#العصفورتين#الليله١٧
#العصفورتين
#الليله١٧
مش تميت السنتين (ال٢سنه مش الستين سنه انا لسه صغيره ولو يقيدوا عليا استوى عادى ) بحكى حواديت يوميه وبالتالى هنزل كل يوم حكايتين قدام واحده من السنه اللى فاتت
وواحده من اللى قبلها
و كمان حكايه جديده يعنى (٣×١) حدوتين قدام وواحده جديده مش شامبو وبلسم الا صحيح ايه الحاجه التالته اللى كانوا بيقولوا عليها🤔؟
بتقولوا مفيش
تبًا للدعايه والاعلان
عموما بما انى كنت بنشر على صفحتى التانيه فانا اكتشفت الاكتشاف ده بالصدفه وبالصدفه ممكن تتابعوا الصفحه التانيه لانى هانشر عليها صور مجنونه حبتين
#العصفورتين
#الليله١٧
كان ياما كان في عصفورتين بنوا عشهم اللي هيعيشوا فيه
و بدأوا يجمعوا الفول ويخزنوه ف العش بتاعهم
الكلام ده كان في الربيع علشان لما ييجي الشتا يلاقوا اكل مخزنينه
كان الفول كتير فضلوا يجمعوا لحد ما اتملي العش
واطمنوا علي مستقبلهم ف الشتا
وباضت العصفوره بيضتين جُمال .... وفضلت راقده عليهم ف العش
كان العصفور هو اللي يخرج من العش يبجيب الاكل وهي ف مكانها علشان يفضل البيض دافي ويفقس
ومبيقربوش من الفول اللي مخزنينه علشان ميخلصش
وجه الصيف ...
والعصفور لاحظ حاجه غريبه
العصفور لاحظ ان الفول اللي ف العش نقص جامد
دا بقي حوالي نص اللي ف العش
العصفور اتعصب واتهم العصفوره بالخيانه
وانها بتستني لما يخرج من العش وتاكل الفول... مع
انهم متفقين ميقربوش له ويحافظوا عليه علشان
الشتا
وان هو مش مقصر وبيروح كل يوم يجبب اكل له وليها علشان يفضلوا بعيد عن اللي مخزنينه
والعصفوره بكت وقالتله انها مكلتش منه وانها بتستناه ومبتاكلش الا معاه لما ييجي
بس هو بردو... مصدقهاش
واتخانق معاها واتعصب وفضل ينقرها من دماغها بغضب
وفجأه العصفوره سكتت وبطلت زقزقه
وخد باله العصفور انها مبتتحركش
وعرف ساعتها انها ماتت ...
زعل العصفور... وندم حيث لا ينفع الندم... حس انه
كان مكبر الموضوع وانه خسر شريكه حياته
وكمل حياته لوحده يجري يجيب اكل لنفسه ويرجع
بسرعه يرقد ع البيض علشان ميبردش ويخسره هو
كمان
وجه الشتا....
وكتر المطر .... وبقي ينزل علي العش ويغرقه
ولاحظ العصفور حاجه .... لاحظ ان الفول اللي
مخزنينه رجع تاني يملا العش بعد ماكان بقي نصه ف الصيف
وفهم العصفور ....
فهم ان الفول كان بيكش مش بيتاكل
وفهم انه ظلم العصفوره مرتين مره لما عصبيته خلته ضربها لما موتها
ومره لما اتهمها بالخيانه وانها كانت بتاكل الفول وهي مظلومه
العصفور عرف غلطه وندم... بس زي ما قولنا حيث لا
ينفع الندم
وتوته توته خلصت الحدوته
#من_حواديت_بابا_الله_يرحمه
#وانا_مالي_يالمبي_دا_كش_من_الشتا
#سوء_الظن
#انا_وانت_وساعات_الحظر
#ابتسام
تعليقات
إرسال تعليق