الف حكايه وحكايه مع ابتسام الصاوى

#ابو_وش_احمر  #الليله٣٤٠ #الجزء_الثانى اكمل حكايتى مع ابو وش احمر والله مش متخيلين الاسم ده مرعب اد ايه ؟ لدرجة انى دلوقتى وانا بحكى  لاء طبعا مش خايفه😅 بس بفتكر اد ايه الكلمه دى نفسها كان لها فيا اثر سئ بمجرد نطقها  و نكمل الحدوته ... ومع ان الراجل كان دايما ف حاله ولا بيعمل حاجه ف حياته غير انه بيعدى يوميا ف معاد ثابت بعد العصر ينادى ويسأل الله بكلمات ثابته ومالوش دعوه غير باللى يمد ايده يعطيه مما اعطاه الله   الا انه ميعرفش ان فى كائن زغنن عنده سنتين تلاته و ان الراجل ده  هو اللى بيمثل له الرعب المطلق  وكان بالنسبه لى وحش المجره جد مش غزل  - ثانيه واحده 🤔!!! هو اللفظ ده كده غزل 😒؟؟؟ = اه ؟! - طاااايب  وانه اول ما بسمع صوته او بلمحه بجرى علطول من مكانى المفضل فوق الكوميدينو اللى تحت الشباك  واطير جوه الشقه استخبى مزعوره ف مامتى لحد ما يبعد واطمن ان الخطر زال  الغريب ان على طول المده و صغر سنى ف الوقت ده بس فاكره حاجات من الوقت ده  بالاضافه للكلام مع ماما بعد ما كبرت وكانت بتحكيلى وتضحك  وكأن  الزمن مُصر انه ييجى ...

#ابو_وش_احمر  #الليله٣٣٩   وانا صغيره خالص سنتين تلاته كده كان عندى غِيه (هوايه) يعنى الا وهى انى اقف ابص من الشباك على الشارع  وكانت مش بتبقى وقفه عاديه لاء ابسليوتلى ولكن كنت ماما مسميانى النداهه .... اه والله وكما يذكر ف الاثر من ماما الله يرحمها انى كنت رغايه وغلباويه  ومعتقش حد من الجيران طالع ولا نازل الا اما انده عليه  و افضل ارغى معاه  وازيك يا خالتى فلانه وازيك يا عمو فلان  وطبعا الكل كان بيحب  بيسلم ويتكلم 😊 خصوصاً اننا ف الارضى مما يجعلنى قريبه من الزبون اللى برغى معاها او معاه  وكنت كده مع اى حد  لازم انده عليهم  من اول جاره لحد (ساأيد يا منن) ... الترجمه سعيد يا بياع  اللبن  كنت صديقة كل الناس  ومحبوبه الجماهير كل الناس بحبهم وبيحبونى  ماعدا واحد بس ... هو صراحه مكانش بيكرهنى  ولا بيحبنى  ولا يعرف اساسا انى موجوده ف الوجود  كان راجل سائل ( شحات ) مش فاكره الا انه كان طول بعرض ملاحظه كده ان اى حد ساعتها كان هيبقى طول بعرض نظراً لحجمى الزعنطط بزياده بس دا كان فعلاً طول بعرض مما يزيده هي...

#الحكايه_فيها_إن  #الليله٣٣٨ دايما الانسان بيكون فى حد متربص له يرغب ف ضرره واذيته   اما لو كان الانسان ده طيب ... ومحترم ... وف حاله ... لما يكون الانسان ده جدع وشهم وصاحب واجب  هنا بقى مش هيكون له عدو .... هيكون له اعداء  اصل دايما فى ناس تكرهك بسبب صفاتك الحلوه وجدعنتك  وعلشان كده بطل حدوتتنا كان له من مميزاته الكتير  وتعالوا نشوف اصل المثل من امتى ؟ ومن فين ؟ اصل المثل من بلاد سوريا  تحديدا مدينة حلب  والحكايه وما فيها ان كان في حاكم لمدينه حلب اسمه  محمود بن مرداس  وكان عنده رجل من حاشيته هو علي بن منقذ  العلاقه بينهم حلوه والدنيا ماشيه جدعنه وصحوبيه و زبادى خلاط  خصوصا لما يتميز بها عليّ بن منقذ من صفات  زي حفظ كتاب الله ورجاحة العقل زود عليهم الشجاعه والذكاء والفطنه و الحكمه  وعلشان كده ... وعلشان فيه كل المزايا الكتير دى كان لازم يبقي مكروه من اغلب حاشيه الامير وغيرانين منه  وازاى علىّ بن مقرن  ده مستريح ف حياته عايش ف قلعه وعنده فلوس ومكانه و منزله عند الامير  وشغل قاسم السماوى اشتغل و الاسافين...

#لا_غدر_زى_غدر_البحر_ولا_حقد_زى_حقد_الجمل  #الليه٣٣٧ #الجمل_الغلاوي يمكن المثل دا مش منتشر اوى اللى بها نحطه ف سلسله الامثال  بس الحكايه اللى بتتحكى وتنطبق اوى عليه خلتنى اذكره  وزى ما اتكلمنا قبل كده عن الجمل  واد ايه هو حيوان متميز وفيه صفات كتيره حلوه لدرجة ان ربنا سبحانه وتعالى ذكر اسمه بين الامثله الضخمه زى الارض والسما والجبال ودا حكيناه ف حدوتة المثل اللى هسيب الرابط بتاعه ف الكومنتات تحت👇 كداب كدب الابل وعلشان البوست المره اللى فاتت كان طويل فمردتش اطوله بكل المعلومات اللى عاوزه احكيها بس ممكن يتقسم لاكتر من موضوع ونكمل ف صفات ابو حفص ...الشهير ب ابو ايوب .. يووه  قصدى الإبل  وبتتميز الابل بذاكرة قوية  تقدر  تعرف الأماكن التي نشأت فيها وكمان تقدر تفتكر المكان اللى شربت منه اول مرة و ترجع له لو عطشت  كمان بتساعد البدو على انهم  يعرفوا الطريق اللى عاوزين يوصلوله لو تاهو في الصحرا هم ينسوا بس هى فاكره  ومن ذكائها كمان أنها بتعرف حركات صاحبها والإشارات الحركات بتاعته وتقدر تفسرها زعلان او مبسوط  ومع اننا خلُصنا الى ان الجم...

#جحا_اولي_بلحم_طوره #الليله٣٣٦ جحا كان عنده ثور مربيه وبيعلفه وفرحان به  ولكن في نادره من الزمن وبعد حوار مع اصدقائه واتهامهم له انه بخيل ومبيهونش عليه  جحا اتدبس ف انه يدبح الثور ده ويعزم البلد عليه  جحا دبح الثور وجهزه وسواه  ولما جم اهل البلد زي ما عزمهم جحا علي الغدا فضل يخطب خطبة كبيرة خلاصتها انه كريم وسخي وبيساعد الجميع وانه بيت كرم وانه سخى  وكريم و مفيش اكرم منه  بس بعد ما خلص الخطبه العصماء بتاعته والناس قاعدين جعانين وصابرين ومستنيين الاكل و صوانى اللحمه  فوجؤا بجحا بيرصصهم صف واحد بنظام وفهموا انه هو اللي هيلف بنفسه يوزع علي كل واحد منهم نصيبه من لحم الثور  واستسلم الضيوف ... ماهو دا جحا  وهم عارفيه و عارفين تقاليعه  الامل بداء يزيد بعد ما زهقوا بس دا خلاص اهه رصصهم اهه علشان يدى لكل واحد نصيبه من رغيف اللحم وعدي عليهم جحا وفعلا ف ايده ارغفة اللحمه والرز كعاده الريف من زمان والى الان بس لما راح للاولاني قاله لا يا عم الحاج انت عجوز وسنانك مخلعه مش هتعرف تمضغ لحم الثور ولا تهضمه...  بلاش انت واللي جنبه كان واحد مريض قاله ...

#كداب_كدب_الابل #الليله٣٣٥ الابل مش كدابه  دايماً مظلومه ومتاخده ف الرجلين اونطه كده  طب بالذمه فى جمل كدب على حد فيكم  طب حد سأل جمل على حاجه وماقالوش الحقيقه  ليه كده الاوشاعات على المعلم سفينه الصحراء المحترم  كل الحكايه انها مبتعرفش تقعد ساكته كده وقافله بقها  لااااااء  فهمتوا غلط مش بتنم ولا بترغى  وبمناسبة كلمة ترغى  بس حقيقه القصه بتاعة الرغى دى طلعت حكايه🤔  اقولها بعدين لان الموضوع حلو ويستاهل اننا نرغى فيه  بس نرجع لموضوع الجمل وهو ان الجمال من طبعها انها بتحب تحرك فمها او تلوك كده   بفمها اللي بنقول عليها بتتلمض يعني وتحرك شفايفها وهي بؤها فاضي  اللي بيحصل ان اللي يشوفها يقول دي بتاكل وبما انهم بيكونوا ف الصحرا احيانا منتشرين بيدورو علي الاكل والكلاء لحيوانتهم فالرعاه بتوع الجمال  يبقوا عنيهم هتخرج على شوية اكل لحيواناتهم فيلاقوا الجمل باشا ده كانه بيمضغ كده  فيروحوا عنده جرى يدوروا حواليه بياكل ايه؟؟   يلاقوا الدنيا فاضيه  ومن غيظهم منه قالوا بيكدب  وهو يا حبيبي بيلعب بقه ع ال...

#هو_انا_مغسل_وضامن_جنه  #الليله٣٣٤ المثل ده مظلوم علشان نصه الاول مفقود  اصل المثل من مقطعين ..المقطع التاني هو بس اللي متداول المثل بيقول : ال غسله واعمله عمه .... ال هو انا مغسل وضامن جنه  كلمه ( ال ) بمعني ( قال ) وطبعا المقصود هنا هو  الراوي القديم اللي اكيد بيكون مجهول  علي طريقة هنيدي في فيلم فول الصين اما كل شويه شومان يقوله : بيقولك بيقولك ف يقوله هو منين ده اللي بيقولي  زي ما شايفين كده المقطع الاول منسي ومختصر من  امثالنا الشعبيه  الحكايه ان المغسل دا الراجل اللي بيجهز المتوفي  للدفن قديما والي زماننا هذا ف كان زمان المشايخ والازهريين والناس اللى لهم مكانه دينيه كان بيتعمل لهم عمه كده على مقدمة الخشبه  ف اهل الميت بتاع مثلنا النهارده طلبوا من المغسل انه يزود علي الكفن عِمه  ويقال ان الموضوع ده كان لرجل اشتهر بالبخل الشديد  وانه كان منشفها على ولاده ومبيأكلهمش الا الخضار و مانع عنهم اللحوم ف لما مات ابنه ورث منه كتير اوى  ومع انه المفروض يفرح ان ربنا وسعها عليه بس الولد كان اصيل ونفسه يكرم ابوه على الخير اللى شافه...

#هو_انت_فاكر_نفسك_ابن_بارم_ديله  #الليله٣٣٣ طب، مبدايا المثل ده صعب شويه  لان بردو له ٣ حكايات او يعنى له ٣ تفسيرات لاصل الحكايه او تفسير المثل يعنى  ١ - الحكايه الاولى المفبركه  الحكايه دى  انتشرت ع الفيسبوك مؤخرا فى بوست بيتكلم  عن اصل بعض الكلمات او الامثال المتداوله ان كان في واحد ف مصر اسمه بارون ديلون و بالتالي ف ابنه ابن البارون ديلون بقي ابن بارم ديله  مع  التحريفات المعتاده من المصريين  بس مين البارون ديلون مفيش حد اتكلم ف التاريخ المصري عن حد اسمه كده  وبالتالي هو اصلا مش موجود علشان يتشهر ابنه لدرجة انه يتقال اسم ابنه ف الامثال  يبقى دى فشره منتشره شفت زيها حواديت يمكن تقنعك الحكايه وتستغرب التانيه والتالته بس تحس بعد الرابعه و الخامسه انها مؤلفه والحكايات اللى بتكلم عنها حكاية ام لطفى اللى بتنور وتطفى وام ترتر وام تيتى تحس ان فى حد قاعد يخاد الكلمات المنتشره والغريب ان اصل كل الشخصيات دى ف القصه دى جاى من اسكندريه ... مش عارفه بس لما فجأه تلاقى قصة منتشره ف كل حته بنفس الصيغه لا فيها زياده ولا نقص وبالتالى حسيت ان الموضو...

#الغاوي_ينقط_بطاقيته  #الليله٣٣٢ طب اولا نشرح معاني المفردات بعد اذن صديقاتي وزميلاتى من كتيبه اللغه العربيه  الغاوي : هو الشخص المولع بالشئ العاشق له ينقط : دي كلمه عاميه مصريه يعني يعطي كهبه ممكن  نستخدمها ف الولادات او الافراح او عند الغوازي😉 بطاقيته :  ودي كلنا عارفينها بس خلوا بالكوا من الاستخدام  زمان كان لازم الراجل بيغطي راسه كنوع من الاحترام  احترام .. مش حجاب 😅 احترام يلبس بقي طربوش  طاقية 👲 عِمه 👳 لاسه برنيطه حتي🤠 فاكرين اما كان الفلاح فى الافلام القديمه بتاعة الاربعينات وما قبلها زى فيلم زينب كده لما كان الغنى والفقير بيلبس طاقيه ولو فقير وطاقيته مخرمه ومقطوعه بس لابس طاقيه ودا للفلاحين او زى ما بنقول البحاروه  اما الصعايده فكان لازم يلبس فوق الطاقيه العِمه وممكن معاها اللاسه او الشال او التلفيحه  المهم ان الطاقيه دى شئ اساسى  ولما ناخد رحله عبر مركب الزمن ونروح لايام اجدادنا هتلاقى ان الرأس كانت ف الغالب مغطاه و لو حتى  بشعر مستعار باروكه يعنى  المهم انه مش مستغنى عن غطاء رأسه  ولحد دلوقتى لو رحت اغلب الب...

#هو_انت_على_راسك_ريشه #الليله٣٣١ الحكايه ملخبطه حبتين ولو دورنا على اصل المثل دا نلاقى له ٣ روايات  وزى ما اتكلمنا الليله اللى فاتت عن اللي علي راسه بطحه  وقلنا انها مش بطحة بمعنى جرح او تعويره ولكن البطحه هنا مجازيه مقصود بها غلطه او جريمه ماشى بيحاول يداريها زى البطحه اللى مفيش حاجه تداريها  ماشى  وهو ف اى وقت حاسس ان جريمته هتتكشف علشان كده اول ما شيخ الجامع قال ان اللى سرق الفرخه على راسه ريشه من الفرخه  البطحه النفسيه اللى عنده خلته يحط ايده على راسه ويكشف نفسه  مع ان منطقى ان السرقه كانت الليله اللى فاتت واكيد وهو جاى يصلى  هيكون اتوضى واكيد اى ريش جه على راسه من العشه ساعة السرقه وقع من ساعتها بس الريشه اوالبطحه النفسيه خلته يحسس على دماغه  ٢ - وتانى ايه معنى اللي علي راسه ريشه  و نرجع لورا اوى لايام قدماء المصريين الريشه من زمان لها اهميه تاريخيه ودينيه من ايام الفراعنه لما كانت الالهه ماعت بيرمز لها بريشه   طب اشمعنى الريشه فاكرين لم اتكلمنا عن العالم الاخر عن اجدادنا القدماء والحياه بعد الموت من وجهة نظرهم والحساب ف الاخره...

#اللي_علي_راسه_بطحه_بيحسس_عليها #الليله٣٣٠ حدوتة مثل من الامثال كنت بعدت شويه عن حكايات الامثال بس من فات قديمه تاه  الحكايه المره دي لطيفه وخفيفه   كان ياما كان في رجل عنده عشة فراخ كان بيربيهم ويتاجر فيهم كانوا رأس ماله وكل مكسبه منهم ومن بيعهم   بس اللى حصل انهم كانوا بينقصوا وهو مش واخد باله ف الاول  بس لما خد باله و بقى يعدهم  و اتأكد انهم بينقصوا عرف انهم ايد  بيتسرقوا ماهو مش معقول يعنى ان يكون ديك غوى فرخه وهربت معاه   دا شغل بنى ادمين الفراخ مالهمش فيه    طب مين اللى بيسرق  اهل البلد كلها عارفين بعض ومفيش حد معين بيشك فيه  كمان معرفش يمسك الخرامى هو لانه مهما بيستناه علشان يقفشه بينام غصب عنه لانه مش متعود يسهر فولا مره عرف يلحقه  بسهر يراقب العشه يلاقى نفسه مع اذان الفجر نايم والفراخ نقصت تانى  وكان دايما مبيعرفش يقفش اللص مهما حاول  ولما اتسرق منه كذا مره ومقدرش يحدد السارق راح واشتكي لامام الجامع اللي كان ف نفس الوقت  حكيم القريه  الحكيم قاله متخافش انا هعرفلك الحرامي  وبعد ال...

#ليله_ف_عشق_الفول_بيصارو #الليله٢٣٩ #الجزء_الثالث_والاخير الليله بقت ليالى .... بس زى ما قال عبد الوهاب  وعشق الفول مالوش اخر لكن عشق البصل فانى  عشق البصل فانى  وبمناسبه عشق الفول فى حكايه ظريفه عن الفول وعشق الفول من رأس المملكه المصريه الملك فاروق اللى كان بيحب الفول اوى خصوصا من ايد راجل من دمنهور بحيره اسمه على العاصى  وعلى دا كان بيعمل كل يوم ٦ قدر  (جمع قدره ) من الفضه فول  مدمس ويبعتها للقصر اللى متواجد فيه الملك سواء المنتزه او القبه او عابدين يقابلهم طبيب بيطرى ف محطة القطر ويكشف عليهم ويقفل عليهم بالشمع الاحمر لحد ما يوصلوا القصر  ولما الملك ربنا رزقه بولى عهده احمد فؤاد اهدى عم على للملك قدره دهب وزنها ٤٦٠ جرام دهب  وهى حالياً موجوده دلوقتى ف مقتنيات متحف قصر المنتزه  ٣ - البصاره  اما البصاره فبردو زى ما  ال (فا لا فيل) اللى اتحول لفلافل    والفيل نفسه اتحول لفول البيصورو : هى كمان الاكله اللى بنعملها بالفول المدشوش والخضره والبصل والتوم و اتحولت لبصاره اكله مصريه عمرها الالاف السنين  ومن ذكريات امى اللى ح...

#ليله_ف_عشق_الفول #الليله٢٣٨ #الجزء_الثانى ونكمل كلامنا عن ملك مائده السحور ف رمضان و الفطار طول السنه  الكهرمان  او زى ما الاخوه السودانيين بيقولوا عليه حبيب الشعب  او زى ما بيطلق عليه لحمة الفقرا وفاكهة الاغنيا  ونجيب شوية حكايات عنه  زى مثلاً ان اغلب الاكلات اللى بتعتمد على الفول وارثينها من جداتنا المصريات    والفلافل  الفول المدمس  و البصاره ١ - الفلافل : واسمائها كتير مثلا : الفلافل ف اسكندريه  والطعميه ف القاهره  والجرين بيرجر فى الهايتس والبورتوهات  فاسمحولى اقول حكايه مهمه للفلافل   الموضوع ان الفلافل دى اكله فرعونيه قديمه اخترعها اجدادنا من الالاف السنين وحتى فى الاصل الاسم ده هو الاسم الفرعونى  (فا - لا - فيل)  والترجمه الى  القبطية  (Φα Λα Φελ)  بمعنى "الذي يحتوي على الكثير من الفيل اللى اتحول مع الزمن لكلمة فول  ومع ان الفلافل دا اسم احنا القاهريين مبنستعملوش وبيستعملوه ف اسكندريه و معرفش منتشره فين ف باقى مصر تانى باسم فلافل  بس الغريب ان دا اسم الفلافل دا هو  اللى...

#ليله_ف_عشق_الفول #الليله٢٣٧ كنت مجهزه موضوع احكى حكايته الليله دى ، بس  مشكله ظريفه اتعرضت ف صفحة عن الاكل خلتنى اغير الموضوع  وياريت كل مشاكل الدنيا لذيذه كده  صاحبة المشكله بتقول : (( فول بالطحينه وعملت فول بزيت لمون وعملت فول ببيض وعملت فول بسمن بلدى وعملت قولولى افكار تانى للفول عشان زهقت 😁 )) ولانى عاشقه محترفه لانواع الفول  وتصنيفاته فانا ادليت بدلوى ودى كانت اجابتى : ١ - فول بالطماطم ٢ - فول بتقلية التوم زى اللى بسمنه بس معاهم فصين توم فلفل اسود ٣ - فول بالسلطه الخضرا  ٤ - فول متخرط عليه بصل  ٥ - فول متسخن معاه البصل المتخرط على النار  ٦ - فول بالطحينه  ٧ - ودا غير الفول بسلطه الطحينه  ٨ - فول مقلى عليه بيض ٩ - فول متقطع عليه بيض مسلوق ١٠ - فول بالزيت الحار   ١١ - بالتسبيكه تقليه زيت وبصل وتوم فلفل اخضر حامى وتتطش بصلصة الطماطم و لما تتسبك يضاف الفول ١٢ - فول بالليمون والكمون والزيت  ١٣ - فول بالزبده نقدح الزبده ونطشها بالفول ودى كانت اجاباتى علشان تعمل فول للسحور اما لو فكرنا ف الفول كوجبه تتاكل اى وقت اثناء النهار فى...

#وحوى_ياوحوى_اياحه  #الليله٣٢٦ #الجزء_الثانى وبعد ما حكينا حكايه صغيره من حواديت التاريخ  ونقول تانى وحوى يا وحوى اياحه  اللى تعنى ... مرحباً مرحباً ... يا قمر الزمان  وحوى وحوى ... اياح  بس مع مرور الزمان دخلت اللغه العربيه ودخل الاسلام ورمضان  واحتفل المصريين بعلامة رمضان المميزه القمر و اهم قمر ف السنه  قمر الزمان او قمر رمضان  ونرجع لرمضان ف طفولة امى لما  كانت بتزعل من اغنيه رمضان وحوى يا وحوى  وتقولى كنت وانا صغيره اما  اللى بتيجى ف الراديو 📻 كنت بزعل  علشان وهو بيغنى ويقول : هاتى فانوسك 🈴  ياختى يا احسان  ياختى يا احسان (اسم خالتى الله يرحمها ) اه يا ننوسك ف ليالى رمضان  وتقول هو ماله ومال اختى و ليه عاوز الفانوس بتاعها😡 وترجع تانى تحكيلى ذكرياتها مع اختها فى رمضان  وبتقولى ان مره وهى صغيره اوى وتقريبا اول سنه لها تتعلم الصيام   💥🔥💥والاطفال اللى لسه بتتعلم الصيام خصوصا ف الصيف ماما الله يرحمها حكتلى انها لما اتعلمت الصيام كانت صغيره اوى 👧وكان رمضان بييجى ف الحر🌞  وهى ياحرام جعان...

#وحوى_ياوحوى_اياحه #الليله٣٢٥ وحوى يا وحوى ... اياحه  وكمان وحوى ... اياحه  كلمه كلنا عارفينها يمكن منعرفش ان قائلها مطرب اسمه احمد عبد القادر وانها قديمه اوى من سنه ١٩٣٤ يعنى عمرها دلوقتى حوالى ٨٦ سنه  وعلى قد ما نقول يااااه 😳 دى قديمه اوى  وكل السنين دى وبتتقال كل سنه بنفتكرها بنفس القوه كل سنه  وعلى قد ما بتطلع اغانى جديده بيحاول المطربين يعملوها  وعلى اد ما بتكون اغانى جميله زى اغالى محمد فوزى مثلا بس بردو دى اعلى وواخده قلب وعقل الناس اكتر  كل ده وهى اغنيه جدودنا كانوا بيغنوها  وهم عيال صغيره من ٨٦ سنه بالفانوس ابو شمعه  بس اللى منعرفوش ان عمر الغنوه  اكبر من كده بكتير .... بأد ايه بااااالااااف السنين  وانها مش مرتبطه من البدايه برمضان ولكن ارتبطت باجدادنا الفراعنه  يعنى قبل الصيام ورمضان و قبل الديانات السماويه ال٣ كمان  والحكايه ان كلمة وحوي كلمه هيروغليفيه معناها  اهلا او مرحبا  وإياحة معناها القمر وأصلها أياح وسببها احتفال المصريين بملكه قديمه هى الملكه اياح حتب زوجة الملك سقنن رع واصل الحكايه  هى ...

#عاوزه_يبقى_شعرك_زى_شريهان #الليله٣٢٤ #حدوته_من_قلب_الحدث_وركوب_للتريند الاعلان بتاع شريهان كان حديث الناس اول وتانى يوم رمضان  وانقسم الناس ل ٣ فئات : الفئه الاولى : اللى مش فاهمين حاجه وشايفين انه اعلان رخم ومجهول وغامض ودول الجيل الجديد مواليد ما بعد الالفيه ميعرفوش عن شريهان الا انها كانت صاحبة نيللى  او انها اسم ايمى سمير غانم فى مسلسل يحمل نفس الاسمين  نيللى وشيريهان   ودول يسمحولى اشرحلهم فكرة الاعلان  و هى عن قصة حياتها الكلمات بتتكلم اننا لما نقع نقف تانى  شريهان عملت حادثه كبيره اوى  مثلتها فى الاعلان لما انها ف عربيه وطارت منها وبعدين قالوا اتشلت وسافرت باريس تتعالج  وعملت ييجى ٣٠ عمليه كل واحده اصعب من التانيه  الدكتور الفرنساوى قال لو وقفت على رجليها تانى تبقى معجزه  وخفت ورجعت تعمل افلام واستعراضات  بعدها قالوا جالها كانسر وفضلت مده كبيره تقاومه هى متكلمتش عنه ف الاعلان بس هو ده اللى بعدها عن التمثيل  واتجوزت وخلفت بنتين  تقريبا  فهى بتقول انك لازم تقاتل وكل ما تقع تقف تانى والفئه التانيه : هى فئه ج...

#ملوك_الجدعنه #الليله٣٢٣ #الجزء_التاسع ٤ - خبيئة الكرنك ٢ -------------------------   عارف لما تلاقى حاجه وتفكر انها تكون مهمه  ساعتها هتجرى على الرؤساء بتوعك تقولهم على الحاجه المهمه دى  بس مين هيسمع منك وانت  حتة رئيس عمال نظافه  مش دارس ولا اكاديمى زينا  بس انت حاسس باهمية كشفك ده وعلشان كده متسكتش وتمشى ورا حلمك واللى رفض الموظفين الصغيرين  انهم يسمعوه سمعه رئيس البعثه الاثريه كلها لو عاوز تعرف حصل ايه ؟؟ تعالوا قبل ما نسيب الكرنك كده نفضل فيه شويه اصل بعد فترة بسيطه خالص ف عمر الزمان  قيمة ٨٠ سنه هيحصل  اكتشاف تانى  تعالوا نقفز بالتاريخ لسنه١٩٨٩ميلاديه ونشوف خبيئه جديده و ف نفس المكان العجيب ده ... معبد الكرنك الحكايه ان من ٣٢ سنه من دلوقتى تحديدا فى  ١٩٨٩  كان العمال فى معبد الأقصر بينضفوا زى المعتاد فى ساحة المعبد  وساعتها  رئيس العمال واسمه   فاروق شارد لاحظ ان الارض مطبله كده مما يوحى بوجود  احتمال أن  باطن الأرض مش طبيعى  ف جنب كده من جوانب المعبد وطبعا ف المكان ده لما تشك ف حاجه مش ...