الف حكايه وحكايه مع ابتسام الصاوى

#الطفل_المزعج_وافريقيا_السمراء٤ #الليله٥٤٨ كمان كلمنى الحاج احمد الافريقى الطيب صاحب القارب اللى كا يعتبر المعديه الوحيده ف البلد عن الاستعباد اللى كان بيتعمل فيهم ف المزارع اللى بيعملها السيد الابيض ف مستعمراته  ودا للى كان بيقرر انه  يستقر ف افريقيا  بس على قد الوجع ده الا ان كان فيه من الاوربيين البيض فى ناس طيبين والكارثه كلها كانت من الحنينين الطيبين اللى كانوا جايين يعالجوا ويعلموا بس كان عندهم شرط بسيط ... كانوا بيشرطوا عليهم علشان يعالجوا او يتعلموا انهم يتركوا دينهم  ومن اكتر القصص اللى كانت بتوجع الحاج احمد وتوجعنى هو لما كان بيحكى عن عمته فاطمه اللى علشان ترضى البعثات التبشيريه تعالج ابنها مريض الكساح انها تعلن فى حفل جماعى تعيير اسمها لكاثرين وما يتتبع ده من تغيير ديانه ف سام او صامويل اصلا كان مصطفى  وفى اللى كانوا بيخفوا حقيقه دينهم الاسلامى ويعبدوا ربنا فى السر علشان يفضل امداد الطعام او العلاج او التعليم ف مدارسهم التبشيريه  فماريه هى زينب وتريزا كانت عائشه وللاسف فى كتير منهم مع الزمن ومع كتر اللى بيتعلموه كانوا بيتحولوا فعليا لغير الاسلام ...

#الليله١٩٨ #تاز_وماز_واللى_بتقفل_بالترباس_ج٢والاخير طبعا الثعلب قال انا جيت علشان اكلكم  وراح عند بيت الاخت الكبيره ماز  اللى قالت له امشى انا قافله بيتى عليا كويس ومش هتقدر تاكلنى  بس الثعلب خد شهيق (وامثل عملية الشهيق ) وعمل زفير  ( وامثل عملية الزفير ) مع ذكر لفظ شهيق وزفير علشان يتعلموا الكلمه ويسالوا يعنى ايه ؟ المهم ان التعلب  ... نفخ جامد  ساعتها البيت القش اتهد و تاز كانت واقفه لوحدها بس قبل ما الثعلب ياخد نفسه من النفخه ويهاجم تاز كانت ماز فتحت باب بيتها ودخلتها جوه  وراح الثعلب تانى وقالهم وماله هاكلكم انتوا الاتنين سوا  وسحب شهيق ( وامثله ) ونفخ زفير ( وامثله) وراح نافخ جامد وساعتها البيت اتهز جامد وموقعش  بس لما خد شهيق اقوى ونفخ زفير جااااامد  البيت وقع  وكانت اللى بتقفل بالترباس واقفه ومتابعه وفتحت باب بيتها بسرعه  ودخل اخواتها الاتنين  وتانى راح الثعلب ووقف قدام بيت اللى بتقفل بالترباس  ونده عليهم  ومتستخبوش  ومفيش عندكم مهرب تانى بعد ما اهد البيت ده وطبعا فضل يسحب شهيق وينفخ زفير  مره مر...

#الطفل_المزعج_وافريقيا_السمراء٣ #الليله٥٤٧ انا استاذ حسن مدرس الدين الاسلامى واللغه العربيه مبعوث الازهر فى احدى الدول الافريقيه ذات الاغلبيه المسلمه سنى ف الوقت بعثتى كان فى العشرينيات من عمرى و الفتره اللى سافرت فيها كان فى منتصف الستينات  عارفين ف الفتره دى مصر كانت منفتحة على دول افريقيا لاسباب كتير اغلبها سياسى وتوازن قوى بين الرأسماليه والشيو...... هس ...هس ... يا حسن ايه اللى بتقوله ده ؟ انت بتحكى حدوته مفروض مشوقه كعادة ابتسام فى حكاية  حواديتها  ايه اللى هيخلينا نتكلم عن الشيوعيه والبروليتاريا وعدم الانحياز ؟ الفكره انى اتشجعت زى كتير غيرى وخدتنى نزعتى الدينيه لنشر الاسلام  والرغبه ف انى ابعد عن قصة حب فاشله وادخل مغامره ف غابات افريقيا ارض المغامرات  يمكن لما كنت حكيت من سنه على اول مره زرت البلد الصغيره اللى كنت واجبى فيها انى اعلم اهلها مبادئ اللغه العربيه و تعاليم  الدين الاسلامى وحكيت هنا 👇 https://m.facebook.com/story.php?story_fbid=1086220835483323&id=100022862494719 ودا كان رابط الجزء الثانى👇 https://m.facebook.com/story.php?story_fbi...

#تاز_وماز_واللى_بتقفل_بالترباس #الليله١٩٧ القصه دى قديمه وتقريبا كلنا عارفينها انا شخصيا عرفتها ف اول سنه ليا ف المدرسه  بس وانا بحكيها بوجهها لسن الاطفال من Kg لحد مثلا ٣ ابتدائى  بحاول ادخل معلومات  ونصايح بصورة غير مباشره  بس لحد ٣ ابتدائى بيحبوا يسمعوها ويتابعوا بشغف  ودا عن تجربه ... عموما نجرب هو احنا خسرانين حاجه  الحكايه عن ٣ معزات اخوات لهم بيت واحد عايشين فيه لوحدهم  بيتهم كان باباهم الله يرحمه بناه زمان من خشب الشجر الجامد بس مع طول الزمن وشده الرياح البيت اتفككت خشباته عن بعض وكانوا محتاجين يبقى عندهم بيت جديد يكون جامد و يحميهم من الثعلب المكار وبرد الليل وشمس النهار  علشان كده اتفقوا انهم من بكره لازم يبنوا لنفسهم بيت جديد طب هنعمله ازاى ؟؟؟ ردت الكبيره تاز وقالت :   طبعا هنعمله من القش  طب هو فى اسهل من القش واخف منه علشان نشيله ونبنى به ردت ماز قالتلها : بس دا كده ممكن التعلب يهده بسرعه من نفخة واحده ؟ قالتلها : لاء ازاى يعنى ... كلامك غلط البيت هيكون جامد واهم حاجه مش هياخد وقت ف عمايله ردوا عليها اخواتها قالوا لها ...

#نونونونو_ج٣ #الليله٥٤٦ كبرت القطاقيط وبقت ولادنا بس فجأه كده الست ميلسا الدلوعه بطلت تاكل واحنا بقى معلومتنا ف تربية القطط زيرو وطبعا و لا فى نت ولا اى مكان تاخد منه معلوماتك الا الكتب والجرايد والمجلات و دى اه عندنا منهم كتير اوى بس مفيش فيهم كلام عن تربية القطط وعدى يوم والتانى وهى عماله تخس وهى اصلاً ياروحى هى صغيره وانا مش عارفه اعمل ايه معاها ولا في بيطريين ولا اى حد له ف الموضوع يعنى خالص لحد ف اليوم الرابع لما لقيناها ميته خلاص  مأساه لانها كانت لطيفه وشقية وهريانا تنطيط وجرى على ضهرنا اول ما نروح لشباك ولا بلكونه وبعدين تقعد على كتفنا مستكنيصه ونبقى واقفين ف البلكونه وهى على كتفنا زى البغبغان بتاع كابتن هوك القرصان ولكن كل دا راح ومفضلش معانا الا كونتاكنتى التقيل الشمالى الشرقى زى امه انجيلا  وعدت فترة الحزن على ميلسا  ولكن فجأه كونتاكنتى حصل له نفس  اللى حصل لاخته  وابتدى يمتنع عن الاكل يوم وساعتها حسيت باقتراب الخطر  ومازلت قليله الحيله ومفيش اى توجيه طبى ممكن احصل عليه  وهنا شغلت دماغى واشتغلت الفطره  هى ماتت علشان مكانتش بتاكل  ي...

#الطفل_المزعج_ج٢ #الليله١٩٦ ويكمل استاذ حسن المدرس المصرى اللى راح لافريقيا السوداء لنشر تعاليم  الدين الاسلامى   المهم بيقول : قربت من الراجل وسلمت عليه و عرفته بنفسى اتكلمنا عن انى مدرس جاى بلدهم من مصر علشان اعلم الدين الاسلام  واتكلمنا عن مكانة الاسلام عندهم  والراجل المراكبى قلبه انفتحلى و تباسطنا وكان ولابد انى اسأله عن الطفل  اللى قاعد ف منتصف المركب واللى رايح واللى جاى يعتر فيه او يخبطه و ف كل الاحوال بيسبه  قالى ان الولد ده حفيدى وانه اكبر اخواته و هو واخواته مسئوليتى بعد وفاة والده  وبصلى وابتسم  وقالى طبعا بتقول ازاى اخده اهينه وابهدله كده  لاء حفيدى مش جاى القارب علشان يتلطش ويتشتم  حفيدى دوره ف القارب يمكن اهم من دورى  وخدنى وروحنا عند المكان اللى الطفل قاعد فيه  وكلمه بلغتهم  والولد اتحرك سنه صغيره  وساعتها بدأت الميه تبان من تحته  واللى فهمهولى المراكبى العجوز ان القارب فيه خرم وانه بيسرب ميه ممكن تغرق القارب خصوصا مع تقل القارب بتواجد الركاب وزيادة الحِمل عليه وبالتالى كان لازم اقعد حفيدى هن...

#نونونونو_ج٢ #الليله٥٤٥  حكيت الليله قبل اللى فاتت على القطط اللى سكنوا تحت سرير ماما واكتشفتهم باصعب طريقه لما ردوا عليها النونوة اللى كانت بتخوف بيها ابنى ولقت اللى بيرد عليها😂😂😂 و بيتنا بحكم انه ف الدور الارضى و بالتالى كان متاح لكل حيوان بيعيش ف الشارع وكان اكتر سكان بييجوا عندنا القطط اللى كل فتره والتانيه نلاقيهم ولدوا ف الشقه وماما تقوم بدور الضيافه لحد ما الام تسبع ونرش لها الملح سبع مرات والكتن يفتحوا اوم بعدها تسربنا انا واخويا لاننا متمسكين انهم هديه ربنا بعتها لنا واننا هنكون مسئولين عنهم وبلا بلا بلا واللى ماما عارفه انه كلام اونطه و هيرسى ع الفاضى وهى اللى هتلبس تربية قططين  تانيين غير قططها اللى هم انا واخويا  فتقنعنا ان دول قطط شوارع وان حياتهم احسن لهم ف الشارع وطبعا منقتنعش فنروح نجيب الفطار نرجع نلاقيهم اختفوا  بس فى مره واحده كانت شخصيتنا قويه واتمسكنا بالقطط اللى اتولدوا ف بيتنا كنا كبرنا و كنت بقيت ف الجامعه  فلما جت انجيلا وولدت عندنا ٢ بنت سميناها ميلسا وولد هو كونتاكنتى    حكايتهم ايه ؟ وايه سبب الاسماء دى ؟ سبب الاسماء انن...

#الليله١٩٥ #الطفل_المزعج   كان ياما كان ف دوله افريقيه زمان  مدرس مصرى راح يعلمهم دينهم اللى كان اغلبه اسلامى انتشر ف قارة افريقيا من القرون الوسطى من خلال التجار المسلمين اللى كانوا بتعاملوا مع الافارقه بمبادئ الدين الاسلامى  ودا جعل الافارقه يحبوهم ويحبوا الدين الاسلامى  وانتشر بينهم وتركوا عباداتهم الوثنيه وامنوا به من غير سيف ولا حروب علشان اعداء الاسلام اللى بيقولوا الاسلام منتشرش الا بالسيف  طب امتى قامت حروب ف افريقيا لنشر الاسلام ولا كانت بتقوم ف الاستخوبس من غير ما نعرف لا إحنا ولا التاريخ عنها حاجه  عموما مسلمين افريقيا اللى بالملايين بالمناسبه كانوا محتاجين ناس اكثر درايه بدينهم يعلموهم دينهم وده اللى كان دور مصر فيه مهم ومستمر حتى وقت قريب المهم نرجع لصاحبنا المدرس  الاستاذ حسن راح البلد الافريقى الفقير  وهناك عرف انه هيروح مدينه فى اطراف البلاد وهيساعد انه يعرف المسلمين هناك قواعد دينهم وشرائعهم  خلال رحلته كان هيعبر نهر عن طريق قارب متوسط الحجم هو وسيلة النقل الوحيده لعبور النهر والوصول لمكان عمله الجديد  القارب كان قارب قد...

#الحب_ف_اسوان #الليله٥٤٤ والله ما طلعت شمسً ولا غربت الا اما كنتى ياشروق فى بالى  ولا كلمت مدبولى ولا شوقى  الا اما قولت لهم نجحوهالى وهممت بشرب الماء من عطشٍ الا اما افتكرت غرقتكم السوده ف سابق الليالى  عارفه يا شروق انا خليتهم يعملوا احتفالات طريق الكباش هنا ليه؟ علشان اتحجج واجى ازورك انا اصلا خليت الفراعنه عملوا طريق الكباش هنا علشان اعملها حجه واجى اشوفك عارفه يا شوشو انا  ميهمنيش انت ف تانيه ولا تالته اهم حاجه متكونيش ف رابعه علشان تفضيلى انا ممكن اعمل اى شئ ... شوفى اى شئ واخليكى تنجحى ف سنه رابعه بالعند ف طارق شوقى  متحطيش ايدك على خدك يا شروق انا ممكن اشيل طارق من ع الارض شيل لو زعلك انت مش عارفه انك نور عنينا ولا ايه ؟ متزعليش يا شروق ان بيوتكم اتهدمت والسيول غرقتكم انت عارفه ان الميه اللى مزعلاكى دى فضلت مفيش غيرها ف تلاجتى كاااااام سنه ؟ والعقارب .. بتخافى من العقارب وانا جنبك  طب انا هوصى انهم يلموا كل العقارب اللى جت ف اسوان ويودوها على مكتب طارق شوقى ف العاصمه الجديده يخلوا شويه يودوهم بيته  علشان يخاف يكمل اذيه ف منهج سنه رابعه التيرم ا...

#اول_اعلان_فى_التاريخ_قصيده_عربيه #الليله١٩٤ اغنيه جميله ومنتشره الفتره الاخيره  وكلماتها بتقول  قل للمليحة في الخمار الأسود ماذا فعلت بناسك متعبد؟ قد كان شمر للصلاة ردائة حتى وقفتي له بباب المسجد فسلبت منه دينه ويقينه وتركته في حيرة لا يهتدي ردي عليه صلاته وصيامه لا تقتليه بحق دين محمد بلغوها إذا أتيتم حماها أنني مت في الغرام فداها واذكروني لها بكل جميل عساها أن تحن عليا ... عساها واصحبوها لتربتي فإنّ عظامي تشتاق أن تدوسها قدماها سمعت ابنى اللى فالجامعه بيسمع الاغنيه ومنسجم منها اوى  طب يا حبيبى انت عارف السبب ف الاغنيه دى ايه ؟؟ قالى اه اغنيه عامله ترند عالى  وشبابيه جديده  طب يا حبيبى كلمات الاغنيه دى عمرها حوالى ١٣٥٠ سنه  الواد عمل 😳 طب تعالى نتكلم عن تصنيف كلمات الاغنيه  قالى : عاطفيه زى ماهو واضح يعنى  قلتله  لاء دى اول اغنية اعلانات   ف التاريخ   وتانى كانت ال 😳😳 ولحقت الولد قبل ما يقولى هو طارق نور كان عايش من ١٣٥٠ سنه ووضحت له    الفكره ان كلمات الاغنيه دى كانت قصيده لشاعر اتولد ف عهد الخلافه الراشده ...

#نونونونو_ياترى_مين_اللى_بينونو🤔؟ #حدوته_من_حواديت_الرعب #الليله٥٤٣ الحكايه دى حصلت من زمان من اكتر من عشششششرييييين سنه  بصوت اشرف عبد الباقى كده  كنت بروح شغلى واسيب ابنى سِنه سنتين تلاته مع والدتى الله يرحمها .. صحتها على قدها اه ... بس مرضيتش اوديه حضانه  كانوا ببيقوا ف الشقه لوحدهم تماما يفطروا وتلاعبه شويه وبعد كده تاخده يناموا شويه لقرب ميعاد رجوعى  ساعات طبعا يزمزء ويرفض ينام  فكانت بتطفى النور تدخل الاوضه وتقوله يلا ننام يااحمد .. يلا القطه جايه .. يلا بسرعه ع السرير وتقلد صوت القطه وبتنونو علشان يصدق  بس المرادى هى تنونو وتلاقى النونوه اللى بترد عليها 🤨 الاول افتكرت انها بيتهيألها🤔  بس لقت الولد بيقولها القطه 🤫 وهو مستغرب يعنى ابن اللئيمه عارف انها هى اللى بتعمل النونوه كل مره وبيعديها ويعمل مصدق وبدخل ينام 😂😂  بس المره دى فى غيرها بينونو معاها علشان  كده  إتفاعل مع انه كان قبل كده بيبقى عادى  سكتته ونونوت تانى وساعتها لقت اكتر من صوت نونوه بيتردد معاها ف الاوضه🤕  بسم الله الرحمن الرحيم  هو اللى بعمله ف ال...

#هاجر_الاميره_المصريه_ام_العرب_ج٥والاخير #الليله١٩٣ استقرت الحياه بام اسماعيل فى مكه  وبقى لها جيران قبيلة جٌرهم  وبقى جوزها سيدنا ابراهيم بتنقل بين مكه وبين ارض فلسطين و كمان   كبر ابنها وبقى ف سن الصبى  السن اللى بتبدأ تحصد فيه تعبك ف تربية اولادك  وتفرح بزرع عمرك   ابو الانبياء رأى فى المنام انه بيدبح اسماعيل ورؤى الانبياء حق ودا له مده بيتكرر عليه نفس الرؤيا  - تعالى يابنى انى ارى فى المنام انى اذبحك  اليهود بالمناسبه بينسبوا حادث الذبح لسيدنا اسحق ابو سيدنا يعقوب  (( وسيدنا يعقوب له اسم تانى هو اسرائيل علشان كده هم اسمهم اللى ذكر فى القرآن هو بنى اسرائيل و المقصود بهم ال١٢ ابن ليعقوب اللى هو سيدنا يوسف واخواته وسموا بلدهم الجديده اسرائيل نسبة لاسمه )) ولكن لهذا حكايه اخرى 😅 ودا دأبهم انهم يعملوا كل البلاوى وينسبوا لنفسهم كل الفضائل  ولنا ف قصه طالوت مثال  #طالوت ج١ https://www.facebook.com/102264164820545/posts/114250100288618/ ج٢ https://www.facebook.com/102264164820545/posts/114969946883300/ ج٣ https://www.facebook...

#العصافير_والنمل_والاخلاق_العاليه_ج٣_والاخيره #الليله٥٤٢ ماما كانت بتقول ان كانت الجاره دى دايما تتكلم مع ماما والجيران وتقول لهم انها بتاكل قليل علشان مستحرمه تاكل من معاش اليتامى اللى هم ولادها  وانها خايفه تشترى لنفسها طلبات ضروريه من لبس وخلافه علشان ميبقاش اكل مال يتيم ولا اشتغل علشان اصرف على نفسى ؟؟ وطبعا الكل كان متعاطف معاها ويقولوا لها يا بنتى ما كأن جوزك لسه عايش وبيصرف عليكى كلى زى ما كنتى بتاكلى واصرفى زى ما كنتى متعوده  وكانت ساعتها بتبص للى بيكلمها ببرأه بقلق وخوف الا يكون ده اكل مال يتيم  لانها بتستخدم من فلوسهم اللى معاها دى ومع ان ربنا كان موسعها عليهم من معاش ومن اهل الخير اللى مقدرين الحِمل و بالتالى كل واحد بيتصرف من ناحيته وميعرفش ان غيره واقف جنبها والنتيجه انها كانت بتتحصل شهريا على ضعف مرتب جوزها لما كان عايش  دا غير الاعياد ورمضان وبدايات المدارس ودا كله كانت والدتى تعرفه بحكم الجيره وقربها من بعض اهل الخير  الا ان المفاجأه اللى مكانتش تعرفها وعرفتها فيما بعد لما دار الزمان  و إبتدى الاطفال يكبروا حبه يفهموا ويتكلموا فإبتدوا يحكوا ...

#هاجر_الاميره_المصريه_ام_العرب_ج٤ #الليله١٩٢ وترجع تانى الدنيا تدور وشها لهاجر وتقفل ف وشها لما خلصت الميه وخلص البلح ومتلاقيش فى صدرها لبن لابنها وتلاقى نفسها محتاسه  اه لن يضيعنا الله  بس لازم ناخد بالاسباب  مستناش الميه تيجى لحد عندى  وعملت رحلتها المشهورة بين جبلى الصفا والمروه  وتلعب بيها الطبيعه ويتهيألها من السراب ان فى زرع فوق جبل الصفا  وتطلع فوق الجبل وبعدين ما تلاقيش حاجه  ويلعب  عليها السراب تانى وتشوف زرع على جبل المروه  وتعمل رحلة السبع اشواط الشهيره  - اللى ربنا كرّم  بيها هاجر وجعلها من مناسك الحج حتى يوم القيامه - وتاخد بالها انها سايبه  ابنها دا كله  بتجرى علشان  تشوفه ضارى اكله  ولا مات من كتر الجوع والعطش ونحرة القلب من العياط  بس لما راحت له لقته لا بيعيط ولا حاجه  لقته شارب ومروى ومبسوط  وساكت ولقت الميه حواليه الست العاقله المدبره متخدعتش بكتر الميه  اللى عاشت حياه الملوك وبعدين حياة الجوارى ... اللى عاشت حياة زوجه النبى وبعدين حياة الضياع مع ابنها ف الصحرا  اللى عا...

#العصافير_والنمل_والاخلاق_العاليه_ج٢ #الليله٥٤١ في الوقت اللى عامر بيسمع من الناس عدى راجل ماشى على طراطيف صوابعه وكأنه موجوع ف كعب رجله او مجروح شكل تصرفه كان غريب علي عامر  بس لاحظ ان التصرف ده ملفتش نظر حد تانى غيره وكأنهم متعودين يشوفوه كده ...  فسأل مين هذا ؟!!  قالوا له دا شيخ المدينة ويمشي على طراطيف صوابعه علشان  خايف أنه يدهس نملة فيعصي الله  فساعتها قال عامر  و الله انا لقيت السارق  وصلوني للملك  وايتغربوا دا غريب عن اامدينه ازاى يعرف اللص اذا كان اهلها وادرى الناس بيها معرفوهوش  وقالوا نوديه للملك يشوف ايه حكايته ... وساعتها يبان اذا كان صادق او كذاب  وقابل الملك و قال له : أن شيخ المدينه هو اللى اللص اللى سرق خزنتك ولو انا  طلعت كذب مدعى عليه إقطع رأسي  وراح  الجنود وجابوا الشيخ اللى كان لسه بيمشى على طرطيف صوابعه وطبعا انكر بشده   مع اتهام من الناس لعامر انه غلطان وازاى يتهم الشيخ الشريف ده بحاجه زى كده وبعد التفتيش و التحقيق اعترف بالسرقة ودل مخبى المسروقات فين واستغرب الملك ان الراجل الغريب ده هو ب...

#هاجر_الاميره_المصريه_ام_العرب_ج٣ #الليله١٩١ وخلفت هاجر والدنيا عماله تديها جابت ولد خلت نبى الله تقر عينه بالذريه ويتملى البيت بصوت صغير فرحهم كلهم   الشيطان يسكت لاء دخل لامنا ساره  خلاها تغير من الرضيع وامه ...  فكرت سيدنا ابراهيم بشرط الجواز كان زمان فى شروط عند الزواج ويلزم بها الزوج ولا يحق له مخافتها وكانت السيده ساره شارطه ف عهد الزوج انه لا يتزوج عليها ، وبما انها هى اللى اصرت على زواجه من السيده هاجر فبكده كان زواجه ممكن  بس ستات بقى😅  حتى لو كانت زوجة نبى  واستغرب سيدنا ابراهيم :  -- لا اله الا الله مش انتى يا ستى اللى طلبتى انى اتجوزها علشان الولد وادينى اتجوزتها والولد جه  = لاء الشرط شرط متجمعش عليا زوجه تانيه  --طب والحل يا رب  ربنا قاله خدها هى وابنها ووديهم عند البيت الحرام  اللى  بناه سيدنا ادم بنفسه بمساعدة الملائكه  ويقال ان اللى بنته الملائكه قبل سيدنا ادم و الله اعلى و اعلم   ولان دوام الحال من المحال المرادى اتشردت تانى بس المرادى ومعاها رضيع ... جوزها خدها وسابها ومعاها كيس تمر وقربة...

#العصافير_والنمل_والاخلاق_العاليه #الليله٥٤٠ كان ياما كان يا سادة يا كرام ولا يحلا الكلام الا بذكر النبى عليه الصلاة والسلام  كان مره فى شاب اسمه عامر متجوز جديد من بنت جميله  ومؤدبه اتجوزها بعد ما شكر الكل ف ادبها و اخلاقها وحيائها  و ف يوم روح بيته بعد الشغل لقاها بتعيط  اتخض عليها وسألها مالك ؟  فقالت له العصافير التي فوق شجرة اللى جنب بيتنا  بتبص ليّ لما أكون فى البيت ولابسه براحتى من غير حجاب وخايفه ان دا يكون فيه معصيةً لله  فرح عامر بيها اوى و على عفتها وخوفها من ربنا وراح جاب  فأس وقطع الشجرة    بعد شهر كان راجع  من شغله بدرى على غير  معاده  فلقى زوجته أحضان جارهم والحكايه ان الجار كان عاجب الزوجه وعاوزه تشاغله وتتعرف عليه بس الشجره كانت مداريه شِباكه ف عملت الخطة دى منها تزود ثقة جوزها فيها ومنها تقرب من الحبيب وتشاغله الزوج طلقها وساب المدينه كلها وراح يحاول ينسى جرحه ف بلاد تانيه  و ف مدينة بعيدة لقى الناس متجمعين قرب قصر الملك  ولما سألهم عن السبب قالوا له ان خزنة قصر الملك اتسرق كل اللى فيها وغلبوا...

#هاجر_الاميره_المصريه_ام_العرب_ج٢ #الليله١٩٠ ب س اللى ميعرفوش الفرعون ان الراجل اللى حبسه ده هو  نبى الله وخليله سيدنا ابراهيم عليه السلام وان اللى معاه دى ستنا ساره بنت عمه وزوجته  السيده ساره كانت شديده الجمال  والفرعون طمع فيها  بس لما قرب منها كانت بتدعى ربنا يحميها منه  وربنا حفظها وشل دراعه و خاف فرعون وبعد   وقالها : خلاص مش هقربلك بس ادعى ربك يخلى الشلل يروح ... وراح الشلل .. ورجع الطمع .. ورجع الفرعون  يقرب  ورجع يتشل واتكررت الحكايه 3 مرات لما ايقن الفرعون انه مش هيقدر يقربلها باى سوء  وحس ان الاله بتاعها قوى و انه فعلاً حاميها  وعلشان يرضيها خرج سيدنا ابراهيم من السجن وقدم لها هديه بسيطه  الجاريه اللى كانت بتقوم على خدمتها  يا ترى الجاريه دى مين ؟؟؟ اه الاميره المخطوفه كانت بتخدمها وشافتها وهى بتصلى وبتدعى ربنا وعرفت عن دينها وزوجها نبى الله وامنت به  ولما لقتها ستنا هاجر امنت بربنا خافت عليها تفضل ف قصر الملك الظالم وقبلتها كهديه من الملك   ورجعت ساره وزوجها وهديتهم الجاريه اللى اتغير حياتها تانى...

#وشها_مكشوف #الليله٥٣٩ لما بنحكى عن واحده جريئة وبتتعامل بطريقه تخلوا من الحياء بنقول عليها اصلها وشها مكشوف    الكلمه دى شغلتنى  وقولت ادور على اصلها وفصلها يمكن تكون وراها حكايه ولكن مفيش تفسير وهنا اضطريت اقوم من على كنبتى واروح اجيب دلوى ( جردلى) علشان ادلى بدلوى ف الموضوع ده زمان كان الستات بتخرج من بيوتها مغطيه وشها  زى ما بنعمل كده دلوقتى بالكمامه بس احنا بنغطى وشنا بسبب الخوف من الكورونا والخوف من العدوى  بس زمان الستات كانت بتخرج مغطيه وشها بالبيشه واليشمك والبرقع بسبب الخوف من ربنا او الحياء من المجتمع وان الرجال الغير محارم لها يشوفوا وشها بس كان فى نوعية من الستات ممكن تقول جريئه ولا بجحه ومبيهمهاش و لا كانت بتخاف و لا بتتكسف ولا بتستحى  لان هى عاجبها شكلها وعاوزه الناس كلها تشوفه وتعجب به علشان كده بتكشف وشها وهى بتتكلم  ودا طبعاً غلط وعيب خصوصا لو اتبع كشف الوش لين ف الكلام وترقيق ف الصوت ودا ربنا نهانا عنه  وقال ف سورة الاحزاب  (فَلَا تَخْضَعْنَ بِالْقَوْلِ فَيَطْمَعَ الَّذِي فِي قَلْبِهِ مَرَضٌ وَقُلْنَ قَوْلًا مَّعْرُوفًا (32...

#جلد_النمر_ج٢  #الليله٥٣٨ راح النمر🐯 اما يشوف ايه الراجل ده؟🧔🏽 وايه قوته الجباره اللى بتخوف كل الحيوانات وتخليها تهرب منه؟ ويعرفه انه مش اقوى حيوان ولا حاجه وان النمر هو اللى هيعرفه غلطه وهيعلم عليه  وفضل يسأل اللى يقابله من الحيوانات  ويسأل لحد ما قالوله هو اللى تحت الشجرة الكبيره اللى هناك وقرب من الشجره  بس استغرب 🤔 ايه الفسل الصغير ده ؟ هو ده الراجل ؟ لاء ... مش معقول ؟ بقى انا مشيت المشوار دا كله و لما اجى يكون الراجل مشى؟ بس ساعتها كان فى ارنب جنبه ... قاله لاء هو ده الراجل  واستغرب النمر اكتر 😳 هو دا بقى الرااااجل؟ وراح عنده كلمه وف الحدوته بتاعتنا الراجل بيفهم لغة النمر والنمر بيفهم لغته  وقاله بقى انت بقى الراجل اللى بتأسر الحيوانات وتستعبدهم يعملوا لك  اللى انت عاوزه ؟ رد الراجل اللى ارتبك ف الاول بس استعاد رباطة جأشه (والنبى بحب الكلمه دى سيبيونى اقولها بتحايل عليكم بصوت هنيدى) ورد الرجل على النمر وقاله : ايوه انا الراجل  لك شوق ف عاجه ؟؟ رد عليه النمر وقاله : اه  انا جيت علشان اثبتلك واثبت لكل الحيوانات انى اقوى منك  وال...

#جلد_النمر  #الليله٥٣٧ الحدوته دى كانت عندى وانا وصغيره تقريبا اولى او تانيه ابتدائى وبداية انى اروح المكتبه اشترى كتب بنفسى واقراها لوحدى ....ودى كانت بداية الادمان اللى مازال حتى الان   والقصه دى كنت بحبها وباخد منها العبره والعظه  والحكايه بتقول كلام زى الفل بس انا مبحكيش حكايه زى ما سمعتها ولا كنت نزلت حاجات منقوله الحكايه انى لازم احكيها بطريقتى  اللى فاكر الحكايه الاصليه ياريت يدخل يقول رايه سلبى ولا ايجابى يشرفنى ومرحبه به يعنى تعديلى حسّن ف القصه ولا ياريتنى سيبتها على حالها  واللى مقرأهاش الفرصه لسه قدامه  المهم نبتدى الحدوته  ونقول كان ياما كان ياساده يا كرام ولا يحلى الكلام الا بذكر النبى عليه الصلاة والسلام  كان زمان النمر🐯 لونة ابيض عادى من غير خطوط و كان عايش ف الغابه شايف نفسه اقوى مخلوق اتخلق على وجه الارض  لدرجة انه اقوى وانشط من الاسد🦁 اللى نايم على جنبه ف العرين فاتح نتفليكس و مستنى مراته تجيب له الاكل  بس غروره اللى خلاه شايف انه اعلى وارقى من الاسد ده ومن باقى المخلوقات اللى على الارض وف يوم بيتمشى النمر ف الغ...