الف حكايه وحكايه مع ابتسام الصاوى

#انت_محيلتكش_اللضا_انا_بقى_بقيت_عالجنط #الليله٧٤٨ اتكلمنا الليله اللى فاتت عن اللى محيلتوش اللضا وقولنا ان معناها الله الضامن حرفها الناس بعدما استسهلوا يقولوا اللضا كلفظ واحد بدل كلمتين واختفت العمله النحاس اللى مكتوب عليها الله الضامن بس فضل لفظ اللضا دليل ع الفقر الشديد بس مش اللفظ دا بس اللى بيعبر عن الفقر الشديد  ولك انك تتخيل اتنين خاليين شغل وقاعدين ع القهوه واتكلم واحد و بيقول دا انا محيلتيش اللضا فيرد اللى قاعد معاه و يقوله انا كمان بقيت ع الجنط ياصاحبى طب ايه؟ معناهم ايه؟  وايه علاقة اللفظ دا كمان بالفقر او ان الشخص دا مفلس  و جت منين؟ اعتقد دى ممكن تكون مفهومه وسهله لاى حد عنده فكره بسيطه عن العربيات  هيعرف ان الجنوط دى هى الحاجه الدائريه اللى بتتركب فيها العجله الكاوتش المنفوخه  علشان كده لو العجله فضيت من الهوا اللى فيها وفضلت حضرتك ماشى بيها  هنا هتكون ماشى على الجنط اللى بيفضل طبعا ياكل ف الكاوتش ويقطعه  بكده طبعا العربيه هتكون عماله تتحرك على الجنط المعدنى ده ودا بيتلف الكاوتش نهائى  و مش بس كده دا كمان بيبطأ العربيه وبيحجم سرعتها...

#محيلتوش_اللضا #الليله٧٤٧ كان ياما كان ف مصر زمان  بيت مال مهمته زى ما كانت مهمة بيت المال  من ايام ما كان من ايام الرسول صلى الله عليه وسلم وسيدنا ابو بكر من بعده ثم اتعمل لاول مره كمؤسسه  فى عهد عمر بن الخطاب رضى الله عنهم اجمعين وكانت مهمة بيت المال انه يجمع الزكاه من الاغنيا ويوزع ع الفقرا ويعمل المشروعات اللى البلد محتاجاها طب طول عمرنا بنسمع عن جامعى الضرائب او الجباه او المتولى حسب المسمى ف كل عصر ودول بياخدوا ضرايبهم من الاغنيا سلع او نقود ذهبيه وفضيه مكانوش لسه اخترعوا الفلوس الورق و بالمناسبه الفلوس الورق مش مصنوعه من الورق اللى بنستعمله ولكن مصنوعه من القطن ... علشان كده قيمتها عماله تكش 🙄 ما علينا  طب ازاى يتوزع الفلوس ع الفقرا  كانت فى فكره جميله اوى  علشان الناس تاخد السلع من البقالين بالكميات اللى عاوزاها ومحتاجاها حاجه كده زى بطاقة التموين دلوقتى او كوبونات الغذاء اللى كانت بتتصرف ف بعض البلاد اوقات الحروب  الوسيله ايامها كانت قطعه معدنيه من النحاس مكتوب عليها ((الله الضامن)) بياخدها الفقير ويروح يجيب احتياجاته من البقال او القصاب (الج...

#بقرة_جحا #الليله٣٤٧ حكينا قبل كده عن ثور جحا انه لما اتنزق ف انه يدبحه استخسره ف الناس اللى حواليه وقال جحا اولى بلحم طوره حكايته تحت 👇 بس المره دى هنحكى عن بقرة جحا  جحا كان عنده بقره وف يوم بقرته عثرت ووقعت واتكسرت رجلها  وطبعا مفيش طبيب بشرى ف وقتها علشان يبقى فى طبيب بيطرى يعالجها يبقى الحل انه يدبحها وعلشان جحا راجل طيب وكريم فقرر انه يوزع لحمها على الفقرا وهدايا لجيرانه ولاهل قريته  ياسلام ... وكان فين الكرم ده لما ذبح الثور  ما علينا ... دا جحا حيث ينتحر المنطق وتختلف قصته  المهم ان يا حرام جحا عاوز يشترى بقره بدل اللى دبحها بس يعنى هيجيب منين وهو ماحيلتوش حاجه؟ يبقى الحل ان اهل القريه اتفقوا انهم يساعدوه ويتبرعوا بفلوس لحد ما يجمع تمن البقره وجحا على استحياء بدأ يجمع من الناس بعد ضغط منهم وتمنع منه   وبعدين بدأ يجمع والناس تدفع  وهو يجمع من الناس  وشويه شويه الناس تجمع مع بعض وتدفع ... وتدفع ... وتدفع ... ولا اعلانات التبرعات اللى بتتعمل ف رمضان  هو اساسا لو كان فى ايامهم تليفزيون كان زمانه عمل اعلانات تجمع تبرعات  لحد ...

#خاطف_الكلاب_ج٢الاخير #رحله_الى_جزر_لانجرهانز #الليله٥٠ نكمل  طب بيعمل ايه بالكلاب دي كلها  الموضوع انه بيخلي كلب مريض بالسكر بعد ازالة البنكرياس وتحويله لمريض سكر  وبيجيب كلب تاني و بيتلفوا كل البنكرياس ماعدا جزء واحد اللي هو عند د. بانينج اقتناع ان دا اللي فيه العلاج ودا سمه جزر لانجرهانز ودا علي اسم العالم الالماني اللي اكتشفها عام 1869 والجزر دي حكايه اسمحولي اكلمكم عنها باختصار دي مجموعه بقع صغننه علي البنكرياس عددها  مليون بقعه ياااااه دي كبيره اوي وزنها ١ مليجرام ياااااه دي صغيره اوي استني.... دي مش كلها لها وظيفه واحده دول الفا وبيتا و دلتا وليله سعاتك  وكل واحد من دول له مهمه اساسيه ف جسمنا المهم نرجع للراجل الطيب اللي عمال يلف ورا الكلاب طول الليل ده ويرجع ميرتاحش  هو والمساعد بتاعه خدوا الجزء  الصغير ده و فتتوه حقنوه  في الكلب الاولاني اللي هم خلوه مريض سكر  مرت الدقايق بطيئه وهم بيبصوا للكلب اللي اتحقن  ربع ساعه خدوا دم وحللوا  الجلوكوز لسه عالي ف الدم ربع ساعه كمان وحللوا .... الجلوكوز بدأ ينزل وكانوا مش مصدقين نفسهم 🙀...

#ست_رغايه #الليله٣٤٦ اصل ومعنى كلمة رغاى هيعجبكم الرغى ف الموضوع ده دايما بيتقال عن الشخص كتير الكلام واللى يخرج من موضوع يدخل ف التانى ان الشخص ده رغاى طب يعنى ايه رغاى وايه اصلها بيقولوا العرب زمان ان الشخص ده  مليّلة الارغاء  يعنى صوتها ممل ... وكتيرة الكلام ... و اللى تقوله تعيده واللى تعيده تزيده مما ينتج عنه ضجر وزهق للى بيسمعه او بيسمعها  ممكن حد يفكر كده ويقولك دا من رغوة الصابون اما بيزيد الفقاقيع وتكتر بتعمل حاجه بنسميها رغوه ودى قد تبدو معنى صحيح خصوصا ان كتير من كلام الرغى بيكون من الكلام الفارغ من المحتوى زى ما الرغوه بتكون فقاعات هوا جوه الصابون  بس لاء  الرغاى مش جاى من رغوة الصابون  دا حاجه ... ودا حاجه بس هو تشابه فان البعير لما بترغى بفمها بيطلع مع الصوت ريم كده او زَبَدْ واللى هو شبه رغوة الصابون اواللبن لما يفور دى حاجه بتشبه رغوة الصابون  وبالتالى ف الرغوه فهى زى هواء محبوس داخل فقاعات ضيقه  اما بقى رغاء الناقه اللى بيقصده العرب بكتر الكلام فده اللى اسمه الرغى او الرغاء  ودا صوت بتصدره الناقه ومش بيبقى طول الوقت ولكن بيكو...

#خاطف_الكلاب_ج١ #الليله٤٩ بقالى سنتين بحكى حواديت يوميه و علشان كده هتنزل كل يوم حكايتين قدام من السنه اللى فاتت و من اللى قبلها دا غير الحكايه جديده  ودى الحدوته اللى عدى عليها سنتين #خاطف_الكلاب_ج١ #الليله٤٩ لو بتتمشي ف مدينه تورنتو ف كندا سنه 1920 بالليل والناس كلها نايمه ولقيت واحد كده محترم ولابس بدله وعمال يجري ورا كلب  هتستغرب... و هتفكر ف عقلك يمكن كلبه وتايه منه وبيدور عليه  او يمكن هيبيعه ف اسواق الصين وياكلوه مشوي   او يبيعه ف مصر ويعملوه حواوشي علشان متحيرش نفسك وترمي رغيف الحواوشي من ايدك احب اطمنك هو بزمتك هتاكل حواوشي معمول بكلب من كندا  دا تلاقيه بالشئ الفلاني  امال الكلاب البلدي ربنا خلقها ليه سيبك منه الحواوشي دا مش موضوعنا نتكلم عنه بعدين  الموضوع ان الراجل ده بصوره او باخري انقذ حياه حد تعرفه... او حد يهمك او حياتك انت شخصيا  الموضوع بدأ قبلها بسنتين  الاستاذ ده و بالمناسبه اسمه فريدريك بانتنج كان مشارك ف الحرب العالمية الأولى ولما خلصت الحرب بقي عمره ٢٩ سنه  رجع بلده لندن وفتح عياده  والحاله كانت نايمه خالص مف...