الف حكايه وحكايه مع ابتسام الصاوى

#الحجاج_ج٢١ #الليله٥١٨ طبعا الحجاج اللئيم عمل خودعه وطلق ٢ من مرتاته حبايب قلبه ... ونور عيونه  طب ما انت كنت باربع عيون يا حجاج ... لاء مش لابس نضاره بس متجوز ٤ والحلم او الرؤيه بتاعتك انك هتفقد عينين  بس الناس لما بيفقدوا العنين البصر بيروح ... صح؟ و بكده العنين ميتعوضوش انما الزوجه بتتعوض عادى بس العينين مبيتعوضوش يا حلو  وبالتالى وباء على ما سبق  مجاش بالليل الا وكان واصله خبر موت اخوه محمد فاكرينه اللى كان بيحكم قبيله بنى عجل وغلط فيه  مجنون بنى عجل  وبعد شويه جاله خبر محمد ابنه  لم ينفعك لؤمك يا حجاج مع قدر الله  حكايه تانيه  كان مره الحجاج بيعوم ف نهر دجله  بيموت ف البلبطه عم الحجاج ده فاكرين الحكايه الاولانيه دى 👇 https://www.facebook.com/100022862494719/posts/1055132365258837/ الا وكان بيغرق ... تانى يا حجاج انت مش هتبطل غرق  يا عم حد يعلمه العوم ... او جيبوا له عوامه بطه  ايه ؟  مكانش فى عوامه بطه ؟ وكمان هم كانوا عاوزينه يغرق ؟ تمام ..تمام .. تما.... خلاص يا عم على الله حكايتك كمل غرق بقرى  بيكمل اهوه☺ حتى...

#الحجاج_ج٢٠ #الليله٥١٧ ايه ؟  دعاك من هو احسن منى ... مين دا يا رجل يا اعرابى انت ؟ رد الاعرابى قاله : الله سبحانه وتعالى دعانى اليوم لافطر على مائدته فانا صائم استغرب الحجاج من ثباته ومن ردوده  فقاله : فى حد يصوم ف يوم شديد الحراره مثل اليوم ؟ رد الاعرابى : اصومه اتقاء ليوم اشد منه حراره  اوبا سمعت عن يوم الحساب يا حجوج  والحجاج مش عاوز يسيبه فقاله : طب افطر النهارده واتغدى معايا وابقى صوم بكره  بمعنى ... انت مش كل يوم هتقابل الحجاج ويعزمك تتغدى معاه ... انما ممكن تصوم بكره الايام جايه كتير  خلى بالك من المغريات ...  ١ - مجالسة الحجاج والاكل معاه  ٢ - ويمكن الحجاج يعجب بك وتبقى من ندماؤه واصدقاؤه ٣ - اكل عمرك ما شوفت ولا هتشوف زيه ف عمرك ليوم مماتك ٤ - واخير قصر مظلل بدل حر الهجير اللى انت كنت نايم فيه  ٥ - دا لو مكانش الجوارى والعبيد شغالين يمروحوا عليك بريش النعام  ٦ - والعرض دا كله ليوم واحد يعنى مش هيتجدد تانى  بس الاعرابى رد وقال : أوتضمن لى ان اعيش للغد لاصومه ؟  واستأذن وخرج وهو سايب الحجاج مندهش من قوة ايمانه ومن ثباته...

#اوفى_من_السموأل_ج٤والاخير #الليله١٦٧ فى ايه يا راجل ؟ دا ابنك ... وصاحب الامانه مات خلاص دا الناس بتاكل الامانه واصحابها عايشين  المهم هو جمع اهل بيته وشاورهم  طبعا كله قاله اديله الدروع وانقذ ابنك  لما جه الصبح والمهله خلصت  قاله :  انا مقدرش اديك الدروع ... اعمل اللى انت عايزه  اقتل الاسير بس مش هفرط ف الامانه  وساعتها الملك دبح ابن السموأل و السموأل واقف فوق الحصن و شايف   طبعا مشى الملك لما لقى مفيش فايده وانه لو قتله هو شخصيا مش هيديله دروع امرؤ القيس وخد بالك هتقول وهو يعنى الملك ميقدرش يقتحم الحصن وياخد الدروع بالقوه  طبعا يقدر  بس  مينفعش لان دى كده هتبقى سرقه ومعيره وهيعير بها  بين العرب  اما لو اداهم له السموأل هتعدى الحكايه ان السموأل فرط ف الامانه والحكايه هتعدى وتتنسى  وبردو هو مكانش متخيل ان السموأل هيفرط ف ابنه وميفرطش ف الامانه والا مكانش عمل الريسك  ده واستحمل مخاطره ان يتفضح بين القبائل وحكايته تروى لحد الان  بس لما السموأل رفض يديله الدروع استفذه وكبرت ف دماغه انه ينتقم منه ف ضناه خد...

#الحجاج_ج١٩ #الليله٥١٦ طب اللى يعمل اللى حكيناه الليله اللى فاتت ف خادم النبى  صلى الله عليه وسلم ممكن يقول ايه على حفيده؟ هو ف مره كان قاعد كده الا وهبت ف دماغه فتوى   و يقول ان الحسين لا ينسب لرسول الله صلى الله عليه وسلم  قالوا له : ليه ؟ قال لهم : الرجل ينسب لابيه مش دا كدا عندنا احنا العرب؟  قالوا له : اه  قال : يبقى الحسين  ده ينسب لعلى بن ابى طالب متقولوليش ابن بنت رسول الله دى تانى😠 اصله مقهور من الحسين علشان حارب سيده عبد الملك  يعنى ما سبحان الله الحسين اخو الحسن بس الحسن بايع معاويه  انما الحسين رفض يبايع عبد الملك   طب هو انت لك ف الفتوى وفى اهم الصحابه والتابعين وعمرهم ما قالوا كده انت يادوبك معلم قرآن  للصبيه ولما ربنا فتحها عليك بقيت ف الشرطه وبعدين حروب ثم حكم فين بقى الافتاء ده جالك ازاى  المهم ... قاعد احد العلماء اسمه يحى بن معمر قاله : كذبت ايه ؟ بتقول لمين كذبت للحجاج ؟ هو انت يا مرحوم يحى اتجننت للدرجادى  ولا قررت الانتحار بطريقه غير مباشره معمر ايه بقى دا اجلك حضر كده ؟ طب يا ترى رد عليه الحجاج...

#اوفى_من_السموأل_ج٣ #الليله١٦٦ وقفنا عند ايه ؟؟؟🤔 اه ... فين دا كله من السموأل ؟؟  بتقولوا : انتى نسيتينا بتحكى عن ايه اصلاً؟ اه صحيح ... احنا بنحكى عن ايه ؟؟🤔 اه عن السموأل☺  الناس وصلها الخبر ان امرؤ القيس جلده بيقع و اطلقوا عليه ابو القروح  متنمرين 😂 و الاخبار انتشرت ان امرؤ القيس عيان  ف انقره وكل اللى فى كل شبه الجزيره عرف امرؤ القيس بيموت   امرؤ القيس بيكتب شعر ف المرحومه اللى ف القبر اللى هيبقى جنبه علشان ناوى يأنتم معاها لما يموت باين  اه والله الراجل مسموم و بيموت فمش هيلاقى واحده ترضى به وترضى تحبه وهو جلده بيقع  وعرف ان فى اميره لسه ميته ومدفونه جنبه فبدا يحبها ويحاول يقولها كلام حلو وشعر علشان تتعلق به ولما يموت ترضى تعيش !!!!  تعيش ايه ؟ قصى ترضى تموت معاه ولا فيه  تقريبا دا مفهومه عن انه يعمل لاخرته  المهم انه فضل بشعر و يقول  بحبك يا مزه  .:. حتى لو كنتى جثه  طبعا بهزر امرؤ القيس يقول مزه وجثه دا شعرى انا😎 هو قال :  أجارَتَنا إنَّ الخُطُوبَ تَنوبُ  وإني مُقِيمٌ ما أقامَ عَسِيبُ  أجارَتَنا ...

#الحجاج_ج١٨ #الليله٥١٥ انت متخيل راجل عاش ف صحبة الرسول صلى الله عليه وسلم ١٠ سنين راجل روى عن الرسول كتير من الاحاديث النبويه الشريفه  المهم عبد الملك بعد ما نده لابن المهاجر قاله خد الرسالتين دول واحده لانس والتانيه للحجاج وتروح لانس الاول وتديه رسالته واللى فيها يا ابا حمزه (لقب انس بن مالك) انى ارسلت للحجاج كتاباً بعد ان يصله سيكون اطوع لك من امتك خد بالك من تعمد مهانة الحجاج هيكون مطيع لك اكتر من جاريتك مقالش من عبدك لاء دا مثلة بالانثى وتخيل وصف زى ده على شخص زى الحجاج  وقاله انى قرات رسالتك وانى مصلتهوش عليك ولا امرته بالاساءه لك  فان عاد لذك اكتب لى  انزل به عقوبتى وتحسن لك معونتى  راح اسماعيل بن المهاجر للحجاج اللى فرح وقال مرحبا برجل احبه واحب لقائه  قاله ابن المهاجر وانا والله احب لقائك لو انى رأيتك فى غير ما جئتك به  طبعا اتخض الحجاج لانه عارف هو جاى من عند مين  والتانى كمل  غادرت امير المؤمنين وهو اشد الناس غضباً عليك واكثر منك بعدا  يالهوى ... عبد الملك زعلان من الحجاج  دا يروح فيها   ومسك الرساله وهى لسه ملف...

#اوفى_من_السموأل_ج٢ #الليله١٦٥ امرؤ القيس راح لملك الروم اللى رحب به واحسن ضيافته  حكاله امرؤ القيس على ظروفه وعلى انه محتاج مساعدته يسترد عرشه قيصر مكدبش خبر واداله جيش كبير مش بس فيه جنود من الروم لاء دا كمان فيه امراء من ابناء الملوك  حاجه عظمه خالص يعنى  ومشى امرؤ القيس يشكر ف قيصر ويقول فيه شعر ( ونادمتُ قيصر فى ملكهِ فاوجهنى وركبت البريدا ) هو يا دوب  امرؤ القيس مشى بعيد حبه بالجيش اللى معاه  الا والسوس والزن ع الودان اللى امرّمن السِحر اشتغل مع قيصر من اللى حواليه  انت بتساعد راجل من العرب بابناء الملوك  انت مش عارف ان العرب غدارين 😏😪 واول ما هينتصر على اعدؤه هيتدور عليك  ويغزوك  وفكر قيصر .... 😳 هااار اسوس  ...  طب اعمل ايه ؟؟؟ وعنها وقيصر مكدبش خبر ونده لراجل من العرب اسمه الطماح موجود عنده  وقاله ارمح بسرعه يا طماح يارماح و حصل امرؤ القيس اديله الحُله دى (مش حَله اللى بنطبخ فيها لكن ثوب يعنى ) بس مش اى ثوب دا حاجه كده منسوجه من الدهب ومتطعمه ومش اى تطعيم  و قال قول له انى انا كنت بلبسها ف يوم الزينه  بس ض...

#الحجاج_ج١٧ #الليله٥١٤ انس بن مالك خادم رسول الله  كان خادم لرسول الله صلى الله عليه وسلم  من وهو صبى عنده ١٠ سنين اخدته امه الى الرسول صلى الله عليه وسلم وقالت له خد (أُنيس تصغير للتدليل خلى بالك من ده ) ابنى فهو غلام لبيب كاتب  جيبتهولك يخدمك فادع الله له» فقبله النبي صلى الله عليه وسلم ودعا له قائلاً: «اللهم أكثر ماله وولده وأطل عمره واغفر ذنبه» وبيقولوا انه مات عنده ميه و حاجه سنه  وانه انجب كتير لدرجة أنه ابتلي بفقد عدد كبير منهم، فمات من ولده وولد ولده ١٢٩ فرد قبل ما ييجى الحجاج للبصرة ماشاء الله قدمه سال اخضر منهم ٨٠ وقيل ٧٠ في الطاعون اللي أصاب البصرة سنة ٦٩ هجريه    اكتر من  ١٢٩ ولد وحفيد ماتوا ... امال فضل له كام🤔 تعالوا نتكلم عنه مع الرسول صلى الله عليه وسلم ف مره بعته رسول الله صلى عليه وسلم يقضى طلب من طلباته بس هو لقى الصبيه اللى من دوره بيلعبوا  ساعتها نسى نفسه ونسى امر الرسول صلى الله عليه وسلم له  ونسى كل حاجه الا اللعب ولما غاب واستعوقه الرسول صلى الله عليه وسلم راح يدور عليه لقاه بيلعب قاله ما معناه شبعت لعب يا انس  ي...

#اوفىّ_من_السموأل #الليله١٦٤ دايما نحكى عن ولاد العم زى ما بيطلق عليهم ( صراحه مش عارفه مين اللى قال على اليهود كده احنا ولا هم )  بس واضح ان الصله بينا من نسبنا جميعا لسيدنا ابراهيم فهم من نسل  يعقوب ابن اسحاق ابن الخليل ابراهيم فهو جدهم الاكبر واحنا من نسل اسماعيل ابن الخليل ابراهيم  بالاضافه لانتماء الفريقين للجنس السامى ( اه اللى عاداه هتلر ) المهم ان دايما قصص اليهود طمع و غدر وخيانه وكذب على بعضهم  وعلى انبياء الله زى السامرى  وعلى الله سبحانه وتعالى نفسه  ومننساش  قارون والسامرى  وبريصا  غيرهم كتير  اخرهم  التاجر اليهودى والحطاب  او المرابى اليهودى والتاجر ف قصه تاجر البندقيه  غيرهم كتير صراحه مبيستروش كل حواديتهم فضايح 😂 ودول هنزل روابطهم ف الكومنتات للى عاوزهم  بس بردو فيهم اللى بيخاف ربنا من زمان ودلوقتى بس دايما بيكونوا قليلين  زى العزير  وطالوت  وزى حدوته النهارده  والتناقض ده ذكره رب العزه سبحانه وتعالى قال عنهم : ﴿ وَمِنْ أَهْلِ الْكِتَابِ مَنْ إِنْ تَأْمَنْهُ بِقِنْطَارٍ يُؤَدِّهِ إ...

#الحجاج_ج١٦ #الليله٥١٣ الراجل بعد ما عك ف اخو الحجاج وف الحجاج نفسه براحته  قال الحجاج : الا تعرفنى؟ البدوى قاله : لاء قال الحجاج : انا الحجاج  طبعا زمان حيث لا جرايد ولا تليفزيون مهما يكون الاسم مشهور الشكل والملامح بتكون حاجه يعرفها بس المقربين او اللى احتكوا بالشخص احتكاك مباشر  وعلى رأى المثل تعرف فلان  قال اعرفه  قال شوفته قال ازاى قاله يبقى اتلهى على عينك  مع انك ممكن تكون ملم بكل احداث حياة الشخص بس شكله لاء رد الراجل : الا تعرفنى ؟ قال الحجاج : لاء   قاله : سمعت عن مجنون بنى عجل (قبيلته يعنى )؟ قاله لاء قاله انا مجنون بنى عجل  أُصرع (يعنى بتجيلى الحاله واتجنن ) فى العام مرتين  ودى المره الاولى والحركه دى عجبت الحجاج وعفا عنه  وفلت من الموت باعجوبه عذراً شديداً تعبت اوى الليله  والتزاماً منى هكمل مشكلة مجنون بنى عجل مع الحجاج كان نفسى اتكلم كتير زى كل ليله  بس قدر الله وماشاء فعل اعتذر عن القصقوصه بتاعه الليله  دعواتكم بالشفا علشان اكمل  مع حجوجه وعمايله  #ابتسام

#لسانها_زى_الفرقله #الليله١٦٣ بنقول كده اما يكون حد بيرد بسرعه وقوه ومحدش بيسد قدامه ف الكلام بنقول زى الفرقله او لما يكون حد سليط اللسان وحاد الالفاظ وممكن يغلط فى اللى قدامه نتيجه لسرعته فى الرد  بنقول طلعت ف الكلام زى الفرقله    هى ايه الفرقله دى والله يا اخوانى بعد البحث والتفحيص والتمحيص ف المعاجم والقواميس  العربيه  ملاقيتش لها معنى يتوافق مع الاستخدام  بالاضافه ان اللفظ بيكون مختلف عن اللفظ ده ف حرف ولا اتنين  يعنى ايه ؟؟ المعجم الوسيط بيستهبل  ؟؟ لسان العرب ميعرفش عربى ؟؟ اكيد طبعا لاء  الا اذا كان الكلمه دى مش عربى اساسا  يعنى ايه اعجميه من بلاد الفرنجه ؟؟ بردو لاء دى كلمه قديمه ومادامت قديمه يبقى ندور عند جدودنا قدماء المصريين  وفعلا طلعت مصريه قديمه  ومعناها  سوط او بالعاميه الحاليه كرباج اللى هى كلمه تركى وتنطق قِرباج  -  بس خلى بالك لو ناوى تعاكس واحده وعاوز تقول عليها عودها كرباج وحبيت تروش وتقول  زى الفرقله اكيد مش هتعتبره اطراء وهتعورك خليك ف كرباج و عود البطل - و يبقى لما تقول لحد لسانه زى ا...

#الحجاج_ج١٥ #الليله٥١٢ الحجاج قال لاحظت فيكم تهاون ف الدين وتقصير ف العبادات لدرجة انى شفت كذا واحد منكم بيتوضى غلط  وبيلخبط وليس على سُنة رسول الله  علشان كده  يا غلام  احضر لى الماء والطست لاتوضاء امامكم واعلمكم الوضوء الصحيح كما علمنا رسول الله صلى الله عليه وسلم  وخرج منها زى الشعره من العجينه  ف مره بنى باب للمسجد النبوى تقرب لله وزياده فى العباده والتقرب من الله تعالى  وكمان بنى عبد الملك باب تانى للمسجد النبوى فى المدينه  قوم نزلت صاعقه هدمت باب عبد الملك  عبد الملك اتغاظ وايّر ونفسه شالت من الحجاج  والحجاج ملاحظ  طب يعمل ايه ؟ قال له :  مثل يا امير المؤمنين ومثلي كمثل بني ادم تقربي قربانا فتقبل من احدهما ولم يتقبل من الاخر فالله تقبل قربانك يا مولاى عبد الملك وانا لاء وطبعا عجبت عبد الملك النظريه دى وعلى طريقه كمال الشناوى ف الارهاب والكباب  وهو بيقول تمشى بردو تمشى   وبالتالى إتبسط واتشالت من نفسه الغيره اللي كانت من الحجاج ودا عمله قبل كده لما بردو الصاعقه ضربت منجنيق من اللى راصينها وبيضربوا بها الكعبه...

#الحطاب_واليهودى_ج٤والاخير #الليله١٦٢ كنا وقفنا على ان التاجر اخد الحمير العشره بعد ما قرر يرجع لاهله  التاجر الواعى كان مخبى ثروته جوه مغاره ف قلب الجبل  وكل ما يحوش شوية دنانير دهب يطلع يخبيهم فيها  وكان دايما حريص ان محدش يشوفه وهو داخل المغاره او حتى وهو رايح ناحية الجبل  ولو حد شافه كان بيغير وجهته ويروح اى مكان تانى  وفعلا محدش شافه قبل كده  الا بس ف اليوم اللى كان ناوى يمشى من البلد فيه  ف الوقت ده عيل صغير شافه وهو بيسوق الحمير التسعه وراكب ع العاشر  وبما انه كانت نيته انه خلاص مفارق البلد دى خالص علشان كده مهتمش يغير طريقه او يرجع عن المشوار  خصوصا انه قايل للحطاب انه هيرجع الحمار بسرعه  فلو رجع كان الحطاب هياخد حماره وده هيبوظ خطته  المهم ان التاجر طلع على المغاره  بصراحه الحمير تعبوه اوى علشان يسوقهم لحد الجبل   خصوصا طلوع الجبل اللى كان صعب اوى  و انه يوقفهم على باب المغاره دا كان مستحيل  فاضطر يوقفهم بعيد و يشيل الزلع مسافه طويله بعد ما يملاهم بالدهب ويغطيه بالتراب  عمل كده ٢٠ مره لان كل حم...

#الحجاج_ج١٤ #الليله٥١١ بالنسبه بقى لما قيل عن  تجزئه المصحف  انا سألت سؤال ف اخر الليله اللى فاتت العلماء عملوا دا امتى ؟ وازاى ؟ تعالوا اما اقول لكم  كان لما يحبس العلماء (علماء الدين طبعا ) كان بيطلب منهم يحسبوا ربع القرآن ونصف القرآن وسبع القرآن وخمس القرآن حتى ان العلماء اللى كان حابسهم قدروا يحسبوا ان الحروف اللى قبل حرف (ف) فى كلمة (فليتلطف) فى سورة الكهف قد الحروف اللى بعدها  وان فاء فليتلطف هى منتصف القرآن كانوا بيعدوه بالحرف يا ضنايا اه احنا كمسلمين طبعا مستفيدين  بس احساسك انهم كانوا بيعملوا كده ف الحبس  حتى لو اخدوا عليه اجر من المولى بس بردو مازال ده عبوديه  وسخره  وحكايه الحبس لعلماء القرآن دى حكاها د.عمر عبد الكافى  واتقال كتير عن انه كان بيقرأ ف المصحف كل ليله قدر كبير  كتير قالوا ربع القرآن  وان كان فى بعض  احمد موسى العصر ده قالوا انه كان بيختم القرآن ليلاتى على الله امال زوجاته وجواريه  والشعراء اللى ف مجلسه والناس اللى بيقتلهم بيلاقى لهم وقت منين ؟ وفى من بلغ بهم الفشر والكذب والنفاق انهم يقولوا كان بيخت...

#الحطاب_واليهودى_ج٣ #الليله١٦١ حد بيحمل طين ف زلع ويشيلها لحمير ومنهم اللى مستلفه كمان  حاجه مريبه ... بس لمعه من وسط الطينه جذبت عين الحطاب  ولما حرك الطين ساعتها شاف دنانير دهب كتير تحتها  ولما فتش تحت باقى الزِلع لقى فيها كلها دهب  الحطاب احتار ... بعد ما كان كل همه ان يرجعله الحمار علشان يروح الغابه يتهد حيله ويرجع يادوب بقوت يومه  جاله ٢٠ زلعة مليانه دهب  حاجه فوق الخيال  بس الراجل ده بيخاف من ربنا ومش هيقبل حاجه  مش بتاعته  وراح على بيت جاره يخبط عليه مش يمكن رجع والحمير خرجت من غير ما يعرف  بس جاره مش موجود خبط كتير وجامد ومحدش موجود  وبعد تفكير وحيره  راح للحاكم وطلب انه يقابله  ولما قابله حكاله الحكايه كلها  والامن بتاع  الوالى فضل يدور ويشوف مين اخر حد شافه وفعلا فى ناس شافوه واخد الحمير ورايح ناحيه الجبل  اللى حصل ساعتها ايه بقى ؟؟؟ التاجر اليهودى كان عايش فى البلد دى لكن اهله فى بلد تانيه طول عمره و كل حلمه انه يرجع لبلده تانى  ف نفس الوقت ...  مش عاوز يرجع الا وهو اغنى من اهله اللى كان...

#الحجاج_ج١٣ #الليله٥١٠ هند مش قليله وذكائها مش هين دى بعزقت الحجاج السوسه  وبالتالى لازم تسترد كرامتها  واهم من كده جوزها الخليفه اللى ع الفاضى ده وعلشان كده اتصرفت  طب ازاى؟ هى خلاص عرفت مواعيده اللى بيزورها فيها بعد العصر وقالت للجوارى راقبوا الجو و أول يوصل قولولى   وفعلا لما وصل قالوا لها انه خلاص جه  مسكت عقد لؤلؤ عندها وقطعته وفرطته ع الارض ورفعت هدومها تلم الحب فيها😉 ف دخلته عملت انها اتكسفت بس كملت لم للحب  وبعدين بصت له كأنها توصلت لحقيقه علميه مبهره وقالت له :   تصدق يا مولاى مع ان اللؤلؤ مبيلبسهوش الا الملوك  بس سبحان الله لا يقوم بثقبه الا الغجر  وفهم عبد الملك القصد وما وراء الكلام  وعجبته التوريه  زى ما عجبته التعريه😆 وتمم الجوازه وانتصرت تانى على الحجاج  فى نقطه اخيره بالنسبه لحكاية هند مع الحجاج  الحجاج لما تولى ولايه الكوفه بعت ياخد من هند طفلها عبدالملك بن بشر اللى انجبته من اخو الخليفه   علشان يتربى تربية ملوك وهى اذعنت ووافقت مرغمه محدش يفرط ف ضناه برضاه الا لو مغصوب  ودا ممكن...

#الحطاب_واليهودى  #الليله١٥٩ كان ياما كان فى راجل حطاب طيب  بيشتغل من الصبح ف تقطيع الخشب من الغابه وبيبيعه ف السوق وبيرجع بيته اخر النهار معاه قوت  يومه  بيساعده ف شغله ده حماره اللى ميستغناش عنه ابدا  بس ف يوم بعد ما رجع بيته اخر النهار خبط عليه جاره التاجر اليهودى  وطلب منه يستلف حماره وهيرجعهوله مسافه ساعه او ساعتين  الحطاب قاله بس ياريت ميباتش عندك لانى بقوم بدرى اوى وهتحرج اخبط عليك ف الوقت ده  ومقدرش اروح شغلى من غيره  قاله ازاى وعيب وساعتين بالكتير ويكون عندك  التاجر اليهودى ده حكايه  راجل وحدانى لا عنده زوجه ولا اولاد ولا اهل ولا قرايب  ولا له لا حبيب ولا قريب وغريب ولا نسيب جه البلد لوحده ومحدش يعرف عن اهله حاجه  ولا يعرفوا حتى بلده ايه  وكمان محدش يعرف فلوسه فين  دايما ف السوق بيتعامل مع الناس ومعاه الدرهم والدينار وسرة الدنانير  بس عمر ما حد شاف ف بيته حاجه تدل على الثراء  بالعكس بيت افقر سكان البلد احسن من بيته  وياما حاول لصوص يقتحموا بيته  ويقولوا مادام مبيصرفش يبقى مكنزهم الوفا...

#الحجاج_ج١٢ #الليله٥٠٩ هند قلقت مش متعوده تقعد كده من غير خطاب ما دامت مش متجوزه وعرفت ان الحجاج هو اللى موقف حالها وواقف ف طريق مستقبلها  وبالتالى ادت فلوس للشعراء وقالت لهم يروحوا يمدحوها عند الخليفه  ثانيه واحده هو مش الخليفه عبد الملك ده اخو جوزها الوسطانى بشر بن مروان 🤔 مش مشكله هند مستقتله ع الجوازه الرابعه  و فعلا وصل لأمير المؤمنين عبد الملك بن مروان اخبار جمالها وذكائها وصفاتها الممتازه  و بعت لها يخطبها فردت عليه برسالة بتقول فيها :   بعد الثناء عليك اعلم يا أمير المؤمنين أنّ الإناء قد شرب منه كلب  فلما قرأ عبد الملك الرسالة ضحك وكتب لها و قال : قال رسول الله صلى الله عليه وسلم إذا شرب الكلب من إناء إحدكم فاليغسله سبعة مرات وإحداهنّ بالتراب فغسل الإناء يحل الاستعمال فوافقت على الجواز منه بشرط أنّ اللى يمسك خضام  الناقة اللي هتركبها من العراق لدمشق عاصمة الخلافه يكون الحجاج  وبشرط كمان يمشى  حافِ القدمين  فلمّا عرف عبد الملك بشرطها ضحك ووافق على كده وبعت للحجاج وأمره بالتنفيذ تفتكروا ممكن يوافق ؟! تصدقوا ... اه ... وافق ال...

#الحجاج_ج١١ #الليله٥٠٨ الليله اللى فاتت اتكلمنا عبيد الله بن زياد بن ابيه اللى بقى ابن ابى سفيان  وكان متجوز هند بنت أسماء بن خارجة الفزارية جميلة واجمل بنات عصرهازانجلينا جولى زمانها ولا جودى فوستر عصرها (اصلى بحبها ) المهم الست كانت جمال واصل عربى وثقافه وشعر وعقل راجح وذكاء يعنى ملكت كل المزايا   و كانت زى ما قولنا هى وعبيد الله بن زياد بن أبيه والي  العراق كانوا ويال العجب متجوزين و بيحبوا بعض الاتنين متفهمش ازاى ؟🤔 لاء و كمان خلفوا ولد وبنت وكانت هى و هو   مبيسيبوش بعض في السفر و حتى لو كانت حرب   و ف يوم معركة الخازر ٦٧هجريه  اتقتل عبيد الله  قرب  الموصل على يد جيش  المختار بن أبي عبيد الثقفي  وهي معه طب تعمل ايه ؟ قالت ف نفسها : مش همكنهم مني ولبست هدوم الفروسيه بتاعته  وعمامته وركبت فرسه  ومشيت الطريق الطويل من الموصل  لحد الكوفه عارفين اد ايه؟ ٦٠٢٫٨ كم  جبت المسافه من جوجل مابس والخريطه تحت👇 تخيل كل ده من غير مرافق ولا دليل لحد ما دخلت  الكوفة و  كانت بتقول : انى لاشتاق القيامه لارى...

#عذر_اقبح_من_ذنب_ج٢والاخير #الليله١٥٨ طبعا قلنا ان الملك اتخض ، لما صحى من النوم على بوسه وكانت خضته  اكبر لما لقاه الخادم بتاعه  و قالة : - انت اتجننت انت بتبوسنى من بُقى  - انت لازم تتجلد  والخادم قاله : = متزعلش يا مولاى ماكنش قصدى  = لو تعرف عذرى هتسامحنى  = انا ماكنش قصدى ابوسك انت  = انا لما شفتك كنت فاكرك الملكه👸  = وعلشان كده بوستك  هو موضحش بصراحه هل ده لان مولانا الملك شكله حريمى كأنه الملكه  ولا ان الملك متفرقهاش عن شكل الراجله طبعا  الملك اتجنن اكتر يا نهارك اسوس  - انت هتروح ف داهيه   - انت لازم تتعدم  - انت تبوس الملكه  وساعتها الخادم قاله يامولاى  = سامحنى بس انت اللى طلبت كده  الملك اتجنن زياده  - انا طلبت كده انت اتجننت  - انا طلبت انك تبوس الملكه  قاله : = لاء  - امال ايه بنى ادم ؟ =انت قلت اللى هيجيب عذر اقبح من ذنب له مكافأه  واعتقد ان مفيش عذر اقبح من ذنب .... زى كده  = وانا بعتذر لك يا مولاى  بس المره دى بجد وساعتها الملك بقى عمال يضحك  ويضر...

#الحجاج_ج١٠ #الليله٥٠ ٧ سيبنا من الكلام عن الحجاج بردو .النهارده  بس هو فى الجزء من خطبته الشهيره ف الكوفه اللى نزلتها ف كومنتات الجزء ٩ ده👇 https://m.facebook.com/story.php?story_fbid=1061792954592778&id=100022862494719  هنلاقى ان الحجاج اتكلم معاهم عن ادبهم  وان  هو ده تعليم عبيد ابن ابيه فيهم  طب مين ابن ابيه وايه الاسم الغريب ده والحكايه دى مع انها خارجه عن سياق كلامنا عن الحجاج ولكن نحب نحكيها لانها ممتعه اولا ثانيا لها دلالات كتيره مهمه ف التاريخ الاسلامى  وترتبط بصورة ما بمفهوم عظامى ولا عصامى اللى كتبت عنه سلسله قبل كده  والحكايه ان ايام الرسول عليه الصلاه والسلام كان فى جاريه اسمها سُميه من ثقيف وسنة ١ من الهجره جابت ولد بغير زواج .. مجهول النسب يعنى  وسمته زياد ولانه مالهوش اب فكان بيتسمى زياد بن ابيه ولكن زياد اللى مالهوش اصل كان له فصل و دور كبير وعمل اعمال بطوليه فى الحروب الاسلاميه وخطيب مفوه وف مره كان قاعد بيتكلم عن واحده من المعارك اللي شارك فيها و أعجب به الناس  ساعتها أبو سفيان  قال لعلي بن أبي طالب : أيعجبك ما سم...

#عذر_اقبح_من_ذنب #الليله١٥٧ بلاد الاندلس وما ادراك ما الاندلس هناك كل حاجه سهله وكتيره  حيث جمال الطبيعه والوفره والاموال والحاكم العادل والشعر والغناء وغيره من صنوف الحياه الرغده الممتعه اللى تخلى كل الناس تستمتع بكل ما هو متاح من بهجه وراحه  اه فى اعداء بنحاربهم من الفرنجه بس ده مكنش طول الوقت  ف يوم من الايام الحلوه دى ف القرن السادس الهجرى  و كان الملك فاضى وباله رايق خطرت ف باله فكره  قال هو ممكن لما واحد يعمل خطا او ذنب ويحاول يبرره و تبريره ده يكون اقبح من الذنب نفسه  عنها و الملك اعلن بين الشعب ان اللى يجيب له عذر اقبح من ذنب يبقى له مكافأه  و فعلا بقى الشعب الفاضى زى الملك بتاعه يحاولوا يجيبوله عذر اقبح من الذنب  بس كله فشل ف انه يقنع الملك او يعجبه  بس ف يوم والملك قاعد كده ف جنينه قصره  غلبه النوم ... عينه غفلت ... وصحى من النوم على بوسه 💋 طبعا فرح 😁 واما بص مين اللى بيوسه لقاه  الخادم بتاعه👴🏿 هو اللى بيبوسه  اخ ... ايه ده بتعمل ايه يا مجنون  تفتكروا باسه ليه  هل يا ترى عنده عذر  هل ده شئ طبيعى...

#الحجاج_ج٩ #الليله٥٠٦ طبعا الدنيا كانت اخر   بوظان في العراق اضطراب وثورات ومشاكل لا حصر لها   محتاجه إللى يرجع الأمن والاستقرار ويظبط الناس على الالتزام  بعد ما بيتهربوا من الجهاد  و مش بس كده دا كمان  اشتدت معارضتهم للدولة الامويه اصلاً  وزاد خطر الخوارج وقويت شوكتهم بعد ما عجز الولاة انهم يسيطروا عليهم  وطبعا الحجاج مكدبش خبر  ايه ده ... سيطره وفرض نظام بالقوه؟ ايه ده ... قتل وسفك دماء  انا جااااااااى وبالحلال زى وجهة نظره ما أكدت له ؟  وجرى على الكوفة ودخل عايهم دخله سينيمائيه ولا دخلة محمود المليجى على فريد شوقى ف خمارة القط الاسود  داخل بعمه حمرا  وملثم وشه  وهم عرفوا انه جاى ومنتظرينه ف الجامع و استنوا انه يدخل او يتكلم  وفين الحجاج اللى سمعته سبقاه اللى قتل عبد الله بن الزبير وضرب مكه والكعبه بالمنجنيق  اللى قتل الالاف فى بيت الله الحرام  وطبعا زى ما قولنا هو قصير و خله القِله كده فلازم يبين نفسه  واللى عمله انه قعد ساكت ع المنبر والناس تتكلم او تتريق او تهجوا والاصوات عاليه  ولكن...

#قشارة_البطاطس_ج٣_والاخير #الليله١٥٦ انا رحت للمدير وانا  بقدم رجل وأخر رجل  مكدبش عليكوا ... قولوا لاء اكدب !!! بردو مش هتقولوا  عندكوا حق الكدب حرام  انا كنت بفكر اطلع على باب الشركه ومنه على بيتى  اصل يعنى مش لازم اتهزق قبل ما اترفت  على باب المدير السكرتير سألنى على اسمى وسبب طلبى مقابله المدير  وبمجرد ما سمع اسمى دخلنى فورا 😳 عاوز الف اروح 😧 طب ادخل الحمام الاول😥  طب هات خيشه 😰 انا دخلت للمدير ودا قام من مكانه وجايلى ...هار اسوح 🙈 هو هيضربنى 👋 ابداً ...هو انتوا دايماً متشائمين و  نيتكوا وحشه كده  ايه ده ... انا اللى متشائم ونيتى وحشه 😔 تمام ... مش موضوعنا  دا جه سلم عليا بحراره🤗  وبإديه الاتنين  شد على ايدى 🤝 و راح  قعد على الكرسى اللى قدام  المكتب اللى هو بتاع الضيوف وطلب منى اقعد قصاده ودا دليل ان مفيهاش طرد او تعليق على باب زويله قصدى باب الشركه  بترحيب شديد  حسيت انه عاوز يقعدنى على رجله اساسا ولا كانى وليد ابن اخته 👶 وبعد ما إطمنت انى لا هترفد ولا هتتعلق رقبتى على سور الشركه  وا...