#فاطيما_ج٢والاخير#الليله٤٢
#فاطيما_ج٢والاخير
#الليله٤٢
اتجوزت اخيرا من شهرين كانوا اصعب ٦ شهور مروا عليا
رجليا دابت من اللف ع المحلات علشان اجهز اللي عاوزاه
ايمن كان مستعجل
والحمد لله انا حامل دلوقتي
وزي ما بيقولوا انتهت مرحلة وهن علي وهن وبعد ايام هقابل ابني حبيبى
روحت للدكتوره وقالت ممكن اولد طبيعي ف اي وقت انا فرحانه اوي هاعمل حتة سبوع
بس المشكله اني لازم اعمل شعري علشان شكله باظ خالص بعد الجِلاد ما راح من عليه
هاقعد ادهنه وبعد ساعه ويرجع شعري سايح ونايح
ااااااااااه
بوللللللللد ااااالحققققققققوني ....
ماما واخواتي وايمن اتلهوا فيا
الولاده متعسره اوي
بقالي ساعات كتير .... بالظبط ٢٧ بولد لما روحي طلعت.... بس الحمد لله ربنا رزقني بواد زي القمر نسانى كل التعب اللى شوفته
منسيتش اوى
يا لهوى .. لاء
انا نسيت
بس مش نسيت التعب
انا نسيت الجلاد على شعرى عدى عليه يومين وانا داهنه شعرى
ياااااه الدهان في شعري احنا اتلهينا ف الولاده
اما اقوم اغسله بقي
ايه ده شعري بقي كتله واحده
مش بتفك خالص عامل زي سلك الالومنيوم
امي واخواتي بيحاولوا معايا بس مفيش فايدة
الشعر كله كتلة واحده . .... زي ما يكون ساح ف بعض
دول بيحاولوا يفكوه حاولوا بكا طريقه حتى الشوكه
حتى لو حاولوا يسحبوا شعرايه شعرايه للاسف مش بيفك من بعضه
بس بينزل كتل كتل
احنا لازم تروح لدكتور
الدكتور اداني كورس علاج امشي عليه
بعد عذاب شهور داخله ع السنه
بدأ يطلعلي شهر... اه ما هو انا بقيت قرعه خالص
بعد ماشعري وقع وممكن تقولوا ذاب
الشعر اللي بينبت ده طالع ابيض وخفيف اوي ولا شعر ست عندها ٧٠ او ٨٠ سنه
الغريب ان الاول لما كان شعري طويل وتقيل اوي كنت متضايقه منه ومكانش عاجبني
سبحان الله دلوقتي ابيض وانا عندي ٢٤ وخفيف جدا ولسه زي ما هو هايش
وكمان الدكتور مانعني احط عليه اي كيماويات لا فرد ولا صبغه قالي حنه بس وتكوني متأكده انها نوع طبيعي معليهوش اي اضافات
انا دلوقتى بحط حنه على شعري وقصيته كاريه
انا بقعد به عادي وسط اهلي ومحارمي مش بتكسف منه ولا بغطيه دا مشوفتوش الا بعد شهور كنت فيهم ربطه ايشارب علطول علشان كنت قرعه
كنت بخبى راسى بالايشارب حتى من ايمن كنت بتكسف منه
مع انه كتر خيره قالى الحمد لله انها جت على قد كده
انا دلوقتي معتزه بشعري وثقتي ف نفسي متهزتش ولا نزلت بالعكس زادت عن زمان
انا بحمد ربنا علي كل حال
عاوزه اسأل الاسئله اللي بقولها لنفسي بس بصوت عالي
* هو انا ليه كرهت شعري وقررت اغيره وفي غيري اللي معندوش اي حاجه من اللي عندي ومفكرش يغيرها ... هي دي الثقه بالنفس واللي للاسف مكانتش عندي
* كلام امي دايما عن شعري وعيوب شعري
.... افقدني الثقة بنفسي
* خلوا ولادكم يحبوا شكلهم اشكروا ف المميزات و فى العيوب حسسوهم انها تافهه ف نظركم هيتعاملوا معاها زي ماعودووهم .... انها تافهه
* عززوا الثقه بالنفس من غير ما نخليهم مغرورين
* نتعود نحمد ربنا على الابتلاء.. وناخد منه درس.. ونبص لنص الكوبايه المليان
* نتعلم اننا ندافع عن ولادنا من اي تنمر من كبار اقارب او جيران او فاعيلي خير فاكرين انهم ظراف ولطاف لما يمدحوا ف جمال الام او احدي الاخوات بالمقارنه بالاخت التانيه نوقفهم عند حدهم وندافع عن ولادنا
ولما يكبروا نعلمهم يدافعوا ازاي عن نفسهم ضد اي تنمر
كارته .... سمرا... معضمه... مسفرته... اوزعه ... حوله... بنضاره ... تخينه
كل ده اسمه تنمر
#الحمد_لله_علي_كل_حال
#اتعيب_الخلقه_ام_تعيب_الخالق
#انا_وانت_وساعات_الحظر
#فاطيما_شخصيه_حقيقه
#ابتسام
تعليقات
إرسال تعليق