#سيدنا_موسى_بعد_العبور_الموسم_التانى_ج٣٠_الخضر_العبد_الصالح٢#الليله٧٢٢

#سيدنا_موسى_بعد_العبور_الموسم_التانى_ج٣٠_الخضر_العبد_الصالح٢
#الليله٧٢٢
وقفنا الليله اللى فاتت انه بعد ما سيدنا موسى وفتاه ناموا شويه و ريحوا قاموا اخدوا القفه اللى فيها السمكه من غير ما يبصوا فيها وكملوا لحد ما بعدوا حبه 
وساعتها بس حس سيدنا موسى بالتعب والجوع واللى مكانش حاسس بيهم قبل كده 
و ف الحديث النبوى الطويل اللى بيحكى القصة دى بيقول صلى الله عليه وسلم ان يوشع بن نون لما فتح القفه وملقاش الحوت افتكر 
افتكر ايه؟ 
افتكر لما كان سيدنا موسى كان نايم الحوت خرج ونط ف الميه وساعتها هو يوشع استغرب ازاى دبت الحياه ف سمكه مستويه وكان هيصحى سيدنا موسى لكن مرضيش يزعجه وقال هحكيله لما يصحى بس زى ما فاكرين هو قال وما انسانيه الا الشيطان ان اذكره 
لانه كان المفروض اول ما يصحى سيدنا موسى يحكيله اللى حصل مش يشيل القفه فاضيه ويمشى معاه
بس ساعتها عرف سيدنا موسى ان دا مكان اللقاء مع الشخص اللى اوصاه ربنا انه يروح يقابله
وقاله هى دى الاشاره اللى كنا عاوزينها تعالى ورينى المكان اللى فقدت الحوت فيه 
ورجعوا وهناك لقوا راجل نايم فارد عبايته ونايم على جزء منها ومتغطى بجزء تانى 
وراح عنده
ياترى قاله ايه ؟  
طب ما احنا عارفين قاله ايه 
وهنا بقى عاوزه اوضح نقطه 
القصه دى بالذات كلنا عارفينها ان مكناش كمان حافظينها لفضل ربنا وبفضل قراءتنا لها كل يوم جمعه
علشان كده انا هحكيها من الحديث النبوى واللى اكيد مش هيخالف النص القرآنى فى سورة الكهف بس ممكن يضيف تفاصيل بسيطه 
انا اتاخرت فى كتابة الجزء 
ده من القصه لانى مكنتش عاوزه احكيها لناس حافظينها احسن منى حتى فكنت متضايقه انى حكى كلام ربنا بتكرار لا يليق بكلام الله انى اعيد او اتكلم نفس الكلام ومكانش ينفع اغفلها لانها مهمه و كبيره 
بس لما ربنا كرمنى بالحديث ده لقيت انها فرصه ازود معلومات ودا كرم من ربنا سبحانه وتعالى واتمنى يكون اجتهاد محمود من المولى عزو جل
يبقى السؤال اللى هنجاوبه الليله الجايه اذا احيانا ربنا 
بس ع العموم متنسوش لو حابين تقرأوا حاجه تانى من عندى 
اكتبوا الهاشتاج #الليله 
وجنبه اى رقم اقل من٧٢٢
هتقراوا لما تزهقوا .. دا لو فاضيين اما لو مشغولين زيى فاكيد هتعذرونى و ادعولى
ولو مش بتشوف حواديتى اليوميه بانتظام يبقى ممكن تعمل متابعه وسى فيرست 
ولو عجبك اعملوا لايك وكومنت وشجعونى اكمل 
#ناداب_كان_ناوي_يبيع_جثه_عمه_لطلبة_الطب
#يارب_اكون_فهمتها_صح
#فوتكم_بعافيه_وعفو_ومعافاه
#ابتسام

تعليقات

إرسال تعليق

المشاركات الشائعة من هذه المدونة

#ليه_طيب_اكسر_وراه_قله؟ج٢#الليله٦٠٨

صورة
#ليه_طيب_اكسر_وراه_قله؟ج٢ #الليله٦٠٨ اما بقى الحدوته التانيه فبتقولك ان زمان وبردو ايام الفراعنه كانت لما الانسان يموت بيكسروا وراه اناء من الفخار  يعنى هنا كانت عاده مرتبطه بالجنائز  وطبعا كلنا عارفين اهمية الموت و الحياه الابديه والكلام دا كله عند المصريين القدماء واظن انى لسه مخلصه سلسلة ايزيس وازوريس اللى بتحكى باستفاضه ف اهمية الدفن والليله دى  طب بردو ليه نكسر وراه حاجه فخار واللى رسيت ع القله لاننا بقينا نستخدم معادن وصينى واوانى تانيه حاليا  انما القله فهى اللى كانت مكمله حتى دخول التلاجه الايديال ال ٨ قدم لكل بيت نرجع لكسر القله الفكره انهم مش بس بيكسروا القله لاء وكمان بياخدوها ويدفنوها جنب قبر المرحوم طيب الله ثراه ... ودا ليه؟ علشان لما ترجع الكا يعنى (الروح) على بيته مره تانيه مره ماتأذيش اهل البيت اللى موجودين فيه دول كانوا بيعملوا الاكل ف البيت وياخدوه عند مكان المقبره وياهم وهناك ياكلوا وبعدين يكسروا الاوانى دى ويسيبوا الفخار الكسر هناك  واللى كانوا بيسموه الشِقف جمع شقفه لدرجة ان المتخصصين فى الآثار وهم بينقبوا لو لقوا ف مكان ما آنيه  فخاري...
قراءة المزيد

#هو_صحيح_الجوع_كافر_بس_مش_للدرجه_دى؟؟؟ج٢#الليله٦٥٠

صورة
#هو_صحيح_الجوع_كافر_بس_مش_للدرجه_دى؟؟؟ج٢ #الليله٦٥٠  زى ما قولنا كان الموسم الزراعي في شمال العراق اواخر عام ١٩١٧ سئ جداً ومطر قليل ومحصول ضعيف و بيقول محمد امين العمري  واللى كان ف الوقت ده ضابط اعاشة في الجيش السادس التركي ويعتبر شاهد عيان ع الفتره دى بيحكى ويقول : انه كتب تقرير للقائد خليل باشا وضح فيه الخطر اللي هيحصل في ولاية الموصل بسبب قلة الحبوب و انهم ضرورى يستعدوا ويجيبوا مؤن من اسطنبول و يلحقوا الدنيا قبل فوات الاوان   لكن خليل باشا كبر دماغه و مهتمش للتحذير ده وقال له  ان ولاية الموصل هي مستودع تموين العراق و هي مش  محتاجة تموين يجي لها من بره يا حبيبى احنا ناخد ومنديش بس زى ما توقع محمد امين العامرى بدأت المجاعه حصل ايه ف المجاعه ؟ هل تداركت الحكومه الغير واعيه سوء الحال ؟ ولا ايه اللى حصل؟ ازاى اتعامل اهل الموصل مع المجاعه؟ اقولكم اولا زى ما توقع ضابط الاعاشه بدأت المجاعة تستفحل وشملت الموصل والمنطقة الواسعة اللى ف الشمال منها لحد بحيرة ((وان)) وبدأت جموع من الجياع تهجر ديارها في الاناضول وتتوجه ناحية الموصل  ما الكل بقى فاكرها مليانه خير...
قراءة المزيد

#زئرده #الليله١٠١

صورة
#زئرده #الليله١٠١ الحدوته المرادى حقيقيه زى حكايه #الشنطه_المعجزه  اللى ده الرابط بتاعها https://www.facebook.com/102264164820545/posts/142331610813800/ بردو جيران ماما زمان ف الحى العريق والشارع الجميل (( ابن الرشيد )) اللى لا اتولدت فيه ولا عشت فيه بس حبيته من حب امى فيه ومن حكاياتها عنه  (( زئرده ))  دى واحده جارتهم وباين من اسمها -اللى طبعا مش اسمها الحقيقى - ولكن الناس كانوا مسمينها كده لانها كانت صغننه الحجم  تقريبا كان اسمها نوال بس اللى كانت الدنيا كلها بتناديها بيه كان زيئرده كانت متجوزه بس معهاش اولاد وجوزها كان بيشتغل ف بلد تانيه وبييجى يشوفها كل فتره  وعلشان كده كانت عايشه ف شقه ف بيت اهلها بس بتبات لوحدها ف شقتها كان الناس كلها عارفين انهم مرتاحين ماديا  وف ليله صيفيه حاره حين لم يكن يوجد لا تكييف ولا حتى مروحه فى هذا الزمان القديم  و حيث لا يوجد حل سوى ان تنهى ليلتك بدش بارد لتذهب للنوم متأخراً على ١١ونص ١٢ بالليل كده  بعد ساعه ولا ٢ اما المدينه كلها تغرق فى سبات عميق مفيش صاحى  كانت كالعاده بايته لوحدها وحست بحركه معاها ف اوضة ...
قراءة المزيد