#زرقاء_اليمامة#الليله٨
#زرقاء_اليمامة
#الليله٨
مش تميت السنتين (ال٢سنه مش الستين سنه انا لسه صغيره ولو يقيدوا عليا استوى عادى ) بحكى حواديت يوميه وبالتالى هنزل كل يوم حكايتين قدام واحده من السنه اللى فاتت
وواحده من اللى قبلها
و كمان حكايه جديده يعنى (٣×١) حدوتين قدام وواحده جديده مش شامبو وبلسم الا صحيح ايه الحاجه التالته اللى كانوا بيقولوا عليها🤔؟
بتقولوا مفيش
تبًا للدعايه والاعلان
عموما بما انى كنت بنشر على صفحتى التانيه فانا اكتشفت الاكتشاف ده بالصدفه وبالصدفه ممكن تتابعوا الصفحه التانيه لانى هانشر عليها صور مجنونه حبتين
#زرقاء_اليمامة
#الليله٨
ازيكم...
اسمي حذام اليمامه
اسمعوا حكايتي
شايفين الفيروس مبهدل الدنيا ازاي مع انكم مش شايفينه
في ناس مش مصدقين ان في فيروس اصلا علشان مش شايفينه
اصل في ناس كتير مبتعترفش الا باللي هي شايفاه بعنيها
تعالوا اسمعوا حكايتي
انا نجديه من جديس في اليمن
اسمي حذام اليمامه و بلدي اسمها جَوّ لان الجو كان فيها عليل وجميل
وربنا سبحانه وتعالى اعطاني ميزه تميزت بها علي سائر اهل بلدي
عنيا الزرقا 👁️ 👁️
.... ميزة عنيا مكانش من اللون الازرق ولا من ندرة اللون ده ف بلدنا
لكن علشان بلدنا كان في حواليها حروب ومشاكل
وكان من عادة العرب قديما انهم يغزوا بعض
انا بقي كنت بشوف العدو وهو بيقرب من علي مسافه ٣ ايام سير
يعني بشوف جيشهم قبل ما يوصل عندنا بثلاثه ايام بيقولوا حوالي ١٠٠ ميل
علشان كده دايما عنصر المفاجأه اللي هي اهم حاجه ف الحرب كانت دايماً من حظنا احنا
كان العدو يبقي جاي يهجم علينا وغرضه يفاجأنا يلاقينا مستنيينه ونهزمهم
كنت ثروه لبلدي
لحد ما جة يوم طلعت كالعاده فوق التل علشان استطلع المكان حوالين جَوّ
لقيت شجيرات من بعيد مكانتش موجوده قبل كده
حاجه غريبه هو في شجر بيطلع بين يوم وليله
بس في اغرب من كده
الشجر ده بيتحرك... لاء مش بيهزه الهوا
دا بيمشي
دا بيقرب
حاجه تجنن.. بس دا اللي انا شايفاه
طب اقول للناس
قولتلهم ومصدقونيش
مش عارفه اعمل ايه؟؟؟
اهل البلد بيسخروا مني حتي جوزي واهلي
انا مبكذبش ولا بتخيل
هو انتوا مش مجربيني بدل المره عشره
طب ابعتوا حد يتأكد حتي
بس لاء اكتفوا بالرفض لكلامي والاستهزاء بيا بيقولوا خرفت او نظري باظ
بس استنوا ......
انا كنت صح كان في شجر بيمشي
بس مش بيمشي لوحده دا في جنود مستخبيين وراه
هاجمونا وكانت اول مره منبقاش متوقعين
كان كل همهم يلاقوني انا
لاء مش علشان يكرموني
دول بيكرهوني عمي
عميّ... هو دا كان حلهم
خلعوا عنيا وعموني
هههه بيقولوا انهم لقوا تحت عنيا محشيه بكحل الاثمد
اللي كنت بكتحل به وان دا سبب اني كنت حادة البصر
غلط طبعا
حدة بصري مكانتش بسبب نوع الكحل او كميته
حدة بصري كان سببها نعمه من ربنا منحه يعطيها لمن يشاء من عباده
قوة بصر
او ضعف بصيره عند اهل بلدي اللي مصدقونيش او حاولوا ياخدوا حدرهم
لمجرد ان العدو مش شايفينه ومش مصدقين ان الشجر ممكن يمشي
زعلانين من اهل بلدي علشان مصدقوش اللي مش شايفينه
زي بالظبط الناس اللي عندكم اللي مش مصدقين ان الفيروس بيموت وبيعذب قبل ما يموت زي ما عمل معايا عدو بلدي حسان الحميّري خلع عنيا من مكانهم وعذبني،
عدوكم قدامكم ومش مصدقين قوته علشان مش شايفينه ... زي مكان عدونا قدامنا .... ومش مصدفين قوته علشان كان شجر بيتحرك
اختاروا لنفسكم نهايه غير انكم تكونوا السبب ف موتكم و موت اللي بتحبوهم
زي ما اهلي بعنادهم كانوا السبب ف موتهم وموت اللي بيحبوهم
انا مت بعد كام يوم من قلع عيني
بس كتر خيرهم كرموني وسموا البلد اليمامه علي إسمي
#أبصر_من_زرقاء
#حكايه_ورا_كل_مثل
#انا_وانت_وساعات_الحظر
#ابتسام
تعليقات
إرسال تعليق