#الاختيار#الليله٥١

#الاختيار
#الليله٥١
كان ياما كان 
راجل غني جدا بس معندهوش زوجه ولا اولاد ولا حتي اهل وورثه 
ممكن تقولوا كده مقطوع من شجره 
حس ان نهايته قربت .... 
فعمل عزومه عشا عزم عليها العاملين معاه ف قصره اللي هم بيخدموه طول عمرهم 
بعد العشا حط قدام كل واحد منهم 
نسخه من القرأن 
ورزمة فلوس 
وطلب منهم انهم يختاروا 
الاولاني كان الحارس جاوب وقاله كنت اتنمي اختار القرآن انا مش بعرف اقرأ علشان كده هاخد الفلوس 
اما الجايني فلما صاحب القصر قاله اختار؟؟ 
قاله كان نفسي اختار القرآن ... لكن زوجتي مريضه ومحتاج الفلوس اعالجها 
ولولا كده كنت اختارت القرآن ... لكني عاوز الفلوس
ولما سأل الطباخ
قاله انا بحب القراءة لكن انا لما بشتغل مبيكونش عندي وقت اقرأ... علشان كده هاختار الفلوس
اخر من يعمل مع صاحب القصر كان ولد صغير بيشتغل سايس للحيوانات... الولد ده كان فقير جدا 
علشان كده قاله صاحب القصر : انا عارف انك هتختار الفلوس علشان تشتري اكل ولبس و جزمة جديده بدل جزمتك المقطعه ؟؟؟ 

الولد رد وقاله صحيح نفسي ف جزمه جديده و الاكتر نفسى ف فرخه اكلها مع امي
لكني هختار القرآن الكريم 
لان امي قالت لي : 
كلمه من الله سبحانه وتعالى قيمتها اكثر من الذهب وطعمها احلي من الشهد
واخذ القرآن وبعد ما فتحه 
لقي ظرفين 
اول ظرف فيه مبلغ عشر اضعاف اللي كان موجود جنب، المصحف واللي
 اختاره زمايله
اما الظرف التاني فلقي فيه انه هيورث الرجل الغني
صاحب القصر قالهم 
اللي يحسن الظن بالله... فان الله لا يخيب رجاءه
#فما_ظنكم_برب_العالمين
#ما_انزلنا_عليك_القرآن_لتشقى
#انا_وانت_وساعات_السفر
#ابتسام

تعليقات

إرسال تعليق

المشاركات الشائعة من هذه المدونة

#ليه_طيب_اكسر_وراه_قله؟ج٢#الليله٦٠٨

صورة
#ليه_طيب_اكسر_وراه_قله؟ج٢ #الليله٦٠٨ اما بقى الحدوته التانيه فبتقولك ان زمان وبردو ايام الفراعنه كانت لما الانسان يموت بيكسروا وراه اناء من الفخار  يعنى هنا كانت عاده مرتبطه بالجنائز  وطبعا كلنا عارفين اهمية الموت و الحياه الابديه والكلام دا كله عند المصريين القدماء واظن انى لسه مخلصه سلسلة ايزيس وازوريس اللى بتحكى باستفاضه ف اهمية الدفن والليله دى  طب بردو ليه نكسر وراه حاجه فخار واللى رسيت ع القله لاننا بقينا نستخدم معادن وصينى واوانى تانيه حاليا  انما القله فهى اللى كانت مكمله حتى دخول التلاجه الايديال ال ٨ قدم لكل بيت نرجع لكسر القله الفكره انهم مش بس بيكسروا القله لاء وكمان بياخدوها ويدفنوها جنب قبر المرحوم طيب الله ثراه ... ودا ليه؟ علشان لما ترجع الكا يعنى (الروح) على بيته مره تانيه مره ماتأذيش اهل البيت اللى موجودين فيه دول كانوا بيعملوا الاكل ف البيت وياخدوه عند مكان المقبره وياهم وهناك ياكلوا وبعدين يكسروا الاوانى دى ويسيبوا الفخار الكسر هناك  واللى كانوا بيسموه الشِقف جمع شقفه لدرجة ان المتخصصين فى الآثار وهم بينقبوا لو لقوا ف مكان ما آنيه  فخاري...
قراءة المزيد

#هو_صحيح_الجوع_كافر_بس_مش_للدرجه_دى؟؟؟ج٢#الليله٦٥٠

صورة
#هو_صحيح_الجوع_كافر_بس_مش_للدرجه_دى؟؟؟ج٢ #الليله٦٥٠  زى ما قولنا كان الموسم الزراعي في شمال العراق اواخر عام ١٩١٧ سئ جداً ومطر قليل ومحصول ضعيف و بيقول محمد امين العمري  واللى كان ف الوقت ده ضابط اعاشة في الجيش السادس التركي ويعتبر شاهد عيان ع الفتره دى بيحكى ويقول : انه كتب تقرير للقائد خليل باشا وضح فيه الخطر اللي هيحصل في ولاية الموصل بسبب قلة الحبوب و انهم ضرورى يستعدوا ويجيبوا مؤن من اسطنبول و يلحقوا الدنيا قبل فوات الاوان   لكن خليل باشا كبر دماغه و مهتمش للتحذير ده وقال له  ان ولاية الموصل هي مستودع تموين العراق و هي مش  محتاجة تموين يجي لها من بره يا حبيبى احنا ناخد ومنديش بس زى ما توقع محمد امين العامرى بدأت المجاعه حصل ايه ف المجاعه ؟ هل تداركت الحكومه الغير واعيه سوء الحال ؟ ولا ايه اللى حصل؟ ازاى اتعامل اهل الموصل مع المجاعه؟ اقولكم اولا زى ما توقع ضابط الاعاشه بدأت المجاعة تستفحل وشملت الموصل والمنطقة الواسعة اللى ف الشمال منها لحد بحيرة ((وان)) وبدأت جموع من الجياع تهجر ديارها في الاناضول وتتوجه ناحية الموصل  ما الكل بقى فاكرها مليانه خير...
قراءة المزيد

#زئرده #الليله١٠١

صورة
#زئرده #الليله١٠١ الحدوته المرادى حقيقيه زى حكايه #الشنطه_المعجزه  اللى ده الرابط بتاعها https://www.facebook.com/102264164820545/posts/142331610813800/ بردو جيران ماما زمان ف الحى العريق والشارع الجميل (( ابن الرشيد )) اللى لا اتولدت فيه ولا عشت فيه بس حبيته من حب امى فيه ومن حكاياتها عنه  (( زئرده ))  دى واحده جارتهم وباين من اسمها -اللى طبعا مش اسمها الحقيقى - ولكن الناس كانوا مسمينها كده لانها كانت صغننه الحجم  تقريبا كان اسمها نوال بس اللى كانت الدنيا كلها بتناديها بيه كان زيئرده كانت متجوزه بس معهاش اولاد وجوزها كان بيشتغل ف بلد تانيه وبييجى يشوفها كل فتره  وعلشان كده كانت عايشه ف شقه ف بيت اهلها بس بتبات لوحدها ف شقتها كان الناس كلها عارفين انهم مرتاحين ماديا  وف ليله صيفيه حاره حين لم يكن يوجد لا تكييف ولا حتى مروحه فى هذا الزمان القديم  و حيث لا يوجد حل سوى ان تنهى ليلتك بدش بارد لتذهب للنوم متأخراً على ١١ونص ١٢ بالليل كده  بعد ساعه ولا ٢ اما المدينه كلها تغرق فى سبات عميق مفيش صاحى  كانت كالعاده بايته لوحدها وحست بحركه معاها ف اوضة ...
قراءة المزيد