#مات_ابوقراط_وماالفت_له_دوا#الليله١٠#حواديت_امى

#مات_ابوقراط_وماالفت_له_دوا

#الليله١٠

#حواديت_امى

مش تميت السنتين (ال٢سنه مش الستين سنه انا لسه صغيره ولو يقيدوا عليا استوى عادى ) بحكى حواديت يوميه وبالتالى هنزل كل يوم حكايتين قدام واحده من السنه اللى فاتت 

وواحده من اللى قبلها 

و كمان حكايه جديده يعنى (٣×١) حدوتين قدام وواحده جديده مش شامبو وبلسم الا صحيح ايه الحاجه التالته اللى كانوا بيقولوا عليها🤔؟ 

بتقولوا مفيش 

تبًا للدعايه والاعلان 

عموما بما انى كنت بنشر على صفحتى التانيه فانا اكتشفت الاكتشاف ده بالصدفه وبالصدفه ممكن تتابعوا الصفحه التانيه لانى هانشر عليها صور مجنونه حبتين

#مات_ابوقراط_وماالفت_له_دوا

#الليله١٠

#حواديت_امى

بقالي كتير محكيتش حواديت 

مع ان مفيش اروق من دا وقت للحواديت

حدوته النهارده سمعتها من ماما كعادة امي وحواديتها 

بس الحكايه كمان كانت لها اثر ف العيله 

هاقول الحكايه بتاعة بيتنا مع انها اسرار عائليه لكن

 انا بس اللي فاضله من اصحاب القصة وبذلك اكون 

صاحبة الحق الوحيده والويث الوحيد 

الحكايه ان مره اخويا كان عيان وسخن وبيرجع جامد 

وماما مستنيه بالليل لما دكتور عاطف يفتح زمان لا كان في تبارك ولا مستوصفات ف كل جامع زي دلوقتي 

نستني ساعتين تلاته لما الدكتور يفتح ٧ بالليل

وبابا اللي عليه شربي الواد مية لفت 

وماما لاء والموضوع كان هيدخل ف خناقه لا يحمد

عقباها الاتنين قلقانين وخايفين ع الولد

وكل واحد متمسك برأيه

يشرب مية لفت. ..

 لاء ميشربش مية لفت 

والحمد لله جت ٧ ورحنا للدكتور وطلع عنده تيفود

وربنا ستر و فؤاد اتعالج و خف

واطمنا عليه 

وجه وقت حكايه مية اللفت

كان ياما كان في طبيب زمان بارع اوي ف الطب ودا 

كان مكتر حساده واعدائه 

الطبيب كان ابقراط.. اه هو ده بتاع قسم الاطباء اللي 

بيقولوه حتي الان 

ابقراط في يوم تعب وجاله سخونيه وترجيع جامد

(نفس الاعراض اللي كانت عند فؤاد) 

وساعتها حس ان ده مش طبيعي وانه مش عيان ولكن مسموم 

وعارف كويس ان زميله اللي بيكرهه وبيتمناله مصيبه

 كان شارب من ايده حاجه قبل الاعراض دي ما تظهر

عرف كده ابقراط ان زميله سمه 

وساعتها قال لامه 

اسمعي اللي هاقولك عليه ونفذيه روحي عند جاري

 الطبيب ده صوتي وصرخي وقولي مات ابوقراط 

واسمعي اللي يقوله واحفظيه كويس وتعالي بسرعه

 قوليهولي

ونفذت الام 

ولما راحت لجاره وقالتله مات ابو قراط وهي بتصرخ وتعيط 

رد وقال : مات ابو قراط وما ألفت له دوا 

المعني الاول للعباره انه فشل يلاقي علاج لابوقراط

يلحقه به قبل ما يموت 

بس ابوقراط قال لامه اديني مية لفت بسرعه 

لانه فسر العباره كده 

مات ابو قراط. ... وماء اللفت له دواء

وفعلا لما بوقراط شرب مية اللفت رجع السم وخف خف 

التفسير العلمي للموضوع ان الملح الزايد ب ميه اللفت هتخلي الانسان يرجع وبالتالي ينزل السم من بطنه 

ودا اللي بابا كان يقصده كان شاكك ان فؤاد مسموم

 مش عارفه ليه شك ف كده

وكان عارف ان الملح اللي ف مية اللفت ممكن يخلي

 فؤاد يرجع وينزل السم 

ودي كانت حقيقي ممكن تنقذ حياته لو كان مسموم

الله يرحمهم جميعا ويرحم ايامهم 

ونرجع تاني للحدوته اللطيفه 

ونقول اضافة صغننه 

ان ابقراط كان يوناني ومكانش بيعرف يتكلم عربي ولا له دعوه بماء اللفت ولا له في التوريه ولا الجناس الناقص والتام

#ابقراط_في_زمن_الكورونا

#ابقراط_او_داود_الانطاكي_هيعالجونا_من_الكورونا

#حكيمه_بس_مبديش_حقن_ولابعالج_كورونا

#ابتسام_منيرالصاوي