#قطر_الندى_بنت_خمارويه_ج٢٠#الليله٦٨٤

#قطر_الندى_بنت_خمارويه_ج٢٠
#الليله٦٨٤
قولنا الليله اللى فاتت ان خمارويه قال لقائد جنده روح حارب وانتصر وبعدين نشور ابو عساكر ابنى ونشوف موضوعك انت وقطر الندى 
ودا كان فرأى ابو عبدالله تسويف وزحلقه 
فيعمل ايه ؟ 
أبو عبد الله زعل من اسلوب الزحلقه ده وهو انا يعنى مش قد المقام؟
علشان كده لما راح يحارب الخليفه كان سهل على الخليفة المعتضد انه يستميله له خصوصا أنه اقنعه أن خمارويه مستخسر فيه بنته 
فيقلب ابو عبد الله على خمارويه ويغدر و يضم جيشه لجيش المعتضد
وبكده يجتمع غل الخليفه الحاسد مع غل المحب المغدور فانضم له هو والجيش اللى واخده معاه من مصر 
ساعتها لما وصلت الاخبار لخمارويه قاله هارابوك اسوخ بصوت حزلقوم 
وقام جايب جيش اجعص من الجيش اللي كان مع ابو عبد الله
فى النهايه هو مكانش عاوز يحارب الخليفه لما بعت ابو عبد الله بس دلوقتى الموضوع دخل ف الجد فكان لازم يجيب باقى الجند اللى معاه ويخرج بنفسه و يحاربهم و اسرع اغلب جيش الخليفه و شرزم باقى الجيش العباسى هو والراجل العرّه الخاين ابو عبد الله ده 
ونفذ كلامه اللى كان قايله لابنه من الاول و رجع الخليفه معزز مكرم لبغداد 
وقاله: 
اذا كان ع الخراج هنزوده
واذا كان على الخلافات اللى كل شويه تحصل بينا ما تيجى نحلها ومتزعلش منى يا معضوضتى 
وانا بردو كل شويه تهدد وتعمل نوش 
فالخليفه قاله خلاص يا خمارويه وانا اديتك انت وولادك من بعدك حكم مصر ٣٠ سنه حته واحده ولا هنحاربك ولا نناغشك بس نزود الخراج شويتين نخليه ٣٠٠ الف دينار سنويا تدفعوهم من بعد مصاريف الجند
وكمل خمارويه وقاله وعربون الصداقه وعلشان نتوج الاتفاق نخلى بينا نسب ونجوز محمد ابنك لقطر الندى بنتى 
ولكن الخليفه زى ما قولنا لئيم وقال انا اخد المزه الصغيره ليا انا 
وانتفع بالخير اللى هييجى من وراها وكمان مسمحش لها انها تسيطر على عقل ابنى ولى العهد بنوته وحلوه وصغيره وتمشيه تحت شورتها
ف انا اولى بالجوازه دى 
وخد يا عم مهر العروسه الف الف درهم يعنى مليون درهم فضه يعنى ١٠ الالاف دينار دهب ودا طبعا رقم ضخم وكبير جدًا ف الزمن ده 
بس خمارويه عنده كذا مشكله 
اولا : ان العريس اكبر منه هو شخصيا يعنى اذا كانت قطر الندى عندها ١٤ سنه ف ابوها لسه مكملش ال٣٠ والخليفه خمسيناتى يعنى بمقاييس الزمن ده والزواج المبكر اللى كان بيحصل ممكن يكون من سن جدها احمد بن طولون 
ثانيا البت كانت متعلقه بقائد الجيوش ومستنيه يحارب ويرجع يتجوزها  
طب ودا ينفع بنت عايشه على انها اللى تطلبه تنوله يبقى ف الاخر تتحرم من اللى بتحبه وتتجوز واحد من سن جدها 
علشان كده خمارويه لازم يعمل المستحيل علشان يراضى دلوعة بابا ؟
لو حابين تقرأوا حاجه تانى من عندى 
اكتبوا الهاشتاج #الليله 
وجنبه اى رقم اقل من٦٨٤
هتقراوا لما تزهقوا .. دا لو فاضيين اما لو مشغولين زيى فاكيد هتعذرونى و ادعولى
ولو مش بتشوف حواديتى اليوميه بانتظام يبقى ممكن تعمل متابعه وسى فيرست 
ولو عجبك اعملوا لايك وكومنت وشجعونى اكمل 

#فوتكم_بعافيه_وعفو_ومعافاه
#ابتسام

تعليقات

إرسال تعليق

المشاركات الشائعة من هذه المدونة

#ليه_طيب_اكسر_وراه_قله؟ج٢#الليله٦٠٨

صورة
#ليه_طيب_اكسر_وراه_قله؟ج٢ #الليله٦٠٨ اما بقى الحدوته التانيه فبتقولك ان زمان وبردو ايام الفراعنه كانت لما الانسان يموت بيكسروا وراه اناء من الفخار  يعنى هنا كانت عاده مرتبطه بالجنائز  وطبعا كلنا عارفين اهمية الموت و الحياه الابديه والكلام دا كله عند المصريين القدماء واظن انى لسه مخلصه سلسلة ايزيس وازوريس اللى بتحكى باستفاضه ف اهمية الدفن والليله دى  طب بردو ليه نكسر وراه حاجه فخار واللى رسيت ع القله لاننا بقينا نستخدم معادن وصينى واوانى تانيه حاليا  انما القله فهى اللى كانت مكمله حتى دخول التلاجه الايديال ال ٨ قدم لكل بيت نرجع لكسر القله الفكره انهم مش بس بيكسروا القله لاء وكمان بياخدوها ويدفنوها جنب قبر المرحوم طيب الله ثراه ... ودا ليه؟ علشان لما ترجع الكا يعنى (الروح) على بيته مره تانيه مره ماتأذيش اهل البيت اللى موجودين فيه دول كانوا بيعملوا الاكل ف البيت وياخدوه عند مكان المقبره وياهم وهناك ياكلوا وبعدين يكسروا الاوانى دى ويسيبوا الفخار الكسر هناك  واللى كانوا بيسموه الشِقف جمع شقفه لدرجة ان المتخصصين فى الآثار وهم بينقبوا لو لقوا ف مكان ما آنيه  فخاري...
قراءة المزيد

#هو_صحيح_الجوع_كافر_بس_مش_للدرجه_دى؟؟؟ج٢#الليله٦٥٠

صورة
#هو_صحيح_الجوع_كافر_بس_مش_للدرجه_دى؟؟؟ج٢ #الليله٦٥٠  زى ما قولنا كان الموسم الزراعي في شمال العراق اواخر عام ١٩١٧ سئ جداً ومطر قليل ومحصول ضعيف و بيقول محمد امين العمري  واللى كان ف الوقت ده ضابط اعاشة في الجيش السادس التركي ويعتبر شاهد عيان ع الفتره دى بيحكى ويقول : انه كتب تقرير للقائد خليل باشا وضح فيه الخطر اللي هيحصل في ولاية الموصل بسبب قلة الحبوب و انهم ضرورى يستعدوا ويجيبوا مؤن من اسطنبول و يلحقوا الدنيا قبل فوات الاوان   لكن خليل باشا كبر دماغه و مهتمش للتحذير ده وقال له  ان ولاية الموصل هي مستودع تموين العراق و هي مش  محتاجة تموين يجي لها من بره يا حبيبى احنا ناخد ومنديش بس زى ما توقع محمد امين العامرى بدأت المجاعه حصل ايه ف المجاعه ؟ هل تداركت الحكومه الغير واعيه سوء الحال ؟ ولا ايه اللى حصل؟ ازاى اتعامل اهل الموصل مع المجاعه؟ اقولكم اولا زى ما توقع ضابط الاعاشه بدأت المجاعة تستفحل وشملت الموصل والمنطقة الواسعة اللى ف الشمال منها لحد بحيرة ((وان)) وبدأت جموع من الجياع تهجر ديارها في الاناضول وتتوجه ناحية الموصل  ما الكل بقى فاكرها مليانه خير...
قراءة المزيد

#زئرده #الليله١٠١

صورة
#زئرده #الليله١٠١ الحدوته المرادى حقيقيه زى حكايه #الشنطه_المعجزه  اللى ده الرابط بتاعها https://www.facebook.com/102264164820545/posts/142331610813800/ بردو جيران ماما زمان ف الحى العريق والشارع الجميل (( ابن الرشيد )) اللى لا اتولدت فيه ولا عشت فيه بس حبيته من حب امى فيه ومن حكاياتها عنه  (( زئرده ))  دى واحده جارتهم وباين من اسمها -اللى طبعا مش اسمها الحقيقى - ولكن الناس كانوا مسمينها كده لانها كانت صغننه الحجم  تقريبا كان اسمها نوال بس اللى كانت الدنيا كلها بتناديها بيه كان زيئرده كانت متجوزه بس معهاش اولاد وجوزها كان بيشتغل ف بلد تانيه وبييجى يشوفها كل فتره  وعلشان كده كانت عايشه ف شقه ف بيت اهلها بس بتبات لوحدها ف شقتها كان الناس كلها عارفين انهم مرتاحين ماديا  وف ليله صيفيه حاره حين لم يكن يوجد لا تكييف ولا حتى مروحه فى هذا الزمان القديم  و حيث لا يوجد حل سوى ان تنهى ليلتك بدش بارد لتذهب للنوم متأخراً على ١١ونص ١٢ بالليل كده  بعد ساعه ولا ٢ اما المدينه كلها تغرق فى سبات عميق مفيش صاحى  كانت كالعاده بايته لوحدها وحست بحركه معاها ف اوضة ...
قراءة المزيد