الف حكايه وحكايه مع ابتسام الصاوى

#قطر_الندى_ج٤ #الليله٦٦٨   قولنا الليله اللى فاتت ان اثناء الصراعات اللى شغاله ف بغداد دى كان بايكباك وأحد من اللي برزوا على المسرح قو سألنا ساعتها مين بايكباك دا يا ميخا  دا بالاماره يعنى  الدنيا كانت مقلوبه ف بغداد سياسيًا فى اثناء الصراع اللي داير خصوصا لما الصراع ده انتهى بقتل الخليفة المستعين وتولي المعتز مش بس كده دا كمان كان بايكباك في مقدمة القادة اللي أداروا الصراع ده وابتدوا يقسموا الولايات والنواحي بينهم فالمُعتز قال بايكباك يمسك حكم مصر و البلاد التابعه لها يلا يا عم شاله ما حد حوش  بس بايكباك لئيم و شكله خاف انه يسيب عاصمة الخلافة الا يتضرب اسافين من المعتاده فى الاوقات دى وشويه و يتعزل ولا يطول بلح بغداد ولا عنب مصر فقال خليك يا واد يا بايكباك قريب من مركز السلطة شارك في القرارات المهمه  طب ويضيع من ايده حكم مصر  وبما انه عين ف الجنه وعين ف النار قرر انه يختار نايب عنه تختار مين يا واد يا بايكباك🧐 تختار مين يا واد يا بكبك 🤔 الا واختار أحمد بن طولون في ودا ليه ؟  علشان حسن سيرتة ... جايز   علشان اخلاقة وتدينه ... ممكن  ب...

#ايام_فى_الرَبع_ج٢والاخير #حوداديت_امى  #الليله٣١٨ طبعا لما الست الطماعه عِرفت انهم هيعيشوا سوا وافقت اولا : زمان مكانتش مشكله ان الضراير يعيشوا سوا  ثانيا : خافت من ان مراته وولاده فى البيت الاولانى يستأثروا بالاكل الحلو كله لوحدهم  فوافقت علطول و قالت وماله  وف سرها قالت عز الطلب ... اعيش فبيتك واتهنى بالعز اللى فيه مراتك وولادك  و راح لمراته وقالها و هى باستسلام الزوجه ام العيال اللى عارفه ان مفيش لها مكان تانى تروحه لو  رفضت تكون لها ضره و قالت لاء يعنى لو سابت البيت ومشيت هتروح فين بعد السنبين دى كلها اللى عاشتها بعيد عن بيت ابوها و هتروح فين بعيالها  لا فى مكان لها ولا لاولادها  ولذلك قالتله بانكسار اللى تشوفه لان الزمان ده حيث لم تكن هناك فيمنست ولا فى اندبندنت وومن  ولا طبعا كان فى اللى قااااادرااااه ع التحدى وع المواجهه اه ... كان طبعا فى ستات قادره بس دى كانت صفاتها حاجه تانيه كانت بتبقى خطافة رجاله زى نوعية الجاره اللى هتبقى ضره اول ما تخلص عدتها   علشان تعيش فى العز دى واللى بتمنى نفسها انها تنوله اول ما تتجوز تعيش ف بيت...

#قطر_الندى_ج٣ #الليله٦٦٧  اللى فهمناه كده ان أحمد اتربى تربية متدينه على ايد والده طولون وبكدا كان مُختلف عن أولاد  الاتُراك الفاسدين وكان بيكره كل اللى  بيعملوه من مفاسد  واتشهر عنه التقوى والصلاح وف نفس الوقت اشتهر بالشدَّة والقُوَّة بسبب تربيته العسكريه  و في الوقت ده كانوا محتاجين  ظابط شاب يخدم فى طرسوس واللى كانت ملتقى بلاد المُسلمين ببلاد البيزنطيين  و بالصدفه في ذات نفس الوقت كان أحمد بن طولون طلب من الوزير عُبيد الله بن يحيى  انه يعينه هناك فوافق على طلبه و بناءً عليه قضى احمد ابن طولون هناك سنين شبابه بعيد عن الوسط التُركي في العراق و اهتم العلم والحديث والآداب اللى اخدهم على ايد  كِبار العُلماء الطرسوسيين و كمان اتجوز و خلف و كمان كان نفسه يشارك في الغزوات اللي كانت ضد الروم وكمان زاد طُموحه في تولِّي حكم مصر دخل أحمد بن طولون  الحياة السياسة المتلخبطه في العراق وهو ماشاء الله محترم من التُرك وثقتهم و كمان اخد ثقة الخِلافة واحترامها فكانت علاقته بالخليفتين المتوكل والمستعين جيدة و دا بدأت صلته بالمستعين لما كان راجع من طرسوس و...

#ايام_فى_الرَبع #حوداديت_امى  #الليله٣١٧ هرجع تانى لحواديت امى والنبع اللى لا بنضب مهما عدت سنين على فراقها ومهما عدت عقود على ايام  لما حكتلى الحواديت دى  لكن بتفضل محفوره ف قلبى وف ذاكرتى  طبعا حدوته زمان كانت قصقوصه قصه يعنى كانت بترتكز على التويستات اللى بتحصل بدون حوارات ولا تفاصيل  بس لما بحكيها باخد من معلوماتى عن الفتره دى وتفاصيلها علشان نفهم الفرق بين زمانا وزمانهم وعلشان اخليك تعيش الجو بتاع الزمن ده  زمن لمبة الجاز و الطبليه و وابور الجاز  زمن خالى من الكهربا و الموبايل والنت  زمن  مشاكل الناس  قلة الاكل مش قلة سرعة الانترنت  زمن معاناة الناس من عدم وجود اللحمه واضطرارهم ياكلوا فول  مش عدم وجود واى فاى مفتوح واضطرارهم يفتحوا باقه  كان ياما كان فى مصر زمان الناس الفقيره بتسكن ف بيوت مشتركه ممكن تكون  عماره عاديه او بيت عادى  وفيه الشقق مكونه كل شقه  من غرفتين او ٣ او اكتر  بس يسكنها عائلتين او ٣  لان كان كل غرفه منهم يسكنها اسره لانهم افقر من انهم يأجروا شقه ويفرشوها وتكون ايجارها مثلاً ...

قطرالندى_ج٢ #الليله٦٦٦ الليله اللى فاتت اتكلمنا عن جدها واللى بصراحه كنت ناويه اقول عنه معلومتين تلاته فى محاوله منى لربط الحدوته ببعضها وتجذيرها بالرجوع لاصل العيله الكريمه بس اللى حصل ان حكاية احمد بن طولون من جمالها شدتنى انى احكى كل احداثها وكتير من تفاصيل حياته  واللى وقفنا الليله اللى فاتت لما ابن عساكر قال حكايه غريبه وليا فيها تنويه ف الاخر  واكمل نقلا عن ابن عساكر ان الرساله كان فيها ان لما الرساله دى توصلك إضرب عنق حاملها وابعث لي رأسه بسرعه وطبعا احمد اخد  الرساله من عند طولون وهو مش دريان فيها ايه  بالصدفه قابل فى طريقه الحظية  فقالت له : تعالى معايا انا  عاوزاك ف حاجة و كان غرضها  أنها تأكد  في ذهن طولون كل اللى  قالت له عن احمد  وتحرشه بها فدخلته عندها بحجة انه يكتب لها رساله     بس هو قال لها : «إنه مشغول بالرساله اللى معاه دى علشان يوصلها للأمير الفلانى »  ف بالكيد والدهاء خلته يديها الرساله وهى توصالها عن طريق حد من تبعها علشان هو يكتب رسالتها وف الوقت نفسه الرساله متتأخرش على الامير فيزعل منه طولون و...

#سكتناله_دخل_بحماره  #الليله٣١٦ هو مثل ظريف وحكايته زغنطوطه خالص انتوا عارفين ان الناس مقامات  وخصوصا ف الارياف اللي كل واحد فيها عارف اصل التانى وفصله  وعارفين ان فيها الاكابر والاعيان اصحاب الاملاك والاراضي  وفيها الفقرا والعمال باليوميه والاجير اللى بيقولوا عليه تملى  ودا غير تملى معاك بتاعة عمرو دياب  قهقهقهقهقه القافيه حبكت سامحونى 😊 المهم ان اللي حصل ان واحد من هؤلاء الفقراء التمليه فضل بدخر ويحوش لحد ما بقى معاه فلوس وراح السوق واشتري حمار  ومن فرحته به مبقاش يمشي ف حته من غيره ولان من الاصول ان حد لو عدي علي ناس من الاكابر دول وهم متجمعين على مصطبه دوار حد منهم ولا قاعدين ف قهوه  المفروض انه  ينزل من على حماره كأدب وحترام  بس صاحبنا و هو بيعدي مبينزلش من على حماره  ويعدى يقول السلام عليكم وهو راكب حماره بكل جليطه  والاكابر يسكتوله كنوع من التغاضي علشان شايفين  فرحته بالحمار  واتكررت الحكايه مره واتنين واسبوع واتنين لما اصبح دا المعتاد منه  وبعد ما هم كمان كان ف بالهم يسيبوه شويه وبعدين ينبهوه على قلة ذوق...

#هو_صحيح_الجوع_كافر_بس_مش_للدرجه_دى_ج١٥والاخير #خاطر_الله_جوعان #الليله٦٦٤ #تنويه بقول القصه حقيقيه والتفاصيل من واقع المحاكمة  بس الكلام على لسان خجاوة من صياغتى يعنى لو ممكن تتخيل ان حد عمل اللى عملوه فممكن تفكر ان دى نفسيتها و دى مبرراتها والافكار اللى دارت ف دماغها لما عملت افعالها الشنيعه دى بدم بارد كده  اكيد كانت عندها مبررات واكيد كانت مقتنعه بها  ومقتنعه انها صح ف اللى بتعمله وتكمل خجاوه كلامها وتقول :  ولما الازمه زادت مفكروش فينا سواء الانجليز ولا التراكوه ولا حتى اى حد من الاغنيا من ابناء العراق كانوا بياكلوا ما لذ وطاب وسايبين الشعب يموت من الجوع  و يشيلوا الدعم ويرفعوا الاسعار و يشيلوا الابناء من التموين ويمنعوا التموين عن اللى بيتجوزوا جديد ويقولوا انتوا عاوزين الحكومه تأكلكوا  اه المفروض الحكومه تأكلنا ... ما الحكومه مش هتأكلنا من جيب ابوهم  ما هم بيلموا  الدخل اللى جاى للدوله من ضرايب و الجمارك و دخل قناة النجف الجديده اللى قالوا هتحل المشاكل ليه بلد مش قادره تاكل شعبها وبتلغى التموين على محدود الدخل وكل شوية يعوموا الليره يعوموا ...

#وَإِذْ_فَرَقْنَا_بِكُمُ_الْبَحْرَ_فَأَنْجَيْنَاكُمْ٢_سيدنا_موسى_الج١٧ #الليله٣١٤ زى ما قلنا الليله اللى فاتت نده سيدنا موسى لكبار قومه سناً وعلماً وقالهم   تعالوا يا جماعة  شوفوا الغرقه اللى احنا فيها دى وفكروا ايه السبب  فى سبب يمنعنا من الخروج ومخلينا عمالين ندور كده حوالين نفسنا واحنا المفروض نبعد عن فرعون زى ما ربنا انذرنا  وهنا الشيوخ منهم قالوا ان سيدنا يوسف بعد ما وصى ان الحكم بينهم يكون لاخوه يهوذا  طلب من اخوه سيدنا بنيامين انكم لو خرجتوا من مصر وعدتوا لارض كنعان ابقوا خدونى معاكم  ولكن لما سيدنا يوسف مات ومن بعده كمان سيدنا بنيامين محدش خرج من ارض مصر وبالتالى المفروض ينفذوا العهد و ياخدوا معاهم جسد سيدنا يوسف  طيب فين قبر سيدنا يوسف  محدش عارف  طب اسألوا الناس بمكن يكون حد يعرف  وفعلا لقوا ست عجوزه اوى  من بنى اسرائيل طلعت هى اللى عارفه مكان قبر سيدنا يوسف  ولحد هنا واختلفت الروايات فى روايه بتقول ان بعد ما مات سيدنا يوسف حصل خناقه بين كل الناس كلهم عاوزين ياخدوا جثمانه يندفن عندهم علشان ينالوا البركه بتاعته وب...

# هو_صحيح_الجوع_كافر_بس_مش_للدرجه_دى_ج١٤؟؟؟ #خاطر_الله_جوعان #الليله٦٦٣ #تنويه بقول القصه حقيقيه والتفاصيل من واقع المحاكمة  بس الكلام على لسان خجاوة من صياغتى يعنى لو ممكن تتخيل ان حد عمل اللى عملوه فممكن تفكر ان دى نفسيتها و دى مبرراتها والافكار اللى دارت ف دماغها لما عملت افعالها الشنيعه دى بدم بارد كده  اكيد كانت عندها مبررات واكيد كانت مقتنعه بها  ومقتنعه انها صح ف اللى بتعمله وتكمل خجاوه : مكانش فى داعى للانكار او انى اكدب ف حاجه ف النهايه كل شئ اتكشف خلاص  و لما الحاكم سألنى : كم ولداً أكلتما؟ رديت عليه : انى مش فاكره بالظبط ولكن هو ممكن يعرف عددهم اما يعدوا الجماجم اللى هيلاقوها  عارفين لقوا كام  ٩٩ جمجمة طفل وجمجمة شخص بالغ ودى الست اللى افتتحنا بيها مشروعنا  ع العموم  حكمت المحكمة علينا بالإعدام شنقاً فى الميدان العام  انا وعبود بس  الواد الصغير ابنى معرفتش عنه حاجه من ساعتها وف يوم الإعدام الصبح كتفونا ركبونا حمارين وساقوا الحمارين لميدان باب الطوب وهناك نصبوا مشنقتين لنا وكانت الناس متجمعين علشان يتفرجوا على شنق الاتني...

#وَإِذْ_فَرَقْنَا_بِكُمُ_الْبَحْرَ_فَأَنْجَيْنَاكُمْ١_سيدنا_موسى_الج١٦ #الليله٣١٣ اخيرًا حنّ فرعون   طبعا مش بمزاجه بس كتر خيره بعد ما اصبحت حياتهم دم ف دم بعد اللى حصل فى العقوبات اللى ربنا نزلها عليهم واللى ذكرت ف سورة الاعراف  (فَأَرْسَلْنَا عَلَيْهِمُ الطُّوفَانَ وَالْجَرَادَ وَالْقُمَّلَ وَالضَّفَادِعَ وَالدَّمَ آيَاتٍ مُفَصَّلَاتٍ فَاسْتَكْبَرُوا وَكَانُوا قَوْمًا مُجْرِمِينَ) يعنى اتعذب هو وقومه عذاب شديد انتهى بانه سمح لسيدنا موسى وقومه بالخروج من ارض مصر بكامل اعدادهم واولادهم ونسائهم ومواشيهم  ف فعلاً فرح بنى اسرائيل وخرجوا  ومع انهم المفروض يخرجوا مطمنين لان فرعون هو اللى سمحلهم انهم يمشوا  بس ربنا اوحى لسيدنا موسى وقاله تعالى فى سورة الدخان :  (فَأَسْرِ بِعِبَادِي لَيْلًا إِنَّكُم مُّتَّبَعُونَ )(23) يانهااااررررر😳 يخرب بيتك يا فرعون اكتر ما هو هيتخرب يا بعيد🙄 يعنى بعد دا كله وف الاخر خارج بردو وراهم  بررررراحتك ... امشى ورا قدرك واللى هيسأل هو ليه عمل كده ؟ بالاضافه للسيكوباتيه اللى كان بيتعامل بها مع بنى اسرائيل من اول النار اللى خلى سي...

#هو_صحيح_الجوع_كافر_بس_مش_للدرجه_دى؟؟؟ج١٣ #خاطر_الله_جوعان #الليله٦٦٢  زى ما قولت الليله اللى فاتت دوام الحال من المحال  ف مره زبون من الزباين  واد فرفور كده من اللى بيمضغوا كويس طالب علم قاعد ف المطعم بياكل وجت ف بقه وهو بياكل عضمه  عادى يعنى بس زى ما بقولكم واد نمكى كده علشان كده مسك العضمه وفحصها  وساعتها خد باله انها سلامية صباع طفل (عضمة عقلة من صباع طفل يعنى) طبعا البلد كلها كانت يتتكلم عن العيال اللى بتختفى و الشرطه عماله تدور وتبحث على اى خيط يوصلها للاطفال اللى بيختفوا  وكان المفتاح اللى وصل لهم من الشاب اللى سلمهم حتة العضمه اللى لقاها ف القليه الواد السوسه خبى العضمه ف جيبه  وراح سلمها للشرطه  اللى مكانتش محتاجه اكتر من خيط واحد علشان تمشى وراه وفعلا جم جرى بعد ما اتاكدوا ان دى عضمه من صباع طفل  الغبى عبود وقعها وسط اللحمه من غير ما يشفّيها كويس وفجأه لقيناهم بيدخلوا المحل و البيت يفتشوهم ويقلبوا عاليهم واطيهم  صادروا كل اللحمه  ومكانش صعب انهم يكشفوا البير و يلاقوا كل العضم اللى دافنينه فيه  سرنا مبقاش ف بير  س...

#ولقد_اخذنا_ال_فِرْعَوْن_سيدنا_موسى_الجزء_ال١٥ #الليله٣١٢ وزى ما حكينا عن العقوبات اللى ربنا عاقب بها بنى اسرائيل ف الاسلام نكملها ف اليهوديه #فى_اليهوديه ف المرادى هنحكى ازاى ان ربنا عاقب فرعون واتباعه بس من الزاويه اللى حكاها اليهود فى التوراه والتلمود  وهنلاحظ ان ممكن الترتيب بين  الحوادث دى بين كلاً من القرآن والتوراه مختلف اكيد طبعاً الاصدق هو القرآن الكريم لان ربنا قال : (إِنَّا نَحْنُ نَزَّلْنَا الذِّكْرَ وَإِنَّا لَهُ لَحَافِظُونَ )(9)الحجر بس بردوا نحب نسمعها كحدوته وزى ما قال لنا خير الورى لا تصدقوا اهل الكتاب ولا تكذبوهم ولكن قولوا سمعنا واطعنا  وزى ما بيسميها اهل الكتاب الضربات وقرات ان الضربات دى كانت موجهه لفرعون فى الهته اللى بيعبدها وفى فشلها ف انها تنقذه من عذاب الله مثلا  ١ - #الدم  تحول الأنهار والمياه إلى دم وإماتة السمك وكل الأحياء المائية بعد ان مد سيدنا موسى عصاه الى الماء  كانت ضربه للاله حابى اله النيل  ٢ - #الضفادع   بعدها ب٧ ايام ... كانت ضربة الضفادع فبعد رفض فرعون ان يطلق بنى اسرائيل (( شعب الرب )) مع سيدنا موسى ف...

#هو_صحيح_الجوع_كافر_بس_مش_للدرجه_دى؟؟؟ج١١؟؟؟ #خاطر_الله_جوعان_ج١١ #الليله٦٦١ #تنويه كل مره  هقوله القصه حقيقيه والتفاصيل من واقع المحاكمة  بس الكلام على لسان خجاوة من صياغتى يعنى لو ممكن تتخيل ان حد عمل اللى عملوه فممكن تفكر ان دى نفسيتها و ممكن تكون دى مبرراتها والافكار اللى دارت ف دماغها لما عملت افعالها الشنيعه دى بدم بارد كده  اكيد كانت عندها مبررات واكيد كانت مقتنعه بها  ومقتنعه انها صح ف اللى بتعمله #تنويه٢ تانى الصوره من النت ليس لها علاقه بمجاعة الموصل ولكن عن الجوع ف العالم بشكل عام وتكمل خجاوه حكايتها وتقول :  عاوزين تعرفوا شاركنا الناس ازاى فتحنا مطعم  شوفتوا العمليه سهله ازاى؟ اه فتحنا مطعم ياكل الناس فيه لحم الاولاد الصغيرين على انه قليه الاكله العراقيه المشهوره  متخافوش مش هياكلوا ولادهم ...ما اثل اهالى الولاد اصلا ممعاهمش يدفعوا تمن الاكل عندنا  انما اللى يقدر يدفع الليره هم الناس اللى معاهم فلوس مش اللى بيموتوا هم وعيالهم على جانب الطريق  واذا كان على فتح مطعم فدا سهل اوى اوى  هو انت محتاج لايه يعنى ...  اوضه من الب...

#كَدَأْبِ_آلِ_فِرْعَوْنَ_وَ_الَّذِينَ_مِنْ_قَبْلِهِمْ_كَذَّبُوا_بِآيَات_رَبِّهِمْ_فَأَهْلَكْنَاهُمْ٢ #سيدنا_موسى_ج١٤ #الليله٣١١ #بينضربه_المثل ياترى هتعمل ايه يا فرعون ؟؟؟😳😳😳 دا طفل  😢 وامرهم بالقاء الولد ف الزيت  هو ممكن حد يوصل به القسوه والوحشيه ف طفل علشان يقنع امه تستجيب لاوامره  اكيد مش هيرميه ف الزيت اللى بيغلى  اكيد هتاخده رحمه بالطفل انه يعرضه للالم ده  حتى لو عاوز يعاقب الام او ينتقم منها مش هيعمل كده ف ابنها  بس الجنود مسكوا الولد وعاوزين يحطوه ف الزيت والولد يرفض و  يرفص ويفلفص ... وف الاخر رموه  وكانت الام بتتحرق من الالم معاه وهى سامعه صوت ابنها بيتالم لحد ما اختفى صوته  وظهرت ريحته وهو بيتغلى لحد ما ذاب اللحم  وعامت العظام البيضاء على وجه القدر وتانى اكفرى بربك  والام ترفض  وهاتوا الولد التانى  وتانى الابن الثانى يقاوم بعد ما شاف اللى حصل لاخوه  بس للاسف ... نفس التجربه ... بنفس الالم  ونفس العظام البيضاء اللى بتزيد جنب اختها على وجة القدر  ومش هطول لان الست كانت باقيه على ايمانها  وع...

#هو_صحيح_الجوع_كافر_بس_مش_للدرجه_دى_ج١١؟؟؟ #خاطر_الله_جوعان_ج١٠ #الليله٦٦٠ #تنويه كل مره  هقوله القصه حقيقيه والتفاصيل من واقع المحاكمة  بس الكلام على لسان خجاوة من صياغتى يعنى لو ممكن تتخيل ان حد عمل اللى عملوه فممكن تفكر ان دى نفسيتها و ممكن تكون دى مبرراتها والافكار اللى دارت ف دماغها لما عملت افعالها الشنيعه دى بدم بارد كده  اكيد كانت عندها مبررات واكيد كانت مقتنعه بها  ومقتنعه انها صح ف اللى بتعمله وتكمل خجاوه حكايتها وتقول : الولد ابنى ده زى ما قولتلكم الليله اللى فاتت كان نعمه بالنسبه لنا  الولد كان نشيط بزياده وكان ممكن يجيب اكتر من عيل ف اليوم  متستغربوش الحاره والحوارى اللى حوالينا مليانه عيال وعلطول متسابين ف الشارع لا بيت يلم ولا اهل تهتم  دا غير الناس اللى جايين من الشمال واترموا علينا متعرفش بقى .. مش عارفين من انهى داهيه🙄  شويه يقولوا اكراد وشويه يقولوا ارمن المهم ان المشرحة مش ناقصه قتلى هههههه حلو المثل ده ماشى مع نظام حياتنا بيتنا بقى زى المشرحة بس اللى بيتشرح عندنا مش بيتدفن لكن بيتاكل😈 كمان متنسوش ان زماننا مفيش تحديد نسل ولا...

#ولقد_اخذنا_ال_فِرْعَوْن_سيدنا_موسى_ج١٢ #الليله٣١٠ (فَأَرْسَلْنا عَلَيْهِمُ الطُّوفانَ والْجَرادَ والْقُمَّلَ والضَّفادِعَ والدَّمَ آياتٍ مُفَصَّلاتٍ فَاسْتَكْبَرُوا وكانُوا قَوْماً مُجْرِمِينَ) [ 133] الأعراف بعد السنين والطوفان والجراد والقُمل وف كل مره فرعون يروح يعيط لسيدنا موسى ان يطلب من ربه يرفع عنهم البلاء مقابل انه يطلق بنى اسرائيل ويرجع ف كلامه وخلاص على كده  وتنزل الايه التاليه من عقاب ربنا لهم  ٥ - #الضفادع طبعا زى المره اللى قبلها ادعوا ربك يا موسى يرفع القمل ونمشيك ونمشى معاك بنى اسرائيل  بس طبعا اول ما ربنا رفع القمل رجعوا ف كلامهم تانى  اوم ايه .... ف يوم بعدها قاعد كده فرعون وملأوه من اخوان الفساد واذية العباد  وعلى حين غره سمعوا صوت نقيق ضفادع  ساعتها ابتسموا ف سرهم ههههه  هتعمل فينا ايه يعنى الضفادع  هتدوشنا شويه وخلاص يعنى  يا فرعونتى ... دا الضفادع بقت موجوده ف كل حاجه ف حياتهم  ف الفرش لما ييجوا يناموا يلاقوا فرشهم مليان ضفادع  ف شرابهم ومياههم و حتى ف اكلهم   الضفادع بقت حواليهم وعليهم لدرجة ان الضفد...

#الليله٦٥٩ #ومن_تانى_يوم_الام الليله هناخد اجازه من خجاوه وحكايتها  وتعالوا طبطبوا عليا ف مأسوياتى 😂😂  اسمعوا وعو بقيت ام بس اتحرمت من حنيه البنات بعد ما ربنا رزقنى بحنيشه الصبيان   الاولانى🧔 جابلى شولاتيه من المفتخره ام ١٥ جنيه والتانى🙍🏻‍♂️ غامض قامط🙇 لم تظهر منه حتى الان اى بوادر مج او طقم كوبايات او حتى ورده بلاستيك وانا اراقب فى صمت وتوجس😞 اما الصغير🧑‍🦰 و اللى ليل نهار بغنيله ماليش امل ف الدنيا دى  غير انى اشوفك معدى سنه رابعه  مع الاعتذار لليلى مراد  و انى اترحم من مهاتيتى معاه ودعايا للى فبالى وبالكم😏 و ان دعايا عليه يكون من حده ونصيبه المهم ان كائن المؤء الصغير جه فجأة كده وقلب الحصاله ومصمم انه ينزل يجيب ليا هدية عيد ام و مع انى عماله اقوله بلاش وهديتى انك تعمل الواجب من غير ما تخلينى اعيط  بس بردو فتح الحصاله واخد الفلوس وانا احايله انه يصرف نظر واقوله حبيبى ميردش واقوله ياسيدى ميردش  طب اعمله ايه ؟؟🤷‍♀️  صمم و سيبته و نزل وانا اللى جاى ف بالى أغنية  بكره تشوفى ابنك راح فين  وياترى انت فين يا مأمون  الا ولقي...

#ولقد_اخذنا_ال_فِرْعَوْن_سيدنا_موسى_ج١٢ #الليله٣٠٩ (فَأَرْسَلْنا عَلَيْهِمُ الطُّوفانَ والْجَرادَ والْقُمَّلَ والضَّفادِعَ والدَّمَ آياتٍ مُفَصَّلاتٍ فَاسْتَكْبَرُوا وكانُوا قَوْماً مُجْرِمِينَ) [ 133] الأعراف بعد السنين والطوفان والجراد والقُمل وف كل مره فرعون يروح يعيط لسيدنا موسى ان يطلب من ربه يرفع عنهم البلاء مقابل انه يطلق بنى اسرائيل ويرجع ف كلامه وخلاص على كده  وتنزل الايه التاليه من عقاب ربنا لهم  ٥ - #الضفادع طبعا زى المره اللى قبلها ادعوا ربك يا موسى يرفع القمل ونمشيك ونمشى معاك بنى اسرائيل  بس طبعا اول ما ربنا رفع القمل رجعوا ف كلامهم تانى  اوم ايه .... ف يوم بعدها قاعد كده فرعون وملأوه من اخوان الفساد واذية العباد  وعلى حين غره سمعوا صوت نقيق ضفادع  ساعتها ابتسموا ف سرهم ههههه  هتعمل فينا ايه يعنى الضفادع  هتدوشنا شويه وخلاص يعنى  يا فرعونتى ... دا الضفادع بقت موجوده ف كل حاجه ف حياتهم  ف الفرش لما ييجوا يناموا يلاقوا فرشهم مليان ضفادع  ف شرابهم ومياههم و حتى ف اكلهم   الضفادع بقت حواليهم وعليهم لدرجة ان الضفد...

#هو_صحيح_الجوع_كافر_بس_مش_للدرجه_دى_ج١٠؟؟؟ #خاطر_الله_جوعان #الليله٦٥٨ #تنويه كل مره  هقوله القصه حقيقيه والتفاصيل من واقع المحاكمة  بس الكلام على لسان خجاوة من صياغتى يعنى لو ممكن تتخيل ان حد عمل اللى عملوه فممكن تفكر ان دى نفسيتها و دى مبرراتها والافكار اللى دارت ف دماغها لما عملت افعالها الشنيعه دى بدم بارد كده  اكيد كانت عندها مبررات واكيد كانت مقتنعه بها  ومقتنعه انها صح ف اللى بتعمله وتكمل خجاوه حكايتها وتقول :  مش محتاجه احتار دا كله  قرصة الجوع خلتنى اخد القرار  ساعتها ندهت على ابنى ... وقولت له هات ولد من الحاره تلعب معاه  ووقتها شوفت عين الولد لمعت  وكأنه اتأكد من حاجه كان شاكك فيها  خايفه ان يكون شك فيا انا وابوه  لمعة عينه مافتتنيش ولا فاتت ابوه وبصينا لبعض ... كنت ساعتها جوه نفسى بفكر الغى الفكره من اساسها  خوفت ...  الافكار كانت عماله تروح وتيجى ف بالى الا يحكى لحد ويفضحنا بس الغريب ان الولد ساعتها خرج من سكات وبعد شويه لقيته راجع ومعاه عيل من عيال الحاره وأخده وراح لعب معاه من سكات الاغرب انه اخده يلعبوا ناح...

#هو_صحيح_الجوع_كافر_بس_مش_للدرجه_دى؟؟؟#خاطر_الله_جوعان_ج٩ #الليله٦٥٧  #تنويه وتانى بقول القصه حقيقيه والتفاصيل من واقع المحاكمة بس الكلام على لسان خجاوة من صياغتى يعنى لو ممكن تتخيل ان حد عمل اللى عملوه فممكن تفكر ان دى نفسيتها و دى مبرراتها والافكار اللى دارت ف دماغها لما عملت افعالها الشنيعه دى بدم بارد كده  اكيد كانت عندها مبررات واكيد كانت مقتنعه بها  ومقتنعه انها صح ف اللى بتعمله وتكمل خجاوه حكايتها وتقول :  حكيت لكم قبل كده ان اللحمه بتاعة الست العجوزه كانت سمينه وفضلت بطننا توجعنا و طول الليل رايحين جاين ع الحمام وتعبانين  وكرهنا اللحمه السمينه وكرهنا الستات العواجيز بس مكرهناش لحمة البشر صراحه  ندهت على عبود وبعد شوية كلام وافقنى روحت قعدت مع ابنى وصاحبه ورحبت بالولد وقعدت جنبه ودخل عبود يسن سكاكينه و ساعتها انا بعت ابنى يروح يجيب ليا طلب من مكان بعيد  وبعدين مكانش صعب عليا انى اخنق الولد وبسرعه شيلته واخدته ع المطبخ بسرعه قبل ما ابنى يرجع  كان عبود مستنينى جوه ومجهز القورمه اللى بيقطع عليها ولعت نارى و ابتديت ف تجهيز التوابل  لما ند...

#وَلَقَدْ_أَخَذْنَا_آلَ_فِرْعَوْنَ_سيدنا_موسى_ج١١ #الليله٣٠٨ ابتدا  عذاب ال فرعون  بالجفاف ونقص الثمار اللى ربنا قال عليه  (السِّنِينَ) طب مبدأياً كده  انا هنعرض الروايه فى القرآن كما ذكرها المولى عز وجل وهنعرض لما قاله اليهود فى تلمودهم  فى شويه تشابه وشوية اختلاف واحنا علينا طبعا نتعلم تعاليم دينا الاسلامى بس  لكن بردو ميمنعش اننا نعرف الناس التانيين بيفكروا ازاى  وزى ما متعودين بوضح ان كل حاجه  مصدرها ايه  يعنى لو قرآن بذكر الايه  ولو حديث صحيح كذلك  وكمان لو من علماء المسلمين زى ابن عباس  او ابن كثير او غيرهم  وكمان لو من كتاب بنى  اسرائيل بردو بوضح ده  و لذلك هنقول الاول ازاى ذكر عذاب فرعون و قومه فى القرآن #فى_الاسلام  وقفنا الليله اللى فاتت عند الايه دى والكلام عنها وربنا قالنا  :  (وَلَقَدْ أَخَذْنَا آلَ فِرْعَوْنَ بِالسِّنِينَ وَنَقْصٍ مِّنَ الثَّمَرَاتِ لَعَلَّهُمْ يَذَّكَّرُونَ) (130)الاعراف  (فَأَرْسَلْنَا عَلَيْهِمُ الطُّوفَانَ وَالْجَرَادَ وَالْقُمَّلَ وَالضَّفَادِعَ وَالدَّمَ آ...

#اذْهَبَا_إِلَىٰ_فِرْعَوْنَ_إِنَّهُ_طَغَىٰ٥سيدنا_موسى_ج١٠ #الليله٣٠٧ بيقول السدى ان هامان بنى البناء بتاعه وان فرعون بعد ما طلع عليه حدف حربه ورجعت ملطخه بالدم فقال فرعون قتلت اله موسى فربنا ارسل جبريل عليه السلام وضرب الصرح بجناحه فوقع ٣ اقسام  قسم على جند فرعون وموت منهم الف الف مليون يعنى  وقسم نزل ف الغرب وقسم نزل ف البحر طبعا مقصود النيل  ولم يترك احد  شارك فى بناء الصرح الا قتله  قلبى مش مرتاح للجبروت اللى بيتحكى انه ممكن يكون ربنا سبحانه وتعالى سمح لفرعون انه يظهره  طبعا لو كانت الروايه دى صحيحه فممكن تكون حربته اصابت طائر او ان المولى عز وجل ساب فرعون يتمادى ف غيه علشان يبان قوتة سبحانه وتعالى وتكون اللطمه مفاجأه لفرعون و من معه  اياً كان كمان بيقال انه اول من بنى  بناء من الطوب الاحمر هو بناء هامان اللى هو الصرح ده و اللى بيقول كده ابن عباس ان هامان اول من صنع بناء من الآجر  وانه استعان ب ٥٠ الف بنّاء غير المساعدين  وبيقولوا انه موجود ف منطقه اسمها الكوم الاحمر ف مدينه الاقصر  وفى ناس تانيه بيقولوا ان اللى قاله فرعون ده كان...