#هو_انت_فاكر_تحت_القبه_شيخ#الليله٣٦٩

#هو_انت_فاكر_تحت_القبه_شيخ

#الليله٣٦٩

بقالى اكتر من سنه بكتب قصص كل ليله قصة جديده... تقرأها وتعمل كده🤔 وحاجات تعرفها فتعمل😳 وساعات ☺او😱او😞او😭 بس اؤكد لك انك عمرك ما هتعمل🥱او💤😞 او😤وغالبا هتكون كده😂😂😂 وبما ان الحكايات مرت عليها سنه بس احسب انها مرت مرور الكرام وهتكون جديده عليكم ..اتمنى تقرأوها واتمنى اسمع رأيكوا فى القصه ... ودى كانت قصة الليله

#ابتسام

#هو_انت_فاكر_تحت_القبه_شيخ

#الليله٣٦٩

 اصلهم فاكرين تحت القبه شيخ 

هو انا قاعد على بنك 

وامثله تانيه كتير بتوصل نفس المعنى ان انت فاكره يا هنا وياما هناك 

طبعا فاكرينه قاعد على بنك دى سهله مش محتاجه لشرح ولا لها قصه هى مفسره نفسها 

وفاكرين تحت القبه شيخ الناس بتقولها للى يظهر شئ وهو لا يمتلكه 

القبه دا البناء اللى بيكون على شكل نصف كره وبيبنى فوق المساجد و الاضرحه والمقابر وغالبا بيكون صاحبها له مكانه دينيه او كرامات 

و دا المفروض غالبا 

بس احيانا بيكون فى قبة بس مش تحتها قبر ولى من اولياء الله الصالحين او شيخ من المشايخ 

ازاى ..؟

الفكره ان الناس طيبين وبيصدقوا اى حاجه لها علاقه بالدين ومش ممكن يصدقوا ان ممكن حد يكذب على الله او يدعى حاجه مش حقيقيه لها علاقه بالدين

وزى ما اتكلمنا الليله اللى فاتت عن حكاية دا احنا دافنينه سوا 

وازاى ان الاخوين بعد ما مات حمارهم ودفنوه وعيطوا عليه الناس افتكروا ان دا مكان ولى من الاوليا ولا شيخ من المشايخ 

والاخين استحلوا الموضوع وعملوا له مقام وله قبة وبدأوا يكتر زواره ومريديه اللى بيشهدوا ببركته وكرماته 

زى ما فاكرين حكايه الغوله او الالهه سخمت اللى الرابط بتاعها هنا👇

https://m.facebook.com/story.php?story_fbid=943848779720530&id=100022862494719

وزى ما حكينا ان الاخين اتخانقوا ف توزيع الهبات والعطايا اللى ف صندوق النذور واحد قال اشكيك لسيدى ابو الصبر والتانى قاله انت ناسى مين الشيخ ابو الصبر دا احنا دافنينه سوا 

ودا كان حمارنا الغالى ولا نسيت ولا له كرمات و لا بركات 

وساعتها كان فى واحد سهران جنب المقام علشان يزود من بركاته ويستفرد بالشيخ ابو الصبر بعد ما الناس تمشى ويستمتع بالمناجاه ف قلب الليل

الا وسمع المناقشه والجدال 

وعرف اصل القصه وفصلها 

وخرج تانى يوم يحكى الحكايه للناس الل جايين يدعوا وياخدوا البركه ويفهمهم ان الموضوع نصب واونطه وان مفيش تحت القبة شيخ 

وان كل الحمار واتنين نصابين وقبه 

وانتشرت الحكايتين بين الناس

حكاية دا احنا دافنينه سوا 

و حكاية فاكرين تحت القبه شيخ

ودا ياخدنا لحكايه مشابهه وان كانت حقيقيه واشخاصها موجودين لدلوقتى 

والحكايه ان فى ف العين السخنه لاء مش البلاج المنطقه نفسها حيث يتكون السكان الاصليين من قبائل بدويه 

قامت خناقه بين قبيلتين عن احقيه كل قبيله بمراعة مقام سيدى ابو سريع اللى بيجمع نذور وعطايا وتبركات بيدفعها الناس من السويس وضواخيها لاكتر من مليون جنيه سنويا 

اه ...قرأت صح ٦ اصفار 

اوم بعد ما زادت الخناقات والصراعات زى ما تقولوا لسبب ما غير معروف ولا مفهوم تم فتح المقام ليكتشفوا ان اللى مدفون راس عجل 🐮

😂😂😂😂

ومولد وناس بتسافر وتمشى مسافه وسط الجبل وتتهد وتتبهدل ودا كله علشان ياخدوا البركه 

 وتتبرك ويطلع ف الاخر بيبركوا ب 🐮

 

تصدقوا مليون جنيه بيدفعها الناس سنويا تقرباً من راس عجل 

ورب الناس مبياخدش ولا مليم وبيلجأوا لمخلوق من مخلوقاته سواء كان راس عجل ولا حتى انسان 

وكأن كهنة امون العصر الفرعونى تطوروا واحفادهم بقوا بيجمعوا النذور لسيد نفيسه رع العصر الحديث 

واللى اصلاً طلع ف الاخر راس عِجل ياريته عِجل كامل

وياخساره لهم ٦ سنين دلوقتى مبيروحوش المولد

🎠🎡🎪

 

ودا ياخدنا لحكاية سيدى الاربعين 

ماله سيدى الاربعين ؟؟ 

وليه اسمه الاربعين ؟؟

وهل المسمى له علاقه بالحكايه ؟؟

ولكن دا نحكيه الليله الجايه 

حواديتى مبيخلصوش ...

وانتوا كمان ف الايك و الكومنت والشير متقصروش ☺

#حكايه_ورا_كل_مثل

#ابتسام