الف حكايه وحكايه مع ابتسام الصاوى

#الجميلة_والساحر_الشرير_ج١٨ #الليله٦٣٨ قولنا ف الليله اللى فاتت ان خير الله كان بيسمع اصوات ؟ ولما حدد مصدرها اترعب اكتر الاصوات كانت جايه من تحت الارض واترعب خير الله وهو بيتخيل ان دى اصوات جن ولا شياطين جايين علشان ينتقموا منه لانه قتل الساحر الجبار   خصوصا ان الاصوات كانت اشبه باصوات اقفال قديمه بتتكسر  وصوت سلاسل و جنازير بتتسحب  زى ما يكون فى بوابات مصديه ولها صرير عالى وهى بتتفتح بس مصدرها فين ؟ الاصوات اللى سامعها الامير بعد ما ركز لقاها جايه من كل مكان تحت الارض اللى واقف عليها و الارض اللى حواليها  زى ما تكون بتطلع من كل مكان تحت الارض واتلفت الامير حواليه لاصوات زادت وهى اصوات همهمه بتطلع من تحت الارض وبين الشجر ولقى الامير خير الله قدامه مصدر الاصوات دى ناس كتير بتخرج من جوف الارض ومن بين الشجر شكلهم بائس جدا هدومهم شبه باليه لو سمينا اللى ساتر جسمهم دى هدوم اصلاً وجوههم سوده ومغبره واجسامهم ضعيفه وعيونهم داخله لجوه  وعرف ان دول ناس كان رامى عليهم الساحر لعنات وآسرهم ف كهوف تحت الارض  الساحر  فهم بسرعة بديهته ان دول اهل مملكة الملك الكو...

دعواتكم البرد هيموتنى  #لقاط_ابن_لقاط_ج١ #الليله٢٨٨ قصة طويله من قصص امى الله يرحمها كانت بتدفى ف ليالى الشتا وتونس ف زهق الضلمه لما النور يقطع  وتسحبنا ف دنيا السحر لما ملل الصيف يزهقنا  كان ياما كان يا فؤاد يا ابتسام ولا يحلى الكلام الا بذكر النبى عليه الصلاة والسلام كانت فى اميره جميله ووحيدة ابوها الملك وكانت متدلعه اوى وممكن تقول  مغروره خالص وشايفه انها احسن من كل الناس  وليه متفكرش ف كده وهى بنت جميله ورشيقه ومتدلعه غير انها البنت الوحيده لملك البلاد كان بيجيلها عرسان كتير وكانت دايما تطلع فيه عيب اللى طويل اوى .. واللى قصير خالص اللى تخين اوى .. واللى رفيع جدا  اللى منخيره كبيره واللى شنبه بيضحك اللى صوته رفيع زى المعزه واللى رقبته طويله زى الزرافه  وهكذا لازم تلاقى ف العريس عيب  ولو مفيش ف شكله عيب يبقى ف طبعه او تصرفاته اللى ممل او رغاى او مبيتكلمش    وبعدين جالها عريس خالى العيوب .... امير من بلاد بعيده مملكته اكبر من مملكة ابوها  كمان كان وسيم وذكى بس كمان طيب ومش مغرور  والملك فرح بيه اوى  والاميره المغروره ما...

#الجميلة_والساحر_الشرير_ج١٧ #الليله٦٣٧    و كان حاسس إن السما حرفياً هتقع فوق راسه بس اللى حصل ان الاشعه اللى  بتنتشر والقطع السودا اللى بتطير دى منزلتش على دماغ الامير فضل الله ولا  على الارض اصلاً ولكن طارت  لفوق للفضا وبعدت عن الارض  وانتشر نور النهار ف السما واتحولت الغابه المظلمه لغابه عاديه جميله ظهر فيها نور النهار الطبيعى وبان جمال الاشجار  الزهور والطبيعه اللى كانت مستخبية تحت قبة سودة زي قلب الساحر وعمله مغطياها و حاجبه عن الغابه نور الشمس  و فهم الامير خير الله ان الساحر كان بياخد اهل المدينه بيمتص ارواحهم ويحبس ارواحهم دى جواه بالسحر بتاعه  ودا اللى كان بيديله القوه والقدرات اللى كانت عنده  فهم ان الساحر كان بيستخدم البشر كوقود له علشان كده لما ضربه الامير بالسيف السحرى ف دماغه ابتدت الارواح اللى جواه تتحرر وعلشان ضربة السيف كانت قويه ودا لان السيف مش عادى وفيه قوى هى اللى افقدت الساحر قدرته ف السيطره على الارواح علشان كده خرجت الارواح واتحررت من اسرة لها  واتلفت الامير ناحية الساحر ولقاه واقع ع الارض بعد ما خرجت من جوفة...

#لولاك_يا_كمى_ماكلت_ي_فمى #الليله٢٨٧ مثل دمه خفيف بنقوله لما نكون بناكل والكم الطويل يغرز ف طبق الفول ولا يغمز معانا مسقعه  ساعتها طبعا احنا بنكون مركزين ف عملية شحن الكرش ... فاحدى الصديقات او الاصدقاء ينبهك ويقولك حاسب يا عم كمك بياكل معانا  فتضحك وتقوله اولاك يا كمى ما كلت يا فمى  وتجرى ع الحمام - بعد ما الاكل يخلص طبعا - تغسل كمك بس المثل له حكايه  و جه دورها اننا  نعرفها  الموضوع ان فى الريف زمان لما يكون فى فرح او مناسبه حلوه  بيتعمل وليمه ويتدبح دبايح خصوصا لو صاحب المناسبه ثرى او زى ما بنقول عليهم ناس مبسوطين  المهم ان الناس وخصوصا الفقراء بيستعدوا للعزومات دى ولازم يروحوها علشان ياكلوا لحمه لان الريف فى مصر من زمان فى طبقات اغنيا ودول قلة  ومتوسطين ودول يعنى ممكن تقول مستورين انما الاغلب الاعم فهم فقراء فقر مدقع مبيشموش الزَفر - اللحوم و الطيور بانواعهم - الا ف المناسبات اللى زى دى  ولما صاحب المثل راح كان ف الاول قاعد محرج ومكسوف وبياكل يادوب الرز والصلصه ولما جرب يمد ايده على اللحمه كانت خلصت وخرج من العزومه واكل شوية رز بصلصه...

#الجميلة_والساحر_الشرير_ج١٦ #الليله٦٣٦ والساحر فتح بقة بعد مقاومه للى عاوز يخرج منه  ولكن ف النهايه اتفتح  و بمجرد ما اتفتح ابتدت تطلع منه ارواح شفافه اشبه بالاجسام الزجاجيه كانت الوان كتيره فى منها الفاتح زى الوردى والاخضر و السماوى  وفى منها الاسود و البنى بتخرج من بقه وبتطير على بره زى ما تكون محبوسه جواه لاحظ الامير خير الله ان اللى كان لونهم فاتح كانوا بيتحركوا بخفه وبيتجهوا ناحية السما  وان اللى لونهم غامق كانوا بيتحركوا بغضب و عنف وينزلوا على الارض كل ده والساحر فاتح بقه وجسمه الضخم العملاق عمال يتضائل زى مايكون بالونه بتفضى وبتصغر وفعلا  بدات الاروح المحبوسه جوه جسمه  تخلص ورجع تقريبا لحجم بشرى عادى ومع سقوط جسم الساحر على الارض كانت الشروخ اللى شبه البرق اللى موجوده ف السما عماله تكتر وتلامس بعضها لحد ما خبا وميض عنين الساحر سمع الامير صوت فرقعه وبوم جامد جاى من السما وبص الامير للسما وهو شايف القطع الزجاجيه اللى مغطيه السما بتتكسر وتبعد عن بعضها وابتدى نور  الشمس يدخل منها وخاف الامير ونزل ع الارض وهو بيخبى وشه ياترى هيكون بعد دا كله نهايته ت...

#جميله_وسميره_ج٢الاخير #الليله٢٨٦ وقفنا امبارح لما استغربت مرات باباها واتغاظت وسألتها عن السبب اللى خلاها بقت اجمل واجمل من الاول   وجميله مينفعش تقول على خير عملته وقالت لها مليت الجرة من البير وبس  ومرات باباها قالت كده يبقى بكره ابعت سميره تملا الجره وترجع قمرايه  كده هى كمان  وطبعا سميره الكسوله راحت متغصبه ومتضايقه  علشان كده لما ملت الجرة وراجعه البيت  ندهت لها شجرة الورد  و طبعا رفضت تسقيها  شجرة الورد 🌹 قالت لها : حرام عليكى هموت لو ما سقيتينيش  وقالت لها وانا مالى ما تموتى علشان كده قالت لها يا رب يبقى لونى الاحمر ف عيونك👀🔴 ولما عدت على شجرة الياسمين وطلبت منها شجرة الياسمين ترويها  قالت لها لاء مش عاوزه اضيع وقتى معاكى وانا مالى ومالك ماتعطشى ولا تموتى  شجرة الياسمين دعت عليها ان بياضها يكون ف خدودها فبقت وشها شاحب زى الموتى⚪  وكانت بعدها بتعدى على حوض البرسيم ☘ طلب منها ترويه  وبردو قالتله لاء مش هفضى الجره عليك  والبرسيم☘   اتمنى لها ان لونه الاخضر ف جبينها💚🤢 والفل💮  قالها علشان خاطرى...

#الجميلة_والساحر_الشرير_ج١٥ #الليله٦٣٥ ومع ان حجم الساحر اكبر من حجم اى انسان اكتر من اربع خمس مرات الا انة كان اسير تحت قوائم الحصان ومش قادر يتحرك وكانت مخاطره من الامير انه يصدق الساحر و يسمح له انه يقف تانى ويشاور بسيفه  الساحر غدار و فعلاً بمجرد ما الامير رفع قوائم الحصان من على الساحر وقف الساحر وابتدى يقول تعاويذ وتعازيم بس بدل ما يستخدمهم ف فك اسر المحبوسين فى الكهوف اللى تحت الارض ابتدى يشاور على الامير خير الدين  وفهم بسرعه الامير  ان الساحر كان بيخدعه وناوى يخون وقبل ما يبتدى يشاور ناحيته ويكمل تعزيمته واللعنه اللى ناوى يلقيها عليه  كان الامير خير الدين بيحدف السيف السحرى و ينشن وبدقه يرشق السيف بين عينين الساحر اللى اترج  وفضل يتهز هزات شديدة  واصوات كتيره عماله تطلع من السما وفضلت خطوط برق تملا السما السودا المظلمه  ولكنها مكانتش مجرد برق عادى ولكن كأنها شروخ ف درع زجاجى مغطى السما السودا سماء الغابة المظلمه كل دا والساحر اللى مفروض ان ضربة السيف بين العنين تموته ف لحظه الا انه فضل عايش بس زى اللى بيقاوم حاجه جوه جسمه  حاله غريبه بيقف...

#جميله_و_سميره #الليله٢٨٥ كان ياما كان يا فؤاد يا ابتسام ولا يحلى الكلام الا بذكر النبى عليه الصلاة والسلام  ودى كانت المقدمه المعتمده لماما ف اى حدوته  كانت بتقول سعد واكرام دول مش ولادها ولكن ولادها هم فؤاد الله يرحمه وابتسام  ياريت تخلوا حواديتكم فى حاجه بتميز ولادكم لانها بتفرح اوى  كان فى بنت اسمها جميله وكانت فعلا جميله فى الشكل ... وجميله ف الروح   جميله مامتها ماتت وباباها اتجوز ست عندها بنت قدها ف السن اسمها سميره  وسميره كانت عكس جميله ف كل حاجه ماكانتش جميله ف الشكل وماكانتش جميله ف الروح كمان  كانت انانيه  ...    وكسوله ...  وطماعه  .... وكانت دايما بتاخد كل حاجه عند جميله لنفسها  وف يوم من ايام الحر الشديده اوى ف الصيف صحيت مرات ابو جميله بعد الضهر  وبعد ما كانت جميله خلصت شغل البيت كله  و حضرت الاكل  و لسه هتقعد علشان ترتاح لانها بتصحى مع الشروق لكن ترتاح ازاى ؟  وليه ؟ مرات ابوها طلبت منها انها تروح البير اللى ف الغابه تملا الجره لان هو دا المكان اللى الميه فيه بتبقى ساقعه ف الوقت ده...

#الجميلة_والساحر_الشرير_ج١٤ #الليله٦٣٤ و صل للغابه المظلمه وبقى في اى لحظه متوقع انه هيواجه الساحر  وفعلاً مطالش به الطريق الا وظهر الساحر  و سحب الأمير خير الله السيف السحرى وطار بالحصان عالي  متفهمش ليه الساحر برق وارتبك لما شاف خير الله  خصوصا لما شاف الشامه اللى جنب عينه زى اللى كانت عند عمر الشريف وشالها لما عاش ف امريكا بس الامير خير الله مرضيش يشيلها و عمل زى احمد السقا واحتفظ بيها  واضح ان الساحر عنده نبوءه ان نهايته هتكون على ايد حد فيه العلامه دى يا خير الله يا احمد السقا وبما ان احمد السقا كان مشغول ببرنامج رِزل بيجهزة مع رازن لرمضان اللى جاى  ف اللى جه كان خير الله اللى جه علشان كده ارتبك  الرعشه واختلاجة العين اللى اصابت الساحر معدتش خير الله  وحس ان فى تأييد من ربنا له ودا اللى بان ف ربكة الساحر و اتشجع و انقض على الساحر بالسيف السحرى اللى بان من اول ما مسكه جوه الكهف انه مش سيف عادى و لكن الساحر بردو مستسلمش بسهوله وفضل يضرب  باشعته على الامير اللى كان بيتفاداها برشاقه وخفة ومساعده على كده الحصان الطائر  وفضل الامير يناور ...

#حكايات_امى  #الليله٢٨٤ #الشيخ_يونس_القاضى من حكايات ماما زمان  ان كان بيت جدي زمان مفتوح لناس كتير من الجيران والمعارف والصحاب  وكان منهم واحد اسمه الشيخ يونس  كان راجل ازهري بس مع مرور السنين ساب العمه والجبه ولبس الطربوش الشيخ يونس كان اسمه الشيخ يونس القاضي  واللي ميعرفش دا هو مؤلف نشيد بلادي بلادي اللي كلنا حافظينه  احنا نعرف ان اول كام كلمه منه كانوا من خطاب لمصطفي كامل وهم :  بلادي  ... بلادي ... لكِ روحي ودمي  لكن اللي كمل النشيد كله بعد ما اقتبس الكلمتين دول من مصطفي كامل كان يونس القاضي  واللي لحنه كان سيد درويش  واللي برده لما اعاد توزيعه محمد عبد الوهاب ف بقي فى ناس كتير فاكرين ان عبد الوهاب هو اللي لحنه  ولكن الشيخ يونس القاضي  والشيخ سيد درويش هما النجمين لهذا العمل العظيم من الحكايات اللي ماما كانت فاكراها من حكايات الشيخ يونس انه مره كان مسافر اسكندريه علشان يقابل صديقه سيد درويش و كان معادهم علي القهوه  بس لما راح كان سيد درويش عنده معاد مع جليله ام ركب صديقته اللي عملت دورها ف الفيلم هند رستم  و...

#الجميلة_والساحر_الشرير_ج١٣ #الليله٦٣٣ زى ما عرفنا الليله اللى فاتت ان الثعبان مش بيطلع البريق الاخضر  السحرى من عينيه واللى بيحول اللى قدامه لجواهر الا لو اللى قدامه لمس حاجه من جواهره ومع ان الامير خير الله ملمسش الجواهر  بس بردو الثعبان حس بوجوده نتيجة ملامسة بطنه للارض واللى خلته يحس بدبيب رجل الامير على الارض مهما كانت خفيفه و ابتدى يتجه ناحيته و عرف يوصل له اتلف حوالين رجلين خير الله وكان بيزحف لفوق جسمه وهو  بيعصره و هيموته لكن الأمير كان شجاع وقوي فسحب خنجره من حزامه وطعن الثعبان طعنه قويه بين عنيه و دخل الخنجر لحد مقبضه واتراخت عضلات الثعبان واللى بالفعل كان بيعصر بيها خير الله وقدر خير الله يخلص نفسه من جسم الثعبان اللى كان ملفوف حوالين جسمه و اتلفت وشاف الكنوز الثمينة  ومع ان مفيش دلوقتى اى حاجه تمنعه بعد ما الثعبان صاحبها مات انه ياخد منها اللى هو عاوزه وميخافش من انه يتسحر او يتأذى لكن  لما شاف ان الثعبان اللى عاش عمره كله يحرسها ميت قدامه هو نِفسه عافت انه يلمسها وهو بيتخيل انها كانت ف يوم من الايام انسان زيه وكمان لانه عارف ان هى اصل كل الدمار الل...

#الملك_اغنى_ولا_الصياد_ج٢الاخير #الليله٢٨٣  الملكه اتكلمت مع الملك ووشوشته  وقالت : بقى الصياد النتن البخيل نزل من على كتفة ال ٨٠٠٠ دينار والحمل التقيل علشان يوطى يجيب دينار واحد قليل واستخسر ان حد من خدم القصر يلاقيه وياخده وكأنه هو دينار اللى هيشفى العليل وتانى سخنت الملك ضد  الصياد الغلبان ونزلت زن و ودوده   اتعصب الملك وإتغاظ بعد تسخين الملكه له على الصياد لدرجة انه نده عليه تانى  و لما نده الملك على الصياد وامره انه بسرعه يعود  وعم مسعود رجع مخضود  وتانى رجعت تتردد ف دماغه كلمات حسين السبد  ومش فاهم وهو لسان حاله بيقول  وانشغلت وقبل ما يطول انشغالي روحت سائل روحي واحترت فى سؤالي أنا بفكر ليه؟  وبشغل روحي ليه؟ أعرف منين ان الملك هيدينى مش هياخد منى  واعرف منين ان زعيقه دا ليا انا مش هو ؟ وليه أنا؟  ليه أنا؟  ليه ليه مش هو؟ هو مين الحراس اللى واقف طبعا  بس دا قال تعالى ومقالش يا صياد ولا يامسعود    ما لقتش طريق قدامي قدامي يرحمني من العذاب غير اني أرجع وأسال .. آه.. آآآآه ارجع واسأل مولايا تأمرنى باي...

#الجميلة_والساحر_الشرير_ج١٢ #الليله٦٣٢  اتوكل خير الله على الله ودخل المغاره اللى لما دخلها اتأكد انها هى دى مغارة الثعبان اللى قالت له عليها الست  العجوزه اتخض خير الله لما لقى حواليه كنوز  كتير عمره ما شاف ف جمالها وروعتها ولا تخيل ان ممكن الارض يكون عليها كل الكميه دى دا لو جمعناها من كل بقاعها ما بالك وهم متجمعين ف مكان واحد ومع انه امير وقصر ابوه مليان بالجواهر والدهب والكنوز الا ان اللى شافه فوق ما كان يظن اويتخيل ومع ان الامير خير الله ملمسش اى جواهر بس الملك الكوبرا او ثعبان المغاره زى ما سمته الست العجوزه كان يقظ جدا واتفت بسرعه براسه ف الناحيه اللى واقف فيها خير الله  ووقع قلب خير الله خصوصا لما عنين الثعبان بدات تنور بالنور الاخضر البراق ومع ان خير الله تخيل كتير شكل عنين الثعبان والنور الاخضر بيخرج منها بس شكل عنيه ولونها كانت فوق كل تخيل مر ف دماغه  ولولا حكاية المربيه له مكانش اتخيل للحظه انه كان بشر ف يوم من الايام ولا انه شاف بربع جنيه بشريه هو صراحه مخرجش اللون من عنيه وان كانت بتلمع باللون الاخضر لان خير الله ملمسش جوهره من اللى ف الكهف و فضل خ...

#الملك_اغنى_ولا_الصياد  #الليله٢٨٢ عاوزه ف نهاية القصه نقول مين اللى غلطان  اللى اشار  ولا اللى سمع مشورته ونفذها بدون تفكير  كان ياما كان ...  ف بلد من البلدان  كان صياد بيصطاد كان فقير وبيقضى يومه بالكاد  خرج الصياد من الفجر ورمى شبكته ف البحر  ولما شدها كانت تقيله  وعرف يطلعها من الميه بالتيله  طلعت فيها سمكة ضخمه و كبيره  اكبر سمكة شافها ف حياته الطويله  روح لبيته ووراها لمراته  مراته  ذكيه ودا اسمها  و كمان صفاتها وطبعها  روح يا مسعود ودا اسم الصياد  على قصر ملك البلاد وقوله دى هديه  هيديك بدل الدينار ١٠٠ سمع الصياد كلام ذكيه وراح قصر الملك وقدم السمكه هديه  الملك كان ف قاعة  قصره الفخيمه ومعاه مراته الملكه فهيمه  دخل الصياد مسعود  وقدم الهديه بكل كرم وجود فرح الملك ورحب  ومن حجم السمكه استعجب وقال هدية مقبوله وكرم وفير  وعطاله ٤٠٠٠ من الدنانير  مسعود كان فرحان وخارج وهو مش مصدق نفسه كمان  بس قبل ما يوصل الباب بدات الملكه فهيمه ف الزن والندب  والعتا...

#الجميلة_والساحر_الشرير_ج١١ #الليله٦٣١ بس ثانيه واحده هى مش صفات الملك الكوبرا دى هى نفس الصفات اللى قالتها الست العجوزه ف المغاره؟  والسيف والحصان الطائر هم الصفقه  اللى كان دايما بيسمع مربيته بتقول ان الملك الكوبرا حصل عليهم من التاجر الغريب ؟ ورجع يفتكر تانى اخر كلام المربيه لما قالت  الصفقه اللى عملها مع التاجر الغريب كانت سيف سحرى وحصان طائر ... اما اخر كلام كانت  بتنهى به الحدوته ان الملك الكوبرا اللى عاش ف مغارته واتلعن بثروته واللى خلاص مبقاش يقدر يشوف تماما بس بقى يقدر يصيب بشعاعه الاخضر البراق بس اللى يحاول يلمس جواهره وف نهاية الحدوته كانت المربيه بتقول طبعا يا خير الله يا حبيبى دى حدوته خياليه من اساطير اهلنا زمان  مجرد حدوته بتتحكى من جيل لجيل بس الدليل ف كلام الست العجوزه  يعنى الحدوته مش خياليه اهيه  لما افتكر الجمله الاخيره من حدوته المربيه وان الثعبان مبقاش يقدر يحول حد لجواهر الا بس اللى يلمس جواهره مش اى حد يقرر انه يحوله زى زمان فى بدايات تحوله لما كان لسه بشر قبل ما يتم بالكامل تحوله لثعبان  وقال الامير خير الله انا مش ناوى ال...

#هو_انت_ازاى_اتعلمت_اللغه_ج٤الاخير؟؟ #الليله٢٨١ وقفنا المره اللى فاتت ان المصريين امنوا بالمسيحيه  وانهم ف البدايه كانوا بيقرأوا الكتاب المقدس باليونانيه ويترجموه شفاهه اللى القبطيه المنطوقه الغير مكتوبه   وبعدين نجحوا انهم يترجموا اللغه الغير مكتوبه دى لكتابه بالاستعانه بمزيج من الحروف اليونانيه والمصريه القديمه  المهم ان المصريين امنوا بالمسيحيه قبل اعتراف الاباطره الرومان بها وانها تبقى الدين الرسمى للبلاد   و اللى حصل ان الكلام اللى بتكلموه متغيرش ممكن نزود مفردات  بس الكلام مبيمشيش امال ايه اللى مشى  و لو المحتلين كانوا بيحاولوا يقطعوا اى علاقه لنا بالفرعونيه بلهجاتها  زى ما قلنا ان اليونانيين فرضوا لغتهم اللغه الرسميه للبلاد  والرومان عملوا ايه ؟؟؟ معملوش زيهم  اه كانوا طيبين ورجعوا الهيروغليفيه ؟؟ لاء طب حافظوا ع القبطيه ؟؟ لاء  بردو  هم فرضوا اللغه الرومانيه جنب اليونانيه  طب واللغات المصريه يا جدعان  لاء دى مش مهم  طب ليه ملغوش اليونانيه وفرضوا الرومانيه بس  اصل فى فرق بين اليونانيين والرومان ف...

#الجميلة_والساحر_الشرير_ج١٠ #الليله٦٣٠ بتسأل مين اللى يقبل انه يكون من اتباعه وخلصاؤه بعد كل اللى حصل من الساحر لمجموعة الاتباع ف المذبحه اللى عملها الساحر؟ .... اقولك  فاكرين لما الساحر طلب من الملك انه يجيب اللى معاه فلوس وساعتها الملك قال له مش فاضل الا اتباعى ومن اتباعه دول فى مجموعه حولهم الساحر لجواهر لما رفضوا يتنازلوا عن الثروات اللى عندهم او حاولوا يهربوا او اجزاء من اللى حاولوا يخبوا من اللى عندهم حبه انما كان فى حبة صغيرين سابهم يخرجوا من القصر بعد ما سلموا كل اللى عندهم اما خوف من الساحر او من بطش الملك هم بقى  الشويه الصغيرين دول بعد ما سلموا كل اللى عندهم للملك وبقى مفيش حيلتهم حاجه زى باقى الشعب الملك عطف عليهم  لانهم معندهمش مكان تانى يروحوه بعد العز اللى  كانوا فيه  ومش ممكن يرجعوا تانى مع عامة الشعب علشان كده استمروا ف خدمة الملك نسيبهم بقى دلوقتى و نرجع للتاجر اللى جاى غير مأسوف عليه علشان يبيع الحاجات النادره اللى عنده للملك  وبقول غير مأسوف عليه لانه كان واجب عليه يسأل الاول يشوف انهى بلد دى اللى داخلها  المهم انه كان معاه اشياء عج...

#هو_انت_ازاى_اتعلمت_اللغه؟؟ #الليله٢٨٠ حكينا  ازاى اكتشفت اللغه الهيروغليفيه   وولادها الديموطيقيه و  الهيراطيقيه  واحده واحده على يد بوشار و شامبليون ويونج وغيرهم  ومع ان المصريين كانوا بيعرفوا يقرأوا الهيراطيقيه لحد فتره مش زمان اوى  بدليل حجر رشيد اللى اتكتب سنه ١٩٦ ق. م. بالهيراطيقيه والهيروغليفيه  بس زى ما قلنا الليله السابقه ان دوام الحال من المحال علشان كده ابتدت الكتابه  بالهيروغليفيه واخواتها تنقرض واحده واحده وزى ما احنا عارفين ان العلماء بيقولوا اللغه كائن حى واذا توقف الناس عن استخدامها اصبحت لغة ميته بردو ايه اللى خلى الهيروغليفيه تنقرض تعالوا واحده واحده = عامة الشعب بيستخدم القبطيه كلام بس ... صح  -- صح  = والكهنه بيستخدموا الهيروغليفيه والهيراطيقيه كتابه ...  صح  -- صح = وعلشان الدين المسيحى ابتدى من تحت لفوق -- يعنى ايه ؟؟ = يعنى انتشر بين عامة الشعب وبعدين اعتنقه الساده  والحكام من الاباطره الرومان  علشان كده اتحفظ واتكتب  طبعا كهنة المعابد رافضين الدين ده ومش معترفين به اصلاً وبالتالى لا ه...

#الجميلة_والساحر_الشرير_ج٩ #الليله٦٢٩ ونكمل الكلام اللى بيفتكره الامير خير الله من حدوتة مربيته  له وهو طفل ومع ان الحكايه مرت عليها سنين الا انه لسه فاكرها ونكمل حوار الساحر مع الملك وقال الساحر : كمان الضوء الاخضر البراق ده لما بيصدر من العين بيأثر عليها ومع الوقت نظرك هيضعف لحد ما تصاب بالعمى  وبالتالى لو عاوز رأيى خليك كده واحتفظ باللى عندك و متطمعش باكتر منه لكن الملك مفكرش وقاله لاء انا عاوز احول الناس لجواهر ومتخافش عليا هتحكم ف الوقت اللى هاتحول فيه لثعبان  ابتسم الساحر وقاله :  بردو انا كنت متأكد انك هتختار كده  عموما براحتك بس متنساش انى حذرتك بس خلى نصيحتى لك قدام عنيك  تجاهل الملك نصيحة الساحر  و الساحر اخد الجزء اللى طلبه من الملك واللى مع الوقت ابتدت الغابه تتحول لغابه مظلمه  وكملت المربيه العجوزه وقالت : ولحد دلوقتى محدش بيعرف الساحر بياخد الناس يعمل بيهم ايه ؟ ولا فى مره واحده كان حد منهم بيرجع علشان يحكى  اما الملك فطبعا طمعة خلاه مسمعش كلام الساحر ف انه يستخدم قدراته الجديده بحرص و بالتالى اغلب الوقت كان بيحول نفسه لثعبان وي...

#هو_انت_ازاى_اتعلمت_اللغه_ج٢؟؟ #الليله٢٧٩ اتكلمنا امبارح عن اللغه فى مصر  وازاى تطورت من الهيروغليفيه للهيراطيقيه للديموطيقيه  فاكرين الاسئله ؟؟؟ ** هو يعنى ايه اهمية حجر رشيد؟؟ حكاية حجر رشيد حكايه غريبه واصلها ابتدت بصدفه  كاغلب الاكتشافات العظيمه  لما كان الفرنسويين ف رشيد .... لاء استنى  لاء قبلها بحبه 🤔 لما كان المسيحيين الاوائل .... لاء بردو ... اقدم ... اقدم 🙄 الحكايه ابتدت قبل ميلاد المسيح بييجى ٢٠٠ سنه كده  ايام حكم البطالمه او اليونانيين او الاغريق  التلاته هم نفس الشعب وان اختلفت الاسم يعنى اليونانيين هو الاسم اللى نعرفهم به دلوقتى  اما اسمهم زمان فكان  الاغريق ولان اول حاكم منهم لمصر بعد الاسكندر كان اسمه بطليموس وحكم بعدها ييجى ١٤ واحد اسمه بطليموس فاتسموا كلهم  بطالمه حتى اللى مكانش اسمه بطليموس  المهم ف عهد بطليموس الخامس كان الكهنه فرحانين ان جلالة الملك دفع الضرائب المفروضه عليهم من عنده نيابه عنهم ووزع عليهم هدايا ومزوعات وخرج مساجين من السجن  وزبطهم ع الاخر  ومن فرحتهم كتبوا ده على لوح من الحجر المميز...