الف حكايه وحكايه مع ابتسام الصاوى

#الخيانه_حلقة١٢ #الليله٣٩٩ #حتى_انت_يا_بروتس_القصه_الثانيه #الجزء_التاسع ازاى جت كليوبترا  مارك انطونيو كان قاعد على عرشه فى احد ميادين المدينه او اسواقها يعنى  مستنيها تيجى بقى تعاااايط تعاااايط  وتدفع عن نفسها من تهمة مساعدة اعداؤه   بس كليوبترا وصلت عن طريق  النهر ف قارب مذهب و أشرعتة أرجوانية بنفسجى يعنى ودا زى ما قلنا قبل سابق انه  اللون المخصص للملوك ومجاديفه من فضة يتمخطر  على وش الميه على أنغام الناي  و المزمار  و القيثاره    يا زيدى .... يا زيدى  اما  بحارة  القارب  فكانوا مش رجاله ولكن كانوا وصيفاتها اللى كانوا لابسين زى  حوريات البحار و الهة  الجمال أما هي فلبست زىّ الزهرة فينوس  ورقدت تحت ستائر ومظله من قماش مذهب لما أهل طرسوس سمعوا  جريوا على شاطئ النهر وسابوا ماركوس أنطونيوس قاعد لوحده على عرشه ....  وعزمته على العشاء معها في قاربها  فجالها ومعاه حاشيته الضخمه  فعملت ايه بقى جهزت لهم وليمة عظمة  وقدمت لهم فيها احلى  اكل محشى بقى وبط وملوخيه  ايه...

#خاطف_الكلاب #رحله_الى_جزر_لانجرهانز #الليله٥٠ #الجزء_الثاني نكمل  طب بيعمل ايه بالكلاب دي كلها  الموضوع انه بيخلي كلب مريض بالسكر بعد ازالة البنكرياس وتحويله لمريض سكر  وبيجيب كلب تاني و بيتلفوا كل البنكرياس ماعدا جزء واحد اللي هو عند د. بانينج اقتناع ان دا اللي فيه العلاج ودا سمه جزر لانجرهانز ودا علي اسم العالم الالماني اللي اكتشفها عام 1869 والجزر دي حكايه اسمحولي اكلمكم عنها باختصار دي مجموعه بقع صغننه علي البنكرياس عددها  مليون بقعه ياااااه دي كبيره اوي وزنها ١ مليجرام ياااااه دي صغيره اوي استني.... دي مش كلها لها وظيفه واحده دول الفا وبيتا و دلتا وليله سعاتك  وكل واحد من دول له مهمه اساسيه ف جسمنا المهم نرجع للراجل الطيب اللي عمال يلف ورا الكلاب طول الليل ده ويرجع ميرتاحش  هو والمساعد بتاعه خدوا الجزء  الصغير ده و فتتوه حقنوه  في الكلب الاولاني اللي هم خلوه مريض سكر  مرت الدقايق بطيئه وهم بيبصوا للكلب اللي اتحقن  ربع ساعه خدوا دم وحللوا  الجلوكوز لسه عالي ف الدم ربع ساعه كمان وحللوا .... الجلوكوز بدأ ينزل وكانوا مش مصدقين نفس...

#الخيانه_حلقة١١ #الليله٣٩٨ #حتى_انت_يا_بروتس_القصه_الثانيه #الجزء_الثامن أنطونيوس ضاف  اسم شيشرون  للأسماء الأولى من المحكوم عليهم بالاعدام  وده لأن ماركوس أنطونيوس كان عنده تار قديم بسبب واحد قريب مارك انطونيو  قتله شيشرون قبل كده  و كمان كان زعلان من الكلام اللى كان بيكتبه او بيقوله شيشرون عنه وكان كله  تجريح وطعن وبهدله   و ان كان أكتافيوس في الاول كان معارض دا اقصد قتل شيشرون يعنى    لكنه افتكر لشيشرون تمجيده لقتلة قيصر دا بالاضافه لانه معتقش اكتافيو من تلميحاته المشينه  و لما حاول شيشرون يهرب مستحملش دوار البحر فساب  المركب وقضى الليل في بيته و كان عاوز يقضي فيه اليوم الثاني مستنى موته   لأن ده في نظره احسن  من البحر واللى شافه فيه  ولكن عبيده بيحبوه ف حطوه جوه هودج و مشيوا به ناحية السفينة وهم  في طريقهم الا وهجم  عليهم جنود أنطونيوس و كان  العبيد عاوزين  يقاوموهم ولكن شيشرون أمرهم أن ينزلوا الهودج على الأرض ويستسلموا  وبعدين  مد  رأسه وجسمه مترب وشعر رأسه ولحيته منكو...

#خاطف_الكلاب #الليله٤٥ #الجزء_الاول لو بتتمشي ف مدينه تورنتو ف كندا سنه 1920 بالليل والناس كلها نايمه ولقيت واحد كده محترم ولابس بدله وعمال يجري ورا كلب  هتستغرب...  و هتفكر ف عقلك يمكن كلبه وتايه منه وبيدور عليه  او يمكن هيبيعه ف اسواق الصين وياكلوه مشوي   او يبيعه ف مصر ويعملوه حواوشي علشان متحيرش نفسك وترمي رغيف الحواوشي من ايدك احب اطمنك هو بزمتك هتاكل حواوشي معمول بكلب من كندا  دا تلاقيه بالشئ الفلاني  امال الكلاب البلدي ربنا خلقها ليه سيبك منه الحواوشي دا مش موضوعنا نتكلم عنه بعدين  الموضوع ان الراجل ده بصوره او باخري انقذ حياه حد تعرفه... او حد يهمك او حياتك انت شخصيا  الموضوع بدأ قبلها بسنتين  الاستاذ ده و بالمناسبه اسمه فريدريك بانتنج كان مشارك ف الحرب العالمية الأولى ولما خلصت الحرب بقي عمره ٢٩ سنه  رجع بلده لندن وفتح عياده  والحاله كانت نايمه خالص مفيش ولا زبون بيهوب ناحيته   ... والعياده بيصرف عليها بدل ما تصرف عليه بدا يدور على مصدر دخل  ساعتها فكر يعمل محاضرات ف الجامعة  محاضره منهم كانت عن استقلاب ...

#الخيانه_حلقة١٠ #الليله٣٩٧ #حتى_انت_يا_بروتس_القصه_الثانيه #الجزء_السابع لما مات قيصر مراته كالبورنيا اخدت كل الورق اللى كان عندها يخص قيصر وادته لمارك انطونيو كانت ست  خجوله وطيبه كانت اصغر من جوليا بنت قيصر دى من طيبتها كانت بتوصى بروتس انه يمنع قيصر يروح الاجتماع لانها خايفه عليه  المهم ان انطونيوس مكذبش خبر واستنفع اوى من الاوراق دى  ازاى؟ مثلا كان لسه مشترى قصر وبيماطل فى سداد تمنه  لكن بقدرة قادر سدد ديون عليه بمليون ونص دولار بقيمة الوقت الحالى   لما اتفتحت وصية قيصر كان موصى بكل ثروته الخاصه لاحفاد اخواته ال ٣ يعنى اكتافيوس مذكور اسمه بالتحديد  طبعا دا زعل انطونيوس ومع كل اللى بيقال انه اخده من فلوس ومزايا وزعها على معارفه و يقال انه  اضافه لاوراق قيصر بس بردو كان زعلان  ف الوقت ده كان رجع اكتافيوس زعلان على جده و زعلان من رد الجميل من رومتدا بعد ما حعلها سيدة العالم رجع روما وخافوا اهله عليه من اللى ممكن يعمله فيه انطونيو لانه كان معتبر نفسه وريث قيصر الوحيد مش بس فلوس لكن سلطه بس اكتافيوس سخر منهم  اكتافيوس كان شاب رقيق ولكن حا...

#اللي_يحتاجه_الببت_يحرم_ع_الجامع #الليله٤٤ كلامي عن الملح والكوسه والقاهره القديمه وجامع الضرايب فكروني بحكايه مثل كنا ظالمينه ونقول دا كفر وحرام  مع ان اللي قالوا المثل دا كان تفكيرهم ابسط من كده ونيتهم صافيه مش كفر والعياذ بالله  و الحكايه  ان عمو بتاع الضرايب  بتاع  مصلحتك اولا  بس فى زمن المماليك والعثمانيين  واللي كان اسمه المتولي لانه كان متولي جمع الضرايب او بيقولوا عليه الجامع للضرائب  وكان بيقعد علي باب زويله  دا من كتر ما كان واخده مقر له اتسمي باب زويله باسم بوابة المتولي  و كان متولى جمع الضرايب ده دابح المصريين ... بالضرايب بس المصريين اتشجعوا ومسكتوش   ... لا متفتكروش انهم قاموا بثوره لا قدر الله  احنا طيبين اوى يا خال  كل الحكايه انهم طلعوا المثل و ده لانهم كانوا بيعانوا من فقر شديد  فقالوا لما البيت يحتاج  الفلوس يبقي حرام عليك انك تديها لجامع الضرايب لان اللي يحتاجه البيت يحرم ع جامع الضرايب  اتكلمنا عن الضرايب مرتين  مره هنا لما قلنا    #ياخى_طز https://ebtsam-elsawee.b...

#الخيانه_حلقة٩ #الليله٣٩٦ #حتى_انت_يا_بروتس_القصه_الثانيه #الجزء_السادس متزعلوش على قيصر اوى يعنى  خليكم فرش وفرفيش زى ارملته كليوبترا ال٧  اللى اول ما قلبته عينت ابنها قيصرون بطليموس ال ١٥ ( اه اصل  بطليموس ال ١٤ اخوها الصغير التانى دخل ف النص كده  بعد موت بطليموس ال ١٣ كان عيل صغير عنده ١٢ سنه وبيقولوا مات مسموم تفتكروا مين اللى ممكن يخون اخوه الصغير التانى ويموته زى الاولانى ) المهم ان الملكه المصريه مضيعتش وقتها ودفنت حزنها ودموعها على يوليوس قيصر ف حضن مارك انتونيوس حبيبه وكبير قادته  فاكرينه دا اللى واحد من الخونه اسمه (تربونيوس)  سحبه وشغله ف نقاش علشان يأخره عن الاجتماع علشان مينقذش قيصر  مارك انتونيوس لما حس انه قصر ف حمايته محبش يقيصر مع مراته وعجبه جو اسكندريه ازاى ؟ دا اللى هنعرفه دلوقتى بصراحه بعد ما خصنا حكاية اشهر خيانه ف التاريخ   اللى افرادها كلهم تقريبا  اتخلدوا  الايطاليين خلدوهم بعد ما اتسمى على اسم يوليوس  شهر ف السنه ولقب الحكام من بعده    والانجليز خلدوهم بروايه لشكسبير  والامريكان خلدوهم بفيلم ...

#الشاطر_حسن_وست_الحسن_والجمال #الليله٤٣ #الجزء_الرابع_والاخير اخد الشاطر حسن الضفيره ولفها حوالين وسطه تحت الحزام و شال الشوال ومشى  المرادى رجع من سكه تانيه غير اللى جه منها مشى من بلد لبلد علشان يرجع لبلده ويرجع بالعلاج لوالده  وعدى على بلد ولقى المنادى بينادى  ويقول :  اللى عنده علاج لعيون بنت الملك يتقدم ولو عالجها له الهدايا والعطايا ولو ما عالجهاش هتتقطع رقبته وتتعلق على اسوار المدينه  وفعلا بيرفع راسه لقى متعلق على سور المدينه 99 راس  قرب الشاطر حسن من قصر الملك وسأل الحارس قاله ليه العقوبه الشديده دى  قاله الحارس : اصل من ساعة ما تعبت بنت الملك الوحيده وعنيها مبقتش تشوف بيها والملك حزن وقرر يقدم هديه كبيره للى يعالجها  بس اتقدم كتير من راغبى الثروه  من الجاهلين اللى تعبوا و اجهدوا الاميره لحد ما نفسيتها بقت وحشه ورفضت العلاج علشان كده الملك قرر إن اللى يفشل هتكون عقوبته الموت ودا ممنعش المغامرين انهم يتقدموا ودى كانت عقوبتهم  بس الشاطر حسن قاله بكل هدوء طب لو سمحت بلغ الملك انى هاعالج بنته باذن الله  الحارس استغرب من جرأته و...

#الشاطر_حسن_وست_الحسن_والجمال #الليله٤٣ #الجزء_التالت امنا الغوله قالت لولادها الاتنين انتوا اصطادتوا ايه قالولها : غزاله قالت لهم طب هاتوها عاوزاها اخوكوا ياكلها وروحوا دلوقتى اصطادوا حمار واى حاجه ناكلها احنا  مشى ولاد امنا الغوله وهى مسكت الغزاله شوتها و حطتها للشاطر حسن و صحته من النوم وقالت له : اصحى يا شاطر حسن قام الشاطر حسن وهو مش مصدق نفسه انه لسه عايش وان اللى بتقدمله الاكل هى امنا الغوله بنفسها ..... صحى واكل كان ميت من الجوع وكان ولاد الغوله جم ومعاهم حمار صايدينه  قالت لهم قطعوه اربع اجزاء  ولما قطعوه قالت للشاطر حسن خد معاك الحمار ده وروح عند شط البحر  ((النهر )) وهناك صفر هيطلعلك من الميه سيد قشطه ارميله ربع حمار هيتلهى فيه وياكله تقوم انت تركب على ضهره هيمشى بيك ف الميه ولما يخلص اللى بياكله ف  الميه هيتلفت علشان ياكل رجلك تروح انت رامى له ربع تانى من الحمار  وكل يتلفت تانى ترميله جزء لحد ما توصل للشط التانى ساعتها ترمي اخر ربع معاك وتنزل من على ضهره وهو مشغول ف الاكل ...  وبعد كده ربنا معاك يا بنى ... معرفش اساعدك اكتر من كده ... شال ا...

#الخيانه_حلقة٧ #الليله٣٩٤ #حتى_انت_يا_بروتس_القصه_الثانيه #الجزء_الرابع قبل بقى الفتره اللى كان فيها قيصر بيفتح البلاد ويخضع العباد  ويجعل من روما سيده على كل واد  كان هو وبومبى وكراسوس مشكلين اول حكومه ثلاثيه وكانت الدنيا حلوه ونسايب وحبايب  بس لما عم قيصر انشغل ال٩ سنين اللى بعدها بفتوحاته اللى حكيناها الليله اللى فاتت بدات الخلافات تظهر بينهم والبعيد عن العين بعيد عن القلب  وزادت الخلافات بين حلفاء الامس واللى زى ما قلنا انتهت بقتل بومبى على يد مستشارين بطليموس ال١٣ و كراسوس  كان مات قبلها  وكده رجع يوليوس قيصر ليعلن نفسه حاكم دكتاتورى هو قيصر من زمان هو وعيلته قبله كانوا بيكرهوا فكرة حكم البلاد من خلال اقليه من اعضاء مجلس الشيوخ بس سبحان الله يا اخى لما بقى جت ف ايده قرر يبقى دكتاتور ودا زعل المجلس منه  هو مش بس انه قرر انه يكون ديكتاتور  ولكن كمان ... ودا الاهم  بدأ يقفل عليهم صنابير الثراء اللى بيعبوا منها عباً من اموال روما .... زى ما نهينا الليله اللى فاتت قيصر كان عايز يبغدد  عامة الشعب من الرومان بس منين واللى جاى اول باول داخل...

#الشاطر_حسن_وست_الحسن_والجمال #الليله٤١ #الجزء_التانى وصل الشاطر حسن عند بيت الغول ومخافش وتقدم منه  وقاله :  السلام عليكم ورحمة الله وبركاته يا ابونا الغول  رد الغول وقاله : لولا سلامك سبق كلامك لأكلت لحمك قبل عضامك ، عاوز ايه ياشاطرحسن ؟؟ رد الشاطر حسن وقال عاوز اجيب ورق نبات الجلنجان اللى بيعالج العميان من قصر ست الحسن والجمال بنت الملك النعمان  قاله بص يا شاطر حسن انا معرفش توصل ازاى بس ممكن ابعتك عند اخويا اللى اكبر منى واهو اكبر منك بيوم يعرف عنك بسنه  شكره الشاطر حسن وكمل طريقه ووصل لاخو الغول اللى اكبر منه  وقاله : السلام عليكم ورحمة الله وبركاته يا ابونا الغول  رد الغول وقاله لولا سلامك سبق كلامك لاكلت لحمك قبل عضامك عاوز ايه يا شاطر حسن ؟  رد الشاطر حسن وقاله : عاوز اجيب ورق نبات الخلنجان اللى بيعالج داء العميان من قصر ست الحسن والجمال بنت الملك النعمان قاله : ياااه بس دا اللى اعرفه انه مكان خطير عمر ما حد راحه ورجع منه ....  بس اقولك انا هابعتك لاختى الاكبر منى واهه اكبر منك بيوم يعرف عنك بسنه  بس خلى بالك اختى بحالات لو روحت ...

#الخيانه_حلقة٦ #الليله٣٩٣ #حتى_انت_يا_بروتس_القصه_الثانيه #الجزء_الثالث علشان نبقى عارفين الواد بطليموس ال١٣ دا كان خِرع كده و البت كليوبترا ال٧ كانت ارجل منه  المهم اننا الليله اللى فاتت كنا قلنا ان بومبى هرب على مصر بعد هزيمته على ايد يوليوس قيصر على اساس انه كان بينه وبين حكام مصر علاقات جيده وكده من ايام بطليموس ال١٢ ما كان هربان عندهم من بورة الميريين ضده ... فاكرين   ويعنى يوم تهربوا عندنا ... ويوم نهرب عندكم والايام دول الا وف عز قعدة الأُنس دى و ذكريات بومبى مع مستشارين الملك وهو طمعان يعونوه بجيش يروح يعلم على يوليوس قيصر وهم بين اه ... وفاكر  و مسم ... و كانت ايام يا جناب القنصل ... والقعده حلوه و بيس  وهيئ وميئ وكده الا وجت لهم الاخبار ان يوليوس جاى متتبع للقنصل بومبى  ساعتها ...اذ فجأةً المستشارين اللى كانوا قاعدين مع عم بومبى واكلين شاربين سهرانين معربدين سوا  الا و راحوا مديين له بومبه وقتلوه  😅 على اساس ينتقموا من بومبى الوّحِش اللى مزعل حبيبنا قيصر العظيم  وحبوا انهم يزبطوا قيصر ويخلوا اسيادنا الرومان راضيين عليهم  الا ا...

#الشاطر_حسن_وست_الحسن_والجمال #الليله٤٠ #حواديت_امى #الجزء_الاول كان ياما كان يا فؤاد يا ابتسام ولا يحلا الكلام الا بذكر النبى عليه الصلاة والسلام كان فى راجل متجوز  من ست خلف منها ولدين حسين وحسونه وبعدين ماتت واتجوز واحده تانيه وخلفت ولد كمان وسماه حسن وبعد كده زوجته التانيه ماتت  وعاش الاب مع اولاده التلاته اللى كبروا و اسبحوا رجاله و ف يوم الاب حس بتعب ف عنيه وانه مبقاش يشوف بيهم  الولاد التلاته جابوا الحكيم علشان يعالج ابوهم بس للاسف الحكيم قالهم ان علاج عنين ابوكم من موجود ف اى مكان الا من نبات الخلنجان اللى  بيتزرع ف جنينه قصر ست الحسن والجمال بنت الملك النعمان  الشاطر حسن قال انا هاروح ادور عليه لحد ما اجيبه  وساعتها الشاطر حسين والشاطر حسونه  قالوا : يبقى نروح ندور على النبات ونجيب علاج ابونا لاننا احنا كمان بنحبه مش الشاطر حسن بس  مشيوا الاخوات التلاته وخرجوا من البلد و مشيوا ف طريق طويل وف نهاية الطريق لقوا شجره كبيره الطريق بعدها متقسم ل٣ طرق قعدوا تحت الشجره يرتاحوا واتفقوا انهم علشان يوصلوا للعلاج بسرعه لازم يقسموا نفسهم بين الطرق ال...

#الخيانه_حلقة٥ #الليله٣٩٢ #حتى_انت_يا_بروتس_القصه_الثانيه #الجزء_الثانى الفكره ان يوليوس قيصر كان بالفعل رجل عظيم عمل اللى محدش غيره عرف يعمله وحّد روما المتمزعه وحمىّ البلاد داخليا من الفتنه وخرج ورا بومبى وحاربه كتير لحد اخر معركه بينهم اللى كان جيش بومبى ٣ اضعاف جيش قيصر  بس قيصر انتصر مع ذلك واستسلم الاعداء ليوليوس قيصر اللى عفا عنهم بطريقه اعداؤه نفسهم قالوا لو كان احنا اللى انتصرنا مكناش هنبقى بالجدعنه دى مع يوليوس  لدرجة مثلاً انه لما دخل خيمة اعداؤه بعد انتصاره عليهم امر بحرق المراسلات اللى لقاها بينهم من غير ما يقراها  يعنى انسان عايش بلا ادنى قدر من فضول☹    بس فى حاجه ... فى واحد اسمه كاتو وهو من اعداء قيصر هرب على افريقيا علشان يكون جيش جديد ويرجع لقيصر    اما بومبى بعد هزيمته راح على مصر  وهنا بقى اسمحولى اخرج من قصة الخيانه دلوقتى وادخل معاكم كده على حبيبة قلبى مصر نرجع بالزمن كام سنه لورا كده قبل التاريخ اللى ذكرناه الليله اللى فاتت ...  مصر كان بيحكمها ملوك يونانيين او زى ما قلت قبل كده اغريق = يونانيين  ولان بالصدفه كده ...

#فاطيما #الليله٣٩ #الجزء_الثاني اتجوزت اخيرا من شهرين كانوا اصعب ٦ شهور مروا عليا  رجليا دابت من اللف ع المحلات علشان اجهز اللي عاوزاه  ايمن كان مستعجل  والحمد لله انا حامل دلوقتي  وزي ما بتقولوا انتهت مرحلة وهن علي وهن وبعد ايام هقابل ابني حبيبى  روحت للدكتوره وقالت ممكن اولد طبيعي ف اي وقت انا فرحانه اوي هاعمل حتة سبوع  بس المشكله اني لازم اعمل شعري علشان شكله باظ خالص بعد الجِلاد ما راح من عليه  هاقعد ادهنه وبعد ساعه ويرجع شعري سايح ونايح  ااااااااااه  بولد ااااالحققققققققوني .... ماما واخواتي وايمن اتلهوا فيا  الولاده متعسره اوي  بقالي  ساعات كتير .... بالظبط ٢٧  بولد لما روحي طلعت....  بس الحمد لله ربنا رزقني بواد زي القمر  ياااااه دانا نسيت الدهان علي شعري واتلهينا ف الولاده اما اقوم اغسله بقي  ايه ده شعري بقي كتله واحده  مش بتفك خالص عامل زي سلك الالومنيوم  اني واخواتي بيحاولوا معايا بس مفيش فايدة  الشعر كله كتله واحده  . .... زي ما يكون ساح ف بعض دول بيحاولوا يفكوه  بس بينزل ...

#الخيانه_حلقة٤ #الليله٣٩١ #حتى_انت_يا_بروتس_القصه_الثانيه هاخدكم فى رحله تانيه عبر الزمن  وزى ما اتكلمنا عن خيانة النعمان الاعور اللى خلدها التاريخ بمقولة ((جزاء سننمار )) هنتكلم عن خيانه تانيه خلدها التاريخ بمقولة حتى انت يا بروتس  مين بروتس ؟ وخان مين ؟ وامتى ؟ وفين ؟ ونبدأ الاجابه من اخر الاسئله لاولها  امتى؟ وفين ؟ احنا دلوقتى ف روما ٤٤ سنه قبل الميلاد تحديداً يوم ١٥ مارس ٤٤ق.م يعنى قبل مولد سيدنا عيسى ب ٤٤ سنه  مين اللى اتخان  ؟؟ يوليوس قيصر  طيب قبل ما نكمل ف موضوع الخيانه واسبابها تعالوا نعرف مين يوليوس قيصر ده  علشان نعرف اهميتة  دلوقتى نجم روما لمع بعد ما كانت عيلة صغيره  بتحبىّ وكانت بلاد اليونان مسيطره على البحر  المتوسط  افل نجم اليونان وبزغ نجم الرومان ف الافق وحيث ابتدت مما انتهى عنده الاغريق ( اليونانيين يعنى ) ف روما في الوقت ده كانت من اعظم البلاد في الديمقراطيه وكان عندهم نظام سياسي نادر في ترتيب الحكم بيعتمد على مجلس الشيوخ وان كان برده ما ميخلاش الامر من فرض الديكتاتوريه من آن لاخر من اللي بيحب انه يكون ديكتاتور ...

#فاطيما #الليله٣٨ #الجزء_الاول واحده بتحكيلي بتقولي شعر بنتها مش عاجبها علشان مش طالع ناعم زي شعر اخوها ودا مضايقها ومضايق البنوته  وبعد كلام كتير عن تنمر اقارب من العيله من نوعية  ان بنتك كارته  اوانها اموره بس لو شعرها ناعم  وعن حاجات كتير بعضها كيد وبعضها غيره وبعضها ايذاء نفسي كده تطوعي لوجه الشيطان لان الاذي لا يكون لوجه الله لان في اعتقادي دي اسائه ادب مع الله ف في الحديث  نرجع لموضوعنا  انا بعد ما انبتها انها بتوصل لبنتها الاحساس ده وتخلي البنت نفسها تنكسر وتحس انها قليله  وبعد ما اديتها شوية كلام مهذب وفي الوقت نفسه حازم وقاطع مع اي حد يتنمر ببنتي وشكلها  من امثلته :  *اتعيب الصنعه ام تعيب الصانع * واللي ف ايده يخلق نمله ولا ضفر يعيب علي خلقة ربنا  * وملاقوش ف الورد عيب * وانتي ازاي تعيبي علي حاجه مش ف ايدنا نعملها  ولو ربنا كان عاوزه ناعم كان خلقه ناعم  وكتير علي نفس النوعيه والمنوال وحسب المسافه اللي بينك وبين اللي بتكلمك اصدقاء مثلا او من سن بعض  ولا طنط من الطنطات اللي ممكن يسموا بدنك بس مينفعش نرد بكلام يجرحهم...