الف حكايه وحكايه مع ابتسام الصاوى

#سوسن_والهديه #الليله٤٢٧ #الجزء_الثانى  كانت الهديه ... فستان  فستان ازرق لون يونيفورم المدرسه وشكله  بس جديد ونضيف  سوسن فرحت مش بس علشان هديه ولكن علشان حاجه محتاجاها  مش ناسيه سوسن قبل بداية السنه لما طلبت من مامتها وباباها يخرجوا يشتروا لها فستان جديد وساعتها مامتها قالت حاضر  وبابا قال  من عنيا يا حبيبتى بس فضلوا يوم يجر يوم ومره يرجعوا متأخرين ومره يرجعوا تعبانين ومره ينسوا وفضلوا على كده لحد ليلة بداية الدراسه  ولما فكرت سوسن مامتها ان بكره بداية الدراسه الام اتفاجات واتخضت وكانت زعلانه من نفسها وكانت عاوزه تخرج تشتريه ساعتها  بس سوسن شافتها اد ايه تعبانه  وقالت لها خلاص يا ماما انا هالبس بتاع السنه اللى فاتت عموماً انا مكبرتش كتير وهو لسه قدى وطلعته من الدولاب كان مكسر ومش مكوى ولما راحت توريه لمامتها لقتها نامت وهى قاعده اخدتها من ايدها وودتها على سريرها ورجعت نامت والصبح لبست الفستان وهو قديم ومش مكوى وشعرها سرحته بنفسها على قد ما تعرف وكملت كل يوم فى الدراسه زى اليوم ده  افتكرت سوسن كل ده وهى ماسكه الفستان هدي...

#عاوز_تهزق_راجل_سلط_عليه_ست_عاوز_تهزق_ست_سلط_عليها_عيل #الليله٧٧ اصل الطفل مالوش سقف ومش بيخاف ولا بيراعي منطق الكبار ولا حسابتهم ممكن نكون كلنا اتعرضنا لمواقف العيال كسفونا قدام الناس ودول ممكن يكونوا ولادنا ف اغلب الاحيان  واكيد هم مش قاصدين فما بالك بقي لو كان عيل متسلط واكيد هيكون عيل شوارع او مش متربي اساسا مالوش كتالوج ويقدر يبتكر طرق للبهدله للي قدامه اما بقي الراجل فسيب عليه ست  طبعا مش اي ست لازم تكون شرشوحه  علشان  تردحله  و تفرشله الملايه  وتفضل تقوله ياادلعدي ...  وشوباش  واحمد يا عمر  وتجرسه من الاخر  طب واحده واحده كده تعالوا نشوف اصل الرصه اللى رصيتها دى  ونشوف كل كلمه ومعناها او سببها  #ا_شرشوحه  بعد البحث ملقيناش لها اصل عربي صرف ف المعاجم  كل الحكايه ان لما حد يشرشح حد يعني يقلل منه ويسلب منه الصفات الحميده وينعته بالصفات المزمومه يهينه ويهزقه يعني  وعلشان نبقي فاهمين الشرشحه دي كانت مهنه  وصاحبتها مشهورة وممكن تأجرها بالفلوس لو عايز  او تقف مع حبايبها جدعنه كده  ودا بانها تروح ت...

#سوسن #الليله٤٢٦ كان ياما كان في بنوته ف   ابتدائي ملامحها حلوه واموره  كانت دايماً هاديه ومؤدبه ومع ان الصفات دى كانت المفروض انها تحبب زميلاتها فيها لكن كان العكس بيحصل زمايلها دايماً بيتجنبوها ومش بيكلموها ولا يخلوها تقعد على نفس الديسك معاهم  كانوا من اول السنه يجمعوا بعض شِلل تقعد جنب بعض ويقعدوا ف الفسحه سوا يلعبوا سوا  اما سوسن ودا كان اسمها  فمكانوش بيقربوا منها  لا يرضوا تقرب منهم سوسن بما انها كانت هاديه كانت بتقعد لوحدها ومش بتشتكى فى الحصه و ...الفسحه و ف ... الديسك و ...حصص الالعاب والترفيه  كانت فى الوقت ده مس سعاد مدرسة الفصل شايفه وملاحظه واخدت بالها من معاملة البنات لسوسن  واخدت بالها كمان ليه بيعاملوها كده  اللى لاحظته مس سعاد على سوسن انها دايما مش مهتمه بنفسها  يعنى مثلا الفستان لونه ازرق باهت وشكله قديم و مش جديد ولونه غامق زى باقى لبس بنات المدرسه  كمان مس سعاد كانت ملاحظه ان سوسن دي كانت دايما شعرها مش متسرح حلو  لكن كانت دايماً منكوشه ممكن تكون بتتسرح مره ولا مرتين ف الاسبوع ومش بيفرق كتير شكلها قبل...

#هاجر_الاميره_المصريه_ام_العرب #الليله٧٦ #الجزء_الخامس  استقرت الحياه بام اسماعيل فى مكه  وبقى لها جيران قبيلة جٌرهم  وبقى جوزها سيدنا ابراهيم بتنقل بين مكه وبين ارض فلسطين و كمان   كبر ابنها وبقى ف سن الصبا  السن اللى بتبدأ تحصد فيه تعبك ف تربية اولادك ... وتفرح بزرع عمرك   ابو الانبياء رأى فى المنام انه بيدبح اسماعيل ورؤى الانبياء حق ودا له مده بيتكرر عليه نفس الرؤيا  - تعالى يابنى انى ارى فى المنام انى اذبحك  اليهود بالمناسبه بينسبوا حادث الذبح لسيدنا اسحق ابو سيدنا يعقوب  (( وسيدنا يعقوب له اسم تانى هو اسرائيل علشان كده هم اسمهم اللى ذكر فى القرآن هو بنى اسرائيل و المقصود بهم ال١٢ ابن ليعقوب اللى هو سيدنا يوسف واخواته وسموا بلدهم الجديده اسرائيل نسبة لاسمه )) ولكن لهذا حكايه اخرى 😅 ودا دأبهم انهم يعملوا كل البلاوى وينسبوا لنفسهم كل الفضائل  ولنا ف قصه طالوت مثال  #طالوت ج١ https://www.facebook.com/102264164820545/posts/114250100288618/ ج٢ https://www.facebook.com/102264164820545/posts/114969946883300/ ج٣ https://www.f...

#السراب #الليله٤٢٥ السراب .... القصه اللى كانت النهارده بتتعاد كانت زى ما انتم عارفين عن امنا هاجر والسعى بين الصفا والمروه واللى كان سببه انها بتشوف ميه  فتجرى لها لحد ما عملت ال٧ اشواط المشهوره طب ايه هو السراب ؟  السراب هو ظاهرة بصرية وهمية بتحصل بسبب ان   أشعة الشمس بتنكسر ف الهوا  بسبب اختلاف درجات حرارة الهوا فوق الارض البعيده عنها نسبيا  حيث تكون طبقة الهواء القريبة من الطريق أشد حرارة وسخونة من اللي فوقيها ابسطهالك  عارفين التجربه بتاعة انكسار القلم ف الكوب اللى كنا بناخدها ف ابتدائى  وقلنا ان الضوء بينكسر لما بيتنقل من وسط الهوا لوسط الميه فبيبان ان القلم هو اللى مكسور  اهو الهوا اللى قريب من الارض بيكون اسخن من الهوا اللى فوقه  علشان كده الضوء بيخلى الارض تبان ان عليها ميه ولما توصل لها تلاقى الميه مشيت من مكانها    فلو كنت ف صحرا هنشوف كأن فى ميه وهنفتكرها واحه ونجرى عليها بس لما نوصل منلاقيش الا رمل متهيألى لو كان معانا ميه واكل ومش ناقصنا حاجه مكناش جرينا على السراب ندور ع الواحه الوهميه  ودى الظاهره اللى تلاع...

#هاجر_الاميره_المصريه_ام_العرب #الليله٧٥ #الجزء_الرابع   وترجع تانى الدنيا تدور وشها لهاجر وتقفل ف وشها لما خلصت الميه وخلص البلح ومتلاقيش فى صدرها لبن لابنها وتلاقى نفسها محتاسه  اه لن يضيعنا الله  بس لازم ناخد بالاسباب  مستناش الميه تيجى لحد عندى  وعملت رحلتها المشهورة بين جبلى الصفا والمروه  وتلعب بيها الطبيعه ويتهيألها من السراب ان فى زرع فوق جبل الصفا  وتطلع فوق الجبل وبعدين ما تلاقيش حاجه  ويلعب  عليها السراب تانى وتشوف زرع على جبل المروه  وتعمل رحلة السبع اشواط الشهيره  - اللى ربنا كرّم  بيها هاجر وجعلها من مناسك الحج حتى يوم القيامه - وتاخد بالها انها سايبه  ابنها دا كله  بتجرى علشان  تشوفه ضارى اكله  ولا مات من كتر الجوع والعطش ونحرة القلب من العياط  بس لما راحت له لقته لا بيعيط ولا حاجه  لقته شارب ومروى ومبسوط  وساكت ولقت الميه حواليه الست العاقله المدبره متخدعتش بكتر الميه  اللى عاشت حياه الملوك وبعدين حياة الجوارى ... اللى عاشت حياة زوجه النبى وبعدين حياة الضياع مع ابنها ف الص...

#كفته_حمرا_اوى #الليله٤٢٤ حدوتة النهارده حقيقيه حكتها امى نقلا عن خالتى الكبيره الله يرحمهم جميعا  معرفش صلة خالتى بالحكايه ايه بس هى مش بتاعتها يمكن كانت جارتها او ان الحكاية اتحكت لها بس المهم هى مش من اطراف القصه ولكن بتقوم بدور الراوى القصد ... الست بطلة الحكايه دى كانت  متدلعه ف بيت اهلها من البنات اللى عايشه ف بيت اهلها عيشه البط بتاع محمد ثروت ف غنوة جدو عبدو البت تقوم فرحانه م النوم تغطس وتعوم وهات يا لعب  يعنى لا بتدخل مطبخ ولا تتعلم طبخه  و بالتالى مكانتش اتعلمت اى حاجه قبل  الجواز اى حاجه ولا حتى اخدت ف جهازها كتاب ابله نظيره زى اى بنوته شاطره ف العصر ده اللى  هو النصف الاول من القرن الماض  حيث لا تليفزيون وبرامج طبخ وبحبك اوى يا شيف و طبعا مفيش موبايل ولا نت ولا حتى كانت فاطمه الحاتى  مامتها لسه ماتولدتش  وبالتالى معندهاش اى وسيله تعمل منها اكله لجوزها الا انها تسأل  وتسأل مين؟ واحده جارتها ... ست كبيره وخبره وتاخد منها الطريقه و فضلت على كده كل يوم  كل يوم ...  كل ما تيجى تعمل اى اكل مهما كان بسيط  تروح لجارته...

#هاجر_الاميره_المصريه_ام_العرب #الليله٧٤ #الجزء_الثالث - وخلفت هاجر والدنيا عماله تديها جابت ولد خلت نبى الله تقر عينه بالذريه ويتملى البيت بصوت صغير فرحهم كلهم   الشيطان يسكت لاء دخل لامنا ساره  خلاها تغير من الرضيع وامه ...  فكرت سيدنا ابراهيم بشرط الجواز كان زمان فى شروط عند الزواج ويلزم بها الزوج ولا يحق له مخافتها وكانت السيده ساره شارطه ف عهد الزوج انه لا يتزوج عليها ، وبما انها هى اللى اصرت على زواجه من السيده هاجر فبكده كان زواجه ممكن  بس ستات بقى😅  حتى لو كانت زوجة نبى  واستغرب سيدنا ابراهيم :  -- لا اله الا الله مش انتى يا ستى اللى طلبتى انى اتجوزها علشان الولد وادينى اتجوزتها والولد جه  = لاء الشرط شرط متجمعش عليا زوجه تانيه  --طب والحل يا رب  ربنا قاله خدها هى وابنها ووديهم عند البيت الحرام  اللى  بناه سيدنا ادم بنفسه بمساعدة الملائكه  ويقال ان اللى بنته الملائكه قبل سيدنا ادم و الله اعلى و اعلم   ولان دوام الحال من المحال المرادى اتشردت تانى بس المرادى ومعاها رضيع ... جوزها خدها وسابها ومعاها ك...

#حدوتة_ست_محترمه #الليله٤٢٣ كنت مره ف حوار مع واحده وبنتكلم عن فكرة الخيانه الزوجيه والكلام جاب بعضه  وازى ان ست متجوزه تقبل على نفسها تعمل كده وتخون جوزها يعنى مفيش ما يبرر الذنب لكن الحجه انها وحيده او محتاجه لراجل  انما اللى متجوزه ليه تعرف راجل تانى وتخون زوجها  واهلها واولادها وتعرض سمعتهم كلهم للمرمطه  والاهم تخون ربها و تسيئ لدينها  وافتكرت حكايه كانت ماما بتحكيها ليا زمان    كان ياما كان فى ست زمان  محترمه💃 جوزها كان  عارف كده والرجاله👬🧍🧍‍♂️🧑‍🤝‍🧑  اللى تعرفهم بردو كانوا  عارفين كده ... انها ست محترمه اه اصلهم مش واحد دول كانوا شله  وطبعاً هى كانت شاطره وكانت بتعرف تمشى امورها وتنظم المرور🛃  و تفهم كل واحد منهم انها بتحبه هو  بس🚻 انها مضطره تكمل مع زوجها علشان العيال  والشكل الاجتماعى وكدزه و طبعا مفهمه جوزها ان  هو اللى ف حياتها وانها زوجه محبه ومخلصه وبلا ... بلا .. بلاااا🤗 المهم ان الزوج المخدوع سافر وهى رتبت تعمل  سهره مع احد اصدقائها وفعلا اتفقت مع تاجر  القماش👨 انه ييجى النه...

#هاجر_الاميره_المصريه_ام_العرب #الليله٧٣ #الجزء_الثانى بس اللى ميعرفوش الفرعون ان الراجل اللى حبسه ده هو  نبى الله وخليله سيدنا ابراهيم عليه السلام وان اللى معاه دى ستنا ساره بنت عمه وزوجته  السيده ساره كانت شديده الجمال  والفرعون طمع فيها  بس لما قرب منها كانت بتدعى ربنا يحميها منه  وربنا حفظها وشل دراعه و خاف فرعون وبعد   وقالها : خلاص مش هقربلك بس ادعى ربك يخلى الشلل يروح ... وراح الشلل .. ورجع الطمع .. ورجع الفرعون  يقرب  ورجع يتشل واتكررت الحكايه 3 مرات لما ايقن الفرعون انه مش هيقدر يقربلها باى سوء  وحس ان الاله بتاعها قوى و انه فعلاً حاميها  وعلشان يرضيها خرج سيدنا ابراهيم من السجن وقدم لها هديه بسيطه  الجاريه اللى كانت بتقوم على خدمتها  يا ترى الجاريه دى مين ؟؟؟ اه الاميره المخطوفه كانت بتخدمها وشافتها وهى بتصلى وبتدعى ربنا وعرفت عن دينها وزوجها نبى الله وامنت به  ولما لقتها ستنا هاجر امنت بربنا خافت عليها تفضل ف قصر الملك الظالم وقبلتها كهديه من الملك   ورجعت ساره وزوجها وهديتهم الجاريه اللى اتغير حياتها ...

#ابو_زيد_الهلالى  #الليله٤٢٢ #الجزء_الخامس_ونهاية_الفصل_الاول استجاب رزق للامير سرحان وجاب القبائل اللى رفضت تهاجر مع سرحان وراحوا يساندوا بلدياتهم قصاد الشاب ده    هتقولوا هم مش قبيله واحده  اه بس كل قبيله متقسمه لفروع وبطون بس بيكون كل مجموعه بتنتمى لاصل واحد بتعتبر قبيله واحده  وفي الطريق لقبايل الزحلان كان  المرسال اللي جاى علشان يعرفه الطريق قرب  انه يخليه يقتنع أن بركات يبقى ابنه من الوصف والكلام   الامير رزق كان مستغرب هو ليه اسمه بركات اذا كنت انا مسمى ابنى ابو زيد ووصل .... و دعا بركات إلى النزال  واتقدم الأب ينازل ابنه وهو جواه شك أنه ابنه اما طبعا بركات فكان يجهل تماماً إنه هيحارب ابوه و هو بيظن أنه عدوه اللى  قتل أبوه وفضل الأمير رزق يأجل المبارزة يوم بعد يوم ولكن لامتى يعنى مش هيستمر  في كده كتير  ورضي ف النهايه  لانه بتأجيله ده هيبان انه خايف  واتبارزوا  وغلبه بركات ورماه عن فرسه ولكن  مقتلهوش لأن أمه موصياه انه ميقتلهوش   و لكن ف النهايه اضطرت الأميرة خضرة أنها تحكيله الحقيقة وعرفتهم...

#هاجر_الاميره_المصريه_ام_العرب #الليله٧٢ كالعاده قصه فيها تشويق ... مش مجرد سرد للتاريخ ولكن حدوته حلوه فيها احداث وصراعات    تبدأ حدوتتنا  ببنوته هاديه ومؤدبه ورقيقه  وفوق ده اميره عايش ف القصر الملكى ... عندها كل اللى تتمناه اى بنت ف الدنيا  بس دوام الحال من المحال بيحاربوا مملكه مجاوره وبيتهزموا و الاعداء بياخدوها اسيره  وفجاه  بتتحول من اميره فى قصر ابوها الملك لجاريه ذليله ف قصر العدو والاميره يقال من النوبه  اويقال من الفرما اللى هى بورسعيد دلوقتى واللى بينسبوها للنوبه بيرجعوا ده لاسمها المكون من مقطعين  ( ها ) ودى اسم زهرة اللوتس بالهيروغليفى  اما ( جر ) فهو فى التوراه بمعنى جب اللى هى مصر  ويبقى معنى الاسم  زهرة اللوتس المصريه (( علفكره اسم سوسن هو الاسم الحديث لاسم زهرة اللوتس  )) وكمان اللى بيقولوا انها نوبيه بيرجعوا ده لانها كانت بتلبس توب بيجرجر على الارض ودى عادة نوبيه عموما سواء كانت نوبيه او من الدلتا المهم انها مصريه وانها  بعد العزه والملك ف بيت ابوها بقت اسيره  لاء ... مش اسره بقت جاريه  اص...

#اسماء_بنت_عميس  #الليله٧١ #الجزء_الثالث والحياه بتستمر وزى ما فيها المرض والموت اللى بنصبر فيهم ... فنُأجر  زى ما صبرت اسماء  الحياه فيها الزوج والاولاد وشكر النعمه   وعاشت اسماء تشكر ربنا  واصبح اولادها من جعفر وابنها من ابو بكر واولادها من علي كلهم ف بيت واحد ولهم اب واحد مبيفرقش ببن اولاده كلهم هو علىّ بن ابى طالب مع ابناؤه من السيده فاطمه وفي يوم  اختلف ابناها محمد بن جعفر ومحمد بن ابى بكر  ، كل واحد بيقول ان ابوه احسن من ابو التانى  ويطلب منها سيدنا على التدخل وفض الاشتباك  وتعالوا نسمع اللى حصل كده ....🦻 عن زكريا بن أبي زائدة : سمعت عامرا يقول : تزوج عليّ اسماء بنت عميس ، فتفاخر ابناها : محمد بن أبي بكر ، ومحمد بن جعفر ، فقال كل منهما : أنا أكرم منك ، وأبي خير من أبيك . قال :  فقال لها علي : اقضي بينهما ، قالت : ما رأيت شابا من العرب خيرا من جعفر ، ولا رأيت كهلا خيرا من أبي بكر .  فقال علي : ما تركت لنا شيئا ؛ ولو قلت غير الذي قلت لمقتك . قالت : إن ثلاثة أنت أخسهم خيار . يعنى بتمدحيهم هم الاتنين ومسيبتيش ليا حاجه م...

#ابو_زيد_الهلالى  #الليله٤٢٠ #الجزء_الثالث فلما سأل بركات امه عن معنى جملة الامير فضل واللى اغلى من ابنى  ويعنى ايه اغلى من ابنى هو انا مش ابنه ؟؟؟    فقالتله أن الأمير فضل يبقى خاله  وأن أباه قتله عربي من بني هلال اسمه  رزق بن نائل اللى هو ابوه وافتكرت  و المتها الذكرى وقعدت تحكى عن وجعها واللى شافته  وإتأثر بركات  بالقصة دى وأصبح كل همه  أنه يقتل أبوه رزق بن نائل وهو  معتقد أنه هو اللى قتل أبوه و اعطاه الأمير فضل بركات احسن  خيوله و علمه فنون الحرب والصيد وكل اللى بيتعلمه  الرجال فى بيئتهم  وبسرعه  امتاز في الفروسية و تفوق على رجالة القبيلة بمهارته لدرجة انهم كانوا بيغيروا منه  جت جماعة من قبيلة تيدمة  أغاروا على قبيلته ف هزمهم وقتل زعيمهم عتوان بن داغر فزعلوا😢 ومش يتلموا بقى ويعرفوا انه عضمة ناشفه على صغر عمره   لاء دول اغاروا مره تانيه ف هزمهم بردوا   فزعلوا 😢 وراحوا عند الصليدي ملك مدينتهم يعيطوا ويستنجدوا به  فالصليدي بقى  زعلان 😢 ووصى عليهم جسار بن جاسر و دا ...

#اسماء_بنت_عميس #الليله٧٠ #الجزء_الثانى عاشت تربى اولاها ومر سنتين  وتوفت ام رومان زوجة ابوبكر الصديق فزوج الرسول صلى الله عليه وسلم اسماء من ابو بكر الصديق بناء عن طلب ابو بكر لها  وفى هنا حكايه لطيفه نحب نحكيها عن امنا ميمونه بنت الحارث اللى قولنا انها كانت اخت اسماء بنت عميس من الام ولها اخت اخرى هى ام الفضل لبابه الكبرى  اللى السيده ميمونه اسرت لها انها تحب رسول الله وتتمنى ان تتزوجه  وعلشان كده فاختها ام الفضل اسرت الى زوجها العباس عم الرسول صلى الله عليه وسلم وقبل الرسول صلى الله عليه وسلم ابلغتها اختها بالبشاره وامهرها صلى الله عليه وسلم ب٤٠٠ درهم وانتقلت لبيت النبوه وكانت الثانيه التى تطلب الزواج من الرسول صلى الله عليه وسلم بعد امنا خديجه  وعاشات امنا ميمونه (اللى كان اسمها بره فغيره صلى الله عليه وسلم اللى ميمونه )   وبكده صارت اسماء اخت ٢ من امهات المؤمنين نرجع لاسماء بنت عميس اللى كانت اثناء حجه الوداع  بتنجب لابو بكر الصديق  ابنه محمد بن ابى بكر  ومادمنا ذكرنا حجة الوداع يبقى فاضل على انتقال الرسول صلى الله عليه وسلم كام شهر...

#اسماء_بنت_عميس #الليله٦٩ #الجزء_الاول حكايتها جميله  كلها صبر ورضا والم فقد ومعاناه  انها اسماء بنت عميس  شابه جميله دخلت ف الاسلام ف اوله خالص قبل ما ذهاب الرسول لدار الارقم  اى فى اول ٣ سنين للدعوه لما كانت سريه تزوجت من جعفر ابن ابى طالب الشاب المسلم المهذب ابن عم النبى  بس كفار قريش ماسابوهمش ف حالهم  اذى .. وقهر ... ومعاناه علشان كده كانت الهجره للحبشه لان الرسول صلي الله عليه وسلم قال ان فيها ملك لن يظلم عنده احد  لمت بنت الحسب والنسب حاجتها وهاجرت مع زوجها عاشت هناك كتير ....  قول  تقريبا ١٢ سنه بينشروا الاسلام ويطيعوا الله ورسوله  ولما هاجر صلى الله عليه وسلم للمدينه ارسل لهم يرجعوا كانت خلفت ٣ اطفال عبد الله ومحمد وعون  وطبعا كلام الرسول امر وترجع تانى  لسفر جديد وبلد جديده وغربه جديده بس غربة ايه وهى ربها ودينها ف قلبها  وهتكون ف صحبة رسول الله صلى الله عليه وسلم  ومعاها جوزها وولادها يهاجروا ع المدينه سنه ٧ هجريه وبكده خدت لقب ذات الهجرتين   خلال الفتره اللى بعد هجرة الرسول صلى الله عليه وسلم للمدينه ...

#ابو_زيد_الهلالى  #الليله٤١٩ #الجزء_الثانى  يختار الامير رزق انه يطلق مراته اللى بيحبها  بعد ما أكرهوه قومه من الزغيبه على تطليقها  علشان  مايجرش العار بسببها على قبيلته كلها  وبعتها هي وابنها وبعض جواريه اللائي استأذنوا انهم يبقوا معها ودا في حراسة شيخ اسمه منيع علشان يوصلوها لأبوها فى مكة وبعد ما بعدوا شويه كتيره عن مضارب قبيله جوزها و خيمت المجموعة يريحوا شويه  في وادى ويكملوا  سفر كعادة السفر زمان   فساعتها إتوسلت الأميرة خضرة، للشيخ منيع أنه يسمح لها انها تفضل في المكان ده  لأنها طبعا خايفه تروح لأبوها وهى في  الظروف دى   وعدى وقت  و مر بيهم الأمير فضل بن بيسم ودا يبقى زعيم قبيلة الزحلان   وسمع قصتها وصدقها  وقرر حمايتها ومساعدتها   وبعدين بعت لهم زوجته الأميرة لعج البهية جابت  الأميرة خضرة وابنها وجواريها واتبنّى الأمير فضل الولد (بركات ابن رزق) ورباه مع ولاده  واهتم برعايتة زى ما يكون ابوه  وكبر الولد الاسمر اللى كان ابوه مسميه  ابوزيد وهو فاكر ان الامير فضل ابو...

#اسماء_بنت_عميس_ #مقدمه #الليله٦٨ عندى فزورة🙃🧩  حلوه صغيوره 🙋‍♀️ لو حد جاوبها 👍 هاحكى حكايتها🗯💭🗨🎭 من هى ❓⁉️  زوجة الاخوين👨‍👦 وزوجة الخليفتين👳‍♂️👳‍♂️  واخت ٢ من امهات المؤمنين ❤❤ وصاحبة الهجرتين🚣‍♀️🏇 وزوجة الشهيدين🦱🦰  وازواجها الثلاثه من المبشرين بالجنه❤🤍💚 اجابة الفزوره هى السيده اسماء بنت عميس  مين دى ؟؟؟ وحكايتها ايه ؟؟؟ هنعرف  بس الاول هنتكلم عن واحده تانيه كمدخل كده للقصه  واللى بيفكر ان القصص الدينيه ممله او يعنى هيزهق من الحدوته دى فانا اوعده بقصه كلها دراما و تشويق واكشن و احيانا كوميديا  نرجع للست اللى هنفتح بيها الموضوع  السيده هند بنت عوف بنت زهير  ام اسماء بنت عميس  السيده هند دى تزوجت ٣ مرات وانجبت من كل ازواجها  وناسبت خير من عاشوا فى فترة حياتها  فزوجت الرسول صلى الله عليه وسلم ابنتيها  ( ١ ) ام المؤمنين زينب بنت خزيمه ام المساكين  تزوجها صلى الله عليه وسلم سنه ٣ هجريه وتوفيت ٤ هجريه  اقامت فى بيت النبوه ٨ اشهر تقريبا وتوفاها الله  وهى اخت اسماء بنت عميس من الا...

#ابو_زيد_الهلالى  #الليله٤١٨ لو قلت كلمة السيره  هيخطر ف دماغ اللى بيسمعك حاجه من اتنين طبعا ف الاول السيره النبويه المشرفه لسيدنا محمد صلى الله عليه وسلم  ولو قلت لاء مش دى  علطول هيقول السيره الهلاليه  سيرة ابو زيد الهلالى سلامه  ابوزيد دا بطل عربى عشقه الناس زمان وكانت حكايته بتتحكى على القهاوى بيحكيها الراوى  ودا كان بطل الليالى ونجم السهرات قبل التليفزيون والراديو وقبل اختراع الكازينوهات واماكن السهر على راى عمرو دياب  طب مين ابو زيد ؟ اصله ايه ؟ نسبه لمين ؟ وتعالوا ندخل ف اطول قصة عرفها الموروث الشعبى  بتصل عدد ابياتها لمليون بيت سعر  اه قرأت صح ١٠٠٠٠٠٠ ست اصفار  طبعا هاحكيهم كلهم  😂😂😂 بهزر مش  كلهم كان ياما كان فى بلاد العرب زمان بين القرنين   الرابع و الخامس الهجرى يعنى لما كان العباسيين بيحكموا فى بلاد العراق والفاطميين بيحكموا مصر بلاد الحجاز والمغرب  كان فى امير اسمه الأمير رزق ابن نائل وكان  عم الملك سرحان  ملك بني هلال اصلهم من بلاد السرو ف اليمن ومنها الهلاليه خلف الامير منذر الهلا...

#مارلين_مونرو #اوبرا_ونفرى #الليله٦٧ مارلين ..بحبها اوى ..  بحب كل افلامها مهما نكبر مننساش : البعض يفضلونها ساخنه ... والبعض يفضلونها شقراء .. وهرشة السنه السابعه ... وغيرهم  وعلى اد بساطة الاداء الا ان كان عندها  كم من الطفوله صارخة الاغراء ف مكس غريب محدش عرف يعمل زيه و يا مكتر من قلدوها  بس دايماً صعبانه عليا مع ان طفولتها وبداية شبابها اللى بتتشابه كتير مع اوبرا ونفرى  الاتنين عاشوا طفوله فقيره وصعبه وابوين بدون زواج الاتنين تم اغتصابهم  ف طفولتهم (9 ) سنين الاتنين وحمل واجهاض ومشاكل كتيره تدمر اى ست وتطلعها مكسوره  الاتنين طلعوا من تحت اوى من افقر طبقات المجتمع المهمشه والمحتقره ف المجتمع الامريكى  ولكن  قدروا يبقوا ايقونات مش ف امريكا بس ف العالم كله اللى حصل بعد كده ان مارلين فجأه نسيت قوتها وسلمت نفسها للاخوين كنيدى اللى باعوا واشتروا فيها وبقوا ييلعبوا بيها ويشقطوها لبعض وانتهت مقتوله او منتحره المهم انها وهى فوق قمة العالم نزلت متحطمه  فى المقابل اوبرا ونفرى السوداء اللى معندهاش كتير من المقومات الجماليه اللى كانت عند مارلين ب...

#متجر_بيع_الزوجات_سوق_الحلاوه #الليله٤١٧ منقول_بتصرف_شديد😂😂😂 في مدينه من المدن  افتتحوا  مول بيبيع العرايس  ( زواجات المستقبل )  هناك يقدر  الراجل انه يختار زوجته بنفسه  على شرط  ان يدفع  دولارا واحدا علشان يطلع كل دور  ومن بين التعليمات اللي اتحطت في المدخل لتوضيح  أسلوب التعامل ف  المول : ١ - أن كل راجل له فرصة واحده بس لدخول  المول ! ٢ - وانه ممكن انه  يختار العروسه ( زوجه المستقبل) من أى دور يعدى عليه  او لو معجبهوش يطلع  للدور اللى فوق منه  ويدفع دولار زياده    ٣ - ولكن مينفعش انه ينزل للدور اللى تحته   دخل راجل المول علشان يختار زوجه  ... وفى مدخل الدور الأول  كانت المواصفات :   البنات هنا  ١ -  جميلات   ٢-  عندهم خبره ممتازه  فى اعمال المنزل   ٣ - متدينات  قرر يدفع الدولار التانى ويشوف ايه اللى ممكن يضاف للمواصفات الهايله دى و اللى هى حلم كل الشباب  وطلع الدور التانى   وفى مدخل الدور الثاني عبارة : ك...