الف حكايه وحكايه مع ابتسام الصاوى

#سيدنا_موسى_بعد_العبور_الموسم_التانى٤ #الليله٦٩٦ استوقفنا الليله اللى فاتت سؤال  هم عرفوا الطريق ازاى ؟ هم بيقولوا انهم كانوا ماشيين فى طريق مش عارفينه ولكن عارفين ان دا طريق خروجهم من مصر وهروبهم من فرعون طب مشيوا ووصلوا للطريق ازاى؟  ازاى وهو لا فى GPS؟ ولا فى يفط تدلهم على الطريق ولا حتى فى اعمدة نور ولا اضائه عاكسه ع الطريق السريع ؟ خصوصا ان مع العدد ده وارد ان حد يتأخر شويه او يتوه  هم بيقولوا انهم لما كانوا في النهار ماشيين  كان السحاب قدامهم فيه عامود نور بيدلهم على الطريق اما بالليل كان بيبقى قدامهم عامود نار لحد ما انتهى بهم الطريق لساحل البحر عند بحر سوف  وان كنت اظن انهم معاهم سيدنا موسى وهو عارف ان معه ربه سيهديه بس وماله دول اكتر ناس ربنا وراهم معجزات و ياريته كان بيطمر  ودى من الاخر شئ على الله هين  المهم هم وصلوا للبحر من هنا ولقوا فرعون وراهم من هنا  وهم لسه هيزوموا وهنعمل ايه دلوقتى يا نبى الله الا وقالهم كلا ... يعنى اسكتوا بقى وبلاش اقتراحات ما فى المواقف دى لازم يطلعلك ابو العريف اللى عارف كل حاجه وهيدلك ولو كنت نبى منزل ...

#السامري_ج٣الاخير #الليله٣ حكيت لكم الليله اللى فاتت ان مش فاضل الا ١٢ الف بس اللى مع هارون وهم دول عاملين قلق ومعترضين علي اللي بنعمله  بس انا مش خايف... الجماعه اللي معايا واقفين لهم ومستعدين يقربوا بس من العجل الاله وهم هيفرموهم  بس هارون مانع الناس اللي معاه  شكله عنده امل ان اخوه يرجع تاني  عدي يومين بس والموضوع بقي تمام اوي يعني اخيرا خدت حقي ومكانتي .. قيمتي...   واحقيتي اللي حرمني منها وجود موسي  بس دلوقتي خلاص انا هاكون الكل ف الكل والناس كلها هتمشي وريا  دا عدي ٣٩ يوم من ساعة ما سابنا وراح الجبل  ابشروا يا رجالتى   النهارده اليوم الاربعين من ساعة ما موسي مشي كده اتأخر ١٠ ايام اكيد مات الاغلبيه بيقووا انه مات  بس ايه ده ؟؟؟؟!!!!  انا سامع صوت موسي  مش مصدق  اه انا شايف موسي  دا بيتخانق مع اخوه هارون دا زي ما يكون جاي وعارف.... يكون ربه قاله ؟؟؟!!!  دا بيشده من لحيته وبيخانقه جامد  وشايف اخوه هارون بيفكره انه قبل مايمشي وصاه انه يتصرف بالحسني  وانه خاف ان موسي لما يرجع يقوله فرقت بين ب...

#سيدنا_موسى_بعد_العبور_الموسم_التانى٣ #الليله٦٩٥ #عيد_الحمل واللى حصل ايامها ان سيدنا موسى امرهم أن كل عيله تذبح حَمل من الغنم اما لو كانوا عيله قليلة العدد و مش هيحتاجوا للحمل كله فممكن يشترك الجار وجاره فيه  ولما يذبحوه بيمسحوا دمه على أعتاب بيوتهم علشان يبقى علامة على بيوتهم علامه على ايه؟ مش فاهمه الصراحة ومن التقاليد اللى لحد دلوقتى بيعملوها كمان كتقليد للى حصل ايامها انهم بيشووه مش بيطبخوه يعنى ضانى مشوى وحاجه اخر كباب  بس بردو مش فاهمة ليه بيشووه كامل؟  يعنى برأسه وكوارعه وبطنه المهم انهم لما يعملوه كده ميفوضوش منه حاجه ولا يخرجوا حاجه منه لبرة بيوتهم و الفطير اللى قولنا عليه الحلقه اللى فاتت بيعملوه مدة ٧ أيام ابتداؤها بالفطير ٧ ايام وينهوها بيوم الحمل دا  وهم عملوا تقويمهم بداية من الخروج  زى ما التقويم الهجرى اتعمل من الهجره النبويه   والميلادى من وقت ميلاد سيدنا عيسى والقبطى من عهد دقلديانوس .. اللى عاوز يعرف ليه دقلديانوس؟ يسالنى ف التعليقات وانا ارد عليه اصلى لو جيت احكى هنا ما هصدق واقعد احكى😊  المهم انهم اثناء ما كانوا بياكلوا ب...

#السامري_ج٢ #الليله٢ موقف ف منتهي الغرابه حصل النهارده فاكرين انا مين الاول انا موسى السامرى وهكمل لكم حكايتى المهم احكيلكم اللى حصل  في الطريق اللي ماشيين فيه بعد ما عبرنا البحر وغرق فرعون  عدينا علي قريه سكانها بيعبدوا الاصنام تخيلوا ان بعض اليهود مجانين و بيطلبوا من موسي يعملهم صنم للاله بتاعهم علشان يعبدوه  هههههه مفيش جنان اكتر من كده  بعد كل المعجزات اللي ربنا عملها لهم مفيش فايده  الناس دول معندهمش عقل خالص واي حاجه تسوقهم  ثانيه واحده كده  اما خطرت ف بالي حتة فكره ... بس لسه وقتها مجاش هتتخمر ف دماغي كده  واستني الفرصه المناسبه وابقي انفذها موسي هايسيبنا وهايروح لميعاد ربه  بيقول مش هيتأخر  بيقول هم يا دوبك ٣٠ يوم طب مش كان يخلفني ف قيادة بني اسرائيل يعني هو اخوه هارون الحنين ده هو اللي هيقود بني اسرائيل  دول عاوزين واحد من اتنين يا حد يشكمهم يا حد يلعب بعقلهم  دول مغلبين موسي  هاهاها كفايه اللي عملوه لما عدينا البحر وطلبوا يكون لهم اله من حجر زي اللي عدينا عليهم واحنا جايين  معندهمش عقل خالص معايا انت ... هاق...

#سيدنا_موسى_بعد_العبور_ح٢ #الموسم_التانى #الليله٦٩٤ احنا اتفقنا الليله اللى فاتت على مجموعه من الاسئله وقولنا اننا من الليله هنبدأ نجاوبها الى ان يشاء الله لنا من ايام وليالى  لكن فى حته كده انا كنت مريت عليها بسرعه فى الجزء ال١٨ اللى هو اخر حلقه ف السيزون اللى فات  وهى ازاى استعد سيدنا موسى وقومه للرحله والخروج  يعنى مثلاً عددهم كان اد ايه؟  هم بيقولوا انهم كانوا ٦٠٠ ألف من الرجال غير الاطفال مش معدودين من ال٦٠٠،٠٠٠ وبصراحه وكمان مش حاسبين الستات ف العدد ده  كمان معاهم انعامهم واهم الحاجات اللى ممكن ياخدها حد هيعزل من مكانه وهيسيبه للابد  و اللى اخدوه معاهم دا هنتكلم عنه تانى بعدين 😏     بيتقال كمان ان كانت مدة اقامتهم فى مصر ٤٣٠ سنة و ده فى نصوص كتابهم  واللى بالمناسبه بيسموا السنة دى : سنة الفسخ (الفسخ مش الفسيخ) و ف ذكرى اليوم ده فى عيد اسمه :  #عيد_الفسخ و قبل يوم العيد ده باسبوع فى لهم عيدين تانين واحد اسمه  #عيد_الفطير  وحكاية عيد الفطير دى حكايه  اصل الناس لازم ياكلوا عيش (خبز يعنى) ودا اساسى ف اى اكل بياكله...

#السامري #الليله_الاولى١ اسمحولي اتكلم عن نفسي بنفسي  اسمي موسي السامري  اه اسمي، موسي زي النبي   مش بس كده . . انا كمان اتولدت ف نفس السنه اللي اتولد فيها موسي بن عمران نبي الله ونبي بني اسرائيل  هتقولوا الملك كان بيقتل البنين و ان لم ينجوا في هذا العام الا موسي النبي بمعجزه  دا اللي انتوا فاكرينه الحقيقه ان انا كمان نجاني الله وبمعجزه اكثر غرابه من معجزه موسي بن عمران بس انتوا مهتمتوش تعرفوا الا معجزه موسي وتخلدوها انا امي لما حست بقرب موعد الوضع طلعت لوحدها ع الجبل ف الصحرا كأن قلبها كان حاسس انها حامل ف ولد  اصل اكيد يعني مكانش عندنا سونار زي ايامكم  وفعلا ولدتني ولد بس ملحقتش تفرح بيا ماتت بحمي النفاس  في الوقت اللي اتحرمت من امي اللي خافت عليا وطلعت بيا الجبل  رجع موسي بن عمران لامه اللي رمته ف النيل - ال امر ربها ال -  ربكم حرمني من امي ورجع موسي ابن عمران لامه كي تقر عينا  بس الحقيقه يعني كان كريم معايا ف حاجه تانيه ربكم مسابنيش لوحدي عارفين بعتلي مين يرعاني لحد اما اكبر واقوي  جبريل .... اه الملاك المشهور  مش...

#سيدنا_موسى_بعد_العبور_الموسم_التانى_ح١ #الليله٦٩٤ بفضل الله وكرمه من سنه حكيت قصة سيدنا موسى من اول ما خرج هربان من مصر بعد ما وكز المصرى فمات فهرب وراح ارض مدين ١٠ سنين  و بعدين رجع مصر ودعا فرعون انه يؤمن بالله بعد تكليف ربنا له لحد ما خرج من مصر مع بنى اسرائيل وانشق البحر له واغرق فرعون  وطبعا ماشاء الله كلنا عارفين حكاية سيدنا موسى  بس الفكره انى عاوزه امشى بنفس التسلسل للاحداث يعنى من بعد غرق فرعون ايه اللى حصل؟ سيدنا موسى راح فين هو وبنى اسرائيل؟  وعاشوا ازاى ؟ طب هم ازاى بعد كل اللى شافوه من قدرة ربنا ازاى يطلبوا ان يكون لهم اله من الحجر زى الناس اللى شافوهم بعد ما عبروا؟ طب ايه حكاية الوصايا العشر ؟ وفيهم ايه ؟ وايه اللى عمله السامرى؟ وايه حكاية البقره؟ ودفعوا فيها كام؟ طب قارون؟ ولا الخضر ؟ طب مين يوشع بن نون؟ بلاش عارفين الحجر قليل الادب اللى بيسرق الهدوم ويجرى بيها ؟ فين التيه ؟ ف مصر ولا الاردن ؟ طيب هم رجعوا مصر تانى ؟ طب هو سيدنا موسى حج للكعبه؟ طب دخل الارض المباركه ف القدس ولا مات قبل ما بدخلوها؟ وهو الجبل خر ساجدًا؟ ولا اتقلب فوق دماغ اليهود ؟ مين م...

الجزء الاخير من السيزون اللى فات وباذن الله من اول الليله هابدا النصف الثانى من قصة سيدنا موسى وولاد العم من بعد العبور  يا حبيبى يا سيدنا موسى المعاناه اللى عاناها مع فرعون كوم واللى شافه مع ولاد عمنا كوم تانى #وَإِذْ_فَرَقْنَا_بِكُمُ_الْبَحْرَ_فَأَنْجَيْنَاكُمْ٣_سيدنا_موسى_ج١٨والاخير #الليله٣٠١ وجت اللحظه الحاسمه  لحظه استجابة ربنا لثقة نبيه  لحظه ان ينجى الله المؤمنين به ويعذب الكافرين ف الدنيا ثم سيكون ما سيكون من امرهم ف الاخره  (فَأَوْحَيْنَا إِلَىٰ مُوسَىٰ أَنِ اضْرِب بِّعَصَاكَ الْبَحْرَ ۖ فَانفَلَقَ فَكَانَ كُلُّ فِرْقٍ كَالطَّوْدِ الْعَظِيمِ) (63) سيدنا موسى متصرفش بنفسه  هو قال ان معى ربى سيهدين  وربنا مخذلوش ربنا دله على الحل  والحل كان ف ايده طول الوقت  العصا تانى  المرادى لا بيتوكأ عليها ... و بيهش بها على غنمه ...ولا بتتحول لثعبان تأكل ما يأفكون  المره دى بخبطه منه بالعصا على ماء البحر .... انشقت الميه  البحر مبقاش بحر  البحر اتشق وعدى منه بنى اسرائيل  فى بيقولوا انه اتشق ل١٢ ممر ... لكل مجموعه او زى ما ب...

#قطر_الندى_بنت_خمارويه_ج٢٩والاخيره #الليله٦٩٣ اما بالنسبه لقطر الندى بعد موت ابوها فمطولتش كتير وماتت بعد موت ابوها ممكن بكام سنه او كام شهر يمكن حزنا على موت ابوها  او حزنا على نفسها والاهمال اللى اتعرضت له من الخليفه وكأن لسان حالها  بيقول : رضينا بالهم والهم مرضيش بينا او الاحتمال التالت ان السيده شغب سممتها غل او غيره او بسبب ان قطر الندى تكون حملت من الخليفه يعنى هتجيب اللى يهدد ابنها ف الخلافه  ونرجع زى ما قولنا الليله اللى فاتت كلنا هنموت ويبقى جنه او نار مهما كانت جودة الحياه اللى قضيناها  بالنسبه لقطر الندى فمش هنقدر نذكر عنها انها عاشت سعيده ممكن تكون عاشت منعمه ومرفهه واكيد مشهوره و شهرتها عاشت بعد منها قرب الالف سنه ... بس كانت تعيسه ماتت واتدفنت ف قصر الرصافه وهى عندها ٢٢ سنه قضت منهم حوالى ٨ سنين ف قصر الخليفه كان اهتمام الحريم بيها وباذيتها فيهم اكتر ما اهتم بيها زوجها الخليفه ذات نفسه وبكده تكون خلصت حكاية قطر الندى وابوها وجدها الاسره اللى عاشت ف مصر  ٨٣ سنه و عاشت فيهم مصر ازهى عصورها حوالى نص قرن من بعد ما بن طولون حسن الاحوال وقضى على منافس...

زى ما قولت هعيد الحلقتين الاخيرتين من قصة سيدنا موسى اللى نشرتها السنه اللى فاتت اتمنى ان ربنا يوفقنى ف الجديد #وَإِذْ_فَرَقْنَا_بِكُمُ_الْبَحْرَ_فَأَنْجَيْنَاكُمْ٢_سيدنا_موسى_الج١٧ #الليله٣٠٠ زى ما قلنا الليله اللى فاتت نده سيدنا موسى لكبار قومه سناً وعلماً وقالهم   تعالوا يا جماعة شوفوا الغرقه اللى احنا فيها دى وفكروا ايه السبب فى سبب يمنعنا من الخروج ومخلينا عمالين ندور كده حوالين نفسنا واحنا المفروض نبعد عن فرعون زى ما ربنا انذرنا  وهنا الشيوخ منهم قالوا ان سيدنا يوسف بعد ما وصى ان الحكم بينهم يكون لاخوه يهوذا  طلب من اخوه سيدنا بنيامين انكم لو خرجتوا من مصر وعدتوا لارض كنعان ابقوا خدونى معاكم  ولكن لما سيدنا يوسف مات ومن بعده كمان سيدنا بنيامين محدش خرج من ارض مصر وبالتالى المفروض ينفذوا العهد و ياخدوا معاهم جسد سيدنا يوسف  طيب فين قبر سيدنا يوسف  محدش عارف  طب اسألوا الناس بمكن يكون حد يعرف  وفعلا لقوا ست عجوزه اوى من بنى اسرائيل طلعت هى اللى عارفه مكان قبر سيدنا يوسف  ولحد هنا واختلفت الروايات فى روايه بتقول ان بعد ما مات سيدنا...

#قطر_الندى_بنت_خمارويه_ج٢٧ #الليله٦٩١   بس دا فى بعض المؤرخين بيقولوا عنه انه كان شجاع و حازم لكن اه فيه ميل للهو وبيوصفوا شخصيته وقالوا انه كان مهيب وله سطوة لدرجة ان لو حد من الناس شاور عليه بيده أو إتكلم أو مجرد انه يقرب منه حتى هتكون ليلته سوده وكان لو سار موكبه ماشى محدش يسمع كلمة ولا كحة ولا عطسة ولا حتى نحنحة البتّة ... البته ... اه البته  كأنّما على رؤوسهم الطير .... تقولش ياسر جلال المهم ان ابن الاثير بيقول ان خماراويه وصلت له اشاعه : إن جواري قصره اتخذت كل واحدة منهن خصي من خصيان قصره لها كالزوج وقال له اللى نقل الكلام : “إن شئتَ أن تعلَمَ صِحَّة ذلك ؛ فأحضِر بعض الجواري فاضربها وقرِّرها حتَّى تعلَمَ صحة ذلك فبعثَ من وقته إلى نائبه بمصر يأمرُ بإحضارِ عدَّة من الجواري ليعلم الحال منهُنّ، فاجتمع جماعةٌ من الخَدَم، وقرَّروا بينهم الاتفاق على قتله، خوفاً من ظهور ما قيل له، وكانوا خاصَّته، فذبحوه ليلاً وهربوا بس قبضوا على حوالى ٢٠ منهم ودبحوهم ودا كلام ابن الأثير و بيحكى المسعودي : إنه صحيح اتقتل ف دمشق بس جابوه ودفنوه ف مصر فى خلال ٥ ايام وبيحكى ويقول وبعد وصول التا...

#طالوت_ج٢ #الليله١٤ فاكرين الجزء اللي فات خلص علي رفض بني اسرائيل اني اكون ملك عليهم مع اني من اختيار النبي اللي هم طلبوا منه يختارلهم  حاجه كده قمة التناقض  بس هوضح لكم هم معترضين عليا ليه  اصل النبوه طول عمرها ف سبط ... والملك ف سبط  (سبط يعني ذريه احد ابناء يعقوب الانثي عشر ) يعني احنا ١٢ سبط من الاثناشر ابن ليعقوب اللي هو اسمة اسرائيل  اذكر لكم منهم يوسف وبنيامين ولاوي و يهوذا و ...و .... يعني فاكرين يوسف واخوته اهم كل واحد من الابناء الاثني عشر دول بقي له ذريه كبيره اسمها سبط وانا من سبط بنيامين بالمناسبه  والسبط ده عمره ما كان منه نبوه او ملك  علشان كده بيعترضوا على اختيار النبي ليا  معترضين كمان علشان انا مش غني اوي او من علية القوم زيهم  بس انا سامع النبي بيقول : ان الله اصطفاه عليكم وزاده بسطة في العلم والجسم والله يؤتي ملكه من يشاء والله واسع عليم سبحان الله انا هاسيبهم وارجع بيتي  بلا وجع دماغ  سامع نبي الله بيحكيلهم عن ايه او علامه لو حصلت يبقي دا اختيار ربنا ليا  ايه ده؟؟؟ ايه اللي طاير وجاي لحد بيتي ده؟؟؟  س...

#طالوت  #الليله١٣ انا طالوت او زي ما بيسميني بني قومي شاؤول  حكايتي غريبه وطويله... بس تستاهل انها تتحكي ... وتتسمع انا راجل عادي جدا من قريه جبعه قريه متطرفة مش مركز مدينه ولا حاجه الحمد لله اتجوزت وخلفت وحياتي الي حد ما مستقره  بس حصلت مشكله الحمير بتوعنا هربوا  خرجوا من البيت واختفوا  طب وبعدين لازم اروح اجيبهم  انا مش هاقدر استغني عنهم  انا دخلت دلوقتي القريه المباركه بيت المقدس في دوشه و هيصه مش طبيعيه  هاسأل واحكيلكم  اه ... دول بيختاروا ملك  بيختاروه ليه ؟ ماشي هقولك .... من مده كبيره اوي وبني اسرائيل بيعصوا الله ويفسدوا ف الارض  ودا خلي ربنا غضب علينا  غضب ازاي ؟؟  اقولك  كان عندنا صندوق او زي ما تقول تابوت  الصندوق او التابوت ده كان مجمعين فيه اللي باقي من اثار نبي الله موسي ونبي الله هارون  اولادهم واحفادهم من بعدهم احتفظوا بالاثار دي زي ايه؟؟؟  هاقولك  كان فيه عصا موسي  ودرعه  وكان فيه بعض اجزاء من التوراه اللي كتبها موسي لما راح لميقات ربه  وحاجات تانيه  كنا بنحافظ ...

#قطر_الندى_بنت_خمارويه_ج٢٥ #الليله٦٨٩ وتبتدى مشاكل قطر الندى من اكبر ضرايرها#السيده_شغب والسيده دا كان اسمها مش لقب يعنى اما امها خلفتها سموها السيده وهى اصلا كانت جاريه عند الخليفه المعتضد اما شغب ف دا اسم اطلقه عليها الخليفه بنفسه من كتر ما كانت بتفتعل مشاكل وحوارات ف الحريم  مثلا هى اللى مسيطره ع الحريم لدرجة انها لو عرفت ان واحده من الجوارى او من زوجاته حامل تدس لها السم علشان تموت هى واللى ف بطنها ومتخلفش لابنها منافسين و كمان مسيطره على قلب الخليفه لدرجة انها اجبرته انه يعلن ان ابنه منها هو ولىّ عهده طبعا الهاله اللى داخله بيها قطر الندى عليها خلتها عدوه لها من غير اى سؤال  عيله بلا خبره ف مكائد القصور ولا دسائس الحريم علشان كده ملحقتش قطر الندى تبقى عروسه الا ورجعت شغب اكلت عقل الخليفه وخلته اهمل العروسه الجديده  و اللى عاشت ف قصرها مهمله من زوجها .. بائسه . يائسه .. و ف حالها  اما بقى الحال ف مصر بعد الزفاف الاسطورى ف كان هو كمان بيقلب على كارثه  ازاى ؟ ابوها فضى خزاين البلد على الجهاز والقصور ووو و كل التبذير الاوفر اللى عمله  ضف لذلك اللى دفعه ...

#من_كان_منكم_بلا_خطيئه_فليرمها_بحجر #الليله٢٥ مقوله بنسمعها كتير  اصلها يرجع لموقف غريب  يقال انه اتعرض له سيدنا عيسي عليه السلام نرجع لورا شويه كده  سيدنا عيسي اتولد وسط المجتمع اليهودي  بس للاسف زي ما ذكرنا كتير قبل كده ف قصة العزير او شمشون او السامري او طالوت  انهم دايما يبعدوا عن شرع الله وربنا يغضب عليهم ويعاقبهم  والمرادي كان عقابهم باحتلال الرومان لهم  ومع ان... الرومان مطردوهمش زي غيرهم بس  احتلوهم وخلوهم يحكموا نفسهم تحت حكم الرومان  وللاسف الخضوع والخنوع للرومان كان مخزي  علشان كده لما ظهر بينهم نبي رفضوا وجوده وانكروه واذوه  علشان كده جت لهم فرصتهم انهم يخلصوا منه بيد  الرومان  او يكرهوا الناس فيه ويفقدوه شعبيته اللي بقت  كاسحه الحكايه انهم ظبطوا عاهره والحكم في التوراه هو  الرجم ودي وصايا سيدنا موسي عليه السلام اللي هم  مؤمنين به  بس لو قتلوا نفس باديهم كده مخالفة لقوانين الرومان  و بالتالي اللي يعملها يحق عليه عقاب الرومان  يعني في الحالتين سيدنا عيسى غلطان من وجة نظر  ما...

#الحجر_كعب_بن_مالك_ج٣والاخير #الليله٣٨٤ خلاص مش بعد ماصدقت على رسول الله هرجع تانى واقول كذب  وفين ساعتها خوفى من ان ربنا يكشف كذبى  انا و الاثنين دول  #مراره_بن_الربيع  #وهلال_بن_ابي_اميه  حالنا كوم تانى غير كل اهل المدينه  خلاص بقي يتولانا ربنا برحمته  وكان العقاب المقاطعه  ممنوع حد يكلمني او يرد عليا اوكلمته ممنوع حد يشترى منى او يبيع ليا او اى حد يتعامل معايا من اساسه الاتنين التانيين هلال واميه حبسوا نفسهم ف بيوتهم بس انا كنت بخرج  اه اخرج براحتي؟؟؟!!!!  اه طبعا براحتي... الرسول صلى الله عليه وسلم ماقالش لي احبس نفسك او منعنى من الخروج  وانا القعاد ف البيت هيموتنى  و بعدين هو صلى الله عليه وسلم قالى افضل ف بيتك ... لاء وبالتالى انا حر اروح مطرح ما يعجبنى  اه هو محبسنيش ... هو بس حبس المجتمع كله عني محدش يكلمني  ولا يرد عليا لو كلمته  ولا حد يعاملنى  ولا يرد عليا ف معامله  فضلت علي كده ٤٠ يوم  لحد ما جالي رساله الرساله من ملك الغساسنه  وبيقولوا عرفنا ان صاحبك خاصمك قصده على رسول الله صل...

#قطر_الندى_بنت_خمارويه_ج٢٣ #الليله٦٨٧ جهز زى ما احنا عارفين لقطر الندى هودج ودا كان وسيلة انتقال هوانم النساء الفريست كلاس ف الزمن ده  و كان معاها فى الهودج جواريها و حاشيتها ولا كأنها قاعده فى قصر الإمارة معاها وصيفتها "أم آسية" تحكى لها طرائف علشان تخفف عنها الطريق  وتدخل السرور لقلبها  وكمان كان معاها عمّها خزرج بن أحمد بن طولون وعمتها "العباسية" ودى اللى بيقولوا اتسمى على اسمها قريه  شمال شرق بلبيس اسمها العباسه  و معاهم أبو عبد الله بن الجصاص  فاكرينه دا بتاع ال١٠٠٠ حزام و ١٠٠٠ هون  طب وجاى تانى ليه يا عموا 🤔 بيقولك ان خمارويه  أعطى بنته ١٠٠ ألف دينار اذ ربما تلاقى حاجات فى العراق مش موجوده ف مصر فتشتريها مش بس كده دا كان عاجبه اوى ابن النصاب  قصدى ابن الجصاص ده فاعطاه "الجصاص"  جايزة ٤٠٠ ألف دينار مكافأة على تعبه معاهم ف الجهاز نرجع  للموكب من القطائع لبغداد امر خمارويه ان تنتشر على طول طريق الموكب حراس من جُنوده لابسين  الديباج (ملابس من حرير) والمناطق (احزمه من ذهب ) والسيوف اما  الأمرا وكبار رجال الجيش فامر انهم ...

#الحجر_كعب_بن_مالك_ج٢ #الليله٣٨٣ وا نا داخل عليه صلى الله عليه وسلم مجهز الكلمتين اللي هتحجج بيهم  انا اساساً ممكن اقنع اللى قدامى باللى انا عاوزه  بس دا رسول الله  استنوا هحكي لكم الحوار زى ما دار بينى وبينه صلى الله عليه وسلم  (ولما بلغ النبي صلى الله عليه وسلم تبوك، ذكرني، وقال: ما فعل كعب؟ فقال رجل من قومي: خلفه يا نبي الله برداه والنظر في عطفيه. فقال معاذ: بئس ما قلت! والله ما نعلم إلا خيرا ) يعنى صلى الله عليه وسلم عارفنى و مصدقش عنى انى اتخلف متعمد زى ما عمل المنافقين اللى ف المدينه  المهم ان لما رجعوا بدأ الناس اللى اتأخروا عن الغزوه من غير المُعذرين   (فلما رآني صلى الله عليه وسلم، تبسم تبسم المغضب، وقال: ألم تكن ابتعت ظهرك ؟ قلت: بلى. قال: فما خلفك؟ قلت: والله لو بين يدي أحد غيرك جلست، لخرجت من سخطه علي بعذر، لقد أوتيت جدلا، ولكن قد علمت يا نبي الله أني أخبرك اليوم بقول تجد علي فيه، وهو حق، فإني أرجو فيه عقبى الله. إلى أن قال: والله ما كنت قط أيسر ولا أخف حاذا مني حين تخلفت عنك؟ فقال: أما هذا فقد صدقكم، قم حتى يقضي الله فيك، فقمت.) اكدب؟؟...

#الحجر #الليله٣٨٢ #كعب_ابن_مالك السنه اللى فاتت كنا زعلانين كلنا  زعلانين من الحجر والحبسه  كنا زعلانين اننا بنتواصل بالتليفون بس   ومش بنتقابل ولا بنتجمع و لا بنزور بعض ولا بنفطر سوا وان الجناين واماكن الفسح و السهر كلها مقفوله طب تعالوا تنفرج علي نوع تاني من الحجر  حجر بيتفرض عليك وانت وسط الناس  محدش يكلمك محدش يتعامل معاك.. حتي اقرب اصدقائك او اهل بيتك !!!  لو متضايق من الحجر  مخنوق وانت وسط اهلك ومعاك موبايلك وتليفزيونك والنت شغال  يبقى تعالوا نتكلم عن نوع تاني من الحجر  اتكلمنا قبل كده عن السامرى وازى انه كان له ان يقول ف الدنيا لا مساس بس القرآن موضحش اكتر من كده و معرفناش الناس اتعاملت ازاى بعد امر ربنا  انما الليله هتكون حكايه واحد اتعمل عليه حصار  طب ازي ؟؟؟؟ وليه ؟؟؟ ومين اللي فرضه؟؟؟  ازاي مدينه كامله تنفذه؟؟؟ كعب ابن مالك ... افتكروا الاسم ده كويس  الحكايه طويله ولكن ممتع اننا نبقي عارفينها الحكايه ف سورة التوبة ومتسميه السوره علي اسم الحكايه دي الحكايه دى اول مره اعرفها بكيت بكا ... ومازال حتى الان اما...

#قطر_الندى_بنت_خمارويه_ج٢١ #الليله٦٨٥  يا ترى هيعمل ايه خمارويه علشان يقنع بنته بانها تتحرم من اللى بتحبه و كمان تتجوز اللى من سن جدها ؟ طبعًا كان لازم يعمل المستحيل علشان يراضى دلوعة بابا و كان الحل ف رأيه انه يعيشها الحياه الاسطوريه اللى تزغلل عيون اى بنت ف سنها  ونبتدى من الجهاز  هو نده لواحد من اللى شغالين معاه صايغ اسمه ابن الجصاص وقال له عاوزك تبقى مسئول عن جهاز العروسه واصرف يا باشمهندس ميهمكش احنا عندنا كام قطر الندى دى المورينو بتاع عصرنا احنا اتفقنا ان المهر كان الف الف درهم فضه يعنى ١٠ الالاف دينار ذهب  تعالوا بقى نشوف خمارويه جهز بنته بكام  وتعالوا نقسم اللى اتعملها ل ٣ فئات ١ - الدهب والهدايا ٢ - الموائد ولاحتفال ٣ - القصور اللى اتبنت ونبتدى :-  ١ - #الدهب_والهدايا عدوا معايا ١ -أريكة اعتقد انهم يقصدوا كرسى مش كنبه يعنى مكون من أربع قطع من الذهب وعليها قبة من ذهب مشبك فى كل عين من التشبيك قرط معلق فيه حبة جوهر بعنى ٤ قطع من الذهب عليها مشبك في كل عين من التشبيك وف نص كل قطعه موجود قطعة جواهر لا تقدر بثمن  ٢ - دِكة من الذهب علشان تحط عليها ...

# اتعلمت_من_قصة_سيدنا_سليمان١٥الاخيره #الليله٤٦٠ كانت نهاية رحبعام معروفة من البداية بعد العك اللى عمال يعكه والغرور اللى راكبه ولكن مع ذلك ربنا اداله أكثر من فرصة طبعا رجع رحبعام جرى على بيت المقدس بسبطينه بنيامين ويهوذا في جنوب فلسطين و القبائل العشرة التانين بايعوا يربعام ملك عليهم  وكانت مملكتهم اكبر مساحة و عدد يربعام مكدبش خبر قالهم تعالوا يا ولاد هو انتم يعنى لازم تروحوا القدس وتصلوا ف المعبد دا مينفعش دول بقوا دولة الاعداء  طب ما تيجوا نتعبد هنا ف بلدنا بدل الشحططه والمرمطه والفرهده  ازاى يا عم يربحام  قالهم تعالوا اعملكم عجلين حلوين كده من الذهب زى اللى عملوهم اجدادنا زمان اول ما هربوا من مصر  قالوا له ياسلام والله فكره جميله  طب ما تيجى نزود اللهه تانيه كدا  ايه رأيكم فى عشتار و كموت وملكوم دولم بتوع الجيران ع الاقل لا هيلزمونا بعباده ولا هيتهمونا باننا عملنا خطايا زى الوصايا بتوع ياهوه (ياهوه يعنى ربنا )  طب رحبعام يسكت  ابدا  دا جهز جيش وكان هيروح يحاربهم   بس بيقولوا ان فى نبى ف الزمن ده قاله اهدى ... فهدى...

#قطر_الندى_بنت_خمارويه_ج٢٠ #الليله٦٨٤ قولنا الليله اللى فاتت ان خمارويه قال لقائد جنده روح حارب وانتصر وبعدين نشور ابو عساكر ابنى ونشوف موضوعك انت وقطر الندى  ودا كان فرأى ابو عبدالله تسويف وزحلقه  فيعمل ايه ؟  أبو عبد الله زعل من اسلوب الزحلقه ده وهو انا يعنى مش قد المقام؟ علشان كده لما راح يحارب الخليفه كان سهل على الخليفة المعتضد انه يستميله له خصوصا أنه اقنعه أن خمارويه مستخسر فيه بنته  فيقلب ابو عبد الله على خمارويه ويغدر و يضم جيشه لجيش المعتضد وبكده يجتمع غل الخليفه الحاسد مع غل المحب المغدور فانضم له هو والجيش اللى واخده معاه من مصر  ساعتها لما وصلت الاخبار لخمارويه قاله هارابوك اسوخ بصوت حزلقوم  وقام جايب جيش اجعص من الجيش اللي كان مع ابو عبد الله فى النهايه هو مكانش عاوز يحارب الخليفه لما بعت ابو عبد الله بس دلوقتى الموضوع دخل ف الجد فكان لازم يجيب باقى الجند اللى معاه ويخرج بنفسه و يحاربهم و اسرع اغلب جيش الخليفه و شرزم باقى الجيش العباسى هو والراجل العرّه الخاين ابو عبد الله ده  ونفذ كلامه اللى كان قايله لابنه من الاول و رجع الخليفه معزز ...