الف حكايه وحكايه مع ابتسام الصاوى

#عقلة_الاصبع  #الليله٣١٠ كان ياما كان فى الغابه زمان راجل حطاب فقير  و عنده عيال كتير  ٧  اولاد  وكانت الحياه صعبه والاكل قليل  و اصغرهم كان ضئيل الحجم اوى  وعلشان كده كانوا بيقولوا عليه عقله الصباع  ولكن عقلة الصباع ده كان حاد الذكاء  فى يوم دخلوا اخواته  يناموا  وهو كان لسه صاحى  سمع باباه بيقول لمامته انه بكره هياخد العيال معاه الغابه البعيده يقطعوا خشب ويجمعوا حطب  مراته قالتله بس دى بعيده اوى  و انت عارف ان العيال هيتوهوا وميعرفوش يرجعوا  قالها هنعمل ايه ؟؟ لازم يروحوا بجمعوا حطب واللى يحصل لهم يحصل  كده كده احنا هنا معندناش اكل لهم يأكلهم ويكفيهم  وهيموتوا من الجوع قدام عنينا  طبعا عقلة الصباع سمع الكلام ده وخاف ودخل ينام وهو بيفكر ف حل للمشكله دى  والصبح بدرى قبل ما يصحى باباه ومامته خرج بره البيت وفضل يجمع حصى ابيض ويملا به جيوبه  ياترى هيعمل ايه بالاحجار الصغيره اللى ماليه جيوبه لما صحى باباهم وخدهم معاه الغابه   عقلة الصباع بقى كل كام خطوه يرمى حجر ع الارض  وكأنه ...

#كل_مايعجبك_والبس_ما_يعجب_الناس #الملايه_اللف #الليله٣٠٩ والله ان لفيتوا العالم لف والله ان صفيتوا العالم صف  ما تلاقوا زى ملاية اللف .. ملاية  اللف .. ملاية اللف وباغنية فيروز وتحيه كاريوكا ف فيلم فيروز هانم نبتدى نتكلم عن الملايه اللف  واللى ذكرتها ف الليله اللى فاتت لما اتكمت عن البرقع والملايه اللف يتنوع البس ويتغير اللبس من زمن للتانى  والنهارده هتكلم عن الملايه اللف طبعا البرقع دا قناع المفروض يدارى الوجه كنوع من الحشمه  بس بما ان الشيطان مش هيسيب الناس ف حالها فشجع الستات انهم يوسعوا فتحات البرقع ويزودوا الخروم ولكن كمان بقى مجال للجاذبيه علشان ابراز العنين والكحل ف عنيك السود جلاب الهوى زى عبد العزيز محمود ما بيقول   لحد ما بقى زى قِلته ف الحشمه وان كان له فايده لو عاوزه يستخدمه الست ف الاغراء ولنا فقصة الليله اللى فاتت خير مثال لحد ما ربنا كرمنا بالاخوات الفضليات هدى شعراوى و صفيه زغلول الصحبه الكريمه والاخ قاسم امين (( مش مسامحاك يا قاسم على مرمطتنا ف الشغل دى )) يالا بقى مش وقته  المهم انهم شجعوا على خلع الحجاب وان الست مش هتبقى ست متقد...

#من_تحت_البرقع #حواديت_امى #الليله٣٠٨ كان ياما كان  كان فى حكايه  بتحكيهالى  ماما زمان كنوع من الطرائف زى اغلب حكاياتها   ان واحده ست وحشه اوى - مع ملاحظه ان الجمال شىء نسبى وربنا ميز كل حد مننا بميزه وكمان مفيش واحده وحشه بس فى واحده مبتعرفش تبرز جمالها  او انها من جواها مقتنعه انها مش حلوه ودايما بتأكد على ده ودا بيخالى الناس تعاملها من منطلق ما هى بتوصف نفسها ما هو مفيش حد هيشكر ف حد هو طولل الوقت بيزم ف نفسه  يعنى انتِ اكيد عارفه نفسك اكتر مننا   المهم صاحبتنا كان دايما جوزها يقولها يا وحشه يا وحشه انا عارف كنت فين اما اتجوزتك  هو انا عليا ذنب اصطبح كل يوم بالخلقه دى  وكلام كتير من اللى زى العسل ويسم البدن ده   فالمهم البنيه زهقت منه ومن كلامه المنقى اللى بيتحفها به ده  فقررت انها تقطع لسانه 😳 لاء متخافوش ...  مجازاً يعنى ... مجازاً قررت انها تبطله يعايب عليها وعلى شكلها مره تانيه  مش بس كده دى قررت انها تخليه يبصم بالعشره انه متجوز فيرجينيا جميلة الجميلات كمان  وعنها و قالت له على فكره انا حلوه جدا وجا...

#تحب_تتعلم_اللغه #الليله٣٠٧ #من_الهيروغليفيه_للسغه_لمون_والعكس🔄 #الجزء_الثانى وزى ما لفينا ف شارع محمد على وشفنا الرقاصات والعوالم والآلآتيه وهم بيتكلموا مع بعض بطريقتهم اللى هى اى جمله عاديه ممكن تتقال بالسغه لمون او تتقال باللغه بتاعتهم  هنروح ع الصاغه وهناك نعرف بتوع الذهب بيتكلموا ازاى  والحكايه ان اليهود كانوا كعادتهم ف حب الدهب من ساعة ما حكينا قصتهم مع الذهب اللى اخدوه معاهم من مصر وهم ماشين ف قصة سيدنا موسى  يعنى الدهب دا عشقهم طول عمرهم  المهم انهم كانوا مسيطرين ع محلات الصاغه فى مصر طبعا بيشتغل معاهم مصريين بس هم ملوك الصاغه وهم بيتكلموا كانوا بيخلطوا كلامهم العبرى فى كلامهم مع المصريين بالعربى اللى بيها الزبون ميفهمش كلامهم  ومشيوا اليهود وسابوا الصنعه للتجار المصريين اللى كانوا معاهم بيتعلموا منهم الصنعه و بيتعلموا كمان اللغه  وف الفيلم العبقرى جرى الوحوش للرائع محمود ابو زيد  كان نور الشريف طالع صايغ وكان بيتكلم باللغه دى  سيم الجواهرجيه  فكان بيقول مثلا كلمة  يافت يعنى كويس او جامد او غنى  وتعالوا ندخل الصاغه من ابواب...

#تحب_تتعلم_اللغه #من_الهيروغليفيه_للسغه_لمون_رايح_جاى_والعكس🔄 اعلان احمد حلمى الجديد فكرنى بالسيم  وقصة سيدنا موسى كانت سحبانى ف تفاصيلها فكتبت المقال ده بس مكملتوش ونسيته   ولما جيت اقلب ف البوم ذكرياتشى لقيته و قلت يا بت كملى واهه  ناخد فاصل خفيف ونواصل بعده الواضيع السمينه  وفعلا الموضوع دا خفيف وعاوزه احكيه لما جت مناسبته اللغه المره دى لغة العوالم  والمقصود مش العوالم الاخرى والفضائيين والالينز وكده  و لا هى .. العوالم الخفيه بتاعة عادل امام    ولكن العوالم اللى هم💃 هى هى  الراقصات لامؤخذه الفكره ان زمان وف مصر قديما كانت كل فئه من فئات الشعب لها لغه خاصه بها بيتكلموا مع بعض بيها و بالتالى الدخيل عنهم يبقى قرطاس جوافه ولا فاهم حاجه  وكان فى يوم خالى مصطفى رحمه الله  عثر فى مكان ما لا اعلمه على ورقه بها بعض ( السيم ) والسيم ده يعنى اللغه الخاصه بكل مهنه او فئه  اول لغه او سيم هى زى ما قلت لغة هيى هيييى العوالم 💃ولازم طبعاً اختمها  ب .... لا مؤخذه  اللغه دى عدت علينا كلنا من  خلال اعمال فنيه واللى طبعا كان ...

#ايام_فى_الرَبع #حوداديت_امى  #الليله٣٠٤ هرجع تانى لحواديت امى والنبع اللى لا بنضب مهما عدت سنين على فراقها ومهما عدت عقود على ايام  لما حكتلى الحواديت دى  لكن بتفضل محفوره ف قلبى وف ذاكرتى  طبعا حدوته زمان كانت قصقوصه قصه يعنى كانت بترتكز على التويستات اللى بتحصل بدون حوارات ولا تفاصيل  بس لما بحكيها باخد من معلوماتى عن الفتره دى وتفاصيلها علشان نفهم الفرق بين زمانا وزمانهم وعلشان اخليك تعيش الجو بتاع الزمن ده  زمن لمبة الجاز و الطبليه و وابور الجاز  زمن خالى من الكهربا و الموبايل والنت  زمن  مشاكل الناس  قلة الاكل مش قلة سرعة الانترنت  زمن معاناة الناس من عدم وجود اللحمه واضطرارهم ياكلوا فول  مش عدم وجود واى فاى مفتوح واضطرارهم يفتحوا باقه  كان ياما كان فى مصر زمان الناس الفقيره بتسكن ف بيوت مشتركه ممكن تكون  عماره عاديه او بيت عادى  وفيه الشقق مكونه كل شقه  من غرفتين او ٣ او اكتر  بس يسكنها عائلتين او ٣  لان كان كل غرفه منهم يسكنها اسره لانهم افقر من انهم يأجروا شقه ويفرشوها وتكون ايجارها مثلاً ...

#ايام_فى_الرَبع #حوداديت_امى #الليله٣٠٤ هرجع تانى لحواديت امى والنبع اللى لا بنضب مهما عدت سنين على فراقها ومهما عدت عقود على ايام  لما حكتلى الحواديت دى  لكن بتفضل محفوره ف قلبى وف ذاكرتى  طبعا حدوته زمان كانت قصقوصه قصه يعنى كانت بترتكز على التويستات اللى بتحصل بدون حوارات ولا تفاصيل  بس لما بحكيها باخد من معلوماتى عن الفتره دى وتفاصيلها علشان نفهم الفرق بين زمانا وزمانهم وعلشان اخليك تعيش الجو بتاع الزمن ده  زمن لمبة الجاز و الطبليه و وابور الجاز  زمن خالى من الكهربا و الموبايل والنت  زمن  مشاكل الناس  قلة الاكل مش قلة سرعة الانترنت  زمن معاناة الناس من عدم وجود اللحمه واضطرارهم ياكلوا فول  مش عدم وجود واى فاى مفتوح واضطرارهم يفتحوا باقه  كان ياما كان فى مصر زمان الناس الفقيره بتسكن ف بيوت مشتركه ممكن تكون  عماره عاديه او بيت عادى  وفيه الشقق مكونه كل شقه  من غرفتين او ٣ او اكتر  بس يسكنها عائلتين او ٣  لان كان كل غرفه منهم يسكنها اسره لانهم افقر من انهم يأجروا شقه ويفرشوها وتكون ايجارها مثلاً جنيه ا...

#سكتناله_دخل_بحماره #الليله٣٠٣ هو مثل ظريف وحكايته زغنطوطه خالص انتوا عارفين ان الناس مقامات  وخصوصا ف الارياف اللي كل واحد فيها عارف اصل التانى وفصله  وعارفين ان فيها الاكابر والاعيان اصحاب الاملاك والاراضي  وفيها الفقرا والعمال باليوميه والاجير اللى بيقولوا عليه تملى  ودا غير تملى معاك بتاعة عمرو دياب  قهقهقهقهقه القافيه حبكت سامحونى 😊 المهم ان اللي حصل ان واحد من هؤلاء الفقراء التمليه فضل بدخر ويحوش لحد ما بقى معاه فلوس وراح السوق واشتري حمار  ومن فرحته به مبقاش يمشي ف حته من غيره ولان من الاصول ان حد لو عدي علي ناس من الاكابر دول وهم متجمعين على مصطبه دوار حد منهم ولا قاعدين ف قهوه  المفروض انه  ينزل من على حماره كأدب وحترام  بس صاحبنا و هو بيعدي مبينزلش من على حماره  ويعدى يقول السلام عليكم وهو راكب حماره بكل جليطه  والاكابر يسكتوله كنوع من التغاضي علشان شايفين  فرحته بالحمار  واتكررت الحكايه مره واتنين واسبوع واتنين لما اصبح دا المعتاد منه  وبعد ما هم كمان كان ف بالهم يسيبوه شويه وبعدين ينبهوه على قلة ذوقه دى ...

#تايهين_ف_الغابه #الليله٣٠٢ #انا_مش_بتاع_رعب القصه دي صغننه ومع انها بسيطه و ممكن تقول انها لا لها عبره ... و لا هي عميقه ولكن ممكن تعتبرها ممتعه  بس ف النهايه هتلاقى عبره تتعلمها  او متتعلمهاش دا لو انت مصمم انك تسيب الدنيا تعلمك عبراتها وتسيب فيك علامتها كان ياما كان ف غابه من الغابات زمان  اتنين رجاله رحاله بيحبوا يتنقلوا من مكان لمكان شايلين شنط خفيفه وعاملين حسابهم يوصلوا لاول الطريق اللى يوصلهم لفندق يباتوا فيه ليلتهم ولما يصحوا يكملوا طريقهم بس  جه عليهم الليل فجأه وهم لسه ف وسط الغابه  اه نسيت اقول ان الوقت ده كان من زمان حيث لا توجد تكنولوجيا و موبايلات ولا حتى فى كهربا  لسه اخترعوها اساساً علشان كده انت ف الغابه لوحدك ومعاك بس بوصلتك اللى مش هتفيدك كتير حاليا ف الليل ومع التعب وكتر المشى اللى مشيوه كان كل املهم يلاقوا مكان يباتوا فيه  و حظهم كان حلو  ولقوا بيت صغير وسط الغابه صغير اوى اللى بيها متتخيلش ان فى ناس ممكن يسكنوه  بس الدخان اللى طالع من المدخنه طمنهم ان فى حد ممكن يكون عايش جوه  و لما خبطوا سمعوا حد بيرحب من جوه...

#مسمار_جحا #الليله٣٠١ كلنا سمعنا عن مسمار جحا  ودا المثل اللى بنقوله لما بنلاقى حد بينهى موضوع بس بيحاول يعلق حاجه من الموضوع ده تكون غير منهيه تبقى مصدر لجر  الشكل كل شويه  بس ايه اصل الموضوع ؟؟ وايه حكاية مسمار جحا ؟؟ الحكايه ان جحا كان عندة بيت بس الظروف اضطرته يبيعه  لكن شرط علي الشاري اللي هو كان صاحبه يبيع له البيت كله ما عدا مسمار مدقوق ف الحيطه  المسمار ده مش ضمن البيعه ... ولكن  يفضل المسمار ملك لجحا وبردو يفضل المسمار مدقوق  ف الحائط   يعنى المسمار ده مِلك جحا ولم يبيعه من ضمن ما باعه من البيت والبيت بتاع الراجل بس ممكن تقول ان جحا سابه ف البيت على سبيل الامانه  وهو دا الشرط ولانه طلب غريب ومالهوش معني  ولان جحا صاحبه ... ف الراجل وافق ايه الضرر اللى ممكن يعمله  مسمار ف حيطه جوه البيت  عدي يوم ع المالك الجديد وفي اليوم التاني و وقت الغدا  لقي الباب بيخبط ... فتح  لقي جحا بيسلم عليه وبيطلب انه يدخل يطمن علي المسمار  الراجل استغرب ولكن رحب وسابه يطمن ع المسمار وعزمه ع الغدا  وتاني يوم نفس الكلام...

#وَإِذْ_فَرَقْنَا_بِكُمُ_الْبَحْرَ_فَأَنْجَيْنَاكُمْ٢ #الليله٢٩٩ #سيدنا_موسى_الجزء_ال١ ٧ زى ما قلنا الليله اللى فاتت نده سيدنا موسى لكبار قومه سناً وعلماً وقالهم   تعالوا يا جماعة  شوفوا الغرقه اللى احنا فيها دى وفكروا ايه السبب  فى سبب يمنعنا من الخروج ومخلينا عمالين ندور كده حوالين نفسنا واحنا المفروض نبعد عن فرعون زى ما ربنا انذرنا  وهنا الشيوخ منهم قالوا ان سيدنا يوسف بعد ما وصى ان الحكم بينهم يكون لاخوه يهوذا  طلب من اخوه سيدنا بنيامين انكم لو خرجتوا من مصر وعدتوا لارض كنعان ابقوا خدونى معاكم  ولكن لما سيدنا يوسف مات ومن بعده كمان سيدنا بنيامين محدش خرج من ارض مصر وبالتالى المفروض ينفذوا العهد و ياخدوا معاهم جسد سيدنا يوسف  طيب فين قبر سيدنا يوسف  محدش عارف  طب اسألوا الناس بمكن يكون حد يعرف  وفعلا لقوا ست عجوزه اوى  من بنى اسرائيل طلعت هى اللى عارفه مكان قبر سيدنا يوسف  ولحد هنا واختلفت الروايات فى روايه بتقول ان بعد ما مات سيدنا يوسف حصل خناقه بين كل الناس كلهم عاوزين ياخدوا جثمانه يندفن عندهم علشان ينالوا البركه بت...

#وَإِذْ_فَرَقْنَا_بِكُمُ_الْبَحْرَ_فَأَنْجَيْنَاكُمْ١ #الليله٢٩٨ #سيدنا_موسى_الجزء_ال١٦ اخير حنّ فرعون  طبعا مش بمزاجه بس كتر خيره بعد ما اصبحت حياتهم دم ف دم بعد اللى حصل فى العقوبات اللى ربنا نزلها عليهم واللى ذكرت ف سورة الاعراف  (فَأَرْسَلْنَا عَلَيْهِمُ الطُّوفَانَ وَالْجَرَادَ وَالْقُمَّلَ وَالضَّفَادِعَ وَالدَّمَ آيَاتٍ مُفَصَّلَاتٍ فَاسْتَكْبَرُوا وَكَانُوا قَوْمًا مُجْرِمِينَ) يعنى اتعذب هو وقومه عذاب شديد انتهى بانه سمح لسيدنا موسى وقومه بالخروج من ارض مصر بكامل اعدادهم واولادهم ونسائهم ومواشيهم  ف فعلاً فرح بنى اسرائيل وخرجوا  ومع انهم المفروض يخرجوا مطمنين لان فرعون هو اللى سمحلهم انهم يمشوا  بس ربنا اوحى لسيدنا موسى وقاله تعالى فى سورة الدخان :  (فَأَسْرِ بِعِبَادِي لَيْلًا إِنَّكُم مُّتَّبَعُونَ )(23) يانهااااررررر😳 يخرب بيتك يا فرعون اكتر ما هو هيتخرب يا بعيد🙄 يعنى بعد دا كله وف الاخر خارج بردو وراهم  بررررراحتك ... امشى ورا قدرك واللى هيسأل هو ليه عمل كده  بالاضافه للسيكوباتيه اللى كان بيتعامل بها مع بنى اسرائيل من اول النار اللى...

#ولقد_اخذنا_ال_فِرْعَوْن #الليله٢٩٧ #سيدنا_موسى_الجزء_ال١٥ وزى ما حكينا عن العقوبات اللى ربنا عاقب بها بنى اسرائيل ف الاسلام نكملها ف اليهوديه #فى_اليهوديه ف المرادى هنحكى ازاى ان ربنا عاقب فرعون واتباعه بس من الزاويه اللى حكاها اليهود فى التوراه والتلمود  وهنلاحظ ان ممكن الترتيب بين  الحوادث دى بين كلاً من القرآن والتوراه مختلف اكيد طبعاً الاصدق هو القرآن الكريم لان ربنا قال : (إِنَّا نَحْنُ نَزَّلْنَا الذِّكْرَ وَإِنَّا لَهُ لَحَافِظُونَ )(9)الحجر بس بردوا نحب نسمعها كحدوته وزى ما قال لنا خير الورى لا تصدقوا اهل الكتاب ولا تكذبوهم ولكن قولوا سمعنا واطعنا  وزى ما بيسميها اهل الكتاب الضربات وقرات ان الضربات دى كانت موجهه لفرعون فى الهته اللى بيعبدها وفى فشلها ف انها تنقذه من عذاب الله مثلا  ١ - الدم  تحول الأنهار والمياه إلى دم وإماتة السمك وكل الأحياء المائية بعد ان مد سيدنا موسى عصاه الى الماء  كانت ضربه للاله حابى اله النيل  ٢ - الضفادع   بعدها ب٧ ايام ... كانت ضربة الضفادع فبعد رفض فرعون ان يطلق بنى اسرائيل (( شعب الرب )) مع سيدنا موسى فك...

#كَدَأْبِ_آلِ_فِرْعَوْنَ_وَ_الَّذِينَ_مِنْ_قَبْلِهِمْ_كَذَّبُوا_بِآيَات_رَبِّهِمْ_فَأَهْلَكْنَاهُمْ٢ #الليله٢٩٦ #سيدنا_موسى_الجزء_ال١٤ #بينضربه_المثل ياترى هتعمل ايه يا فرعون ؟؟؟😳😳😳 دا طفل  😢 وامرهم بالقاء الولد ف الزيت  هو ممكن حد يوصل به القسوه والوحشيه ف طفل علشان يقنع امه تستجيب لاوامره  اكيد مش هيرميه ف الزيت اللى بيغلى  اكيد هتاخده رحمه بالطفل انه يعرضه للالم ده  حتى لو عاوز يعاقب الام او ينتقم منها مش هيعمل كده ف ابنها  بس الجنود مسكوا الولد وعاوزين يحطوه ف الزيت والولد يرفض و  يرفص ويفلفص ... وف الاخر رموه  وكانت الام بتتحرق من الالم معاه وهى سامعه صوت ابنها بيتالم لحد ما اختفى صوته  وظهرت ريحته وهو بيتغلى لحد ما ذاب اللحم  وعامت العظام البيضاء على وجه القدر وتانى اكفرى بربك  والام ترفض  وهاتوا الولد التانى  وتانى الابن الثانى يقاوم بعد ما شاف اللى حصل لاخوه  بس للاسف ... نفس التجربه ... بنفس الالم  ونفس العظام البيضاء اللى بتزيد جنب اختها على وجة القدر  ومش هطول لان الست كانت باقيه على ايمانها...

#كَدَأْبِ_آلِ_فِرْعَوْنَ_وَ_الَّذِينَ_مِنْ_قَبْلِهِمْ_كَذَّبُوا_بِآيَات_رَبِّهِمْ_فَأَهْلَكْنَاهُمْ #الليله٢٩٥ #سيدنا_موسى_الجزء_ال١٣ #بينضربه_المثل بما اننا لسه مع فرعون الليله اللى فاتت حكينا العقوبات اللى فرضها الله على فرعون وقومه وحكيناها زى ما ذُكرت فى الدين الاسلامى وقبل ما قول ازاى حكاها اليهود فيما يعرف بالضربات العشر افتكرت قصه قلت نفتكرها سوا بما اننا لسه ف ارض مصر ولسه فرعون شغال ظلم وافترى على البلاد والعباد  وكمان تبقى حاجه تفكرنى بسلسله الامثال او سلسلة بينضربه المثل  وامثال الليله عن فرعون : #يا_فرعون_ايه_فرعنك_قال_ملاقيتش_حد_يلمنى فرعون موسى كان مضرب الامثال عند المصريين  زى اللى تقول عليه موسى يطلع فرعون  لكن ده مش موضوعنا النهارده نعمله حلقه تانيه  الفكره ان فرعون كان مؤذى ومتجبر ودا زى مثل  الليله يا فرعون ايه فرعنك ... قال ملاقيتش حد يلمنى  ( وفى قول اخر : من قِلة اللى يلمنى ) ولكن احيانا الشعب مش بيقدر يقف قدام فرعون  طب ليه ؟؟؟ ايه اللى ادى فرعون كل القوه دى كلها ؟؟ ** يمكن علشان فرعون معاه ناس مأيدينه وبيسبحوا بحمده وعدله و...

#ولقد_اخذنا_ال_فِرْعَوْن #الليله٢٩٤ #سيدنا_موسى_الجزء_ال١٢ (فَأَرْسَلْنا عَلَيْهِمُ الطُّوفانَ والْجَرادَ والْقُمَّلَ والضَّفادِعَ والدَّمَ آياتٍ مُفَصَّلاتٍ فَاسْتَكْبَرُوا وكانُوا قَوْماً مُجْرِمِينَ) [ 133] الأعراف بعد السنين والطوفان والجراد والقُمل وف كل مره فرعون يروح يعيط لسيدنا موسى ان يطلب من ربه يرفع عنهم البلاء مقابل انه يطلق بنى اسرائيل ويرجع ف كلامه وخلاص على كده  وتنزل الايه التاليه من عقاب ربنا لهم  ٥ - الضفادع طبعا زى المره اللى قبلها ادعوا ربك يا موسى يرفع القمل ونمشيك ونمشى معاك بنى اسرائيل  بس طبعا اول ما ربنا رفع القمل رجعوا ف كلامهم تانى  اوم ايه .... ف يوم بعدها قاعد كده فرعون وملأوه من اخوان الفساد واذية العباد  وعلى حين غره سمعوا صوت نقيق ضفادع  ساعتها ابتسموا ف سرهم ههههه  هتعمل فينا ايه يعنى الضفادع  هتدوشنا شويه وخلاص يعنى  يا فرعونتى ... دا الضفادع بقت موجوده ف كل حاجه ف حياتهم  ف الفرش لما ييجوا يناموا يلاقوا فرشهم مليان ضفادع  ف شرابهم ومياههم و حتى ف اكلهم   الضفادع بقت حواليهم وعليهم لدرجة ا...

#وَلَقَدْ_أَخَذْنَا_آلَ_فِرْعَوْنَ #الليله٢٩٣ #سيدنا_موسى_الجزء_ال١١ ابتدا  عذاب ال فرعون  بالجفاف ونقص الثمار اللى ربنا قال عليه  (السِّنِينَ) طب مبدأياً كده  انا هنعرض الروايه فى القرآن كما ذكرها المولى عز وجل وهنعرض لما قاله اليهود فى تلمودهم  فى شويه تشابه وشوية اختلاف واحنا علينا طبعا نتعلم تعاليم دينا الاسلامى بس  لكن بردو ميمنعش اننا نعرف الناس التانيين بيفكروا ازاى  وزى ما متعودين بوضح ان كل حاجه  مصدرها ايه  يعنى لو قرآن بذكر الايه  ولو حديث صحيح كذلك  وكمان لو من علماء المسلمين زى ابن عباس  او ابن كثير او غيرهم  وكمان لو من كتاب بنى  اسرائيل بردو بوضح ده  و لذلك هنقول الاول ازاى ذكر عذاب فرعون و قومه فى القرآن #فى_الاسلام  وقفنا الليله اللى فاتت عند الايه دى والكلام عنها وربنا قالنا  :  (وَلَقَدْ أَخَذْنَا آلَ فِرْعَوْنَ بِالسِّنِينَ وَنَقْصٍ مِّنَ الثَّمَرَاتِ لَعَلَّهُمْ يَذَّكَّرُونَ) (130)الاعراف    (فَأَرْسَلْنَا عَلَيْهِمُ الطُّوفَانَ وَالْجَرَادَ وَالْقُمَّلَ وَالضَّفَادِ...

#اذْهَبَا_إِلَىٰ_فِرْعَوْنَ_إِنَّهُ_طَغَىٰ٥ #الليله٢٩٢ #سيدنا_موسى_الجزء_العاشر بيقول السدى ان هامان بنى البناء بتاعه وان فرعون بعد ما طلع عليه حدف حربه ورجعت ملطخه بالدم فقال فرعون قتلت اله موسى فربنا ارسل جبريل عليه السلام وضرب الصرح بجناحه فوقع ٣ اقسام  قسم على جند فرعون وموت منهم الف الف مليون يعنى  وقسم نزل ف الغرب وقسم نزل ف البحر طبعا مقصود النيل  ولم يترك احد  شارك فى بناء الصرح الا قتله  قلبى مش مرتاح للجبروت اللى بيتحكى انه ممكن يكون ربنا سبحانه وتعالى سمح لفرعون انه يظهره  طبعا لو كانت الروايه دى صحيحه فممكن تكون حربته اصابت طائر او ان المولى عز وجل ساب فرعون يتمادى ف غيه علشان يبان قوتة سبحانه وتعالى وتكون اللطمه مفاجأه لفرعون و من معه  اياً كان كمان بيقال انه اول من بنى  بناء من الطوب الاحمر هو بناء هامان اللى هو الصرح ده و اللى بيقول كده ابن عباس ان هامان اول من صنع بناء من الآجر  وانه استعان ب ٥٠ الف بنّاء غير المساعدين  وبيقولوا انه موجود ف منطقه اسمها الكوم الاحمر ف مدينه الاقصر  وفى ناس تانيه بيقولوا ان اللى قاله ف...