الف حكايه وحكايه مع ابتسام الصاوى

#اللي_اختشوا_ماتوا  #الليله٢٨٠ المثل ده يقال انه من المغرب العربي  ويقال انه قصه حقيقيه  الحكايه ان زمان كانت الحمامات العامه هي المنتشره  قبل وصول الميه للبيوت و انتشار حمامات البيوت  والبانيو وكده  الحكايه ان كانت في مجموعه سيدات ف حمام عام  و اشتعلت ف الحمام حريقه كبيره  و لان مفيش وقت يدوروا على لبسهم ف النار والدخان ساعتها في مجموعه .... اللي خافوا وجريوا بسرعه من الحمام ... من غير ملابسهم  اما المجموعه التانيه فاتكسفوا او اختشوا يخرجوا كده  فاختنقوا وماتوا  ومن ساعتها طلع مثل اللي اختشوا ماتوا  يعني خليك بجح علشان تعيش  مع ان موت وحياه كل انسان مقدره ربنا قبل خلقنا اساسا  و مع اني اعتقد اللي ماتوا دول ماتوا شهدا..  لانهم  خافوا علي عرضهم من ان الناس تتفرج عليهم   واكيد التانيين عاجلا او اجلا ... ماتوا بس الفرق انهم دول ماتوا بكرامتهم  ف النهايه كلنا هنموت صح كده 😉 بمناسبه الحكايه دي افتكرت حكايه مشابهه كنت عليها شاهد عيان  زمان ايام ما كنت ف الجامعه  ف يوم  ركبنا اتوبيس ا...

#حبل_الكذب_قصير #الليله٢٧٩ كان ياما كان ف بلاد العرب زمان  تاجر غنى اوى  معندوش زوجه ولا اولاد    بس عنده من الخدم ١٠ بيعاملهم زى ما يكونوا من الاسره  وعلشان كده كان لهم مطمن  و شايل فلوسه ف البيت وعليهم مستأمن  ما اصل خدمه ال ١٠ دول هو اللى مربيهم  ولما يعوزوا بيديهم  دايما مشبعهم و من ماله بيكسيهم   وعلشان كده كان دايما يقول  محدش ممكن يخون الامانه  ويخل بعهد الامان  بس ف يوم من الايام لقى كيس دنانير ناقص  ويعد فلوسه تانى وتالت  اه ... فعلا  ١٠٠٠ دينار منه اتسرقت   وعدهم تانى وتالت واتأكد  وسألهم :  حد خد فلوس من هنا ؟؟ حد سد تمن حاجه ؟؟ ولا اشترى حاجه ونسى يقول ؟؟ طب حد احتاج ياخد بس مكسوف  يحكيلى وعقاب مش هينول ؟؟ بس  كله انكر  لكن التاجر عارف ان حد سرقه  ومفيش دليل على انه اللص كان فلان ولاعلان  علشان كده  فكر التاجر واحتار  ما زعلش على فلوسه اللى كانت كتير  اد ما زعل ان ف بيتة لص خان الامانه  علشان كده  خرج وسابهم  وبعد ساع...

#لقاط_بن_لقاط #الليله٢٧٨ #الجزء_الرابع زى ما قلنا الليله اللى فاتت ان الاميره اللى بقت زوجة مهرج القصر كان كل املها لما ييجى الليل  و يفتحوا ابواب القصر لعامة الشعب يدخلوا يشوفوا الاميره  العروسه اللى هتطل عليهم من شرفتها  وساعتها بقى ممكن تخرج من عشتها وتختلط وسط الناس و تتفرج ع الفرح معاهم    لما جه يوم الفرح  كان القصر من الصبح مقلوب وكله بيجرى يجهز ويخلص والاميره قاعده ف عشتها مستنيه اللى هتتفرج عليه بالليل  لكن ف نص اليوم جالها الامير ( المهرج ) وقالها تعالى افرجك على حاجه  سألته مش انت مشغول معاهم ف تجهيزات الفرح بالليل قالها لاء ابدا هناك الشغالين كتير وكل واحد عارف شغله ومش محتاجين مساعدتى  ومحدش فاضى يخلى المهرج يضحكه دلوقتى  خرجت معاه ولقته دخل على النفق السرى بتاعه استغربت وهى خايفه يتقفشوا وهو يطمنها ان اللى ف القصر كلهم مشغولين ومحدش هيقرب من اى مكان هيروحوه وان النفق ده ميعرفوش الا الملك والامير   وهو بعد ثقتهم الكبيره فيه  وهم  اكيد مش هيقربوا ناحية النفق  النهارده وخرج من النفق على الاوضه ا...

#لقاط_ابن_لقاط #الليله٢٧٧ #الجزء_الثالث وزى ما قلنا الليله اللى فاتت الامير ساب المساعد بتاعه يجهز له طلباته ورجع لها  و لما رجع للاميره لقاها  كانت قاعده بتبكى و خايفه ومرعوبه من كل حاجه حواليها و من اقل صوت بتسمعه   خصوصا ان الليل و الخلا لا يخلوا من نعيق بومه او نقيق ضفدع او حتى عواء ذئب من بعيد  ويزيد من  رعبها من تكسير غصن جاف تحت رجل فار او ارنب  بالاضافه لاحساس الغربه والضياع ف بلد غريبه متعرفش حتى اسمها  وكل اللى هى تعرفه فيها هو زوجها اللى سابها دلوقتى بره اسوار مدينه لو حصله حاجه مش عارفه هتعمل ايه ولا هتروح فين بحملها وضعفها ومش هتقدر ترجع لابوها بعد هروبها المشين ده  زود خوفها عتمة الليل و  الاسوار العاليه والابواب المقفوله قدامها و اللى مش عارفه حبيبها ممكن يكون بيحصله ايه وراها  علشان كده لما شافته زاد عياطها  طبطب عليها وطمنها  وهى بتحكيله بين دموعها اد ايه كانت خايفه عليه وخايفه من اللى حواليها  قالها متخافيش انا جى افرحك صاحبى اللى بقولك عليه لقالى شغل  لاء ... و مش اى شغل دا شغل ف قصر الملك...

#لقاط_ابن_لقاط #الليله٢٧٦ #الجزء_التانى  وقفنا الليله اللى فاتت لما الاميره حبت المهرج واتعلقت بيه وهى متعرفش ان هو جوزها الامير لانها ولا مره شافت وشه الحقيقى اللى دايما مخبيه باصباغ المهرج  هى خلاص حبته واتعلقت به اوى وبعد ما وصل لانه يبات على باب  مخدعها كان سهل انه يقرب اكتر  والحب بهدله ...  وهى لما حبته مفكرتش انها اميره وهو مهرج وهى كانت بتعد نفسها ارمله بعد ما امرت بقتل الامير اللقاط اللى بياكل الرمان من ع البساط  ولما الحب ولع ف الدره ضعفت و .... وبعد ما اصبحت حامل خافت من الفضيحه ومن انتقام ابوها الملك منها  وكانت فكرته انهم لازم يهربوا قبل ما فضيحتها تبان  هربت معاه قبل ما اهلها يعرفوا ((للى عاوز يحكيها لاطفال او قُصر علشان اهرب من الحته دى وانا بحكى بقول هربت معاه وبعد كده اتجوزوا ف بلد تانيه جنبهم علشان متبقاش قليلة الادب - ههههه زى ما شاديه كانت بتعمل ف كل افلامها زمان - )) المهم انهم هربوا وخدها ومشى بيها من البلد  وهم بيباتوا ف الشوارع وع الطريق  وطبعا وهى بتهرب سابت كل لبسها ومجوهراتها هو رفض انها تاخد اى حاجه ودا شرطه ل...

#لقاط_ابن_لقاط #الليله٢٧٥ #الجزء_الاول  قصة طويله من قصص امى الله يرحمها كانت بتدفى ف ليالى الشتا وتونس ف زهق الضلمه لما النور يقطع  وتسحبنا ف دنيا السحر لما ملل الصيف يزهقنا  كان ياما كان يا فؤاد يا ابتسام ولا يحلى الكلام الا بذكر النبى عليه الصلاة والسلام ودى دايما كانت الطريقه اللى ماما الله يرحمها  بتبدأ بيها اى حكايه كانت فى اميره جميله ووحيدة ابوها الملك وكانت متدلعه اوى وممكن تقول  مغروره خالص وشايفه انها احسن من كل الناس  وليه متفكرش ف كده وهى بنت جميله ورشيقه ومتدلعه غير انها البنت الوحيده لملك البلاد كان بيجيلها عرسان كتيروكانت دايما تطلع فيه عيب اللى طويل اوى .. واللى قصير خالص اللى تخين اوى .. واللى رفيع جدا  اللى منخيره كبيره واللى شنبه بيضحك اللى صوته رفيع زى المعزه واللى رقبته طويله زى الزرافه  وهكذا لازم تلاقى ف العريس عيب  ولو حمفيش ف شكله عيب يبقى ف طبعه او تصرفاته اللى ممل او رغاى او مبيتكلمش    وبعدين جالها عريس خالى العيوب .... امير من بلاد بعيده مملكته اكبر من مملكة ابوها  كمان كان وسيم وذكى بس كمان طيب وم...

#البخيل_ابن_البخيل #الليله٢٧٤ #الجزء_الثانى  وابتدى الولد يحكى قاله انت قلتلى عاوز احلى لحم  وانا دورت ف السوق وسألت لحد ما وصلت لاحسن جزار بيبيع احلى لحم ولما قولتله عاوز منك احلى نص كيلو لحم قالى هديلك لحمه طريه زى الزبده  ولسه هيقطع فكرت بسرعه كده وقولتله استنى ✋ اصل لو حجيب لحمه زى الزبده يبقى كده الزبده احسن من اللحمه ... طب ليه مش اجيب زبده  وسيبته  ورحت للبقال وقولتله عاوز نص كيلو زبده من احسن زبده موجوده عندك رد البقال وقال : هجيبلك احلى زبده ... زبده صافيه كأنها عسل نحل صافى  وساعتها قلت استنى ✋ اصل مادام هجيب زبده زى عسل النحل الصافى طب ما اجيب عسل نحل صافى لانه اكيد  الافضل وعنها ورحت عند العسال وقلت له ادينى نص كيلو عسل من احسن عسل عندك  ورد العسال وقالى هديلك من احسن عسل  هديلك عسل زى الميه الصافيه  وساعتها فكرت وقلت له استنى ✋ وقلت مادام ع الميه الصافيه فالميه عندنا ف البيت صافيه ومفيش اصفى ولا اجمل من كده  وخدت بعضى ورحت جاي ع البيت وحالاً يا عمو  هيكون عندك الميه   كل ده والشيخ حسن هيسقط من طوله من الج...

#البخيل_ابن_البخيل #الليله٢٧٣ كان ياما كان تاجر اسمه  الشيخ حسن ف رحله مع قافله فيها بضاعته و قابل واحد اسمه الريس دياب  اكرمه الشيخ حسن  اخر كرم وساعده طول الطريق  و في نهاية الرحله اتواعد مع الريس دياب   انه لما  الشيخ حسن بزور بلدهم  وبتقابل مع صديقه  التاجر ويرد له جمايله اللى غرقه بيها طول الرحله اللى قضوها مع بعض  وعدت فتره واحتاج الشيخ حسن انه يسافر لبلد التاجر الصديق الريس دياب    وهو ماشى بيسأل عن بيته كانت اجابات الناس مش مطمنه  من نوعية وانت ايه اللى رماك الرميه دى ؟؟؟ ومتأكد انك عايز الريس دياب ؟؟؟  وده خلاه قلقان بس هو ماشافش من صاحبه قبل كده حاجه وحشه  وبعد فتره تفكير  قال ف نفسه انه ماشافش منه بردو حاجه حلوه  بس علشان الشيخ حسن راجل طيب ومتوسم ف الناس كلها انهم زيه فافترض علطول حسن النيه  وراح يخبط على البيت اللى الناس قالوله دا بيت الريس دياب  و فتح الريس دياب ورحب بصديقه ايما ترحيب ونده لابنه مصطفى انه ينقل الهدايا القيمه اللى  جابها صديقة التاجر الشهم الكريم وفضل موقف اب...

#هو_انت_ازاى_اتعلمت_اللغه؟؟ #الليله٢٧٢ #الجزء_الرابع وقفنا المره اللى فاتت ان المصريين امنوا بالمسيحيه  وانهم ف البدايه كانوا بيقرأوا الكتاب المقدس باليونانيه ويترجموه شفاهه اللى القبطيه المنطوقه الغير مكتوبه   وبعدين نجحوا انهم يترجموا اللغه الغير مكتوبه دى لكتابه بالاستعانه بمزيج من الحروف اليونانيه والمصريه القديمه  المهم ان المصريين امنوا بالمسيحيه قبل اعتراف الاباطره الرومان بها وانها تبقى الدين الرسمى للبلاد   و اللى حصل ان الكلام اللى بتكلموه متغيرش ممكن نزود مفردات  بس الكلام مبيمشيش امال ايه اللى مشى  و لو المحتلين كانوا بيحاولوا يقطعوا اى علاقه لنا بالفرعونيه بلهجاتها  زى ما قلنا ان اليونانيين فرضوا لغتهم اللغه الرسميه للبلاد  والرومان عملوا ايه ؟؟؟ معملوش زيهم  اه كانوا طيبين ورجعوا الهيروغليفيه ؟؟ لاء طب حافظوا ع القبطيه ؟؟ لاء  بردو  هم فرضوا اللغه الرومانيه جنب اليونانيه  طب واللغات المصريه يا جدعان  لاء دى مش مهم  طب ليه ملغوش اليونانيه وفرضوا الرومانيه بس  اصل فى فرق بين اليونانيين والرو...

#البخيل_والنخيل #من_حواديت_امى #الليله٢٧١  هقول حدوته صغننه .... من تراث امى اللى كان لا يفنى ولا يستحدث من العدم ولكن ننتقل من حدوته لاخرى  وكان عندها مثل لكل موقف الله يرحمها  كان ياما كان  ف بلد بعيد ... مش ف المنوفيه خالص فى واحد بخيل اوى مش بيحب يضايف حد و لو اضطر يضايف فهو  مش هيأكل الضيف    وف يوم جاله ضيف من سفر بعيد  وبالتالى مضطر يغديه والراجل ده صاحبه وياما كرمه قبل كده و كان موجب معاه جامد اما كان بيزوره  وبالتالى الواجب عليه  يرد جمايله    يعنى لازم يأكله .. لازم يأكله  طب يعمل ايه ؟؟؟ الراجل ده كان ساكن ف منطقه حواليه من كل حته نخيل والوقت كان وقت موسم البلح    الراجل فضل راكن الضيف عنده ف المضيفه لا اكل ولاشرب لما الراجل كان هيفطس من الجوع  بس عمال يأهل ويرحب ع الناشف من غير حتى ما يبل ريقه بشوية عصير  ااأآ  شويه وناداى  على ابنه وقاله خد الضيف وفرجه على النخل🌴 🌴اللى حوالينا 🌴🌴🌴 وساب الضيف يسبق ابنه خطوتين  👣  👣  وناداى على ابنه تانى ..  وقال لابن...

#هو_انت_ازاى_اتعلمت_اللغه؟؟ #الليله٢٧٠ #الجزء_الثالث حكينا  ازاى اكتشفت اللغه الهيروغليفيه   وولادها الديموطيقيه و  الهيراطيقيه  واحده واحده على يد بوشار و شامبليون ويونج وغيرهم  ومع ان المصريين كانوا بيعرفوا يقرأوا الهيراطيقيه لحد فتره مش زمان اوى  بدليل حجر رشيد اللى اتكتب سنه ١٩٦ ق. م. بالهيراطيقيه والهيروغليفيه  بس زى ما قلنا الليله السابقه ان دوام الحال من المحال علشان كده ابتدت الكتابه  بالهيروغليفيه واخواتها تنقرض واحده واحده وزى ما احنا عارفين ان العلماء بيقولوا اللغه كائن حى واذا توقف الناس عن استخدامها اصبحت لغة ميته بردو ايه اللى خلى الهيروغليفيه تنقرض تعالوا واحده واحده = عامة الشعب بيستخدم القبطيه كلام بس ... صح  -- صح  = والكهنه بيستخدموا الهيروغليفيه والهيراطيقيه كتابه ...  صح  -- صح = وعلشان الدين المسيحى ابتدى من تحت لفوق -- يعنى ايه ؟؟ = يعنى انتشر بين عامة الشعب وبعدين اعتنقه الساده  والحكام من الاباطره الرومان  علشان كده اتحفظ واتكتب  طبعا كهنة المعابد رافضين الدين ده ومش معترفين به اصلاً...

#هو_انت_ازاى_اتعلمت_اللغه؟؟ #الليله٢٦٩ #الجزء_الثانى  اتكلمنا امبارح عن اللغه فى مصر  وازاى تطورت من الهيروغليفيه للهيراطيقيه للديموطيقيه  فاكرين الاسئله ؟؟؟ * * هو يعنى ايه اهمية حجر رشيد؟؟ حكاية حجر رشيد حكايه غريبه واصلها ابتدت بصدفه  كاغلب الاكتشافات العظيمه  لما كان الفرنسويين ف رشيد .... لاء استنى  لاء قبلها بحبه 🤔 لما كان المسيحيين الاوائل .... لاء بردو ... اقدم ... اقدم 🙄 الحكايه ابتدت قبل ميلاد المسيح بييجى ٢٠٠ سنه كده  ايام حكم البطالمه او اليونانيين او الاغريق  التلاته هم نفس الشعب وان اختلفت الاسم يعنى اليونانيين هو الاسم اللى نعرفهم به دلوقتى  اما اسمهم زمان فكان  الاغريق ولان اول حاكم منهم لمصر بعد الاسكندر كان اسمه بطليموس وحكم بعدها ييجى ١٤ واحد اسمه بطليموس فاتسموا كلهم  بطالمه حتى اللى مكانش اسمه بطليموس  المهم ف عهد بطليموس الخامس كان الكهنه فرحانين ان جلالة الملك دفع الضرائب المفروضه عليهم من عنده نيابه عنهم ووزع عليهم هدايا ومزوعات وخرج مساجين من السجن  وزبطهم ع الاخر  ومن فرحتهم كتبوا ده على لو...

#هو_انت_ازاى_اتعلمت_اللغه؟؟ #الليله٢٦٨ واتعلمت اللغه دى الكلمه اللى قالها يحى الفخرانى لمحمود عبد العزيز ف فيلم الكيف علشان يوضح انه فهم الانحطاط اللى وصلت له لغتنا العربيه على ايد مزجانجى وفننس والاخوه الافاضل  بس لما ناخد الموضوع جد هنلاقى ان تعلم اللغه دي دنيا لوحدها وحاجه مش سهله  خالص بس احنا اللى اخدناها بالمعلقه من الاسره والمجتمع فلاقيناها سهله  ف مثلا ف الموضوع ده  #اتوكس https://www.facebook.com/100022862494719/posts/910615979710477/ اتكلمنا عن اللغه الفرعونيه و ليه تاركه اثرها فينا و ف الفاظنا حتى الان ... وليه لسه بنستخدمها كتير ف مناحى حياتنا  وساعتها طرحت ف نهاية الموضوع مجموعه من الاسئله  تعالوا نجاوبهم واحد واحد   هى اللغه الهيروغليفيه راحت فين ؟؟؟  وليه انقرضت؟؟؟ و هو يعنى ايه اهمية حجر رشيد؟؟ وايه اهمية اللى عمله شامبليون ؟؟ طب ازاى ماتت الهيروغليفيه ؟؟ وهو معقوله اللغات بتعيش وتموتك ؟؟ طب عرفت منين الكلام اللى بالقبطيه ؟؟  وهى القبطيه كانت مصريه قديمه ؟؟ طب ليه استمرت القبطيه  واختفت الهيروغليفيه ؟؟؟ تعالوا ناخدها...

#اتوكس #الليله٢٦٧ اتوكس جتك وكسه ياموكوس بما ان موضوع (منيل) عجبكم وبما انى بحب الشتيمه  .... بس مش على طريقة وبخنى   لاء ... بحب ابقى عارفه معنى الشتيمه اللى بسمعها  قولت ادور على اصل موكوس بعد ما اتأكدت من اصل موضوع (المنيل)  والرابط بتاعه اهه :  اتنيل جتك٦٠نيله https://www.facebook.com/102264164820545/posts/236534718060155/ اتوكس بقى  كلمه فرعونيه بردو ...  اصلها من مقطعين ( تى ) يعنى اعطى ...   و( كوس ) يعنى دفن   اللى كانت فى الهيروغليفيه ( قوس )    واتخففت ف القبطيه لكوس  (دفن) وبالتالى الكلمه عل  بعضها اعطى نفسك دفن  يعنى بالبلدى كده وزى ما بنقولها دلوقتى ( روح ادفن نفسك ) يبقى مينفعش حد يقول للتانى اتنيل يا موكوس  اصل ازاى راح دفن نفسه وبعدين زعل عليها  انما ممكن تقول اتوكس يا منيل  يعنى ازعل وروح ادفن  نفسك  كده الشتيمه صح ... وقدماء المصريين يحبوك وميزعلوش منك يمكن كمان يكرموك  و ممكن يسموك اله السب عند  المصريين  اصل الصراحه كان عندهم لكل حاجه اله  فخلى...