#سيدنا_موسى_بعد_العبور_الموسم_التانى_ج٣١_الخضر_العبد_الصالح٣#الليله٧٢٣

#سيدنا_موسى_بعد_العبور_الموسم_التانى_ج٣١_الخضر_العبد_الصالح٣

#الليله٧٢٣

لما وصل سيدنا موسى لمكان الخضر عليه السلام و سلم عليه وساعتها كشف الخضر وشه و قال له الْخضر : وَأَنَّى بِأَرْضِكَ السَّلاَمُ. 

فَقَالَ : أَنَا مُوسَى. 

فَقَالَ له : مُوسَى بَنِى إِسْرَائِيلَ؟ 

قَالَ له : نَعَمْ. 

قَالَ : هَلْ أَتَّبِعُكَ عَلَى أَنْ تُعَلِّمَنِى مِمَّا عُلِّمْتَ رَشَدًا؟

 قَالَ الخضر أَمَا يَكْفِيكَ أَنَّ التَّوْرَاةَ بِيَدَيْكَ، وَأَنَّ الْوَحْىَ يَأْتِيكَ و قَالَ له : إِنَّكَ لَنْ تَسْتَطِيعَ مَعِىَ صَبْرًا، يَا مُوسَى إِنِّى عَلَى عِلْمٍ مِنْ عِلْمِ اللَّهِ عَلَّمَنِيهِ لاَ تَعْلَمُهُ أَنْتَ، وَأَنْتَ عَلَى عِلْمٍ عَلَّمَكَهُ لاَ أَعْلَمُهُ مش هتصبر لما تشوفنى بعمل شَىْءٌ انا أُمِرْتُ بِهِ أَنْ أَفْعَلَهُ وانت مش فاهمه

قَالَ له : هتلاقينِى إِنْ شَاءَ اللَّهُ صَابِرًا، وَلاَ أَعْصِى لَكَ أَمْرًا وابتدوا يَمْشِيوا هم الاتنين سوا وخلى يوشع بن نون يرجع تانى لقومهم ومكملش معاهم 

طب انا عرفت منين؟

من استخدام ربنا لفظ فانْطَلَقَا اللى بيدل على المثنى ولانه لم يذكر فى اى موقف بعد كده

المهم انهم مشيوا على ساحل البحر مش معاهم سفينة لحد ما وصلوا لمكان فيه سفينة بتنقل الناس من الشط ده للشط ده فاستأذنوهم أَن يركبوهم معاهم و اهل السفينه عرفوا الْخَضر فركبوهم مجانا وقالوا عبد الله الصالح ومأخدوش منهم اجر

وهم على سطح المركب جه عصفور فوقف على حرف السّفينة و نقر نقرة أو نقرتين فى البحر بيشرب منه يعنى فقال الْخضر : يَا مُوسَى! ما نقص علمى و علمك من علْم اللَّه إِلاّ زى نقرة العصفور دا فى الْبحر  

وراح قايم الْخضر وخلع لوح من ألواح السفينة 

فقال له سيدنا موسى : هو دا جزائهم بعد ما حملونا من غير اجر تقوم تخرق سفينتهم علشان تغرقهم 

ورد الخَضر و قال : مش قولتلك إِنك مش هتستطيع انك تصبر معايا 

ساعتها افتكر سيدنا موسى شرط الخَضر لما سمح له انه يصاحبه بشرط الصبر و قال : لا تُؤاخِذْنِى بِمَا نَسِيتُ

و كانت دى المره الأولَى مِنْ مُوسَى اللى نسى اتفاقهم فيها

وانْطَلَقَا الا وفى قدامهم غلام طفل صغير برئ يعنى قاعد ف امان الله بيلعب مع اصحابه الْاطفال اللى زيه ميفرقش عنهم شئ دى الصوره اللى كان شايفها سيدنا موسى قبل ما يقرب منه الخَضر ويأَخده الْخَضِرُ من رأسه من فوقه كده ويقطم رقبته بايده (في رواية مسلم من حديث النبى صلى الله عليه وسلم قال : فَذُعِرَ عِنْدَهَا مُوسَى عَلَيْهِ السَّلاَمُ ذَعْرَةً مُنْكَرَةً) يعنى اتخض سيدنا موسى دا لما ف مره زمان وكز راجل ومكانش قاصد يموته كان حزين من الذنب اللى عمله من غير قصد وفضل بعيد عن اهله وعن البلد ١٠ سنين يقوم الخَضر يقتل طفل ومتعمد كمان فقاله : أَقَتَلْتَ نَفْسًا زَكِيَّةً بِغَيْرِ نَفْسٍ. قَالَ: أَلَمْ أَقُلْ لَكَ إِنَّكَ لَنْ تَسْتَطِيعَ مَعِىَ صَبْرًا؟ - 

فَقَالَ رَسُولُ اللَّهِ صلى الله عليه وسلم عِنْد الحته دى من الروايه : «رَحْمَةُ اللَّهِ عَلَيْنَا وَعَلَى مُوسَى لَوْلاَ أَنَّهُ عَجَّلَ لَرَأَى الْعَجَبَ، وَلَكِنَّهُ أَخَذَتْهُ مِنْ صَاحِبِهِ ذَمَامَةٌ. 

وقَالَ سيدنا موسى : {إِنْ سَأَلْتُكَ عَنْ شَىْءٍ بَعْدَهَا فَلاَ تُصَاحِبْنِى قَدْ بَلَغْتَ مِنْ لَدُنِّى عُذْرًا} 

يعنى لو كان صبر ومتكلمش ولا اعترض او كان اكتفى بانه اعتذر زى المره اللى قبلها كان شاف الْعجب 

طب ايه اللى حصل بعد كده ؟

و بايه اللى فسر الخَضر عمايله اللى عملها دى؟

الليله الجايه اذا احيانا ربنا 

بس ع العموم متنسوش لو حابين تقرأوا حاجه تانى من عندى 

اكتبوا الهاشتاج #الليله 

وجنبه اى رقم اقل من٧٢٣

هتقراوا لما تزهقوا .. دا لو فاضيين اما لو مشغولين زيى فاكيد هتعذرونى و ادعولى

ولو مش بتشوف حواديتى اليوميه بانتظام يبقى ممكن تعمل متابعه وسى فيرست 

ولو عجبك اعملوا لايك وكومنت وشجعونى

#يارب_اكون_فهمتها_صح

#فوتكم_بعافيه_وعفو_ومعافاه

#ابتسام