومش هطول لان الست كانت باقيه على ايمانها 

وعملوا نفس الكلام مع الثالث .... والرابع 

لحد ما وصلوا للصغير خالص الرضيع

واللى لما وصلوا له 

واللى امه مبتستحملش عليه الشكه

وهى مش مطلوب منها الا كلمه ...

وتنقذه 

والشيطان بدأ يلاقى لقلبها مدخل من الخوف على الرضيع ... ورعشة قلبها اللى بتتمنى تكون مكانه ومتشوفش اللى بيحصله  

وربنا الرحيم شايف اد ايه عانت 

واد ايه ممكن تضيع كل معاناتها دى من خوفها على الصغير ده بالذات 

وساعتها ربنا انطق الرضيع 

كما ورد فى حديث النبى صلى الله عليه وسلم وقال لها : 

( يا أمه؛ اقتحمي فإن عذاب الدنيا أهون من عذاب الآخرة، فَاقْتَحَمَتْ)

يعنى يامى كملى وخليهم يلقوا بى فاعطته لهم 

وجه دورها 

وقبل ما يرموها ف الزبت قالت لفرعون ليا عندك طلب اخير

قالها اطلبى 

قالت له اجمع عضمى وعضم عيالى وادفنهم سوا 

ونفذ فرعون ... وحاجه غريبه بردو 

يعنى راجل اد كلمته اوى ... وهو طول الوقت كان بيخلف وعوده مع سيدنا موسى

ويمكن حد من اللى عنده اللى عمل كده كتحقيق لطلب من بطله زى دى 

الحقيقه الله اعلم بها 

المهم انه نفذ وعده وجمع عظامهم ودفنهم مع بعض 

وبكده توته تو....

لاء ثانيه واحده 

انا مش بحب النهايات الحزينه 

ودى مش نهاية القصه

نهاية القصه جت بعدها بمئات السنين 

مئات ومئات من السنين عدت 

وف ليلة الاسراء والمعراج

عدى النبى صلى الله عليه وسلم على مكان طالع منه رائحه طيبه اوى 

فسأل سيدنا جبريل 

ما هذه الرئحه 

فقال جبريل ؟؟؟

فقال : هذه رائحة ماشطة ابنة فرعون وأولادها، قَال صلى الله عليه وسلم : وما شأنها؟ 

قَال سيدنا جبريل : بينما هي تمشط ابنة فرعون ذات يوم، إذ سقطت المدرى من يديها، فقالت: بسم اللَّه ....

وحكى القصه زى ما حكيتها 

الموت هيحصل هيحصل 

وزى ما حكيت فى حكاية اللى اختشوا ماتوا 

وساعتها قلت ان اللى خرجوا عريانين بردو ماتوا ... يمكن نجوا من حرق الحمام بس اجلاً او عاجلاً كلنا هنموت 

بس هنموت على ايه ؟؟

وعملنا اللى هنقابل به ربنا بعد كدا ؟؟

وفى النهايه ...

يا ترى الغلط على فرعون ؟؟؟

ولا على اللى مقدرش يلمه ؟؟؟

وهل كان واجب على الماشطه تقاوم فرعون وجبروته ؟؟؟

بس ازاى ؟؟؟

ومش يمكن يكون دا قدرهم انه يدخل النار 

ويكون قدرها تدخل الجنه ويكون هو سبب دخولها

وتفتكروا جدلا يعنى ان فرعون دا تاب 

او انه كان بيعمل خير علشان يمحى ذنوبه من صحيفته على طريقه ان الحسنات يذهبن السيئات 

اعرف رئيس عمال ف مصنع بيجور ويفترى اوى على العمال اللى تحت ايده بس ماشاء الله كل سنه يعمل عمره واتنين 

و لما يرجع ما بيخلى صغير ولا كبير فى المصنع الا لما يجيب له سجادة صلاه

علشان كل ما العامل ده يصلى هو ياخد معاه  ثواب 

اللى بيحكى الحكايه بيقول وكمان فارش ف الجامع بتاع المصنع من السجاد اللى بيجيبه  

علشان يكسب ثواب على قفاهم 

يعنى يقرفهم و يكرهم فى عيشتهم ظلم ويشاركهم ف قوتهم خصومات 

وبعدين يشاركهم ف ثواب صلاواتهم 😅

سؤال بيدور ف دماغى 

هو مش عارف ان كل الذنوب يغفرها الله بالتوبه الا الظلم يتركه الله بين العباد

في الحديث القُدسيّ أنّ الله -تعالى- يقول: (يا عبادي، إنّي حَرَّمتُ الظُّلمَ على نفسي وجعلتُه بينكم مُحرَّمًا، فلا تظالموا)

ومن حكمة ربنا سبحانه وتعالى انه بيأجل عقوبة الظالم ويمد فامد الامهال استدراج له علشان ياخده ربنا  على اقبح حال

(إِنَّمَا نُمْلِي لَهُمْ لِيَزْدَادُوا إِثْمًا وَلَهُمْ عَذَابٌ مُّهِينٌ) 

وايات كتير ربنا بيكلمنا فيها عن الظالم وعقوبته 

#حبيبي_القرآن

#يارب_اكون_فهمتها_صح

#ماشطة_ابنة_فرعون

#اكثر_من_ذكرت_قصته_في_القرآن_سيدنا_موسي١٤

#ابتسام

بقالى اكتر من سنه بكتب قصص كل ليله قصة جديده... تقرأها وتعمل كده🤔 وحاجات تعرفها فتعمل😳  وساعات ☺او😱او😞او😭 بس اؤكد لك انك عمرك ما هتعمل 🥱او😤او😞 وغالبا هتكون كده😂😂😂  وبما ان الحكايات مرت عليها سنه  بس احسب انها مرت مرور الكرام وهتكون جديده عليكم ..اتمنى تقرأوها واتمنى اسمع رأيكوا فى القصه ... ودى كانت قصة الليله ٣١١

#ابتسام