#سيدنا_موسى_بعد_العبور_الموسم_التانى_ج٣٣_الخضر_العبد_الصالح٥#الليله٧٢٥

#سيدنا_موسى_بعد_العبور_الموسم_التانى_ج٣٣_الخضر_العبد_الصالح٥

#الليله٧٢٥

وبكدة بعد ما خلص الحديث وخلصت رحلة سيدنا موسى مع العبد الصالح  هنشوف احنا ممكن نستفاد ايه من القصه

١ - ان زادت السنة على اللى ذكر في القرآن بمعلومات إضافية او توضيحيه

٢ - ان على العالِم أن يفصل النزاع بين المختلفين، فقد فصل ابن عباس من حديث أبي بن كعب الخلاف في موسى هل هو موسى بني إسرائيل أم غيره 

والمفارقه ان كان فى كومنت من كام ليله لحد اعترض انى بقول ان دا سيدنا موسى وبتقولى بتقولى غلط و ان دا موسى  تانى غير سيدنا موسى نبى بنى

وان كنت مستغربه اللى يقتنع بالكلام ده ايه دليله 

يعنى انا بالاضافه لكلام ابن عباس وهو من هو فى رواية الحديث ممكن لو شغلت عقلى شويه ليه يكون موسى تانى وربنا ذكره مجرد باسمه زى ما ذكر ف القرآن من اوله لاخره يعنى لو كان موسى تانى ليه لم يذكر انه موسى بن كذا او موسى الفولانى يعنى رب العزه ذكر سيدنا موسى ١٣٦ مره اشمعنى الكام مره بتوع سورة الكهف هيكون موسى اخر 

وايه الدليل اللى بيخليك تفكر ف كده اساسا 

اللذيذ انى لما سالتها انت بقولى ايه ؟وبستوضح منها دعتلى بان ربنا يصلح حالى  وقامت مشوحه باديها كده وعملتلى بلوك😂😂😂

ربنا يتقبل منها ويصلح احوالنا جميعا

٣ - يبدو أن الرجل الذي لحق بسيدنا موسى وسأله كان أعجب بخطبته وكلامه فظن أنه أعلم أهل الأرض وان دا خلى عند سيدنا موسى اعجاب بنفسه ومش هنقول غرور او كِبر ولكن ممكن تقول ثقة زياده بالنفس

بس اول ما رب العزه امره انه يتبع الرجل الصالح لم يتردد او يتكبر وجرى يدور عليه حتى لو قابل فى سبيل ده تعب ونصب 

٤ -  الخضر سمي خضرًا لأنه جلس على فروة بيضاء فاهتزت تحته خضراء وقد ورد ذلك في حديث أَبِى هُرَيْرَةَ رضى الله عنه عَنِ النَّبِىِّ صلى الله عليه وسلم قَالَ: «إِنَّمَا سُمِّىَ الْخَضِرُ أَنَّهُ جَلَسَ عَلَى فَرْوَةٍ بَيْضَاءَ فَإِذَا هِىَ تَهْتَزُّ مِنْ خَلْفِهِ خَضْرَاءَ» قال: السيوطي اسمه بليا،  كما في الحديث الذي رواه البخاري و الترمذي وهو قوله صلى الله عليه وسلم و(رواه البخاري: [3221])

والمراد بالفروة: وجه الأرض (يعنى الارض العاديه اتحولت لنجيله خضرا)، كما في القرطبي

٥ - الخضر بشر لا يعلم الغيب ولكن ربنا سبحانه وتعالى يوحى له بدليل أنه طلب من موسى أن يعرفه بنفسه

٦ - العلم الذي يملكه الخضر يختلف عن كل علم، فهو علم خاص آتاه الله للخضر عليه السلام 

٧ - وانا صغيره كنت سمعت  اللى احضر عرش بلقيس لسيدنا سليمان هو الخضر بس بعد بحث لم اجد ما يؤكد ذلك او يذكر علاقه بين  الخضر وسيدنا سليمان 

٨ - والخضر نبي عند الجمهور، وقيل: عبد صالح غير نبي

٩ - كمان كنت سمعت انك لما تقول الخضر لازم تقول عليكم السلام ورحمة الله وبركاته لانه مازال حى و بيحضر وبيسلم عليك ف واجبك انك ترد عليه السلام ... بس لما دورت 

ملاقيتشحاجه من دى 

دا كمان لقيت  الناس يقولوا عن الخضر : إنه عاش بعد موسى إلى زمن سيدنا عيسى ثم زمن محمد عليهم صلوات الله وسلامه أجمعين وأنه عايش للآن وهيعيش ليوم القيامة حواديت و قصص و روايات ولا الأساطير 

مره بأنه قابل فلان 

ومره انه ألبس فلان خرقة او أعطى فلانًا عهد ... وكلها أقاويل ما أنزل الله بها من سلطان

ومفيش اى دليل على أن الخضر حي أو موجود - زى ما بيزعموا -

 وانتهت رحلتنا مع سيدنا موسى والخضر بس لسه منتهتش مع سيدنا موسى

و الليله الجايه ونقفل بهم قصه من اجمل القصص اللى هتمر عليك ف حياتك ومن قصص سيدنا موسى واللى تعد تقريبا الوحيده اللى مغلبوهش فيها قومه  زى ما هم مغلبينه من بعد ما خلص من فرعون

ايه الملاحظات ؟

دا اللى هنحكيه الليله الجايه اذا احيانا ربنا 

بس ع العموم متنسوش لو حابين تقرأوا حاجه تانى من عندى 

اكتبوا الهاشتاج #الليله 

وجنبه اى رقم اقل من٧٢٥

هتقراوا لما تزهقوا .. دا لو فاضيين اما لو مشغولين زيى فاكيد هتعذرونى و ادعولى

ولو مش بتشوف حواديتى اليوميه بانتظام يبقى ممكن تعمل متابعه وسى فيرست 

ولو عجبك اعملوا لايك وكومنت وشجعونى 

#يارب_اكون_فهمتها_صح

#فوتكم_بعافيه_وعفو_ومعافاه

#ابتسام