#ايام_فى_الرَبع_ج٢والاخير#حوداديت_امى #الليله٣١٨

#ايام_فى_الرَبع_ج٢والاخير

#حوداديت_امى 

#الليله٣١٨

طبعا لما الست الطماعه عِرفت انهم هيعيشوا سوا وافقت

اولا : زمان مكانتش مشكله ان الضراير يعيشوا سوا 

ثانيا : خافت من ان مراته وولاده فى البيت الاولانى يستأثروا بالاكل الحلو كله لوحدهم 

فوافقت علطول و قالت وماله 

وف سرها قالت عز الطلب ... اعيش فبيتك واتهنى بالعز اللى فيه مراتك وولادك 

و راح لمراته وقالها و هى باستسلام الزوجه ام العيال اللى عارفه ان مفيش لها مكان تانى تروحه لو  رفضت تكون لها ضره و قالت لاء

يعنى لو سابت البيت ومشيت هتروح فين بعد السنبين دى كلها اللى عاشتها بعيد عن بيت ابوها و هتروح فين بعيالها 

لا فى مكان لها ولا لاولادها 

ولذلك قالتله بانكسار اللى تشوفه

لان الزمان ده حيث لم تكن هناك فيمنست ولا فى اندبندنت وومن 

ولا طبعا كان فى اللى قااااادرااااه ع التحدى وع المواجهه

اه ... كان طبعا فى ستات قادره بس دى كانت صفاتها حاجه تانيه كانت بتبقى خطافة رجاله زى نوعية الجاره اللى هتبقى ضره اول ما تخلص عدتها 

 علشان تعيش فى العز دى

واللى بتمنى نفسها انها تنوله اول ما تتجوز تعيش ف بيت جوزها الجديد حيث اللحوم كل يوم 

ومستنيه على جمر النار مستنيه الليله اللى تيجى عليها وتاخد نصيبها من ورك  ولا صدر الفرخه دى مش بعيد تاخد نص فرخه بحالها 

المهم عدت العِدّه و الجاره اللى بقت العروسه الجديده  راحت تعيش معاهم 

وكان وصولها على وقت العشا اتحط الاكل ع الطبليه وبدأت الام توزع على كل واحد منابه

كل واحد  ياخد ورك .. 

بس لما بصت العروسه ع الطبليه لقت الاكل عدس وعيش اما الورك ده فكان ربع بصلايه 

اتخضت وقالت دا مقلب من ضرتها ... وقالت

انتِ ابتديتى يا ضرتى بقى جايه تعملى عدس ف اليوم اللى انا جايه فيه 

امال فين المحمر والمشمر بتاع كل يوم 

واتلفتت لجوزها : 

قولى فين الاكل اللى كل يوم بتاكلوا منه؟😡 

قالها : ما هو ده الاكل اللى كل يوم بناكل منه 

قالت له : لاء انتوا كل يوم بتاكلوا فراخ بسمع مراتك تقول لكل واحد خد ربع ... خد ورك ... خد صدر ... ودا كل يوم بيحصل 

ضحك الزوج وقال فعلا بس احنا بنقول كده ع البصل اللى بناكله جنب العدس 

يلا مدى ايدك وخدى الربع بتاعك 

واتارى كل ده كانوا بياكلوا عدس والورك ده هو ربع البصلايه بس هم بيحبوا يدلعوها هروبا من الواقع المرير 

طبعا اتطلقت منه ورجعت لجوزها اللى يادوبك بيأكلها اللحوم مره ف الاسبوع ..الطفسه

والعِبر من القصه دى كتير 

زى اننا مناخدش بالمظاهر والحيطان ياما بتدارى زى بتوع زمات ماكانوا بيقولوا 

وان اخرة البطران قطران 

وان الزوجه العاقله اللى صبرت على نزوة جوزها حافظت على بيتها 

لان لو كل ست جوزها بص بره سابته كانت كل البلد ستات مطلقات او كما قال عادل امام لو كل واحده جوزها خانها اتطلقت كان زمان كل البلد كلها عايشه على باب محكمة الاسره 

مقالش كده🤔

قال لو كل واحد تحته رقاصه🙂

عمومًا مبعدناش كتير🙄 

اخر واهم عبره لازم نتعلمها ان البصل مع العدس وهم وانهم من اجمل العلاقات التى لا يشوبها غدر ولا خيانه ولا اى قلة اصل من الطرفين 

واخيراً ...وزى ما علمونا ان القناعة كنز لا يفنى .. احب اضيف ان الطفاسه كرش لا يُملا

#حواديت_امى_ادعولها_بالرحمه

#كل_واحد_ربع

#الطفاسه_كرش_لا_يملا

#حلمت_بالعدس_وافتكرت_الحدوته

#ابتسام