#العصفور_الامور#الليله٦

مش تميت السنتين (ال٢سنه مش الستين سنه انا لسه صغيره ولو يقيدوا عليا استوى عادى ) بحكى حواديت يوميه وبالتالى هنزل كل يوم حكايتين قدام واحده من السنه اللى فاتت 

وواحده من اللى قبلها 

و كمان حكايه جديده يعنى (٣×١) حدوتين قدام وواحده جديده مش شامبو وبلسم الا صحيح ايه الحاجه التالته اللى كانوا بيقولوا عليها🤔؟ 

بتقولوا مفيش 

تبًا للدعايه والاعلان 

عموما بما انى كنت بنشر على صفحتى التانيه فانا اكتشفت الاكتشاف ده بالصدفه وبالصدفه ممكن تتابعوا الصفحه التانيه لانى هانشر عليها صور مجنونه حبتين

#العصفور_الامور

#الليله٦

كان ياما كان عصفور صغير فوق غصن شجره... والريح قويه والمطر شديد

والعصفور بيترعش من المطر الشديد ، والريح العاصف اللي عمال يمرجح الغصن اللي عليه العش خايف احسن يقع .. بس مفيش ف ايده - قصدى جناحه - حاجه يعملها 

وفعلا بعد وقت قصير الغصن اتكسر والعصفور وقع الارض الموحله و الطينه غطته وطبعا دا ميسمحلوش انه يفرد جناحه و يطير لان جناحه اتبل واتطين واكيد بقي بردان اكتر وبيموت 

الوضع سئ جدا.. طبعا مفيش اسوأ من كده .. 

لاء في !!! 

ايه تانى ؟؟  

زاد السوء لما تغوطت 💩 عليه بقره .. يعني حاجه فمنتهي الشت 

بس الغريب ان ال💩 كان سخن والعصفور بدأ يحس بالدفا 

دا من كتر ما حس بالفرحه بدأ يغرد ويغني متناسيا الوضع الشت اللي هو فيه 

وكمان الدنيا ابتدت تزهزه اكتر لما سمعته قطه وجت عنده وابتدت تنضفه 

بس استني هي القطه بتنضفه ليه؟؟!! 

للاسف، غرض القطه كان غير نيبل .. لانها بعد ما نضفته اكلته 

وتوته توته خلصت الحدوتة 

اه العصفور مات 😥

عادي ما كلنا هنموت .. بس لحد ما ييجي يومنا نتعلم ايه؟؟ 

نتعلم

-- ان مش كل اللي بيشت عليك يكون بيضرك دا ممكن يكون بيخدمك 

-- ولا كل اللي بيتقرب منك يكون قصده مصلحتك 

  لاء دا ممكن ياكلك 

-- نتعلم كمان انك مش لازم تعلن كل حاجه حلوه بتحصل عندك لكل اللي حواليك .. لان مش كلهم يتمنولك الخير 

#الحب_في_زمن_الكورونا

#معلش_افتكرتها_قولت_احكيها

#حكيمه_بس_مبديش_حقن

#اوصيكم_ونفسي_قبلكم

#ابتسام_الصاوي

#what_a_shet