#بقرة_جحا#الليله٣٤٧

#بقرة_جحا
#الليله٣٤٧
حكينا قبل كده عن ثور جحا انه لما اتنزق ف انه يدبحه استخسره ف الناس اللى حواليه
وقال جحا اولى بلحم طوره حكايته تحت 👇
بس المره دى هنحكى عن بقرة جحا 
جحا كان عنده بقره
وف يوم بقرته عثرت ووقعت واتكسرت رجلها 
وطبعا مفيش طبيب بشرى ف وقتها علشان يبقى فى طبيب بيطرى يعالجها يبقى الحل انه يدبحها وعلشان جحا راجل طيب وكريم فقرر انه يوزع لحمها على الفقرا وهدايا لجيرانه ولاهل قريته 
ياسلام ...
وكان فين الكرم ده لما ذبح الثور 
ما علينا ... دا جحا حيث ينتحر المنطق
وتختلف قصته 
المهم ان يا حرام جحا عاوز يشترى بقره بدل اللى دبحها بس يعنى هيجيب منين وهو ماحيلتوش حاجه؟
يبقى الحل ان اهل القريه اتفقوا انهم يساعدوه ويتبرعوا بفلوس لحد ما يجمع تمن البقره
وجحا على استحياء بدأ يجمع من الناس بعد ضغط منهم وتمنع منه  
وبعدين بدأ يجمع والناس تدفع 
وهو يجمع من الناس 
وشويه شويه الناس تجمع مع بعض وتدفع ... وتدفع ... وتدفع ... ولا اعلانات التبرعات اللى بتتعمل ف رمضان 
هو اساسا لو كان فى ايامهم تليفزيون كان زمانه عمل اعلانات تجمع تبرعات 
لحد ما جمع ثمن قطيع بقر مش بقره واحده وعلشان الحكايه طالت وزادت ف بقى رمز لان اى حد يجمع فلوس لمشروع وتحس انه جمع تكلفة تغطى تكلفته كذا مره 
ويبقى دا اتكلف قد بقرة جحا 
يا ترى تعرفوا ايه من المشروعات اللى اتكلفت قد بقرة جحا ؟
طب بمناسبة اعلانات رمضان 
عارفين انى بشوف اعلان بيقول السنادى مش هنجيب مصورين ومخرجين 
السنادى مش هنصور اعلان السنادى هنبنى الفرع الجديد
دا على اساس ان انت مصور ايه اللى انا بتفرج عليه مش مصور اعلان 
وهو يا ترى حد اخرجه ولا هو خرج لوحده كده من غير ما حد يمسك ف ايده ويعديه الشارع 
اه مين اللى بيتكلم مش صوت مدفوع له فلوس 
بس صراحه هم مصوروش اعلان ...🤭
 الاعلان هو اللى صورهم 😏
حواديتى مبيخلصوش ...
وانتوا كمان ف الليك و الكومنت والشير متقصروش ☺

#حكايه_ورا_كل_مثل
#ابتسام

تعليقات

إرسال تعليق

المشاركات الشائعة من هذه المدونة

#ليه_طيب_اكسر_وراه_قله؟ج٢#الليله٦٠٨

صورة
#ليه_طيب_اكسر_وراه_قله؟ج٢ #الليله٦٠٨ اما بقى الحدوته التانيه فبتقولك ان زمان وبردو ايام الفراعنه كانت لما الانسان يموت بيكسروا وراه اناء من الفخار  يعنى هنا كانت عاده مرتبطه بالجنائز  وطبعا كلنا عارفين اهمية الموت و الحياه الابديه والكلام دا كله عند المصريين القدماء واظن انى لسه مخلصه سلسلة ايزيس وازوريس اللى بتحكى باستفاضه ف اهمية الدفن والليله دى  طب بردو ليه نكسر وراه حاجه فخار واللى رسيت ع القله لاننا بقينا نستخدم معادن وصينى واوانى تانيه حاليا  انما القله فهى اللى كانت مكمله حتى دخول التلاجه الايديال ال ٨ قدم لكل بيت نرجع لكسر القله الفكره انهم مش بس بيكسروا القله لاء وكمان بياخدوها ويدفنوها جنب قبر المرحوم طيب الله ثراه ... ودا ليه؟ علشان لما ترجع الكا يعنى (الروح) على بيته مره تانيه مره ماتأذيش اهل البيت اللى موجودين فيه دول كانوا بيعملوا الاكل ف البيت وياخدوه عند مكان المقبره وياهم وهناك ياكلوا وبعدين يكسروا الاوانى دى ويسيبوا الفخار الكسر هناك  واللى كانوا بيسموه الشِقف جمع شقفه لدرجة ان المتخصصين فى الآثار وهم بينقبوا لو لقوا ف مكان ما آنيه  فخاري...
قراءة المزيد

#هو_صحيح_الجوع_كافر_بس_مش_للدرجه_دى؟؟؟ج٢#الليله٦٥٠

صورة
#هو_صحيح_الجوع_كافر_بس_مش_للدرجه_دى؟؟؟ج٢ #الليله٦٥٠  زى ما قولنا كان الموسم الزراعي في شمال العراق اواخر عام ١٩١٧ سئ جداً ومطر قليل ومحصول ضعيف و بيقول محمد امين العمري  واللى كان ف الوقت ده ضابط اعاشة في الجيش السادس التركي ويعتبر شاهد عيان ع الفتره دى بيحكى ويقول : انه كتب تقرير للقائد خليل باشا وضح فيه الخطر اللي هيحصل في ولاية الموصل بسبب قلة الحبوب و انهم ضرورى يستعدوا ويجيبوا مؤن من اسطنبول و يلحقوا الدنيا قبل فوات الاوان   لكن خليل باشا كبر دماغه و مهتمش للتحذير ده وقال له  ان ولاية الموصل هي مستودع تموين العراق و هي مش  محتاجة تموين يجي لها من بره يا حبيبى احنا ناخد ومنديش بس زى ما توقع محمد امين العامرى بدأت المجاعه حصل ايه ف المجاعه ؟ هل تداركت الحكومه الغير واعيه سوء الحال ؟ ولا ايه اللى حصل؟ ازاى اتعامل اهل الموصل مع المجاعه؟ اقولكم اولا زى ما توقع ضابط الاعاشه بدأت المجاعة تستفحل وشملت الموصل والمنطقة الواسعة اللى ف الشمال منها لحد بحيرة ((وان)) وبدأت جموع من الجياع تهجر ديارها في الاناضول وتتوجه ناحية الموصل  ما الكل بقى فاكرها مليانه خير...
قراءة المزيد

#زئرده #الليله١٠١

صورة
#زئرده #الليله١٠١ الحدوته المرادى حقيقيه زى حكايه #الشنطه_المعجزه  اللى ده الرابط بتاعها https://www.facebook.com/102264164820545/posts/142331610813800/ بردو جيران ماما زمان ف الحى العريق والشارع الجميل (( ابن الرشيد )) اللى لا اتولدت فيه ولا عشت فيه بس حبيته من حب امى فيه ومن حكاياتها عنه  (( زئرده ))  دى واحده جارتهم وباين من اسمها -اللى طبعا مش اسمها الحقيقى - ولكن الناس كانوا مسمينها كده لانها كانت صغننه الحجم  تقريبا كان اسمها نوال بس اللى كانت الدنيا كلها بتناديها بيه كان زيئرده كانت متجوزه بس معهاش اولاد وجوزها كان بيشتغل ف بلد تانيه وبييجى يشوفها كل فتره  وعلشان كده كانت عايشه ف شقه ف بيت اهلها بس بتبات لوحدها ف شقتها كان الناس كلها عارفين انهم مرتاحين ماديا  وف ليله صيفيه حاره حين لم يكن يوجد لا تكييف ولا حتى مروحه فى هذا الزمان القديم  و حيث لا يوجد حل سوى ان تنهى ليلتك بدش بارد لتذهب للنوم متأخراً على ١١ونص ١٢ بالليل كده  بعد ساعه ولا ٢ اما المدينه كلها تغرق فى سبات عميق مفيش صاحى  كانت كالعاده بايته لوحدها وحست بحركه معاها ف اوضة ...
قراءة المزيد