#قطر_الندى_ج٣#الليله٦٦٧

#قطر_الندى_ج٣
#الليله٦٦٧ 
اللى فهمناه كده ان أحمد اتربى تربية متدينه على ايد والده طولون وبكدا كان مُختلف عن أولاد  الاتُراك الفاسدين
وكان بيكره كل اللى  بيعملوه من مفاسد  واتشهر عنه التقوى والصلاح وف نفس الوقت اشتهر بالشدَّة والقُوَّة بسبب تربيته العسكريه  و في الوقت ده كانوا محتاجين  ظابط شاب يخدم فى طرسوس واللى كانت ملتقى بلاد المُسلمين ببلاد البيزنطيين  و بالصدفه في ذات نفس الوقت كان أحمد بن طولون طلب من الوزير عُبيد الله بن يحيى  انه يعينه هناك فوافق على طلبه و بناءً عليه قضى احمد ابن طولون هناك سنين شبابه بعيد عن الوسط التُركي في العراق و اهتم العلم والحديث والآداب اللى اخدهم على ايد  كِبار العُلماء الطرسوسيين و كمان اتجوز و خلف و كمان كان نفسه يشارك في الغزوات اللي كانت ضد الروم وكمان زاد طُموحه في تولِّي حكم مصر
دخل أحمد بن طولون  الحياة السياسة المتلخبطه في العراق وهو ماشاء الله محترم من التُرك وثقتهم و كمان اخد ثقة الخِلافة واحترامها فكانت علاقته بالخليفتين المتوكل والمستعين جيدة و دا بدأت صلته بالمستعين لما كان راجع من طرسوس و انضم لقافلة تجارية جاية من بيزنطة محمله من اللى قلبك يحبة من بضائع رومية للخليفة
وهاجمها البدو قطاع الطرق اللى في منطقة الرها 
فأنقذها منهم بشجاع وبساله فشال لهُ الخليفة الجميله دى 
مش بس كده أحمد بن طولون كان على العكس من كثير من قادة الحرس الاتراك بيحترم  الخليفة ويقدره واضح ان الاتراك كانوا كعبهم عالى على الخلفاء العباسيين نفسهم و لما اتنفي الخليفة لواسط بسبب صراعه مع المعتز والترك سمحوا له انه ياخد معاه أحمد بن طولون في محبسه و دا دليل على ان الجانبين موافقين عليه للثقة اللي حصل له عند الجميع 
وأثبت أحمد بن طولون أنه جديرٌ بالثقة دى  فعامل الخليفة كويس وباحترام 
وكمان رفض طلب لِقبيحة ام المُعتز انه يقتل المستعين مُقابل انه ياخد حكم واسط فكان رده عليها :
(لا يراني الله أَقْتل خليفة له في رقبتي بيعة وأيمان مغلظة أَبدًا)
و سلَّم الخليفة سليمًا لأعدائه وكان لموقفه ده أثر كبير عند التُرك وكبر في نظرهم وبدأوا يتمنوا إنه يبقى زعيمهم فى يوم من الايام  
كمان احترمه العباسيين
وف اثناء الصراعات اللى شغاله ف بغداد دى كان بايكباك وأحد من اللي برزوا على المسرح
ايه ده دا اسم جديد لنج؟
مين بايكباك دا يا ميخا ؟
هنعرف الليله الجايه؟
ماشى 
 الليله الجايه اذا احيانا ربنا 
بس ع العموم متنسوش لو حابين تقرأوا حاجه تانى من عندى 
اكتبوا الهاشتاج #الليله 
وجنبه اى رقم اقل من٦٦٧
هتقراوا لما تزهقوا .. دا لو فاضيين اما لو مشغولين زيى فاكيد هتعذرونى و ادعولى
ولو مش بتشوف حواديتى اليوميه بانتظام يبقى ممكن تعمل متابعه وسى فيرست 
ولو عجبك اعملوا لايك وكومنت وشجعونى اكمل 

#فوتكم_بعافيه_وعفو_ومعافاه
#ابتسام

تعليقات

إرسال تعليق

المشاركات الشائعة من هذه المدونة

#ليه_طيب_اكسر_وراه_قله؟ج٢#الليله٦٠٨

صورة
#ليه_طيب_اكسر_وراه_قله؟ج٢ #الليله٦٠٨ اما بقى الحدوته التانيه فبتقولك ان زمان وبردو ايام الفراعنه كانت لما الانسان يموت بيكسروا وراه اناء من الفخار  يعنى هنا كانت عاده مرتبطه بالجنائز  وطبعا كلنا عارفين اهمية الموت و الحياه الابديه والكلام دا كله عند المصريين القدماء واظن انى لسه مخلصه سلسلة ايزيس وازوريس اللى بتحكى باستفاضه ف اهمية الدفن والليله دى  طب بردو ليه نكسر وراه حاجه فخار واللى رسيت ع القله لاننا بقينا نستخدم معادن وصينى واوانى تانيه حاليا  انما القله فهى اللى كانت مكمله حتى دخول التلاجه الايديال ال ٨ قدم لكل بيت نرجع لكسر القله الفكره انهم مش بس بيكسروا القله لاء وكمان بياخدوها ويدفنوها جنب قبر المرحوم طيب الله ثراه ... ودا ليه؟ علشان لما ترجع الكا يعنى (الروح) على بيته مره تانيه مره ماتأذيش اهل البيت اللى موجودين فيه دول كانوا بيعملوا الاكل ف البيت وياخدوه عند مكان المقبره وياهم وهناك ياكلوا وبعدين يكسروا الاوانى دى ويسيبوا الفخار الكسر هناك  واللى كانوا بيسموه الشِقف جمع شقفه لدرجة ان المتخصصين فى الآثار وهم بينقبوا لو لقوا ف مكان ما آنيه  فخاري...
قراءة المزيد

#هو_صحيح_الجوع_كافر_بس_مش_للدرجه_دى؟؟؟ج٢#الليله٦٥٠

صورة
#هو_صحيح_الجوع_كافر_بس_مش_للدرجه_دى؟؟؟ج٢ #الليله٦٥٠  زى ما قولنا كان الموسم الزراعي في شمال العراق اواخر عام ١٩١٧ سئ جداً ومطر قليل ومحصول ضعيف و بيقول محمد امين العمري  واللى كان ف الوقت ده ضابط اعاشة في الجيش السادس التركي ويعتبر شاهد عيان ع الفتره دى بيحكى ويقول : انه كتب تقرير للقائد خليل باشا وضح فيه الخطر اللي هيحصل في ولاية الموصل بسبب قلة الحبوب و انهم ضرورى يستعدوا ويجيبوا مؤن من اسطنبول و يلحقوا الدنيا قبل فوات الاوان   لكن خليل باشا كبر دماغه و مهتمش للتحذير ده وقال له  ان ولاية الموصل هي مستودع تموين العراق و هي مش  محتاجة تموين يجي لها من بره يا حبيبى احنا ناخد ومنديش بس زى ما توقع محمد امين العامرى بدأت المجاعه حصل ايه ف المجاعه ؟ هل تداركت الحكومه الغير واعيه سوء الحال ؟ ولا ايه اللى حصل؟ ازاى اتعامل اهل الموصل مع المجاعه؟ اقولكم اولا زى ما توقع ضابط الاعاشه بدأت المجاعة تستفحل وشملت الموصل والمنطقة الواسعة اللى ف الشمال منها لحد بحيرة ((وان)) وبدأت جموع من الجياع تهجر ديارها في الاناضول وتتوجه ناحية الموصل  ما الكل بقى فاكرها مليانه خير...
قراءة المزيد

#زئرده #الليله١٠١

صورة
#زئرده #الليله١٠١ الحدوته المرادى حقيقيه زى حكايه #الشنطه_المعجزه  اللى ده الرابط بتاعها https://www.facebook.com/102264164820545/posts/142331610813800/ بردو جيران ماما زمان ف الحى العريق والشارع الجميل (( ابن الرشيد )) اللى لا اتولدت فيه ولا عشت فيه بس حبيته من حب امى فيه ومن حكاياتها عنه  (( زئرده ))  دى واحده جارتهم وباين من اسمها -اللى طبعا مش اسمها الحقيقى - ولكن الناس كانوا مسمينها كده لانها كانت صغننه الحجم  تقريبا كان اسمها نوال بس اللى كانت الدنيا كلها بتناديها بيه كان زيئرده كانت متجوزه بس معهاش اولاد وجوزها كان بيشتغل ف بلد تانيه وبييجى يشوفها كل فتره  وعلشان كده كانت عايشه ف شقه ف بيت اهلها بس بتبات لوحدها ف شقتها كان الناس كلها عارفين انهم مرتاحين ماديا  وف ليله صيفيه حاره حين لم يكن يوجد لا تكييف ولا حتى مروحه فى هذا الزمان القديم  و حيث لا يوجد حل سوى ان تنهى ليلتك بدش بارد لتذهب للنوم متأخراً على ١١ونص ١٢ بالليل كده  بعد ساعه ولا ٢ اما المدينه كلها تغرق فى سبات عميق مفيش صاحى  كانت كالعاده بايته لوحدها وحست بحركه معاها ف اوضة ...
قراءة المزيد