#ملوك_الجدعنه_ج٩والاخير#الليله٣٢٣

#ملوك_الجدعنه_ج٩والاخير
#الليله٣٢٣
زى ما متعوده انى اعيد حكايه عدى عليها سنه و من بعد رمضان والعيد كملت اعيد حودايتى اليوميه والحكايه دى لها غلاوه عندى لانها كانت كلها بحث استقصائى عن اهم الحفاير والكنوز المكتشفه... المفارقه انى كنت اختارت الاسم قبل رمضان اللى فات وقبل ما يتعمل المسلسل اللى بيحمل نفس الاسم وكانت صدفه غير مقصوده ولكن لو عاوز رأيى ف اللى اتكلمت عنهم هم ملوك الجدعنه بجد
#ملوك_الجدعنه_ج٩والاخير
#الليله٣٢٣
٤ - #خبيئة_الكرنك٢
-------------------------
 عارف لما تلاقى حاجه وتفكر انها تكون مهمه 
ساعتها هتجرى على الرؤساء بتوعك تقولهم على الحاجه المهمه دى 
بس مين هيسمع منك وانت حتة رئيس عمال نظافه مش دارس ولا اكاديمى زينا 
بس انت حاسس باهمية كشفك ده وعلشان كده متسكتش وتمشى ورا حلمك
واللى رفض الموظفين الصغيرين انهم يسمعوه سمعه رئيس البعثه الاثريه كلها
لو عاوز تعرف حصل ايه ؟؟
تعالوا قبل ما نسيب الكرنك كده نفضل فيه شويه اصل بعد فترة بسيطه خالص ف عمر الزمان قيمة ٨٠ سنه هيحصل اكتشاف تانى 
تعالوا نقفز بالتاريخ لسنه١٩٨٩ميلاديه
ونشوف خبيئه جديده و ف نفس المكان العجيب ده ... معبد الكرنك
الحكايه ان من ٣٢ سنه من دلوقتى تحديدا فى ١٩٨٩
 كان العمال فى معبد الأقصر بينضفوا زى المعتاد فى ساحة المعبد وساعتها رئيس العمال واسمه فاروق شارد لاحظ
ان الارض مطبله كده مما يوحى بوجود احتمال أن باطن الأرض مش طبيعى ف جنب كده من جوانب المعبد
وطبعا ف المكان ده لما تشك ف حاجه مش طبيعيه يبقى اكيد تحتيها خبيئه  
بس مين يسمع ومين يشوف ؟؟؟
يا عم روح شوف شغلك بقى يعنى كل العلماء والاثريين اللى ماليين المعبد مش عاجبينك
واعرضوا عنه على طريقه روح شوف شغلك يا عم وسيبنا نشوف شغلنا 
بس الراجل هيتجنن 
فى حاجه يا جدعان 
ف الجزء الجنوبي الغربي من الفناء المفتوح اللى بناه أمنحتب الثالث
اخر ما غلب ولما لم يجد آذان مصغيه له 
خد بعضه وراح
للدكتور مصطفى الصغير ودا يبقى مدير عام آثار الكرنك نفس وظيفه لاجران
وعلى عكس الموظفين والاثريين اللى ف المعبد 
دكتور مصطفى 
خده جرى وراح ع المكان اللى بيقول انه شاكك فيه  
وجاب بسرعه عمال وبدأت عملية الحفر والتنقيب لحد ما لقوا 
 حجر من الجرانيت الوردي فى أرضية المعبد ولما رفعوا الحجر ده لقوا تحت منه حفرة فيها حوالى 13 تمثالا من التماثيل الجميلة النادرة لأمنحوتب الثالث وحور محب وتماثيل للآلهة منحوتة من الجرانيت والمرمر 
والتماثيل دى معروضه حاليا بمتحف الأقصر ف قسم الخبيئة 
وكان نتيجة كل البحث والتنقيب فى نهايته انهم لقوا 26 تمثالا لملوك وملكات وآلهة 
وتمام كده وقفلوا الارض ورجعوا ارضية سطح المعبد زى ما كانت 
هل يا ترى معبد الكرنك باح كده بكل اسراره ولا لسه فى جعبته اسرار
اسمحولى اوقف الكلام عن قدماء المصريين وندخل ف قصص عن رمضان وايامه 
القديمه والجديده 
وزى ما انا ع الوعد كل يوم بعد صلاة التراويح فى حدوته جديده 
ومعادنا الليله الجايه مع حكايه مسليه ف رمضان وزى ما بنحلى بالكنافه والقطايف هحاول اخلى كل ليه تحليه فكريه صغيوره بعد ما نملا كرشنا وندلعه ننزه عقلنا و نمتعه 
و هاعملكم بكره لقمة القاضيى حاجه صغنطوته تتناسب مع الصيام والفرهده وتخفف عننا زى بق مية ف الحر او عرقسوس يبل ريقك ياعطشششششان .... للحواديت 

#على_اسم_مصر_التاريخ_يقدر_يقول_ماشاء
#جدودك
#ابتسام

تعليقات

إرسال تعليق

المشاركات الشائعة من هذه المدونة

#ليه_طيب_اكسر_وراه_قله؟ج٢#الليله٦٠٨

صورة
#ليه_طيب_اكسر_وراه_قله؟ج٢ #الليله٦٠٨ اما بقى الحدوته التانيه فبتقولك ان زمان وبردو ايام الفراعنه كانت لما الانسان يموت بيكسروا وراه اناء من الفخار  يعنى هنا كانت عاده مرتبطه بالجنائز  وطبعا كلنا عارفين اهمية الموت و الحياه الابديه والكلام دا كله عند المصريين القدماء واظن انى لسه مخلصه سلسلة ايزيس وازوريس اللى بتحكى باستفاضه ف اهمية الدفن والليله دى  طب بردو ليه نكسر وراه حاجه فخار واللى رسيت ع القله لاننا بقينا نستخدم معادن وصينى واوانى تانيه حاليا  انما القله فهى اللى كانت مكمله حتى دخول التلاجه الايديال ال ٨ قدم لكل بيت نرجع لكسر القله الفكره انهم مش بس بيكسروا القله لاء وكمان بياخدوها ويدفنوها جنب قبر المرحوم طيب الله ثراه ... ودا ليه؟ علشان لما ترجع الكا يعنى (الروح) على بيته مره تانيه مره ماتأذيش اهل البيت اللى موجودين فيه دول كانوا بيعملوا الاكل ف البيت وياخدوه عند مكان المقبره وياهم وهناك ياكلوا وبعدين يكسروا الاوانى دى ويسيبوا الفخار الكسر هناك  واللى كانوا بيسموه الشِقف جمع شقفه لدرجة ان المتخصصين فى الآثار وهم بينقبوا لو لقوا ف مكان ما آنيه  فخاري...
قراءة المزيد

#هو_صحيح_الجوع_كافر_بس_مش_للدرجه_دى؟؟؟ج٢#الليله٦٥٠

صورة
#هو_صحيح_الجوع_كافر_بس_مش_للدرجه_دى؟؟؟ج٢ #الليله٦٥٠  زى ما قولنا كان الموسم الزراعي في شمال العراق اواخر عام ١٩١٧ سئ جداً ومطر قليل ومحصول ضعيف و بيقول محمد امين العمري  واللى كان ف الوقت ده ضابط اعاشة في الجيش السادس التركي ويعتبر شاهد عيان ع الفتره دى بيحكى ويقول : انه كتب تقرير للقائد خليل باشا وضح فيه الخطر اللي هيحصل في ولاية الموصل بسبب قلة الحبوب و انهم ضرورى يستعدوا ويجيبوا مؤن من اسطنبول و يلحقوا الدنيا قبل فوات الاوان   لكن خليل باشا كبر دماغه و مهتمش للتحذير ده وقال له  ان ولاية الموصل هي مستودع تموين العراق و هي مش  محتاجة تموين يجي لها من بره يا حبيبى احنا ناخد ومنديش بس زى ما توقع محمد امين العامرى بدأت المجاعه حصل ايه ف المجاعه ؟ هل تداركت الحكومه الغير واعيه سوء الحال ؟ ولا ايه اللى حصل؟ ازاى اتعامل اهل الموصل مع المجاعه؟ اقولكم اولا زى ما توقع ضابط الاعاشه بدأت المجاعة تستفحل وشملت الموصل والمنطقة الواسعة اللى ف الشمال منها لحد بحيرة ((وان)) وبدأت جموع من الجياع تهجر ديارها في الاناضول وتتوجه ناحية الموصل  ما الكل بقى فاكرها مليانه خير...
قراءة المزيد

#زئرده #الليله١٠١

صورة
#زئرده #الليله١٠١ الحدوته المرادى حقيقيه زى حكايه #الشنطه_المعجزه  اللى ده الرابط بتاعها https://www.facebook.com/102264164820545/posts/142331610813800/ بردو جيران ماما زمان ف الحى العريق والشارع الجميل (( ابن الرشيد )) اللى لا اتولدت فيه ولا عشت فيه بس حبيته من حب امى فيه ومن حكاياتها عنه  (( زئرده ))  دى واحده جارتهم وباين من اسمها -اللى طبعا مش اسمها الحقيقى - ولكن الناس كانوا مسمينها كده لانها كانت صغننه الحجم  تقريبا كان اسمها نوال بس اللى كانت الدنيا كلها بتناديها بيه كان زيئرده كانت متجوزه بس معهاش اولاد وجوزها كان بيشتغل ف بلد تانيه وبييجى يشوفها كل فتره  وعلشان كده كانت عايشه ف شقه ف بيت اهلها بس بتبات لوحدها ف شقتها كان الناس كلها عارفين انهم مرتاحين ماديا  وف ليله صيفيه حاره حين لم يكن يوجد لا تكييف ولا حتى مروحه فى هذا الزمان القديم  و حيث لا يوجد حل سوى ان تنهى ليلتك بدش بارد لتذهب للنوم متأخراً على ١١ونص ١٢ بالليل كده  بعد ساعه ولا ٢ اما المدينه كلها تغرق فى سبات عميق مفيش صاحى  كانت كالعاده بايته لوحدها وحست بحركه معاها ف اوضة ...
قراءة المزيد