#سيدنا_موسى_بعد_العبور_الموسم_التانى_ج٢٤#الليله٧١٦
#سيدنا_موسى_بعد_العبور_الموسم_التانى_ج٢٤
#الليله٧١٦
نهينا الليله اللى فاتت بان ان فى قصص تحس انها مرتبطه بالحياه فى ارض مصر ومكانش ينفع تدور ف وقت فرعون
زى ايه ؟
يعنى بعد عبور البحر وغرق فرعون وجنوده وذهاب ولاد الإيه لسيناء وخصوصا عند جبل الطور
وانهم يطلبوا يعبدوا عجل بعد العبور
وان ربنا يجعل سيدنا موسى بضرب بعصاه الارض فتنشق ١٢ عين ميه عذبه
وانه عز وجل ينزل لهم المن والسلوى
وان سيدنا موسى يروح ويسبق قومه للقاء الله ويطلب رؤيته فيندك الجبل لما تجلى له الله جل وعلا
وياخد الالواح ويرجع يلاقيهم عملوا عجل من ذهب وعبدوه فيحرقه ويبرده وينثره ف البحر ويامرهم ربنا فيقتلوا بعضهم ويموت منهم ٧٠ الف تائب واللى يفضلوا يروحوا ٧٠ نفر منهم للقاء الله فيطلبوا انهم يشوفوا الله عز و جل علشان يؤمنوا لسيدنا موسى فيصعقهم الله فيتشفع لهم سيدنا موسى ويحييهم ربنا تانى
وبعدين يعرض عليهم التوراه فيرفضوا انهم يؤمنوا بها ويغضبوا الله تانى ولا عاشر ويأمر الله فيترفع الجبل فوقهم كانه ظُلة فيسجدوا على حاجبهم الشمال ورافعين عينهم اليمين ويقولوا خلاص خلاص امنا امنا
فيرفع الله الجبل عنهم ولا يسقطه عليهم ويجعله يرجع مكانه
وبعد دا كله يعملوا اللى استأذنوا سيدنا موسى انهم يعملوه وهو رفض فيخبوا المن والسلوى علشان يريحوا نفسهم بكره من جمعهم فيعفن المن والسلوى اللى مخزنينه ويبقى ريحته لا تطاق فيروحوا يدفنوه بعيييد ف رمل الصحرا
ويرجعوا لسيدنا موسى ويطلبوا منه انه يكلم ربه يخرجلهم من الارض من فول وعدس وبصل وقثاء
فيرفض ويقولهم اذا كان ولابد فتعالوا ارجعوا مصر خصوصا ان فرعون راح ومفيش لكم اعداء ف ارض مصر تانى
وبكده قدمت ملخص للحلقات اللى عدت من الموسم التانى من قصة سيدنا موسى ونرجع لسؤال الليله اللى فاتت لما قولنا ان ولاد الايه رجعوا على بيوتهم القديمه اللى ف مصر وساعتها قولت ان فى دليل على كلامى من قصص معينه تحسسك ان القصة دى دارت على ارض عاشوا فيها سنين كتيره وكمان مكانش ينفع تدور ف وقت فرعون وسألت
زى ايه ؟
هفكركم بقصة قارون دلوقتى علشان نكمل ف نظريتى ان ولاد الإيه رجعوا مصر بعد فناء فرعون وجنده ف البحر
#قارون
عارفين قارون ... مش كده ... اه تلاقيكم بتسمعوا عن ثروته
تعالوا احكيلكم عليه واعرفكم عنه اللي متعرفوهوش
استنوا اعرفكم عليا الاول
انا عاهرة بني اسرائيل
اه اسمي كده دي شغلانتي اللي كل بني اسرائيل
عارفيني بيها واللي ميهمهمش حتي يعرفوا اسمي
اللي اتولدت به
كفايه يعرفوني بمهنتي
تعالوا اما احكيلكم عن قارون الاول انا مش جايه
احكي عن نفسي
قارون يبقي ابن عم موسي وهارون... اه من نفس سبط لاوي ابن يعقوب
موسي نودي لميقات ربه
موسي اصبح نبي ... اه بني اسرائيل
موسي انزلت عليه التوراه
موسي كلمه الله...
ملاحظين كله موسي موسي
هو مفيش غير موسي..... لاء في ... في هارون
موسي اخد هارون للقاء فرعون
موسي اناب هارون ليرأس بني اسرائيل
طب وفين قاورن ؟؟؟
قارون مش ناقص الصفات
لا قارون بالاضافه لغناه الشديد وثرواته وكنوزه
قارون يمتلك ملامح جميله وملاحه في وجهه يحسده
كتير عليها
قارون كمان يمتلك صوت جميل جدا في قرأه التوراه
قراءة التوراه😳😳
اه مستغربين ليه قارون متدين ويحب ان يتلوا التوراه
ويستحسن الناس قراءته
كمان قارون كان له وظيفه ملكيه عند فرعون
قارون كان يبقي نائب عند فرعون في شئون اليهود
يعني قيمه وسيمه ووظيفه ميري 🙂
بس في حاجه
موسي بيطلب من قارون زكاه اه اللي انتوا بتقولوا
عليها زكاه يا مسلمين او احنا بنسميها صِداقّا وبقول
عليها (رحمة الله ) لانها تعبير عن العدل بين الناس
نبي الله موسي علمنا كده او صدقه وعشور في المسيحيه
بس لما جه موسي بن عمران يطلب من قارون يطلع
زكاه عن امواله
هنا بقي ممكن تقول انها القشه اللي قصمت ضهر
البعير
قارون كان ساكت لموسي في انه مش بينيبه علي
بني اسرائيل ومش بيقدمه علي اد غناه
لا مركزه ولا ... ولا .... ولا
انما كمان هات فلوس
هنا بقي كانت العداوه زادت ف قلب قارون ضد
موسي وهارون
اصل عض قلبي ولا تعض رغيفي
وقارون غني اوي
لدرجة انه عنده خزائن مالهاش عدد
تصدق ان مفاتيح الخزاين ميقدرش يشيلها يجي عشر
رجاله اقوياء
تخيل دي المفاتيح بس امال بقي الثروه تحتاج لكام
مئه من الرجال علشان يشيلوها
ولما قولتله :
طيب ما تديله يا قارون ما
هي ثروتك كبيره اوي مش هتنقص من الصدقا يعني
تخيلوا لما قولتله كده
زعقلي جامد وقالي : ماهو ياغبيه علشان ثروتي
كبيره يبقي الصدقا بردوا هتكون كتيره
وقالي : انا اقرأ توراه... اه
بس اصرف من فلوسي ... لا
بس تصدقوا انه عاوز يطلع من فلوسه
لاء مش زكاه دا عاوز يديني انا
استنوا هاحكيلكوا
قارون اتفق معايا اني ادعي علي موسي انه عمل معايا الفاحشه
انا عادي ممكن اعمل كده مع اي حد دي شغلتي
بس دا نبي الله مش اي حد
وكمان دا.. طاهر ... ونقي ويخاف الله ومش ممكن
يعمل غلط
انا رفضت وقولتله مستحيل اعمل كده 😡😲
بس شكلي هاعمل كده 🤔
دا عرض عليا طشت دهب
اه طب هي دي حاجه تنفع تترفض
متنسوش انا اصلا شغلتي ايه وببيع نفسي بفتات
يبقي عمليه زي دي وبعدها هابقي اغني عاهره في
بني إسرائيل ويمكن اعتزل بعدها كمان
وممكن كمان اتوب
بكره معاد اجتماع موسي ببني اسرائيل هو دا اليوم
اللي اتفق معايا قارون اني افضح موسي فيه
تعالوا بكره... من ٨ ل ٩ وقت الاجتماع واعرفوا
اللي هيحصل ... مش هتحضروا الاجتماع بس انا
هحكيلكم
دا اللى هنحكيه الليله الجايه اذا احيانا ربنا
بس ع العموم متنسوش لو حابين تقرأوا حاجه تانى من عندى
اكتبوا الهاشتاج #الليله
وجنبه اى رقم اقل من٧١٦
هتقراوا لما تزهقوا .. دا لو فاضيين اما لو مشغولين زيى فاكيد هتعذرونى و ادعولى
ولو مش بتشوف حواديتى اليوميه بانتظام يبقى ممكن تعمل متابعه وسى فيرست
ولو عجبك اعملوا لايك وكومنت وشجعونى اكمل
#انا_وانت_وساعات_الحظر
#قارون
#يارب_اكون_فهمتها_صح
#فوتكم_بعافيه_وعفو_ومعافاه
#ابتسام
تعليقات
إرسال تعليق