#سيدنا_موسى_بعد_العبور_الموسم_التانى_ج٣٢_الخضر(العبد الصالح٣)#الليله٧٢٤
#سيدنا_موسى_بعد_العبور_الموسم_التانى_ج٣٢_الخضر(العبد الصالح٣)
#الليله٧٢٤
و الليله هنكمل الاحداث اللى مر بها سيدنا موسى مع الخضر ناخد بالنا ان اسلوب سيدنا موسى اتغير ف تانى مره عن اول مره
يعنى لما خرق السفينه سيدنا موسى استنكر بلفظ خفيف وقاله : أَخَرَقْتَهَا لِتُغْرِقَ أَهْلَهَا لَقَدْ جِئْتَ شَيْئًا إِمْرًا (71)
إِمْرًا هنا يعنى امر عجيب مستنكر بس ابدى استنكاره بلطف
لكن لما لقاه قتل الغلام هنا كان رد فعله اشد وقال له : (قَالَ أَقَتَلْتَ نَفْسًا زَكِيَّةً بِغَيْرِ نَفْسٍ لَّقَدْ جِئْتَ شَيْئًا نُّكْرًا )(74)
هنا بقى دى روح انسان علشان كده استنكاره كان اشد واستخدم لفظ (نُّكْرًا)
يعنى فيه استنكار شديد واقوى من لفظ (إِمْرًا)
بس ف الحالتين كان رد الخَضر واحد قاله انا مش حذرتك انك مش هتصبر قَالَ : (أَلَمْ أَقُلْ إِنَّكَ لَن تَسْتَطِيعَ مَعِيَ صَبْرًا) (72)
بكل هدوء العالم بافعاله والواثق ف رضا ربه عنها مبررلوش بس فكره باتفاقهم من الاول
لكن رد سيدنا موسى اللى اختلف تحس ف المره الاولانيه كانك لو انت مكانه هتقول لنفسك يوووه كده نسيتى الاتفاق بسرعه
فكان رده عليه خلاص معلش متشدش عليا جامد لا ترهقنى من امرى عسرا
بس تانى مره لاء بقى عيب كده دى تانى مره تنسى الشرط اللى على اساسه سمح لك انك تمشى معاه
فكان بادى الندم شديد الاعتذار لدرجة انه عاقب نفسه انى لو غلط تانى هيكون من حقك انك تحرمنى من صُحبتك
وع الاساس ده سمح له الخضر انه يكمل معاه الطريق
كملوا لحد ما وصلوا لقرية اهلها لئام و بخلا
طلبوا منهم اكل يا جماعه احنا غُرب وعابر السبيل له حق الاكرام بس دول من شدة بخلهم رفضوا يضايفوهم
خلاص بقى نكمل طريقنا نشوف لنا بلد اهلها اطيب يأكلونا ويكرمونا
بس لاء الخَضر ساب الدنيا كلها وراح على البخلا دول وعمل دعامه وسند حيطه هتقع
وهنا استغرب سيدنا موسى !!!
يعنى انت مش لاقى الا البخلا دول اللى تعمل معاهم الخير طب ع الاقل خد منهم اجر قولهم حصلح لكم الجدار بس تأكلونى ؟
بس هنا كان كالعاده رد الخضر على سيدنا موسى مش اجابة السؤال اللى سأله ولكن عتاب على عدم تنفيذ الاتفاق بانك تسكت وتصبر على اللى مفهمتهوش
وانت اللى حكمت على نفسك يا موسى
و قولتلى لو سألتك على حاجه فلا تصاحبنى وكده
خلاص كلامك ماشى
هذا فراق بينى وبينك
بس استنى مش هسيبك محتار انا هوضح لك كل تصرفاتى اللى استغربتها ومعجبتكش دى
واللى مفهمتهاش ف وقتها : {سَأُنَبِّئُكَ بِتَأْوِيلِ مَا لَمْ تَسْتَطِعْ عَلَيْهِ صَبْرًا .
أَمَّا السَّفِينَةُ فَكَانَتْ لِمَسَاكِينَ يَعْمَلُونَ فِى الْبَحْرِ فَأَرَدتُّ أَنْ أَعِيبَهَا وَكَانَ وَرَاءَهُم مَّلِكٌ يَأْخُذُ كُلَّ سَفِينَةٍ غَصْبًا} فلو هى اتخرمت واتصلحت بان انها معيوبه وبايظه
ولما ييجى الملك علشان يستولى عليها هيلاقيها مخرومه ومتصلحه فهيسيبها لهم فافسادها لهم كان انقاذ لها و لقوتهم و لانهم مساكين فهم مش هيقدروا يكون عندهم غيرها و هم احوج ما يكون لها وَأَمَّا الْغُلاَمُ فَطُبِعَه اللى خلقه اعلم به منى ومنك عارف انه هيكون كافر وعاصى لاهله وهتكون تربيته شاقه عليهم خالص من طغيانه وكفره اما لو مات دلوقتى هيحزنوا شويه عليه بس ربنا هيعوضهم بالابن اللى افضل منه
وكمان بما انه مات وهو طفل مش بالغ فهو مش مكلف
فَأَرَدْنَا أَنْ يُبَدِّلَهُمَا رَبُّهُمَا خَيْرًا مِنْهُ زَكَاةً وَأَقْرَبَ رُحْمًا
و الْجِدَار فَكَانَ لطفلين يتيمين فى الْمدينة وكان تحته كنز بتاعهم
قال النبى صلى الله عليه وسلم: «يرحم اللَّهُ موسى لَوَدِدْنَا لَوْ صَبَرَ حَتَّى يُقَصَّ عَلَيْنَا مِنْ أَمْرِهِمَا» تخريج الحديث: (رواه البخاري: [122]، [4449]، ومسلم: [6315]، والترمذي: [3149])
وبكدة بعد ما خلص الحديث وخلصت رحلة سيدنا موسى مع الرجل الصالح
بس لسه فى شوية ملاحيظ هنتكلم فيهم الليله الجايه ونقفل بهم قصه من اجمل القصص اللى هتمر عليك ف حياتك ومن قصص سيدنا موسى واللى تعد تقريبا الوحيده اللى مغلبوهش فيها قومه زى ما هم مغلبينه من بعد ما خلص من فرعون
ايه الملاحظات ؟
دا اللى هنحكيه الليله الجايه اذا احيانا ربنا
بس ع العموم متنسوش لو حابين تقرأوا حاجه تانى من عندى
اكتبوا الهاشتاج #الليله
وجنبه اى رقم اقل من٧٢٢
هتقراوا لما تزهقوا .. دا لو فاضيين اما لو مشغولين زيى فاكيد هتعذرونى و ادعولى
ولو مش بتشوف حواديتى اليوميه بانتظام يبقى ممكن تعمل متابعه وسى فيرست
ولو عجبك اعملوا لايك وكومنت وشجعونى اكمل
#ناداب_كان_ناوي_يبيع_جثه_عمه_لطلبة_الطب
#يارب_اكون_فهمتها_صح
#فوتكم_بعافيه_وعفو_ومعافاه
#ابتسام
تعليقات
إرسال تعليق