#الحجر_كعب_بن_مالك_ج٣والاخير#الليله٣٨٤

#الحجر_كعب_بن_مالك_ج٣والاخير

#الليله٣٨٤

خلاص مش بعد ماصدقت على رسول الله هرجع تانى واقول كذب 

وفين ساعتها خوفى من ان ربنا يكشف كذبى 

انا و الاثنين دول 

#مراره_بن_الربيع 

#وهلال_بن_ابي_اميه 

حالنا كوم تانى غير كل اهل المدينه 

خلاص بقي يتولانا ربنا برحمته 

وكان العقاب المقاطعه 

ممنوع حد يكلمني او يرد عليا اوكلمته ممنوع حد يشترى منى او يبيع ليا

او اى حد يتعامل معايا من اساسه

الاتنين التانيين هلال واميه حبسوا نفسهم ف بيوتهم بس انا كنت بخرج 

اه اخرج براحتي؟؟؟!!!! 

اه طبعا براحتي... الرسول صلى الله عليه وسلم ماقالش لي احبس نفسك او منعنى من الخروج 

وانا القعاد ف البيت هيموتنى 

و بعدين هو صلى الله عليه وسلم قالى افضل ف بيتك ... لاء

وبالتالى انا حر اروح مطرح ما يعجبنى 

اه هو محبسنيش ... هو بس حبس المجتمع كله عني

محدش يكلمني 

ولا يرد عليا لو كلمته 

ولا حد يعاملنى 

ولا يرد عليا ف معامله 

فضلت علي كده ٤٠ يوم 

لحد ما جالي رساله

الرساله من ملك الغساسنه 

وبيقولوا عرفنا ان صاحبك خاصمك قصده على رسول الله صلى الله عليه وسلم اه هو حبيبى وصاحبى وافديه بحياتى 

ملك الغساسنه بيقولى 

سيبك منه وتعالي عيش عندنا 

يا ترى هو دا الحل؟؟؟؟ 

اهرب من الحصار واروح لناس بيرحبوا بيا

ولا اعيش وسط ناس مش بيتعاملوا معايا 

وهو كدا انا بحلها ولا بعقدها زياده 

لاء يا كعب دا امتحان تاني من الله

وحرقت الرساله حرقت الفرصه اللى النجاه في ظاهرها والدعوه للعوده للكفر في حقيقتها

دلوقتي عدي ٥٠ يوم 

وجالي امر من رسول الله عليه الصلاه والسلام 

ها فُرجت كده ...

لاء ... مش رفع العقاب 

ولكن مضاعفته 

الامر جه بتحريم زوجتي عليا 

سألت يعني اطلقها يا رسول الله

قالي لأ بس لا تمسها 

سمعت ان زوجه هلال ذهبت لرسول الله وقالتله انه شيخ وميستطعش يقضي شؤنه فاستسمحته انها تفضل معاه تخدمه

وزوجتي قالتلي روح استأذن رسول الله صلي الله عليه وسلم 

قولتلها لاء انا شاب وقادر على خدمه نفسي ارجعي لاهلك

اسكت على كده ... لاء طبعا 

روحت للرسول ف المسجد وحطيت عيني ف عينه لقيته دور وجهه الكريم 

ولما دورت وجهي لقيته بيبصلي

اسكت بردو لاء

بيني وبين ابن عمي سور 

وقفت عند السور وسألته 

مش انت عارف ان الله ورسوله احب اللي من الدنيا وما فيها

مكلمنيش وقال الله ورسوله اعلم 

يااااه انا عايش ف نار 

هو كده انا برحتي ولا انا ف حظر وحصار وعقوبه

((وَعَلَى الثَّلَاثَةِ الَّذِينَ خُلِّفُوا حَتَّىٰ إِذَا ضَاقَتْ عَلَيْهِمُ الْأَرْضُ بِمَا رَحُبَتْ وَضَاقَتْ عَلَيْهِمْ أَنفُسُهُمْ وَظَنُّوا أَن لَّا مَلْجَأَ مِنَ اللَّهِ إِلَّا إِلَيْهِ ثُمَّ تَابَ عَلَيْهِمْ لِيَتُوبُوا ۚ إِنَّ اللَّهَ هُوَ التَّوَّابُ الرَّحِيمُ)) (118)التوبه

ياااااه .... خلاص 

انا تعبت اوى 

تعبت اوى يا رب

فعلا الدنيا ضيقه اوي 

لو مشكلتي مع انسان او اي مخلوق هالجأ لله يحلها 

لكن هالجأ لمين وانا حلي عند ربنا وهو اللي زعلان مني ومعاقبني

لحد ما جت البشاره

واحد لقيته جاي بيجري وبيقولي ابشر

النهاره احسن يوم ف عمرك 

ربنا عفا عنك وكمان انزل فيك قرآن 

من فرحتي اديته توبي اللي لابسه 

واستعرت توب اجري بيه علي مسجد رسول الله 

بين ادين رسول الله اعلنت له اني متصدق بكل مالي واني لا ينالني منه شئ

الرسول قالى طب خلى شويه تصرف منهم قلت له لاء يا رسول الله ...كله لله 

#انتهت_القصه 

الايه دي لو قراتها ١٠٠ مره ورا بعض هعيط ف كله مره 

(حَتَّىٰ إِذَا ضَاقَتْ عَلَيْهِمُ الْأَرْضُ بِمَا رَحُبَتْ وَضَاقَتْ عَلَيْهِمْ أَنفُسُهُمْ وَظَنُّوا أَن لَّا مَلْجَأَ مِنَ اللَّهِ إِلَّا إِلَيْهِ) 

بفتكر الضيقه اللي حلها ف ايد ربنا

 بعيط دلوقتى وانا بكتب☺

لا ملجأ من الله الا اليه

لا ملجأ من الله الا اليه

لا ملجأ من الله الا اليه

كلنا بين ايدين ربنا فرحنا وزعلنا بكانا و همومنا وامالنا 

كلها لا ملجا من الله الا اليه 

بس ضيقه الارض بما رحبت 

ياااااااااااااه 

#مسمعش_حد_بيشتكي_من_الحظر_الا_احكي_له_الحكايه_تاني

#ايه_ابكتني

#يارب_اكون_فهمتها_صح

#ابكيتني_يابن_مالك

#ابتسام

لاننا ف رمضان حبيت اخلى فى حاجه مختلف وبما انى بقالى قرب السنتين بكتب قصص كل ليله قصة جديده... 

فقررت ان القصص تكون كلها قصص دينيه وهبتدى بقصة سيدنا سليمان واتمنى انها تعجبكم

بقالى اكتر من سنه بكتب قصص كل ليله قصة جديده... تقرأها وتعمل كده🤔 وحاجات تعرفها فتعمل😳 وساعات ☺او😱او😞او😭 بس اؤكد لك انك عمرك ما هتعمل🥱او💤😞 او😤وغالبا هتكون كده😂😂😂 وبما ان الحكايات مرت عليها سنه بس احسب انها مرت مرور الكرام وهتكون جديده عليكم ..اتمنى تقرأوها واتمنى اسمع رأيكوا فى القصه ... ودى كانت قصة الليله ٤٨٤

#ابتسام