#قطر_الندى_ج٤#الليله٦٦٨
#قطر_الندى_ج٤
#الليله٦٦٨
قولنا الليله اللى فاتت ان اثناء الصراعات اللى شغاله ف بغداد دى كان بايكباك وأحد من اللي برزوا على المسرح
قو سألنا ساعتها مين بايكباك دا يا ميخا
دا بالاماره يعنى
الدنيا كانت مقلوبه ف بغداد سياسيًا فى اثناء الصراع اللي داير خصوصا لما الصراع ده انتهى بقتل الخليفة المستعين وتولي المعتز مش بس كده دا كمان كان بايكباك في مقدمة القادة اللي أداروا الصراع ده وابتدوا يقسموا الولايات والنواحي بينهم
فالمُعتز قال بايكباك يمسك حكم مصر و البلاد التابعه لها يلا يا عم شاله ما حد حوش
بس بايكباك لئيم و شكله خاف انه يسيب عاصمة الخلافة الا يتضرب اسافين من المعتاده فى الاوقات دى وشويه و يتعزل ولا يطول بلح بغداد ولا عنب مصر فقال خليك يا واد يا بايكباك قريب من مركز السلطة شارك في القرارات المهمه
طب ويضيع من ايده حكم مصر
وبما انه عين ف الجنه وعين ف النار قرر انه يختار نايب عنه
تختار مين يا واد يا بايكباك🧐
تختار مين يا واد يا بكبك 🤔
الا واختار أحمد بن طولون في
ودا ليه ؟
علشان حسن سيرتة ... جايز
علشان اخلاقة وتدينه ... ممكن
بس الاهم من ده وده ان بايكباك كان متجوز ام احمد بن طولون اتجوزها بعد ما مات طولون واللى يتجوز أُمى اقوله يا عمى
وخرج احمد من واسط بالواسطه 🤣🤣
مقدرتش افوت القلشه
او سموها سجع ايه قلشه دى😕
عرفتوا بقى مين بايكباك؟
المهم كده بقى زقطط يا عم احمد والدنيا زهزهت معاك وبقت زبادى خلاط
وهتاخد حكم مصر بالساهل
ايه ؟
بتقولوا ايه ؟ مش بالساهل وفى عراقيل
عراقيل .. عراقيل ايه كفى الله الشر ؟
هنعرف الليله الجايه؟
ماشى
الليله الجايه اذا احيانا ربنا
بس ع العموم متنسوش لو حابين تقرأوا حاجه تانى من عندى
اكتبوا الهاشتاج #الليله
وجنبه اى رقم اقل من٦٦٨
هتقراوا لما تزهقوا .. دا لو فاضيين اما لو مشغولين زيى فاكيد هتعذرونى و ادعولى
ولو مش بتشوف حواديتى اليوميه بانتظام يبقى ممكن تعمل متابعه وسى فيرست
ولو عجبك اعملوا لايك وكومنت وشجعونى اكمل
#فوتكم_بعافيه_وعفو_ومعافاه
#ابتسام
تعليقات
إرسال تعليق