الف حكايه وحكايه مع ابتسام الصاوى

#ليه_طيب_اكسر_وراه_قله؟ #كوم_الشقافه٤الاخير #الليله٦١٠ طب احنا كدا متفقين ان من يوم ما الغراب علم قابيل ازاى يدفن هابيل  والبشر بتعاملوا مع موتاهم بنفس الطريقه مع اختلاف اسلوب وضع الانسان فى التراب منالهرم الاكبر عجيبة الدنيا حتى اللحد بندفن فيه الموتى المسلمين بس كانت ف فتره من الفترات العمليه معقده   و ابتدى التعقيد لما المهندس العبقرى امحوتب بنى الهرم المدرج  للملك زوسر  وعنها فضلوا يعلوا فى البناء فى المقابر ... ويعلوا ... ويعلوا لحد ما زهقهم لصوص  المقابر فعكسوا الموضوع و بقوا يخبوا مقابرهم منهم زى ما شوفنا ف اكتشاف مقبرة توت عنخ امون او  كلامنا عن الملوك والخبيئات اللى حكيناهم ف سلسلة ملوك الجدعنه هنزل الروابط بتاعة السلسله تحت👇 للى يحب يستزيد نرجع لمقابر كوم الشقافه  المختلف ف المقبره دى انها بناء كبير وطويل وعريض وكل شويه يوسعوا فيه بس لتحت يعنى عاوزاكم تتخيلوا معايا عماره من ٤ ادوار فيها غرف وسلالم وبناء عادى جدا ما عدا انه بيتجه لتحت  وكأنك عملت زى آليس ف بلاد العجايب ودخلت من المرايه وكله بقى بالعكس البناء يعلى لتحت والاوض تتوسع ف...

#جمعة_الغضب_٢٨يناير٢٠١١(٤) #الليله٢٦٠ #٢٨يناير_التاريخ_الحقيقي_لقيام_الثوره طبعا انا كعضو مؤسس لحزب الكنبه وبدون ما ادفع اشتراك كمان  متابعين على التليفزيون  ولانى طول عمرى بشغل دماغى مكانش اى حد اتابعه و عارفه ان فى كتير ميتشافوش لفجاجة نفاقهم وكدبهم  كنت بشوف تقريبا منى الشاذلى بس  وافتكر ان منى الشاذلى ف العاشره مساًء   ( اه ... العاشره مسأءً كان بتاع منى الشاذلى من اول ما طلع ) فاكراها وهى بتتكلم مع الناس اللى بيتصلوا  بتحاول تنقل للجيش لو فى مكان فيه خطر وكل الناس بتتصل خايفه وقلقانه من حاجه واحده بس البلطجيه  وجملتها المحترمه جدا محدش يقول سمعت اللى بيحصله حاجه او شاف بعينه بس هو اللى يحكى  فى حين ان قنوات ومذيعين كتير عمالين يزودوا البلبله والقلق واعتقد اللى فاكرين الايام دى تامر من غمره واللى كان عليه تريقه كبيره اوى بعدها  واتصلت بيها زميلتها المذيعه ايتن نجاح الموجى بتقولها ان البلطجيه حوالينا ... والحقونا ... خلوا الجيش ييجى  وهى سألتها شوفتى بعينك؟  تقولها لاء بس الناس منهاره وبيقولوا انهم على بوابات الكومباوند اللى...

#جمعة_الغضب_٢٨يناير٢٠١١(٣) #الليله٢٥٩ #٢٨يناير_التاريخ_الحقيقي_لقيام_الثوره طبعا ابتدت الاشاعات  البلطجيه عمالين يهاجموا كل مكان فى مصر  وناس اعرفهم مثلا  بتعيط وتحكيلى دول بيهاجموا بنك اسكندريه الفرع اللى جمبنا  طبعا معروف ان الفروع مفيش فيها فلوس فعادى يا جماعه اللى ياحاول يحاول وبعدين يعنى هو بنك ابونا واحنا مالنا للبنك نظام امنٌ يحميه    بس وفجأه الدنيا حوليك بتتحول لحالتين  الاولى : رعب ف كل مكان من البلطجيه اللى بيهاجموا  و التانيه : الشباب خلاص احتل التحرير  والجزيره عماله تجيبهم وهم بيتدفوا على النار ويغنوا اغانى منير واحمد فؤاد نجم والشيخ امام  وبقى فى الميدان بيغنوا ف كل شارع ف بلادى صوت الحريه بتنادى  والحقيقه ف كل شارع ف بلادى الخوف من البلطجيه بيهاتى  و بالتالى شباب كل حى  خرجوا ف السقعه يقفوا يحرسوا الحى بتاعهم من العدو المجهول اللى بيهاجموا البيوت طب ياحبايبى ليه هيدخلوا الاحياء الشعبيه اللى الناس فيها بتكح تراب  والحرامى لو دخل بيوتنا  يصعب عليه حالنا  اكيد يعنى مش هيشيل التليفزيون اللى بيجيب...

#ليه_طيب_اكسر_وراه_قله؟ج٢ #الليله٦٠٨ اما بقى الحدوته التانيه فبتقولك ان زمان وبردو ايام الفراعنه كانت لما الانسان يموت بيكسروا وراه اناء من الفخار  يعنى هنا كانت عاده مرتبطه بالجنائز  وطبعا كلنا عارفين اهمية الموت و الحياه الابديه والكلام دا كله عند المصريين القدماء واظن انى لسه مخلصه سلسلة ايزيس وازوريس اللى بتحكى باستفاضه ف اهمية الدفن والليله دى  طب بردو ليه نكسر وراه حاجه فخار واللى رسيت ع القله لاننا بقينا نستخدم معادن وصينى واوانى تانيه حاليا  انما القله فهى اللى كانت مكمله حتى دخول التلاجه الايديال ال ٨ قدم لكل بيت نرجع لكسر القله الفكره انهم مش بس بيكسروا القله لاء وكمان بياخدوها ويدفنوها جنب قبر المرحوم طيب الله ثراه ... ودا ليه؟ علشان لما ترجع الكا يعنى (الروح) على بيته مره تانيه مره ماتأذيش اهل البيت اللى موجودين فيه دول كانوا بيعملوا الاكل ف البيت وياخدوه عند مكان المقبره وياهم وهناك ياكلوا وبعدين يكسروا الاوانى دى ويسيبوا الفخار الكسر هناك  واللى كانوا بيسموه الشِقف جمع شقفه لدرجة ان المتخصصين فى الآثار وهم بينقبوا لو لقوا ف مكان ما آنيه  فخاري...

#جمعة_الغضب_٢٨يناير٢٠١١(٢) #الليله٢٥٨ #٢٨يناير_التاريخ_الحقيقي_لقيام_الثوره روحنا بالسلامه واتطمنا على اخويا اللى روح متأخر   واتطمنا على ولادى اللى بيلعبوا ع الكومبيوتر ومش دريانين بالدنيا وابتدى اخويا يحكيلى اللى حصل  كان يومها ف شغله وعارفين ان مظاهرات النهارده اعلى من مظاهرات ال ٣ ايام اللى فاتوا (٢٥ و٢٦ و٢٧ يناير)  اخويا كان من الناس اللى بيحلموا بالتغيير بس مليانيين باليأس من انه يحصل  علشان كده فاكر انها مش هتزيد عن وقفات النقابات ويوم ما تعلى اوى هيحصل زى ما حصل ف المحلة ف ٦ ابريل ٢٠٠٨  لما طلع شوية متظاهرين وكسروا لوحه كبيره عليها صورة مبارك ودى كانت جرأه غير مسبوقه وجنان رسمى منهم بس صاحبه كلمه وقاله اللى بيحصل فيه حاجه غريبه ومختلفه عن كل اللى فات  وبدأ يحكيله من ساعة ما صلوا الجمعه ف جامع مصطفى محمود والمسيره اللى بعد كده من مصطفى محمود ف المهندسين واللى كان هدفها توصل لحد التحرير  وقوات الامن اللى قابلتهم على الكوبرى  وحصلت الصور والفيديوها اللى كلنا شفناها  بس الفرق ان صاحبه وهو بيكلمه كان بعد ما نزلوا من فوق الكوبرى والقنا...

#ليه_طيب_اكسر_وراه_قله؟ #الليله٦٠٧ اذا غار اكسر وراه قله ... ليه؟ كنت من صغرى  دايما فاكره انها مقوله بتتقال ف الافلام بس لانى عمرى ما شوفتها على ارض الواقع او حتى سمعتها من امى ف حدوته من حواديتها او كده بس لما كبرت عرفت انها حقيقه والناس فعلا بيعملوها  و صراحه عمرها ما مرت على بالى وان كنت بفتكر انها من الاعتقادات المصريه اللى من ايام المماليك ولا الفاطميين  بس مره صديقه ع الصفحه سألتنى عليها  وفكرت انى ممكن ملاقيش لها تفسير بس اتصدمت كذا صدمه اول حاجه انى لقيت للعاده دى تفسير اه كانت عاده ومنتشره كمان ثانى حاجه انها من ايام الفراعنه لا هى مملوكيه ولا فاطميه تالت حاجه ان التقليد ده له حكايتين هاحكيهم الاتنين لانهم منطقيين ومتقدرش ترجح واحده منهم عن التانيه  المتفق عليه انه بيرمز لرحيل شخص وان الشخص ده غير مرغوب فيه وبركة انه  غار غير مأسوف عليه و اكسر وراه قلة  والروايه الاولى بتقول :   ان أصل المثل يرجع للنص الثاني من عصر الأسرة الثالثة عشرة الفرعونية وهو العصر اللي اتسمي تاريخياً بعصر « الاضمحلال الثانى » ودى الفتره اللى كان الملوك المصري...

#الجمعه_٢٨_يناير_٢٠١١حلقه(١) #الليله٢٥٧ #٢٨يناير_التاريخ_الحقيقي_لقيام_الثوره حكيت عنها ف يوم الجمعه لانها ارتبطت عندنا كلنا بجمعة الغضب  بالنسبه ليا ثورة يناير كانت يوم ٢٨ مش ٢٥  يوم ما مصر قامت كلها يوم ما اعلن حظر التجول يوم ما اتقطعت شبكات الاتصالات  واذا اتكلمنا عن ٢٥ يناير انها كانت بداية الثوره  فانا احب اسميها ارهاصات او مخاض للثوره ابتدى من يوم ٦ ابريل ٢٠٠٨  واستمرت مع حركة كفايه وحركه ٦ ابريل اللى خدت التاريخ اسم لها  #٢٨_يناير  اليوم ده كان جمعه  وكنت متعوده وزوجى نتسوق من عروض المحلات الكبرى لنستفيد بفروق اسعار لما كانت عروضهم فيها فرق اسعار  رحنا سبينس اللى ف ستى استارز مدينه نصر  واحنا خارجين كانت الساعه ٢ ظهرا و كانت بعض الكافيهات مشغله قناة الجزيره وساعتها اتفرجنا حبه واحنا ماشيين على الناس اللى بيجروا والزحمه  والميدان   ولكن ابن حلال تطوع انه يقول انا جاى من وسط البلد دلوقتى ومفيش حاجه من دى  وان دى فيديوهات  قديمه متسجله  مش بث مباشر  النهارده زى ما الجزيره كاتبين  وبالتالى صدقنا...

#اسطورة_ايزيس_واوزوريس_ج٢٩ #الليله٦٠٦ و طبعا لما جه كان رد اوزوريس بالزعل و اللوم عليهم علشان فرطوا ف انهم  ينصروا ابنه حورس وأنّهم كلهم سايبين ابنه لست يتجبّر عليه وياكل حقه وفكّرهم أنه هو اللي خلق الحبوب والشعير وكل الاكل اللى بتاكله  الآلهة ساعتها غضب رع واتقمص زى عادته  و بعت يرد على أوزيريس و يقول له أنه لو مكانش فى رع مكانتش اتوُجِدَت الحبوب والشعير والطعام  فسخن بقى اوزوريس  وقاله طب بقى انا  أوزوريس سيد العالم السفلي و مصير البشر كلهم بين ايديا وهددهم أنه هيبعت لهم كائنات العالم الآخر تدمر لهم العالم وتطربقه على دماغهم  لو ما نصفوش ابنه نرجع تانى للوقت الحالى ونفتكر رئيس كوريا وهو كل شويه يهدد العالم بالنووى والاسلحة البالستيه وغوصاته المستخبيه وساعتها نفدت حيلة رع (صحيح ميجيش الا بالعين الحمرا يا رع) فاضطر أنه يأمر بإنهم يجيبوا سِت متكتف قدامه  فجريت إيزيس وجابته متكتف  فأمره رع  بإنه يتنازل عن التاج والعرش لحورس واحتفلت الآلهة بانتصار حورس لكن رع استأذن التاسوع أنهم يوافقوا انه يعين سِت من هنا ورايح زى ابنه ويكون له حكم الارض ا...

#عريس_بنتى_ج٢والاخير  #الليله٢٥٦ ولما اتفتحت البوابه للمره الثالثه والاخيره  كان لازم الشاب يمسك ذيل الثور ايا كان شكله وحجمه و ضخامته  لان دى فرصته الاخيره  واتفتح الباب   وخرج الثور  وكانت مفاجأه ... الثور ضعيف وهزيل  يااااه يا عبصمد ... هو ده الثور اللى انا مستنيه          - مفاجأه ساره -  وهنا بقى دخل على الثور بقلب جامد  وقف ف نص الطريق اللى ممكن يمر منه الثور  استعد للوثب على ذيله علشان يمسك منه اكبر قدر من الشعر  وجه الثور ببطئ لا بيجرى ولا بيثور  تحس كده انه حد زاقه على انه يمشى وهو خارج  مالوش مزاج كأنه زينا كده واحنا رايحين الشغل الصبح   لدرجة ان الفتى كان هيروح له يجره من ذيله  بس لما وصل الشاب علشان يجره من ذيله  بص فجأه ملاقاش له ذيل  اه والله ... كان ثور ازعر طبعا الشاب عرف من نفسه ان اختبار  والد العروسه له مكانش اختبار لقوته زى ما كان فاكر ف الاول  ولكن كان اختبار لقدراته على مواجهة مشاكله واللى هرب منها مرتين  وكان اختبار لقدرته على...

#اسطورة_ايزيس_واوزوريس_ج٢٨ #الليله٦٠٥ طيب يا عمو ست يا اللى بقيت حامل ف جبينك مش تتكسف على دمك وتروح تدفن عارك وتسيب حكم مصر للى علم عليك  لاء هو بيقترح منافسه جديده   وهي أن كل واحد منهم يبني مركب من الحجارة ويحارب التانى  و المره دى  يكون العرش للمنتصر فكر حورس واستغل ذكائه  ...مركب من الحجاره طب ازاى🤔 ؟ طب ماهى هتغرق؟ وعنها وبنى حورس مركبه من الخشب لكن غلفه بالجبس وبالتالى يبدوا ويكأنه من الحجر بس خفيف لانه من الخشب  انما العبقرى سِت ف بنى مركبه من الحجارة فالح ياخويا  وطبعا غرق مركب سِت  ملحوظه كده معروف حتى ف النصوص والبرديات اللى ذكرت القصه دى ان حورس ضعيف البنيه بس ذكى شبهوه بالعفريت ودا زى ما شوفنا ف قضية الDNA ولا حكاية المركب دلوقتى وغيرها  وان ست قوى البنيه دا صحيح بس محدود الذكاء بيصوروة احيانا كمهرج  اما رع فهو قاضى متجهم متحيز للفتوه بتاعه حتى لو جار على حق الضعيف المهم ان ست بقى بذكائه المحدود وغشوميته  يسكت؟  لاء ... حاول انه يحتال ويغرق مركب حورس وتعالى بقى يا حورس يا حبيبى قلب عمو نغرق سوا  لكن حورس...

#عريس_بنتى #الليله٢٤٥ كان ياما كان ف بلد من البلدان  شاب واقع لشوشته وهيمان  بيحب بنت شافها واتمنى بتجوزها من زمان سأل على بيتها و عرف مكانه وكان طاير من السعاده و فرحان  وهو  ماشى يغنى وعرفت بيتها عرفته عرفته عرفته  وشقيت على بال ما عرفته عرفته عرفته  وعايش ف دور حُلُم و راح يطلبها من باباها  اللى كان رده غريب  قاله انا مبدأياً موافق عليك بس بشرط  تمسك  ديل  ثور من ال٣ ثيران اللى هاطلقهم عليك  وتسحب منه اى شعرات تعرف تمسكهم  وعلشان تعرف انى طيب وحنين انا مش هاطلقهم عليك مره واحده  ولكن هبعتهم واحد واحد  طبعا ابو العروسه مش تافه و عاوز يتسلى  بس هو كان عنده نظره مبعديه للامور  عاوز راجل يشيل مسئولية مزرعته بعد عمر طويل لان بنته وحيده ولا هيكون لها حبيب ولا قريب ولا نسيب  وبالتالى العريس لازم يكون عند حسن ظنه ف تحمل المسئوليه الشاب فرح ... هو شاب قوى والطلب مش صعب اوى  هو مش مطلوب منه انه يركب الثور مثلا ولا انه يروضه  دا كل المطلوب منه انه يمسكه  ويسحب منه اى شعرات ولو حتى شعرايه واح...

#ماندو_والمكرونه #الليله٢٥٤ كان ياماكان ولد صغير اسمه ماندو🧒 ماندو كان مغلب ماما👩🏻‍🦳 ف الاكل خالص  وف يوم ندهت ماما👩🏻‍🦳 لماندو🧒 وقالتله تعالى عملتلك خضار ورز🍚🥗 رد ماندو🧒 وقال بس انا مش عاوز رز🍚 ...  انا عاوز مكرونه🍝  ماما قالت الرز حلو🍚 قالها لا ماليش دعوه عاوز مكرونه🍝 ماما قامت وعملت مكرونه🫕  وندهت تانى لماندو🤚🏻  تعالى ياماندو كل المكرونه🍝  ماندو قال لاء مش عاوز اكل مكرونه🧏‍♂️ تعالى يا ماندو كل المكرونه  لاء ... مش هاكل مكرونه🙅 ماما اتغاظت اوى 🤦‍♀️ وقالت تعالى ياعصايه🥢 اضربى ماندو اللى مش عاوز ياكل مكرونه🍝  ردت العصايه🥢 وقالت وانا مالى ومال ماندو اللى مش عايز ياكل المكرونه🍝  ماما قالت طيب ....  تعالى يا نار 🔥احرقى العصايه🥢  ...  اللي مش عايزه تضرب ماندو🧒  اللي مش عايز ياكل المكرونه🍝  ردت النار 🔥وقالت وانا مالي ومال العصايه🥢 اللى  مش عايزه تضرب ماندو🧒  اللى مش عايز ياكل المكرونه🍝  ماما👩🏻‍🦳 قالت تعالى يا ميه💧 اطفي النار🔥  اللي مش عايزه تحرق العصايه🥢  اللي...

#اسطورة_ايزيس_واوزوريس_ج٢٦ #الليله٦٠٣ قولنا قبل كده ان رع دايما بيكون قاضى عادل وقضاؤه ناجز وسريع اما بيكون الغلطان حورس زى ما عمل معاه لما قطع رقبة ايزيس مع ان الحمدلله جت سليمه وتحوت ركب لها راس بقره مكانها الا انه قرر عقابه وتلاقيه دايماً متراجع وطرى ومش عاوز يحكم ف حالة ان ست هو اللى بيكون غلط و ست اللى وجب عليه العقاب علشان كده لما قلع ست عيون حورس واللى بقى يرمز لفقد عين حورس دى بحالات كسوف القمر وان عودتهم بتمثل عودة النور للقمر ف السما  المهم ان المفروض كده يحكم على ست .... لكن لاء .... دا جاب  حورس وست اعلن لهم  انه هيعمل بينهم  - حاجه كده شبه الهدنه اللى كان بيعملها مجلس الامن ايام حرب فلسطين سنه ١٩٤٨ لما يلاقى الyهود بيتقدموا يسيبهم ولما يلاقى العرب اتقدموا يعلن الهدنه - نرجع لمجلس امن كيميت فى العصور القديمه ابا رع اللى قالهم خدوا فسحه يا ولاد كده وروقوا وترجعوا بكره بدرى تكونوا فرش وفرفيش  وتكملوا الحرب وانتوا فايقين مين صياد الميه العكره ف الليله دى العم ست قرر ست انه يلجأ للخديعة وأقنع حورس متعرفش ازاى🤔  أنه يبيت الليله عنده في ضيافته و عمل ...

#اسطورة_ايزيس_واوزوريس_ج٢٥ #الليله٦٠٢ وابتدى الصراع اللى هيثبت مين من الاتنين احق بملك كيميت وساعتها حوّل سِت وحورس نفسهم لفرسي نهر و نطوا هم الاتنيين في الميه وبقوا يضربوا ويقطعوا فبعض المهم ان السيده الفاضلة إيزيس حبت  تدخل لصالح ابنها طبعاً فراحت حادفه خطاف في الميه علشان تكتف به  سِت وتقل من حركته فتخلى ان ابنها هو اللى ينتصر  بس  اللى حصل انه نزل على حورس ابنها واصابه ساعتها صرخ من الالم و استغاث بيها أنها تنزعه من عليه فنزعته و حدفته تانى  فجه ف سِت وراحت شداه ناحيتها ساعتها سِت بقى يتوسل لإيزيس أنها تسيبه وفضل يفكرها بصلة الدم والاخوه والعيش والملح وعشرتنا وميهونش علينا محبتنا ولانقدر على نار فرقتنا وهانرجع ومسيرنا لبيتنا وقلب فيها ليلى مراد فرقت له وحنت عليه وفكت  الخطاف عنه فهرب مين اللى شايف اللى بيحصل ده ومتغاظ منها ؟ حورس  وهوب هبت ف دماغه   وراح ضارب راس أمه بسكينه طير رأسها و شال الراس وطلع للجبل😳 اخس لك يا حورس كده تقتل امك ؟ هى اه زى الدبه اللى قتلت صاحبها وبتضر اكتر ما بتفيد بس الام ام ودى مهما كان الالاهه ايزيس تاج الراس وم...

#نصيحة_اوعى_تأمن_ال٣_دولم_ج٣والاخير  #الليله٢٥٣ خرج اخوه على الدوشه اللى قدام شقة اخوه سأل وحكوا له قالهم ازاي و دى معقوله ؟؟!!  اخويا مش ممكن يعمل كده مش ممكن يقتل  اخويا متدين وبيصلي الوقت بوقته وبيخاف ربنا ردت مرات اخوه وقالت له لاء دا  قتل الصبى بتاعه  والدم مالى البيت  قالها يبقى فى حاجه او مبرر لوجود الدم ف البيت ... بس مش ممكن اخويا يقتل حد قالتله وسرق دهبى ورايح يتجوز علي به  قالها بردو مش اخويا اللي يسرق دهبك ويديه لواحده تانيه وهو اصلاً اللى جايبه لك  و يا ستى اذا كان على ذهبك هارجعلك قده مرتين و اذا كان على القتيل اخويا ما قتلش حد بقول لكم  وتلاقوا الواد الصبى هنا او هنا  و اذا كان فى قتيل يبقى انا اللى قتلته  كل ده والراجل واقف ساكت يتفرج  لحد ما ظهر الواد الصبى من على اول الشارع  وهو جاى و جايب لهم الخروف المشوى طبعا جاى بيضحك و فرحان بالعشوه ومش فاهم حاجه ولا عارف اللمه دى ليه  وقاله زي ما قولتلى يا معلم اهه فضلت على ايد الكبابجى لحد ما شوى لك الخروف ولما مراته وقفه مكشره افتكر انه بسبب انها جت لقت البيت...

#نصيحة_اوعى_تأمن_ال٣_دولم_ج٢ #الليله٢٥٢ وقفنا الليلة اللى فاتت ان صاحبنا حب يختبر نظريه ابوه  ونشوف مراته بعد اول خطوة اخدها عملت ايه ؟ الشيطان قالها دا  راح يتجوز عليكى  واحده و رايح يديها الدهب بتاعك   وقتل الصبى لانه كان هيقولك ويكشفلك سره وعنها ومكدبتش خبر و راحت لجارهم اللى هو صاحبه الصول وحكت له ان جوزها قتل قتيل في البيت وسرق دهبها  وخده يديه للى هيتجوزها  طبعا صاحب  العمر عم الصول ميهموش يتجوز عليها ولا يطلقها ... ياخد دهبها ولا يجيب لها قده مرتين بس اللى همه وشغل تفكيره ان فى جريمة  لاء ومش اى جريمه دى جريمة قتل  يعنى شُهره وسيط ومش بعيد ترقيه كمان  وبعد ساعتين تلاته كان الراجل صاحبنا  رجع بيته وساعتها لقى صاحبه حاطط كرسى وقاعد مستنيه قدام باب بيته  رحب واهلن و تعالى جوه واحط الشاى ونقعد سوا بس لقاه داخل يفتش بعنيه جوه الشقه وبيبص على الدنيا المكركبه كأن كان فى عاركه هنا بالاضافة لنقط الدم اللى لا تغفلها عين  ولقاه بيكلمه رسمى وبيقوله انت قتلت الصبى بتاعك ولازم ... اخدك دلوقتى ع القسم قاله مين قالك انى قتلته ...

#اسطورة_ايزيس_واوزوريس_ج٢٤ #الليله٦٠١ بس تفتكروا ايزيس هتسكت  دى ايزيس وزى ما فضلت تحارب طول عمرها علشان جوزها دورها منتهاش وابنها دلوقتى محتاجها  ولازم تكون وراه حتى ولو كان التمن تحدى ست ورع نفسه  علشان كده غيرت صورتها لهيئة امرأة عجوزه وقدمت لملاح القارب اللى بيوصل للجزيره المعزوله رشوة كبيره خاتم  ذهب كبير علشان ينقلها للجزيرة و بعد كده استخدمت تعويذاتها و خلقت ثعبان وخلته يلدغ رع  طبعاً اصابة رع من سم الثعبان خلته مريض ودى حاجه مش سهله على كبير الالهه و حاجه مش هينه ان الاله يمرض لاء وكمان مش ف ايده شفا نفسه ولكن الشفا ف ايد ايزيس ومعنى ده انها قدرت على اصابة الاله الاكبر – خلى بالك رع اللي هو أكبر وأعظم منها ودا دليل على قوتها - و بعد كده عرضت عليه أن تشفيه إذا هو قالها اسمه الحقيقي السري  ودي معلومة خطيره لانها بتعطيها قوة لا متناهية  بعد صمود طويل من رع ورفض انه يقول لها اسمه استسلم ف الاخر وقاله لها  و هى نقلته  لحورس وبالتالى  دعمت سلطته الملكية وادته قدرات تفوق غيره من الموجودين حتى الالهه وكمان كده ضمنت ان رع مش هيتدخل تانى ل...

#نصيحة_اوعى_تأمن_ال٣_دولم #الليله٢٥١ دايماً بنسمع نصايح الاهل ساعات نصدقها و نعملها وساعات نطنشها ونهملها  وقصة الليله لراجل حب يمتحن نصايح ابوه ويحطها موضع الاختبار  ونبتدى الحكايه من غير لك كتير كان ياما كان راجل كان بيحب مراته اوى وكانت مراته دايما تقوله انت اغلي من حياتي وانا افديك بعمري وان مهما تعمل هاسامحك حتى لو قتلت قتيل هاقول انا اللى قتلته  كان ساكن فبيت ٣ شقق   شقته .... وشقة اخوه  والشقه التالته كان له جار وصاحب بيشتغل صول او مخبر او حاجه زى كده المهم ان شغلته تبع الشرطه واللى من زمان كان بيتقال عليها سُلطه زى ما دلوقتى بيسموها الحكومه وكان هو وجاره ده اصدقاء عُمْر سهرهم مع بعض وخروجهم مع بعض ممكن تقول كان اقرب له من اخوه شقيقه اللى معاه ف نفس البيت وهو  كان يقول دايما انه زي اخويا واكتر  لكن ابوه كان دايماً ينصحه و يقوله : **اوعى تأمن لصاحب سُلطه مهما يكون صاحبك وزى اخوك  **وامراتك اوعى تديها سرك و لو قالت روحى فداك **و اهلك لا تهلك  طول عمر الراجل بيسمع ابوه ويقول الثلاث نصايح دول وف  يوم من الايام     ...

#اسطورة_ايزيس_واوزوريس_ج٢٣ #الليله٦٠٠ بس تفتكروا لما ينقل المحاكمه لجزيره ف وسط النيل ويحكم بمنع حضور ايزيس للمحاكمه كده ايزيس هتسكت  فشرت ف اصل  يا رع ... دى ايزيس ...وزى ما فضلت تحارب طول عمرها علشان جوزها دورها منتهاش وابنها دلوقتى محتاجها  ولازم تكون وراه حتى ولو كان التمن تحدى ست ورع نفسه  علشان كده غيرت صورتها لهيئة امرأة عجوزه وقدمت لملاح القارب اللى بيوصل للجزيره المعزوله رشوة كبيره خاتم  ذهب كبير علشان ينقلها للجزيرة ولما وصلت هناك غيرت تانى هيئتها لبنت شابه رائعة الجمال  واعترضت طريق سِت وهى باين عليها الحزن   اللي انبهر بجمالها وسألها الجميل ماله زعلان ليه؟  فحكت له أنها جايه له  تشكليه أن جوزها مات و ان لها ابن وحيد ولهم غنم و مواشى كتير ورثها ابنها عن أبوه  و ف يوم جه راجل غريب وهدد الابن بالضرب واستولى على ورثه  طبعا سِت الحقانى العادل قال لها أن الرجل المفترى دا ظلمها  وأنه ست باعتباره اله من الهة كيميت ببحكم ان الابن يحصل على ورث أبوه وانه بيحكم على الغريب المفتري ده بالعقاب و فجأه اتحولت ساعتها إيزيس لحداي...

#اصل_الحكايه_اكلة_ام_على #الليله٢٥٠ المماليك : ايبك فين ؟؟؟ شجر الدر : اصله يا حرام مات وهو نايم  المماليك : يعنى التعاوير والزرقان دا كله حصله و هو نايم يا شجر الدر  شجر الدر : اه ... اصله بيتقلب كتير  المماليك : بيتقلب كتير ...  يعنى مش مضروب لحد ما مات من للضرب  شجر الدر : توء .. توء ..  هو بيتقلب كتير  بس المماليك بتوعه مدخلش عليها اللعبه وعذبوا الخدم وحققوا معاهم لحد ما اعترفوا لهم  بالحقيقه  وخافت شجر الدر وراحت تستخبى ف قصر تانى  من مماليك ايبك وعمايلهم  واتنادى ان البلاد بيحكمها السلطان الجديد هو الملك المنصور نور الدين على بن عز الدين ايبك  وعلفكره كان عنده ١٥ سنه مش زى ما كان اهبل ف الفيلم وهات الحصان بتاعى  بس بردو مش هينفع يحكم لانه كان بعيد عن القصر طول عمره  وكمان الفتره  دى كان فى صليبيين من الشمال ومغول من الشرق فكان سيف الدين قطز هو النائب بتاعه وهو الحاكم الفعلى للبلاد  ومع ان اى ام سلطان كل همها الحفاظ على العرش واللى ممكن تكون كمان بتستولى عليه لنفسها وتركن ابنها   او لو كانت ست...

#اسطورة_ايزيس_واوزوريس_ج٢٢ #الليله٥٩٩ يعنى كل الاهة اللى واقفه مع حورس دى مش عاجبه رع ولا بيعبرهم ولا بيقول كلمه حق عدله  بس لما اتشتم بقى وواحد قاله ان ملكك اجوف والناس اللى زمان كانوا بيرقصولك ف انتخابات الالهةمبقوش راضيين عنك وعن عمايلك  اتقمص و مسكتش وزعل اوى جداً  خالص وعنها واعتزل المجلس فترة طويلة يا سلام يعنى مش عاوز  تحكم بالعدل  بس لما باقى الالهه اعترضت انت اللى تتقمص وتقولهم اتنحى تماما ونهائياً عن التحكيم ف القضيه اللى انت السبب ف بوظانها من الاول  ما هو لو كنت شايف شغلك مكانش حد قدر يقطع ابنك ويخلى مراته هى اللى دايره ف نواحى البلاد تلم جتته بس تقول ايه ؟ بجاحة واستغلال لسذاجة السذج المهم ان لما قمصته طولت   اضطرت بنته  الالهه حتحور أنها  تروح و تتوسل له بانه يرجع تانى لمجلسه وبعد محايله وتذلل ما فى بعده تذلل واهانه لنفسها قدام عرشه اتكسف اصلا اقول عملت ايه 😔 المهم ضحك رع بسلامته🤤  ورضي يرجع للمحكمة ساعتها الالهه قالوا فضوها بقى ياكش نخلص  وهنا اقترح واحد منهم وقال : طب اقولكم تعالوا نعمل  مناظرة بين سِت وح...