#اوبرا_عايده_ج٥#الليله٧٤٠

#اوبرا_عايده_ج٥
#الليله٧٤٠ 
رادميس : اخيرًا شوفتك يا نور عينى  
عايدة : سيبني و متقربش مني ايه اللى فكرك دلوقتى بيا هاه؟
(رادميس) : قلبى اللى سيبته بين ايديك
(عايدة) : بس قلبك اختار حبيبه غير قلبي 
 و خان الحب و عهوده
(رادميس) : مش مصدقه حبي؟
(عايدة) : لاء الحب كدب وعده ... وقدامي قدم لك فرعون بنته؟
(رادميس) :
هنحارب الأحباش كمان كام ليله وانا هيكون ليا القيادة على الجيش فلو رجعت من حربي منتصر على الاعداء 
هاكشف للملك عن حبنا و ابين له طلبى ف اننا نتجوز
(عايدة) : ساعتها بنته مش هتسكت وهتصب اذاها على و إزاى تقبل بعد ما كنت امبارح خطيبها
انك تسيبها و تجيلي؟؟!!
(رادميس) : هاحميكِ منها
(عايدة) : معــــارك ملهاش جدوى و ممكن اللى هتعمله بردو مش هيحمينا من الــتـعــدي
اما لو عاوز لنا النجاة ارضي باللى هقولك عليه واللى هيكون سبيل الامان لنا
(رادميس) : وايه هو سبيل الامان ده؟
(عايدة) : نهرب ونخلص منهم كلهم 
(رادميس) : اهجر مصر بلدى وبلد اهلي والمكان اللى قضيت فيه شبابى وصباى
(عايدة) : الحب هيبني لنا ديـــار جديده تغنيك عــــن الاهل والاصحاب و اللى بعدنا قالوا على رأى المثل بلدك فين يا جحا؟قالهم اللى مراتى فيها (دى ابتسام اللى قالت كده مش عايده)
لو كنت تهواني كنت سمعت كلامي ورحمتني من الامِ
(رادميس) : اهواك لكني خايف عليك من كيد العدا وملامة اللوام يا بت انت مراتى 
(عايدة) : لاء انت خايف على اللي عاوز تتجوزها قريب
(رادميس) : ابدا و المعبد الطاهر اللى واقفين قدامه ده انا ما اخترتش غيرك حبيبه
(عايدة) : طب نستنى ايه بقى والشمل مجتمع على بساط الهوى والود متصل
هيا الى وطني نســعد ببهجته ويبتسم في رباه الحب والامل
تعال نهرب الى بلادي فزهرها بالندى رطيب
على رباها وفي حماها لحبنا مرتع خصيب
تعال ننســـى الشقاء فيها فلا عدو ولا رقيب 
(رادميس) : اقتنع رادميس وقالها 
طب يلا بينا قبل ما يطلع الفجر نفارق الوادي ولا من شاف ولا من دري
(عايدة) : بس انت ما قلتليش هنمشى من انهي طريق علشان متشوفناش عيون رجالتك ويبلغوا الملك عنى وعنك
(رادميس) : هنمشى من الطريق اللى سنزحف منها على العدو

(عايدة) : اسمه ايه الطريق ده ؟
(رادميس) :
وادي نباتا
وعند الجمله دى ويظهر اللى مكانش ف الحسبان يا ترى ايه اللى حصل؟
مين اللى بان؟ 
دا اللى هنعرفه الليله الجايه اذا احيانا الرحمن
بس ع العموم متنسوش لو حابين تقرأوا حاجه تانى من عندى 
اكتبوا الهاشتاج #الليله 
وجنبه اى رقم اقل من٧٤٠
هتقراوا لما تزهقوا .. دا لو فاضيين اما لو مشغولين زيى فاكيد هتعذرونى و ادعولى
ولو مش بتشوف حواديتى اليوميه بانتظام يبقى ممكن تعمل متابعه وسى فيرست 
ولو عجبك اعملوا لايك وكومنت وشجعونى اكمل 

#فوتكم_بعافيه_وعفو_ومعافاه
#ابتسام

تعليقات

إرسال تعليق

المشاركات الشائعة من هذه المدونة

#ليه_طيب_اكسر_وراه_قله؟ج٢#الليله٦٠٨

صورة
#ليه_طيب_اكسر_وراه_قله؟ج٢ #الليله٦٠٨ اما بقى الحدوته التانيه فبتقولك ان زمان وبردو ايام الفراعنه كانت لما الانسان يموت بيكسروا وراه اناء من الفخار  يعنى هنا كانت عاده مرتبطه بالجنائز  وطبعا كلنا عارفين اهمية الموت و الحياه الابديه والكلام دا كله عند المصريين القدماء واظن انى لسه مخلصه سلسلة ايزيس وازوريس اللى بتحكى باستفاضه ف اهمية الدفن والليله دى  طب بردو ليه نكسر وراه حاجه فخار واللى رسيت ع القله لاننا بقينا نستخدم معادن وصينى واوانى تانيه حاليا  انما القله فهى اللى كانت مكمله حتى دخول التلاجه الايديال ال ٨ قدم لكل بيت نرجع لكسر القله الفكره انهم مش بس بيكسروا القله لاء وكمان بياخدوها ويدفنوها جنب قبر المرحوم طيب الله ثراه ... ودا ليه؟ علشان لما ترجع الكا يعنى (الروح) على بيته مره تانيه مره ماتأذيش اهل البيت اللى موجودين فيه دول كانوا بيعملوا الاكل ف البيت وياخدوه عند مكان المقبره وياهم وهناك ياكلوا وبعدين يكسروا الاوانى دى ويسيبوا الفخار الكسر هناك  واللى كانوا بيسموه الشِقف جمع شقفه لدرجة ان المتخصصين فى الآثار وهم بينقبوا لو لقوا ف مكان ما آنيه  فخاري...
قراءة المزيد

#هو_صحيح_الجوع_كافر_بس_مش_للدرجه_دى؟؟؟ج٢#الليله٦٥٠

صورة
#هو_صحيح_الجوع_كافر_بس_مش_للدرجه_دى؟؟؟ج٢ #الليله٦٥٠  زى ما قولنا كان الموسم الزراعي في شمال العراق اواخر عام ١٩١٧ سئ جداً ومطر قليل ومحصول ضعيف و بيقول محمد امين العمري  واللى كان ف الوقت ده ضابط اعاشة في الجيش السادس التركي ويعتبر شاهد عيان ع الفتره دى بيحكى ويقول : انه كتب تقرير للقائد خليل باشا وضح فيه الخطر اللي هيحصل في ولاية الموصل بسبب قلة الحبوب و انهم ضرورى يستعدوا ويجيبوا مؤن من اسطنبول و يلحقوا الدنيا قبل فوات الاوان   لكن خليل باشا كبر دماغه و مهتمش للتحذير ده وقال له  ان ولاية الموصل هي مستودع تموين العراق و هي مش  محتاجة تموين يجي لها من بره يا حبيبى احنا ناخد ومنديش بس زى ما توقع محمد امين العامرى بدأت المجاعه حصل ايه ف المجاعه ؟ هل تداركت الحكومه الغير واعيه سوء الحال ؟ ولا ايه اللى حصل؟ ازاى اتعامل اهل الموصل مع المجاعه؟ اقولكم اولا زى ما توقع ضابط الاعاشه بدأت المجاعة تستفحل وشملت الموصل والمنطقة الواسعة اللى ف الشمال منها لحد بحيرة ((وان)) وبدأت جموع من الجياع تهجر ديارها في الاناضول وتتوجه ناحية الموصل  ما الكل بقى فاكرها مليانه خير...
قراءة المزيد

#زئرده #الليله١٠١

صورة
#زئرده #الليله١٠١ الحدوته المرادى حقيقيه زى حكايه #الشنطه_المعجزه  اللى ده الرابط بتاعها https://www.facebook.com/102264164820545/posts/142331610813800/ بردو جيران ماما زمان ف الحى العريق والشارع الجميل (( ابن الرشيد )) اللى لا اتولدت فيه ولا عشت فيه بس حبيته من حب امى فيه ومن حكاياتها عنه  (( زئرده ))  دى واحده جارتهم وباين من اسمها -اللى طبعا مش اسمها الحقيقى - ولكن الناس كانوا مسمينها كده لانها كانت صغننه الحجم  تقريبا كان اسمها نوال بس اللى كانت الدنيا كلها بتناديها بيه كان زيئرده كانت متجوزه بس معهاش اولاد وجوزها كان بيشتغل ف بلد تانيه وبييجى يشوفها كل فتره  وعلشان كده كانت عايشه ف شقه ف بيت اهلها بس بتبات لوحدها ف شقتها كان الناس كلها عارفين انهم مرتاحين ماديا  وف ليله صيفيه حاره حين لم يكن يوجد لا تكييف ولا حتى مروحه فى هذا الزمان القديم  و حيث لا يوجد حل سوى ان تنهى ليلتك بدش بارد لتذهب للنوم متأخراً على ١١ونص ١٢ بالليل كده  بعد ساعه ولا ٢ اما المدينه كلها تغرق فى سبات عميق مفيش صاحى  كانت كالعاده بايته لوحدها وحست بحركه معاها ف اوضة ...
قراءة المزيد