الف حكايه وحكايه مع ابتسام الصاوى

#ماندو_والمكرونه #الليله٢١٩ حدوته هديه السنه الجديده كان ياماكان ولد صغير اسمه ماندو ماندو كان مغلب ماما ف الاكل خالص  وف يوم ندهت ماما لماندو وقالتله تعالى عملتلك خضار ورز رد ماندو وقال بس انا مش عاوز رز انا عاوز مكرونه  ماما قالت الرز حلو قالها لا ماليش دعوه عاوز مكرونه ماما قامت وعملت مكرونه  وندهت تانى لماندو  تعالى ياماندو كل المكرونه  ماندو قال لاء مش عاوز اكل مكرونه تعالى يا ماندو كل المكرونه  لاء ... مش هاكل مكرونه ماما اتغاظت اوى  وقالت تعالى ياعصايه اضربى ماندو اللى مش عاوز ياكل مكرونه  ردت العصايه وقالت وانا مالى ومال ماندو اللى مش عايز ياكل المكرونه  ماما قالت طيب .... تعالى يا نار احرقى العصايه  ... اللي مش عايزه تضرب ماندو اللي مش عايز ياكل المكرونه  ردت النار وقالت وانا مالي ومال العصايه اللى  مش عايزه تضرب ماندو انا مش عايز ياكل المكرونه  ماما قالت تعالى يا ميه اطفي النار   اللي مش عايزه تحرق العصايه اللي مش عايزه تضرب ماندو انا مش عايز ياكل المكرونه  ردت الميه وقالت وانا مالي ومال ا...

عضة_اسد_ولا_نظرة_حسد(٢) #الليله٢١٦ #سفينه #الجزء_الثانى سفينه اتكسرت المركب اللى هو فيها وكان معرض للغرق ونجاه ربنا فى البحر واتعلق  فى لوح خشب ورماه على الموج على الشط ولقى نفسه ف غابه ... حاول يوصل لمكان فيه بشر .. بس هو تايه فى الغابه  وقابل اسد   الشخص العادى فى الموقف ده اكيد مش هيقدر يجرى لان ركبه هتسيب  طبعا احنا مش بنتكلم عن ابطال زى هاشم او جحدر ودول حكاياتهم لسه هتتحكى باذن الله  انت بتتكلم عن شخص عادى يعنى لا قوه خارقه ولا شجاعه فذه  المهم انى انا لو مكانه لو لسه محافظه على وضوئى😔...  هاصلى  انما بقى سفينه كلمه  اه ... والله زى ما بقوكم كده كلمه وجه كلامه للاسد  لاء مش بس كده ... دا كمان قاله باسم الدلع   اصل العرب بتطلق على الاسد ييجى ٥٠ اسم منهم ورد وغضنفر وليث واسامه و ابو الحارث   فهو كلم الاسد و قاله : يا ابا الحارث .. انا سفينه مولى رسول الله صلى الله عليه وسلم  فطأطأ الاسد رأسه واقبل على سفينه وحمله على عاتقه  وخرج به من الغابه حتى دله على الطريق  ثم رجع قليلا  ثم اقعى على ذنبه يعن...

#حسام  #الليله٢١٨ حسام ده يبقى ابن خالتى كان اكبر منى بشويه سنين  ممكن تقول  My hero اخويا الكبير اللى بيعلمنى كل حاجه  بتعلم منه الالعاب  وبيفهمنى الدنيا طبعا بمفاهيمه هو  فعرفنى على شخصية ابو رجل مسلوخه   و بيضحك عليا ويقولى انه موجود ف الخدديه وان الخرم الصغير اللى ف بوزه من ابوازها ممكن يطلع منه ابو رجل مسلوخه وياكلنى مع ان الخرم صغير اوى ومش هيعرف يخرج منه ومع انى مقتنعه انه مش هيعرف يخرج بس بردو كنت بخاف  كان ساعات بييجى عندنا يبات كام يوم باعتبار ان مامتى ماما خالتو اللى هو واخواته بيقضوا وقت كبير من اجازه اخر السنه عندها باعتبارها معندهاش اولاد فكانت خالتى بتضحى بحد كل شويه يسلى ماما  ودا قبل ما انا اتولد  ومش عارفه فاكره ازاى  لما فؤاد اخويا الله يرحمه اتولد كنت عندى ٤ سنين الا شهرين  ووالله ما عارفه  ازاى فاكره اليوم ده بتفاصيله  لما ماما صحيت تعبانه وكان معانا حسام الراجل الصغير ومساعد بابا ف الخروج من البيت ومينسوش الشنطه بتاعة ماما ولا البت الصغيره ( انا ) وخدنا بابا ورحنا عند جدتى  وساعتها اول ما ال...

#عضة_اسد_ولا_نظرة_حسد #الليله٢١٥ #سفينه  اتكلمنا قبل كده عن اسد وراجل ظريف ف قصة اندروكليز والاسد اندروكليز والاسد  رابط الجزء الاول  https://www.facebook.com/102264164820545/posts/211932007187093/ رابط الجزء الثانى  https://www.facebook.com/102264164820545/posts/212476603799300/ رابط الجزء الثالث https://www.facebook.com/102264164820545/posts/213160133730947/ الحكايه المرادى فيها اسد بس باحداث مختلفه و انسان له علاقه غريبه مع اسد  نعمل تمهيد كده الاول علشان الحكايه فيها من الغرابه ما يجعلها مشكوك فى صدقها او على الاقل اتهامها بالمبالغه  بس تعالوا نتعرف على بطل القصه  الصحابى ده كان اسمه الاصلى مختلف عليه   لقبه  أبو عبد الرحمن يقال: اسمه مهران بن فروخ،  او نجران ويقال: اسمه رومان، ويقال: رباح، ويقال: قيس،  ويقال: شنبة بن مارفنه  وأصله من أبناء فارس، المهم انه من كتر ما اشتهر بلقب سفينه اتنسى اسمه الاصلى ف ارض اهم ما فيها الاسماء والانساب  بس حكايه سفينه دى ليها سبب اولاً : مين سفينه ؟؟؟ دا كان مولى ( يعنى عبد ) عند ا...

 #اذا_عرف_السبب #اصل_الحواوشى   #الليله٢١٣ #اقرأ_للاخر_فى_فالاخر_تكه طبعا كلنا بنحبه وبناكله سواء من ايد ماما ف البيت  او من المحلات  وسعره يتراوح بين ٣ جنيه لحد ٧٥ جنيه  حسب المكان ونوع الحشوه او الحيوان اللى جوه الرغيف  زمان وانا صغيره سمعت خالى الله يرحمه بيحكى عنه وبيقول ... انه اكل منه من ايد المعلم حواوشى نفسه  كنت بحب خالى ولا اظن فيه الكذب ولذا صدقته  وان كنت لم اتخيل ان صاحب هذا الاختراع العظيم بنى ادم نشوفه ونكلمه وناكل من ايده  طب عاوزاك تتخيل  انى بحكيلك انى كلت الكفته من ايد مدام كفته شخصيا و دا ف محل الشيف كباب  اكيد هتظن بيا الظنون  علشان كده احب اقولك لو كنت من ٨٠ او ١٠٠ سنه قلتلك هاعزمك على حواوشى مكنتش فهمت دا .. اكل .. ولا شرب .. ولا مكان  واصل  الحكايه ان فى راجل جزار خطرت ف دماغه فكره ... وعنها وجاب اللحمه المفرومه وضاف لها توابل كتيره و بصل وفلفل اخضر  و حاجه سريه  هاقولها ف الاخر  وحط الحشوه دى ف رغيف بلدى وسواها ف الفرن  وكانت اكله حلوه خالص مالص  بمناسبه خالص مالص ... ...