#هو_صحيح_الجوع_كافر_بس_مش_للدرجه_دى؟؟؟ج١١؟؟؟#خاطر_الله_جوعان_ج١٢#الليله٦٦١

#هو_صحيح_الجوع_كافر_بس_مش_للدرجه_دى؟؟؟ج١١؟؟؟
#خاطر_الله_جوعان_ج١١
#الليله٦٦١
#تنويه كل مره  هقوله القصه حقيقيه والتفاصيل من واقع المحاكمة 
بس الكلام على لسان خجاوة من صياغتى
يعنى لو ممكن تتخيل ان حد عمل اللى عملوه فممكن تفكر ان دى نفسيتها و ممكن تكون دى مبرراتها والافكار اللى دارت ف دماغها لما عملت افعالها الشنيعه دى بدم بارد كده 
اكيد كانت عندها مبررات واكيد كانت مقتنعه بها 
ومقتنعه انها صح ف اللى بتعمله
#تنويه٢ تانى الصوره من النت ليس لها علاقه بمجاعة الموصل ولكن عن الجوع ف العالم بشكل عام
وتكمل خجاوه حكايتها وتقول : 
عاوزين تعرفوا شاركنا الناس ازاى فتحنا مطعم 
شوفتوا العمليه سهله ازاى؟
اه فتحنا مطعم ياكل الناس فيه لحم الاولاد الصغيرين على انه قليه الاكله العراقيه المشهوره 
متخافوش مش هياكلوا ولادهم ...ما اثل اهالى الولاد اصلا ممعاهمش يدفعوا تمن الاكل عندنا 
انما اللى يقدر يدفع الليره هم الناس اللى معاهم فلوس مش اللى بيموتوا هم وعيالهم على جانب الطريق 
واذا كان على فتح مطعم فدا سهل اوى اوى 
هو انت محتاج لايه يعنى ... 
اوضه من البيت فتحنا لها باب ع الشارع وباب تانى على البيت 
كام كرسى وترابيزه رصيناهم على باب المحل 
على كام طبق ومعلقه من عندى وبقى مطعم مفتخر هو الصراحه مش مفتخر اوى يعنى  بس اهه حاجه تمشى الحال وتصرف اللحمه الزياده اللى بتتوفر 
 
و كمان الميزه اللى عندى ان القليه اللى انا بعملها رخيصه بالمقارنه بالمحلات التانيه اصل مبدفعش فيها تمن اللحمه اللى تعتبر اغلى حاجه ف الطبخه
ومع الوقت زاد الزباين بس بردو مش من سكان الحاره الفقرا الشحاتين 
انما عموماً جريت الليرات ف ادينا 
والحاله مشيت والبليه لعبت
والصراحة ابنى عمره ما قصر ف شغله علطول بيمدنا بالعيال الصغيره 
وشكله البرئ كانت بتبعد عننا اى شبهه
كمان الولد كان شاطر بيعمل حسابه كويس ان محدش ياخد باله منه وهو داخل الصيده الجديده 
شاطر يا ولا وواعى زى امك وابوك 
ما انا ميتخافش عليا الدبيحه كان عبود بيشفيها كويس 
وانا اكمل اللى بيها بعد ما نسلق بفضى الراس 
من اى لحم ممكن يعمل ريحه وبعد كده بنحدفه ف البير اللى ف البيت  ونغطى البير 
وعلى راى المثل ما بيقول سرنا ف بير خصوصاً انى وجيرانى زى ما 
قولت لكم محدش منهم بيحب ييجى عندى  وبالتالى متكشفناش 
الشهور عدت واحنا شغالين زى النار والمحل ابتدى يسمع وعمل له زبون والناس ابتدت تعرفه و تيجى تاكل عندنا 
بس ازاى تمشى الدنيا سهله كده دوام الحال من المحال زى ما بيقولوا 
والسبب هو عبود وغباوته 
ازاى ... 
استنوا الليله الجايه اذا احيانا ربنا وساعتها تكمل خجاوه حكايتها لنا
بس ع العموم متنسوش لو حابين تقرأوا حاجه تانى من عندى 
اكتبوا الهاشتاج #الليله 
وجنبه اى رقم اقل من٦٦١
هتقراوا لما تزهقوا .. دا لو فاضيين اما لو مشغولين زيى فاكيد هتعذرونى و ادعولى
ولو مش بتشوف حواديتى اليوميه بانتظام يبقى ممكن تعمل متابعه وسى فيرست 
ولو عجبك اعملوا لايك وكومنت وشجعونى اكمل 

#فوتكم_بعافيه_وعفو_ومعافاه
#ابتسام

تعليقات

إرسال تعليق

المشاركات الشائعة من هذه المدونة

#ليه_طيب_اكسر_وراه_قله؟ج٢#الليله٦٠٨

صورة
#ليه_طيب_اكسر_وراه_قله؟ج٢ #الليله٦٠٨ اما بقى الحدوته التانيه فبتقولك ان زمان وبردو ايام الفراعنه كانت لما الانسان يموت بيكسروا وراه اناء من الفخار  يعنى هنا كانت عاده مرتبطه بالجنائز  وطبعا كلنا عارفين اهمية الموت و الحياه الابديه والكلام دا كله عند المصريين القدماء واظن انى لسه مخلصه سلسلة ايزيس وازوريس اللى بتحكى باستفاضه ف اهمية الدفن والليله دى  طب بردو ليه نكسر وراه حاجه فخار واللى رسيت ع القله لاننا بقينا نستخدم معادن وصينى واوانى تانيه حاليا  انما القله فهى اللى كانت مكمله حتى دخول التلاجه الايديال ال ٨ قدم لكل بيت نرجع لكسر القله الفكره انهم مش بس بيكسروا القله لاء وكمان بياخدوها ويدفنوها جنب قبر المرحوم طيب الله ثراه ... ودا ليه؟ علشان لما ترجع الكا يعنى (الروح) على بيته مره تانيه مره ماتأذيش اهل البيت اللى موجودين فيه دول كانوا بيعملوا الاكل ف البيت وياخدوه عند مكان المقبره وياهم وهناك ياكلوا وبعدين يكسروا الاوانى دى ويسيبوا الفخار الكسر هناك  واللى كانوا بيسموه الشِقف جمع شقفه لدرجة ان المتخصصين فى الآثار وهم بينقبوا لو لقوا ف مكان ما آنيه  فخاري...
قراءة المزيد

#هو_صحيح_الجوع_كافر_بس_مش_للدرجه_دى؟؟؟ج٢#الليله٦٥٠

صورة
#هو_صحيح_الجوع_كافر_بس_مش_للدرجه_دى؟؟؟ج٢ #الليله٦٥٠  زى ما قولنا كان الموسم الزراعي في شمال العراق اواخر عام ١٩١٧ سئ جداً ومطر قليل ومحصول ضعيف و بيقول محمد امين العمري  واللى كان ف الوقت ده ضابط اعاشة في الجيش السادس التركي ويعتبر شاهد عيان ع الفتره دى بيحكى ويقول : انه كتب تقرير للقائد خليل باشا وضح فيه الخطر اللي هيحصل في ولاية الموصل بسبب قلة الحبوب و انهم ضرورى يستعدوا ويجيبوا مؤن من اسطنبول و يلحقوا الدنيا قبل فوات الاوان   لكن خليل باشا كبر دماغه و مهتمش للتحذير ده وقال له  ان ولاية الموصل هي مستودع تموين العراق و هي مش  محتاجة تموين يجي لها من بره يا حبيبى احنا ناخد ومنديش بس زى ما توقع محمد امين العامرى بدأت المجاعه حصل ايه ف المجاعه ؟ هل تداركت الحكومه الغير واعيه سوء الحال ؟ ولا ايه اللى حصل؟ ازاى اتعامل اهل الموصل مع المجاعه؟ اقولكم اولا زى ما توقع ضابط الاعاشه بدأت المجاعة تستفحل وشملت الموصل والمنطقة الواسعة اللى ف الشمال منها لحد بحيرة ((وان)) وبدأت جموع من الجياع تهجر ديارها في الاناضول وتتوجه ناحية الموصل  ما الكل بقى فاكرها مليانه خير...
قراءة المزيد

#زئرده #الليله١٠١

صورة
#زئرده #الليله١٠١ الحدوته المرادى حقيقيه زى حكايه #الشنطه_المعجزه  اللى ده الرابط بتاعها https://www.facebook.com/102264164820545/posts/142331610813800/ بردو جيران ماما زمان ف الحى العريق والشارع الجميل (( ابن الرشيد )) اللى لا اتولدت فيه ولا عشت فيه بس حبيته من حب امى فيه ومن حكاياتها عنه  (( زئرده ))  دى واحده جارتهم وباين من اسمها -اللى طبعا مش اسمها الحقيقى - ولكن الناس كانوا مسمينها كده لانها كانت صغننه الحجم  تقريبا كان اسمها نوال بس اللى كانت الدنيا كلها بتناديها بيه كان زيئرده كانت متجوزه بس معهاش اولاد وجوزها كان بيشتغل ف بلد تانيه وبييجى يشوفها كل فتره  وعلشان كده كانت عايشه ف شقه ف بيت اهلها بس بتبات لوحدها ف شقتها كان الناس كلها عارفين انهم مرتاحين ماديا  وف ليله صيفيه حاره حين لم يكن يوجد لا تكييف ولا حتى مروحه فى هذا الزمان القديم  و حيث لا يوجد حل سوى ان تنهى ليلتك بدش بارد لتذهب للنوم متأخراً على ١١ونص ١٢ بالليل كده  بعد ساعه ولا ٢ اما المدينه كلها تغرق فى سبات عميق مفيش صاحى  كانت كالعاده بايته لوحدها وحست بحركه معاها ف اوضة ...
قراءة المزيد