#سيدنا_موسى_بعد_العبور_الموسم_التانى_ج٢٦_بقرة_بني_اسرائيل١#الليله٧١٨

#سيدنا_موسى_بعد_العبور_الموسم_التانى_ج٢٦_بقرة_بني_اسرائيل١
#الليله٧١٨
 قصه النهارده قصة بقرة بني اسرائيل 🐂
بقرة الليله اتكرّمت من ربنا لما ربنا سمى على اسمها اطول سورة فى القرآن  
تعالوا نبعد شويه قبل قصة سيدنا موسى مع البقره
قبل الايات اللي اتكلمت عنهم
وعن قومه وجدالهم الممل
عن البقره ووصفها ولونها والتماحيك اللي عملوها 
بنو اسرائيل 
كان ياما كان واحد في بني اسرائيل تقي ويخشي الله 
رجل صالح 
صالح بجد 👳مش رياء زي اغلب اهل بلده اسمه آزر ودا غير آزر ابو سيدنا ابراهيم
الراجل كان معندوش الا ولد صغير اسمه اليا 👱
ابنه ووحيده ... لا له اخ ولا اخت 
و مالوش عزوه الا امه رحيل بس ونعم العزوه و فمجتمع ما يؤمنش الا بالقوه
((سواء قوة الجسم 
زى مثلاً طالوت وشمشون
علشان كده لما ربنا بعد طالوت قالهم نبيهم ان ربنا زاده بسطه ف العلم والجسم 
ومع ان العلم اهم واجمل ما يميز الانسان والجسم حاجه بتميز الشخص ف نظرهم زى شمشون مثلا بردو يعنى ))
هنزل روابطهم تحت 👇
نرجع للراجل الصالح واللى كان معنوش ممتلكات الا حتة بقرة يتيمه 
هو صحيح كان مش غنى بالمال ولكن غنى بقربه من ربنا 
وعلشان كده لما الراجل حس ان اجله قرب 
و لانه هو عارف اهل بلده كويس لا هيرعوا الولد ولا يحفظوا له حقه 
الرجل دعا ربه قال يارب احفظ بقرتي، ميمسكهاش من بعدى ولا ينتفع بيها الا ابني
ومات الراجل 🛏️
وجم جيران الهنا مش يعزوا الولد ... ولا ياخدوا بخاطره 
ولا ياخدوه هو يراعوه و يربوه وسط عيالها 
لاء ... هم جم ياخدوا اه ... جم ياخدوا البقره 
بس دا ربنا حارسها.. وساعتها البقره فلتت منهم 
وسابتهم وهربت ع الاراضي الخضرا 
وهم يعني هيسيبوها... بقوا يتجمعوا بحبالهم و 
رجالتهم يروحوا يمسكوا البقره.. بس مين!! 
طب وهم يعنى هيسكتوا دول المره دى إتجمعوا ييجى ١٠ رجاله بخدمهم وعبيدهم علشان يمسكوها 
تفتكروا هيقدروا ....
المره دى العدد كبير وهم واخدينها تحدى اكيد مش تحدى مع ربنا هم ميعرفوش دعوة الراجل اكيد ولا يعرفوا ان ربنا حارسها 
لكن زى ما قلت ... المره دى العدد اكبر من كل مره الاصرار ماليهم انهم يروحوا وهم معاهم البقره
بس تفتكروا هينجحوا ؟
دا اللى هنعرفه الليله الجايه اذا احيانا ربنا 
بس ع العموم متنسوش لو حابين تقرأوا حاجه تانى من عندى 
اكتبوا الهاشتاج #الليله 
وجنبه اى رقم اقل من٧١٦
هتقراوا لما تزهقوا .. دا لو فاضيين اما لو مشغولين زيى فاكيد هتعذرونى و ادعولى
ولو مش بتشوف حواديتى اليوميه بانتظام يبقى ممكن تعمل متابعه وسى فيرست 
ولو عجبك اعملوا لايك وكومنت وشجعونى اكمل 
#قارون_يارب_اكون_فهمتها_صح
#فوتكم_بعافيه_وعفو_ومعافاه
#ابتسام

تعليقات

إرسال تعليق

المشاركات الشائعة من هذه المدونة

#ليه_طيب_اكسر_وراه_قله؟ج٢#الليله٦٠٨

صورة
#ليه_طيب_اكسر_وراه_قله؟ج٢ #الليله٦٠٨ اما بقى الحدوته التانيه فبتقولك ان زمان وبردو ايام الفراعنه كانت لما الانسان يموت بيكسروا وراه اناء من الفخار  يعنى هنا كانت عاده مرتبطه بالجنائز  وطبعا كلنا عارفين اهمية الموت و الحياه الابديه والكلام دا كله عند المصريين القدماء واظن انى لسه مخلصه سلسلة ايزيس وازوريس اللى بتحكى باستفاضه ف اهمية الدفن والليله دى  طب بردو ليه نكسر وراه حاجه فخار واللى رسيت ع القله لاننا بقينا نستخدم معادن وصينى واوانى تانيه حاليا  انما القله فهى اللى كانت مكمله حتى دخول التلاجه الايديال ال ٨ قدم لكل بيت نرجع لكسر القله الفكره انهم مش بس بيكسروا القله لاء وكمان بياخدوها ويدفنوها جنب قبر المرحوم طيب الله ثراه ... ودا ليه؟ علشان لما ترجع الكا يعنى (الروح) على بيته مره تانيه مره ماتأذيش اهل البيت اللى موجودين فيه دول كانوا بيعملوا الاكل ف البيت وياخدوه عند مكان المقبره وياهم وهناك ياكلوا وبعدين يكسروا الاوانى دى ويسيبوا الفخار الكسر هناك  واللى كانوا بيسموه الشِقف جمع شقفه لدرجة ان المتخصصين فى الآثار وهم بينقبوا لو لقوا ف مكان ما آنيه  فخاري...
قراءة المزيد

#هو_صحيح_الجوع_كافر_بس_مش_للدرجه_دى؟؟؟ج٢#الليله٦٥٠

صورة
#هو_صحيح_الجوع_كافر_بس_مش_للدرجه_دى؟؟؟ج٢ #الليله٦٥٠  زى ما قولنا كان الموسم الزراعي في شمال العراق اواخر عام ١٩١٧ سئ جداً ومطر قليل ومحصول ضعيف و بيقول محمد امين العمري  واللى كان ف الوقت ده ضابط اعاشة في الجيش السادس التركي ويعتبر شاهد عيان ع الفتره دى بيحكى ويقول : انه كتب تقرير للقائد خليل باشا وضح فيه الخطر اللي هيحصل في ولاية الموصل بسبب قلة الحبوب و انهم ضرورى يستعدوا ويجيبوا مؤن من اسطنبول و يلحقوا الدنيا قبل فوات الاوان   لكن خليل باشا كبر دماغه و مهتمش للتحذير ده وقال له  ان ولاية الموصل هي مستودع تموين العراق و هي مش  محتاجة تموين يجي لها من بره يا حبيبى احنا ناخد ومنديش بس زى ما توقع محمد امين العامرى بدأت المجاعه حصل ايه ف المجاعه ؟ هل تداركت الحكومه الغير واعيه سوء الحال ؟ ولا ايه اللى حصل؟ ازاى اتعامل اهل الموصل مع المجاعه؟ اقولكم اولا زى ما توقع ضابط الاعاشه بدأت المجاعة تستفحل وشملت الموصل والمنطقة الواسعة اللى ف الشمال منها لحد بحيرة ((وان)) وبدأت جموع من الجياع تهجر ديارها في الاناضول وتتوجه ناحية الموصل  ما الكل بقى فاكرها مليانه خير...
قراءة المزيد

#زئرده #الليله١٠١

صورة
#زئرده #الليله١٠١ الحدوته المرادى حقيقيه زى حكايه #الشنطه_المعجزه  اللى ده الرابط بتاعها https://www.facebook.com/102264164820545/posts/142331610813800/ بردو جيران ماما زمان ف الحى العريق والشارع الجميل (( ابن الرشيد )) اللى لا اتولدت فيه ولا عشت فيه بس حبيته من حب امى فيه ومن حكاياتها عنه  (( زئرده ))  دى واحده جارتهم وباين من اسمها -اللى طبعا مش اسمها الحقيقى - ولكن الناس كانوا مسمينها كده لانها كانت صغننه الحجم  تقريبا كان اسمها نوال بس اللى كانت الدنيا كلها بتناديها بيه كان زيئرده كانت متجوزه بس معهاش اولاد وجوزها كان بيشتغل ف بلد تانيه وبييجى يشوفها كل فتره  وعلشان كده كانت عايشه ف شقه ف بيت اهلها بس بتبات لوحدها ف شقتها كان الناس كلها عارفين انهم مرتاحين ماديا  وف ليله صيفيه حاره حين لم يكن يوجد لا تكييف ولا حتى مروحه فى هذا الزمان القديم  و حيث لا يوجد حل سوى ان تنهى ليلتك بدش بارد لتذهب للنوم متأخراً على ١١ونص ١٢ بالليل كده  بعد ساعه ولا ٢ اما المدينه كلها تغرق فى سبات عميق مفيش صاحى  كانت كالعاده بايته لوحدها وحست بحركه معاها ف اوضة ...
قراءة المزيد