#سيدنا_موسى_بعد_العبور_الموسم_التانى_ج٢٥_قارون_ج٢#الليله٧١٧
#سيدنا_موسى_بعد_العبور_الموسم_التانى_ج٢٥_قارون_ج٢
#الليله٧١٧
فاكرين طبعا مين اللى بيكلمكم انا غانية بنى اسrائيل اللى عملت اتفاق مع قارون انى اتبلى على موسى بن عمران
النهارده الاجتماع...
موسي بيخطب فينا وبيوعظنا
بيقولنا علي الوصايا
اننا لا نسرق وعقوبة السارق
وبيقولنا ان لا نقتل وعقوبه القاتل
وبيقول لا نزني وعقوبة الزاني
وهنا انا وقفت وقولت له يعني انت بتزني معايا وجاي
تفول كده
موسي اتخض... فوجئ بكلامي
وقالي انتي تقولي عليا
بيني وبين نفسي صعبان عليا بس لازم اجمد قلبي
دا طشت ذهب
موسي واجهني وقالي تحلفي بالله
تشهدي بالله اني فعلت معاكي شيء
مقدرتش....
بكيت واعترفت بكل شيء
اعترفت انه برئ
واعترفت ان قارون هو اللي اوعزلي اني اعمل كده
وندمت وتوبت
من النهارده انا مش عاهرة بني اسرائيل تاني
توبت الي الله ..سامحني يارب
سامحني يا نبي الله
دلوقتي انا اتنقلت لصف موسي
بس مش هسيبكم ف نص الحكايه واسكت هكمل معاكم
قارون دلوقتي عداوته بقت ظاهره ضد موسي
والموقف متأزم
الناس اتدخلوا ينصحوا قارون قالوا له خمس حاجات
١ - لانفرح ... متتغرش باللي عندك يعني
٢ - ابتغ الدار الاخره
٣ - بس بردوا متنساش نصيبك من الدنيا
٤ - احسن
٥ - لا تبغ الفساد في الارض
ولكن بعد دا كله كان رده غريب ومتناقض
بيقول انما اوتيته علي علم عندي
منين من عندك... ومنين اوتيته يعني بتعترف انك ربنا
اللي عطهولك
يبقي علمك منين بقي
بس وعدى اليوم ده
انما النهارده قارون عمل مشهد انما ايه جنن كل بني
اسرائيل
قارون خرج علي الناس النهارده بكامل زينته الجواري
والعبيد والحشود
اللبس الموشي بالدهب والفضه والجواهر
ياااااه يا قارون كل ده
عشان كدا ناس كتير من بني إسرائيل اتهبلوا
وعمالين يقولوا ياريتنا زي قارون ... وبيندبوا حظهم
انهم معدهمش اللي عنده
بس الصراحه في ناس تانيين عمالين ينصحوهم
ويقولولهم
قارون ساق فيها تحدي الله في نعم اعطاها له الله
زادت فتنته لبني قومه
ربنا النهارده اذاق قارون جزاء غروره وتعاليه
ربنا خسف به وبداره الارض
دلوقتي اللي كانوا بيقولوا ياريتنا مكان قارون بيحمدوا
ربهم انهم مش مكانه ولا معاه
#انتهت قصة قارون وزى ما اتعلمنا منها حاجات
هنلاحظ منها حاجات نربطها بقصتنا مع سيدنا موسى
اولا هم ف مساكنهم وبيوتهم
ومعروف ان الصحرا لا كان فيها بيوت ومساكن ولا خزاين
كمان مش معقول اليهود وهم بيهربوا من فرعون سرا قدر قارون يشيل الخزاين دى ويهرب بيها
حد يقولى م يمكن قصة قارون قبل هروب بنى اسrائيل اقولك ماشى خلينى معاك
بس ازاى قارون كان قارئ جيد للتوراه والتوراه نزلت بعد الفرار من فرعون وانشقاق البحر وهلاك فرعون
يبقى دا اول دليل بيأكد وجهة نظرى ف تسلسل الاحداث
والليله الجايه باذن الله هحكى حكايه تانيه بتثبت ان ولاد الايه رجعوا وعاشوا ف مصر
ايه هى ؟
عارفين ايه اسم اطول سورة ف القرآن
عاوزين تعرفوا حكايتها؟
دا اللى هنحكيه الليله الجايه اذا احيانا ربنا
بس ع العموم متنسوش لو حابين تقرأوا حاجه تانى من عندى
اكتبوا الهاشتاج #الليله
وجنبه اى رقم اقل من٧١٧
هتقراوا لما تزهقوا .. دا لو فاضيين اما لو مشغولين زيى فاكيد هتعذرونى و ادعولى
ولو مش بتشوف حواديتى اليوميه بانتظام يبقى ممكن تعمل متابعه وسى فيرست
ولو عجبك اعملوا لايك وكومنت وشجعونى اكمل
#قارون_يارب_اكون_فهمتها_صح
#فوتكم_بعافيه_وعفو_ومعافاه
#ابتسام
تعليقات
إرسال تعليق