#هو_صحيح_الجوع_كافر_بس_مش_للدرجه_دى_ج١١؟؟؟#خاطر_الله_جوعان_ج١٠#الليله٦٦٠

#هو_صحيح_الجوع_كافر_بس_مش_للدرجه_دى_ج١١؟؟؟
#خاطر_الله_جوعان_ج١٠
#الليله٦٦٠
#تنويه كل مره  هقوله القصه حقيقيه والتفاصيل من واقع المحاكمة 
بس الكلام على لسان خجاوة من صياغتى
يعنى لو ممكن تتخيل ان حد عمل اللى عملوه فممكن تفكر ان دى نفسيتها و ممكن تكون دى مبرراتها والافكار اللى دارت ف دماغها لما عملت افعالها الشنيعه دى بدم بارد كده 
اكيد كانت عندها مبررات واكيد كانت مقتنعه بها 
ومقتنعه انها صح ف اللى بتعمله
وتكمل خجاوه حكايتها وتقول :
الولد ابنى ده زى ما قولتلكم الليله اللى فاتت كان نعمه بالنسبه لنا 
الولد كان نشيط بزياده وكان ممكن يجيب اكتر من عيل ف اليوم 
متستغربوش الحاره والحوارى اللى حوالينا مليانه عيال وعلطول متسابين ف الشارع لا بيت يلم ولا اهل تهتم  دا غير الناس اللى جايين من الشمال واترموا علينا متعرفش بقى ..
مش عارفين من انهى داهيه🙄 
شويه يقولوا اكراد وشويه يقولوا ارمن المهم ان المشرحة مش ناقصه قتلى هههههه حلو المثل ده ماشى مع نظام حياتنا بيتنا بقى زى المشرحة بس اللى بيتشرح عندنا مش بيتدفن لكن بيتاكل😈
كمان متنسوش ان زماننا مفيش تحديد نسل ولا تنظيم اسره  ونسوان الحاره زى ما قولتلكم قبل كده ميعرفوش حاجه الا انهم يخلفوا كل سنه عيل 
متهيألى ...انهم ميعرفوش عددهم ولا حتى مين موجود ومين غاب 
 رغيت معاكم ونسيت احكى لكم احداث حكايتى واللى حصلى واللى عملناه 
المهم نرجع للواد ابنى اسم الله عليه اللى زى ما قولت لكم النشيط بزياده  
ازاى ؟ 
ما قولتلكم ممكن يجيب ف اليوم اكتر من عيل يلاعبة عند المطبخ 
بس دى لحمه زياده عن احتياجنا🙄
وف المجاعه دى مفيش تبذير  
ساعتها فكرنا انا وعبود 
هو ليه نسستمتع باللحم الطيب ده لوحدنا 
احنا ناس كِرام ... لازم نشرك باقى الناس ف الطعم اللذيد ده ومنستحوذش عليه لنا لوحدنا ... هتقولوا اننا ازاى نكون كرام كده هاقول لكم بهزر ف اامجاعه مفيش كلمة كرم لكن الاهم هى مصلحتنا 
و احنا  بنعمل ده طبعا علشان نستفاد 
الحياه مش لحم بس الحياه فيها لبن وفواكه وحاجات كتيره موجودة بس غاليه 
ومش متوفره الا للى معاه الدرهم والليره ودول موجودين ف البلد 
ما انا سمعت معاكم ف الاول الراجل القاضى اللى اسمه القصاب ده و كان اللى بيقولنا انه اصبح ياكل اكتر من طاقته عموما 
كل اللى محتاجينه ان يكون معانا ليرات كتيره
ازاى ... اننا نبيع لهم اللحم اللى زايد عندنا ونبدله معاهم ب ليراتهم 
تانى بتسالوا ازاى ؟
سهله اوى
لو عاوزين تعرفوا ؟؟
تعالوا الليله الجايه اذا احيانا ربنا 
#تنويه صورة الطفل من مجاعة اليمن
بس ع العموم متنسوش لو حابين تقرأوا حاجه تانى من عندى 
اكتبوا الهاشتاج #الليله 
وجنبه اى رقم اقل من٦٦٠
هتقراوا لما تزهقوا .. دا لو فاضيين اما لو مشغولين زيى فاكيد هتعذرونى و ادعولى
ولو مش بتشوف حواديتى اليوميه بانتظام يبقى ممكن تعمل متابعه وسى فيرست 
ولو عجبك اعملوا لايك وكومنت وشجعونى اكمل 

#فوتكم_بعافيه_وعفو_ومعافاه
#ابتسام

تعليقات

إرسال تعليق

المشاركات الشائعة من هذه المدونة

#ليه_طيب_اكسر_وراه_قله؟ج٢#الليله٦٠٨

صورة
#ليه_طيب_اكسر_وراه_قله؟ج٢ #الليله٦٠٨ اما بقى الحدوته التانيه فبتقولك ان زمان وبردو ايام الفراعنه كانت لما الانسان يموت بيكسروا وراه اناء من الفخار  يعنى هنا كانت عاده مرتبطه بالجنائز  وطبعا كلنا عارفين اهمية الموت و الحياه الابديه والكلام دا كله عند المصريين القدماء واظن انى لسه مخلصه سلسلة ايزيس وازوريس اللى بتحكى باستفاضه ف اهمية الدفن والليله دى  طب بردو ليه نكسر وراه حاجه فخار واللى رسيت ع القله لاننا بقينا نستخدم معادن وصينى واوانى تانيه حاليا  انما القله فهى اللى كانت مكمله حتى دخول التلاجه الايديال ال ٨ قدم لكل بيت نرجع لكسر القله الفكره انهم مش بس بيكسروا القله لاء وكمان بياخدوها ويدفنوها جنب قبر المرحوم طيب الله ثراه ... ودا ليه؟ علشان لما ترجع الكا يعنى (الروح) على بيته مره تانيه مره ماتأذيش اهل البيت اللى موجودين فيه دول كانوا بيعملوا الاكل ف البيت وياخدوه عند مكان المقبره وياهم وهناك ياكلوا وبعدين يكسروا الاوانى دى ويسيبوا الفخار الكسر هناك  واللى كانوا بيسموه الشِقف جمع شقفه لدرجة ان المتخصصين فى الآثار وهم بينقبوا لو لقوا ف مكان ما آنيه  فخاري...
قراءة المزيد

#هو_صحيح_الجوع_كافر_بس_مش_للدرجه_دى؟؟؟ج٢#الليله٦٥٠

صورة
#هو_صحيح_الجوع_كافر_بس_مش_للدرجه_دى؟؟؟ج٢ #الليله٦٥٠  زى ما قولنا كان الموسم الزراعي في شمال العراق اواخر عام ١٩١٧ سئ جداً ومطر قليل ومحصول ضعيف و بيقول محمد امين العمري  واللى كان ف الوقت ده ضابط اعاشة في الجيش السادس التركي ويعتبر شاهد عيان ع الفتره دى بيحكى ويقول : انه كتب تقرير للقائد خليل باشا وضح فيه الخطر اللي هيحصل في ولاية الموصل بسبب قلة الحبوب و انهم ضرورى يستعدوا ويجيبوا مؤن من اسطنبول و يلحقوا الدنيا قبل فوات الاوان   لكن خليل باشا كبر دماغه و مهتمش للتحذير ده وقال له  ان ولاية الموصل هي مستودع تموين العراق و هي مش  محتاجة تموين يجي لها من بره يا حبيبى احنا ناخد ومنديش بس زى ما توقع محمد امين العامرى بدأت المجاعه حصل ايه ف المجاعه ؟ هل تداركت الحكومه الغير واعيه سوء الحال ؟ ولا ايه اللى حصل؟ ازاى اتعامل اهل الموصل مع المجاعه؟ اقولكم اولا زى ما توقع ضابط الاعاشه بدأت المجاعة تستفحل وشملت الموصل والمنطقة الواسعة اللى ف الشمال منها لحد بحيرة ((وان)) وبدأت جموع من الجياع تهجر ديارها في الاناضول وتتوجه ناحية الموصل  ما الكل بقى فاكرها مليانه خير...
قراءة المزيد

#زئرده #الليله١٠١

صورة
#زئرده #الليله١٠١ الحدوته المرادى حقيقيه زى حكايه #الشنطه_المعجزه  اللى ده الرابط بتاعها https://www.facebook.com/102264164820545/posts/142331610813800/ بردو جيران ماما زمان ف الحى العريق والشارع الجميل (( ابن الرشيد )) اللى لا اتولدت فيه ولا عشت فيه بس حبيته من حب امى فيه ومن حكاياتها عنه  (( زئرده ))  دى واحده جارتهم وباين من اسمها -اللى طبعا مش اسمها الحقيقى - ولكن الناس كانوا مسمينها كده لانها كانت صغننه الحجم  تقريبا كان اسمها نوال بس اللى كانت الدنيا كلها بتناديها بيه كان زيئرده كانت متجوزه بس معهاش اولاد وجوزها كان بيشتغل ف بلد تانيه وبييجى يشوفها كل فتره  وعلشان كده كانت عايشه ف شقه ف بيت اهلها بس بتبات لوحدها ف شقتها كان الناس كلها عارفين انهم مرتاحين ماديا  وف ليله صيفيه حاره حين لم يكن يوجد لا تكييف ولا حتى مروحه فى هذا الزمان القديم  و حيث لا يوجد حل سوى ان تنهى ليلتك بدش بارد لتذهب للنوم متأخراً على ١١ونص ١٢ بالليل كده  بعد ساعه ولا ٢ اما المدينه كلها تغرق فى سبات عميق مفيش صاحى  كانت كالعاده بايته لوحدها وحست بحركه معاها ف اوضة ...
قراءة المزيد