#بياع_الملوحه#الليله٣٤١

#بياع_الملوحه
#الليله٣٤١
الحكايه دى عدى عليها سنه وحواديتى ... تقرأها وتعمل كده🤔 او تعمل😳 وساعات ☺او😱او😞او😭 بس اؤكد لك انك عمرك ما هتعمل🥱او💤😞 او😤وغالبا هتكون كده😂😂😂 و دى حكايه مرت عليها سنه .. اتمنى تقرأوها و اسمع رأيكوا فيها 
#ابتسام
#بياع_الملوحه
#الليله٣٤١
الحكايه دى ماما الله يرحمها كانت بتحكيها من زمان وبتأكد انها حقيقيه وانها حصلت بالفعل و انا اللى كنت فاكراها حكايه مؤلفه او رمزيه بس العهده على الراوى - اللى هو مش انا - انا بنقلها لكم بس
المهم كان ياما كان فى وقت مش من زمان كان فى بياع ملوحه 🦈حاطط البراميل⚱ والصفايح اللى بيبيع منها 
و ف يوم وهو بيبيع طلع من البرميل اللى جنبه بسريايه صغننه يكمل بيها الميزان 
بس الزبون قاله استنى استنى دى مش ملوحه دا برص كبير🦎 وواضح انه وقع عندك ف الملوحه ومات واتملح معاهم ... بس دا برص🦎
بس البياع مصمم انه ملوحه والزبون مصمم ان ده برص 
وحسما للجدل من جانب بائع الملوحه وعلشان يقطع الشورت ف البسين او زى ما بنقول يقطع الشك باليقين وعلشان يثبت للزبون ان دى ملوحه وعلشان يقنع الزبون ويسكته ان دى ملوحه مش برص مسكه واكله 🤮🤮🤮
اه والله زيى ما بقولكم كده  ... اكل البرص 
 انتهت الحكايه اللى ماما كانت بتحكيها 
ووصلنا لنتيجه ان البائع ممكن يعمل اى حاجه علشان يقنع الزبون ان بضاعته مفيش زيها وانه شخصياً يأذى نفسه بس يلبس الزبون يفهمه ان بضاعته زى الفل وهو الخايب فاكر كده انه بيزود رزقه و مش عارف ان الرزق ده ف ايد اللى بيعصاه وبيدلس على الناس اللى إستأمنوه 
مش عارف ان فى صوره كامله ف القرأن اسمها المطففين بتتكلم عن حاجه بسيطه اوى انهم بيزودوا شويه على الميزان او المكيال  لما يشتروا 
انما لو هيبيعوا بكيل او ميزان يخسرون 
دا حسابهم عند ربنا ويل
وقال عليهم فُجّار 
امال بقى اللى بيغش ف البضاعه نفسها وبيبعها فاسده و مغشوشه او منتهية الصلاحيه او فيها برص 
وبقى مثل بياع الملوحه اكل البرص  بيتقال دايما ف حالة ان البياع مستعد 
يعمل اى شئ علشان يثّبت الزبون ويبيع له البضاعه بتاعته 
مش قصدى اقرفكم والله بس دايما ف ايام شم النسيم والايام دى 
بفتكر الحكايه دى 
قصدى بس احذر ويا ريت اللى مش بيعمل ف البيت 
الحاجات دى يشتريها من مكان مؤتمن ... او انك تكفى بالرنجه والتونه مالها يعنى التونه 
حكيت الحكايه دى قبل كده قبل ما ابدأ سلسله الف حكايه وحكايه علشان كده حكيتها النهاره نظراً لاقتراب شم النسيم 
وعلشان حاجه كمان 
النهادره الذكرى السنويه ال١٩ لامى ربنا يرحمها ويغفرلها ويرزقها الفردوس الاعلى
حواديتى مبيخلصوش ...
وانتوا كمان ف الليك و الكومنت والشير متقصروش ☺

#حكايات_امى_ادعولهابالرحمه
#مالها_علب_التونه
#بياع_الملوحه_اكل_البرص
#ابتسام

تعليقات

إرسال تعليق

المشاركات الشائعة من هذه المدونة

#ليه_طيب_اكسر_وراه_قله؟ج٢#الليله٦٠٨

صورة
#ليه_طيب_اكسر_وراه_قله؟ج٢ #الليله٦٠٨ اما بقى الحدوته التانيه فبتقولك ان زمان وبردو ايام الفراعنه كانت لما الانسان يموت بيكسروا وراه اناء من الفخار  يعنى هنا كانت عاده مرتبطه بالجنائز  وطبعا كلنا عارفين اهمية الموت و الحياه الابديه والكلام دا كله عند المصريين القدماء واظن انى لسه مخلصه سلسلة ايزيس وازوريس اللى بتحكى باستفاضه ف اهمية الدفن والليله دى  طب بردو ليه نكسر وراه حاجه فخار واللى رسيت ع القله لاننا بقينا نستخدم معادن وصينى واوانى تانيه حاليا  انما القله فهى اللى كانت مكمله حتى دخول التلاجه الايديال ال ٨ قدم لكل بيت نرجع لكسر القله الفكره انهم مش بس بيكسروا القله لاء وكمان بياخدوها ويدفنوها جنب قبر المرحوم طيب الله ثراه ... ودا ليه؟ علشان لما ترجع الكا يعنى (الروح) على بيته مره تانيه مره ماتأذيش اهل البيت اللى موجودين فيه دول كانوا بيعملوا الاكل ف البيت وياخدوه عند مكان المقبره وياهم وهناك ياكلوا وبعدين يكسروا الاوانى دى ويسيبوا الفخار الكسر هناك  واللى كانوا بيسموه الشِقف جمع شقفه لدرجة ان المتخصصين فى الآثار وهم بينقبوا لو لقوا ف مكان ما آنيه  فخاري...
قراءة المزيد

#هو_صحيح_الجوع_كافر_بس_مش_للدرجه_دى؟؟؟ج٢#الليله٦٥٠

صورة
#هو_صحيح_الجوع_كافر_بس_مش_للدرجه_دى؟؟؟ج٢ #الليله٦٥٠  زى ما قولنا كان الموسم الزراعي في شمال العراق اواخر عام ١٩١٧ سئ جداً ومطر قليل ومحصول ضعيف و بيقول محمد امين العمري  واللى كان ف الوقت ده ضابط اعاشة في الجيش السادس التركي ويعتبر شاهد عيان ع الفتره دى بيحكى ويقول : انه كتب تقرير للقائد خليل باشا وضح فيه الخطر اللي هيحصل في ولاية الموصل بسبب قلة الحبوب و انهم ضرورى يستعدوا ويجيبوا مؤن من اسطنبول و يلحقوا الدنيا قبل فوات الاوان   لكن خليل باشا كبر دماغه و مهتمش للتحذير ده وقال له  ان ولاية الموصل هي مستودع تموين العراق و هي مش  محتاجة تموين يجي لها من بره يا حبيبى احنا ناخد ومنديش بس زى ما توقع محمد امين العامرى بدأت المجاعه حصل ايه ف المجاعه ؟ هل تداركت الحكومه الغير واعيه سوء الحال ؟ ولا ايه اللى حصل؟ ازاى اتعامل اهل الموصل مع المجاعه؟ اقولكم اولا زى ما توقع ضابط الاعاشه بدأت المجاعة تستفحل وشملت الموصل والمنطقة الواسعة اللى ف الشمال منها لحد بحيرة ((وان)) وبدأت جموع من الجياع تهجر ديارها في الاناضول وتتوجه ناحية الموصل  ما الكل بقى فاكرها مليانه خير...
قراءة المزيد

#زئرده #الليله١٠١

صورة
#زئرده #الليله١٠١ الحدوته المرادى حقيقيه زى حكايه #الشنطه_المعجزه  اللى ده الرابط بتاعها https://www.facebook.com/102264164820545/posts/142331610813800/ بردو جيران ماما زمان ف الحى العريق والشارع الجميل (( ابن الرشيد )) اللى لا اتولدت فيه ولا عشت فيه بس حبيته من حب امى فيه ومن حكاياتها عنه  (( زئرده ))  دى واحده جارتهم وباين من اسمها -اللى طبعا مش اسمها الحقيقى - ولكن الناس كانوا مسمينها كده لانها كانت صغننه الحجم  تقريبا كان اسمها نوال بس اللى كانت الدنيا كلها بتناديها بيه كان زيئرده كانت متجوزه بس معهاش اولاد وجوزها كان بيشتغل ف بلد تانيه وبييجى يشوفها كل فتره  وعلشان كده كانت عايشه ف شقه ف بيت اهلها بس بتبات لوحدها ف شقتها كان الناس كلها عارفين انهم مرتاحين ماديا  وف ليله صيفيه حاره حين لم يكن يوجد لا تكييف ولا حتى مروحه فى هذا الزمان القديم  و حيث لا يوجد حل سوى ان تنهى ليلتك بدش بارد لتذهب للنوم متأخراً على ١١ونص ١٢ بالليل كده  بعد ساعه ولا ٢ اما المدينه كلها تغرق فى سبات عميق مفيش صاحى  كانت كالعاده بايته لوحدها وحست بحركه معاها ف اوضة ...
قراءة المزيد