الف حكايه وحكايه مع ابتسام الصاوى

#اسطورة_ايزيس_واوزوريس٢ #الليله٥٧٩ الأسطورة بتقول إن إيزيس وأوزوريس كانوا الاهين  و لكن عاشوا بين البشر فتره طويله لحد ما  اتشربوا بأفكار البشر واتأثروا بالعواطف البشريه وكانوا بيحزنوا ف أحزان البشر و يفرحوا ف أفراحهم وبيشاركوهم  آمالهم ومخاوفهم لحد ما أصبحوا نصف بشر بيتأثروا وينفعلوا زى الناس العاديه لان زى ما الأسطورة بتقول إن أوزوريس إله الخير لما جه لأرض مصر كيميت(آه هفضل وراكوا لما تحفظوا اسم بلدكم يا متعلمين يا بتوع المدارس) نرجع لابا الحاج اوزوريس ونقول انه لما نزل على ارض كيميت كان في صورة راجل طيب بيعلم الناس كل اللى  محتاجينه فى دنيتهم  و حاجات كتير نفعتهم زى تعليمهم ازاى يبنوا البيوت والمعابد  و علمهم التحنيط والزراعه في الحقول والخياطة  وعلوم كثيرة من بينها كمان الطب والفلك والهندسة وغيرهم يعنى هو اللى كان صاحب الفضل على المصريين ف كل المهارات اللى عاشوا بيها حياتهم  اما   إيزيس فكانت معاه بين الناس في البيوت وبين الستات تعلمهم بردو و لما مات ملك البلاد اختار الناس أوزوريس يكون حاكم للبلاد و بالتالى لما حكم أوزوريس وايزيس ارض...

#قارئه_الفنجان_ج٣ #الليله٢٢٩ الاول نطمن على مصطفى  مبدأيا هو ساب الشغل  الشغل اللى كان خانقه  غير كاريره و اشتغل الشغلانه اللى  بيحبها  رقيه مفيش ف ايدها حاجه  وامهم كمان ... مش ف ايدهم غير يدعوله بالهدايه والتوفيق  هو صحيح بيتعب ف شغله الجديد اكتر من القديم  وصحيح الدخل منه اقل من اللى كان بياخده ف الشغل الاولانى  بس هو مبسوط ... دى اهم حاجه  محدش بيموت من الجوع والحياه ماشيه ومننساش ان العصر ده كانت الدنيا سهله عند دلوقتى  وتكاليف الحياه  كمان كانت ابسط و مش مرهقه كده نرجع لرقيه عدت فتره واتقدم العريس المناسب لرقيه  وفى الزمان ده كان اغلب  الجواز صالونات  ان مكانش كله الا فيما ندر  بس ع العموم عريس الصالونات بقى زوج وحبيب  وربنا رزقهم بالذريه وبقى  معاهم  الولد و البنت  والحياه الهاديه المستقره  اللى بيتسحب عليها الروتين حبه حبه  بس رقيه وجوزها استكانوا ف حضن الروتين الدافئ والحياه الهاديه  بلا عواصف ترابيه من النكد  ولا امواج صاخبه مشتعله من مشاعر الحب  الجياشه...

#اسطورة_ايزيس_واوزوريس #الليله٥٧٨  بحب الحواديت اللى اتحكت عن الفراعنه ومن اجمل القصص دى قصة ايزيس واوزوريس والحكايه على اد ما هى خياليه وتحسسك انها عيالى بس جدودنا زمان كانوا مقتنعين بيها عاملين لهم تماثيل ومعابد وبيعبدوهم فيها وحاجه اخر تقديس  و اللى مش عاجبة عباطتهم يفتكر معايا الاساطير اليونانيه وجبال اوليمب واللى خيالهم كان شاطح اخر حاجه واللى حكيت هنا بعضهم زى اسطوره اراكنى دى👇 https://www.facebook.com/102264164820545/posts/148005303579764/ و حكايات عم الحاج زيوس وخياناته للخاله هيرا   ونروح بعيد ليه ما عندنا جيرانا فى القرن الحادى والعشرين بيعبدوا البقر والقرود وست الكل شيفا ام ٧ ايدين  نرجع للاسطوره الفرعونيه ايزيس واوزوريس  وقبل ما نعرف حكاية ايزيس واوزوريس لازم نفهم انهم الجيل التالت من الالهه وفقا للاساطير المصريه القديمه  وطبعا نفوت الكلام احنا بنحكى تراث لا مؤمنين به ولا بنصدقه بس لازم استخدم الفاظ زى رب ومعبود والهه والكلام ده وطبعا حاشا لله الواحد الاحد بس دى ف الاول والاخر حدوته خياليه واحنا متفقين على كده ونرجع للاسطوره و اللى بتقول ...

#قارئه_الفنجان_ج٢ #الليله٢٢٨ بصى يا بنتى  اسمك رقيه مش كده  انتى بتحبى واحد  وهو بيحبك ورايدك  هو اسمه مصطفى  بس فى واحده من دمه عينها منه وعاوزاه يتجوزها  علشان كده عامله له عمل  بيخليه يتخانق معاكى كل ما يشوفك  بس الحكايه دى حلها سهل  انتى تجيبى حاجه من قطره منديله مثلا ( زمان كانت المناديل من القماش لو تفتكروا اكيد مش هتطلب كلينكس يعنى مكانوش لسه اخترعوه اساسا ) هاتى منديل وتعاليلى اول يوم حد ف الشهر العربى الجديد  طبعا رقيه خرجت من عندها تشتم فيها  وف صاحبتها اللى سحبتها  واللى اتسببت ف غرامة النص ريال  وكل الموضوع ان الست دى حادة السمع  لقطت اسمها وزينب بتناديها وتقولها يا رقيه  وبتركز اوى مع سيادتك وانت بتوشوش  ولما تجيلها بنوته ومش متجوزه وبتوشوش باسم راجل يبقى دا الحبيب المجهول  ولو مفيش معلومات كافيه غير انها تلقط اسمه يبقى تفبرك هى باقى القصه وتبلف البنوته اللى دايبه ف دباديب سى مصطفى  وتدخل العدو التقليدى واحده من دمه  علشان لو مالوش بنات خاله يبقى له بنات عمه والعكس  اى انثى م...

#الشتا_ولبس_الشتا_ج٢الاخير  #الليله٥٧٧ ولبس المدارس كان تيل ناديه  تيل ناديه دا اللى غلبت اعرف ليه سموها تيل ناديه  ومين ناديه دى اصلا اللى بنلبس حاجتها  واللى لونها لون الشاي ابو لبن  بنلبسه ولاد وبنات لحد ما نوصل لسنه ٦ إبتدائي للبنات و٤ للولاد وبعدها الولاد بيتفرنجوا وييجوا بلبس خروج اما احنا نفضل بالمريل تيل ناديه لحد ما تخلص المرحله الابتدائيه😔 وبعدين ننقل على اعدادى والبدله الزرقا( مكنتش اعرف ان البدله الزرقا دى رمز للسجن و المساجين 😆)   الا اني كنت طبعا فرحانه وانا بودع المريله والبس البدله الزرقا و يابت يامو المريله كوحلى  يا شمس طالعه وطاله م الكوله  لو قولت عنك ف الغزل قوله ممنوع عليا ولا مسموحلى  😠😠😠 طبعا مش مسموح لك يا فنان  لان دا اسمه تحرش  وباطفال كمان  دا انت وقعتك هتكون انيل من شادى خلف .... لو كنت عملتها بجد   كنت ممكن تنزل قصتك تريند دا لو بجد الايام دى سيبكم من محمد منير دا اصلا بيقول على البدله المحترمه اللى كنا بنلبسها ونربط الايشارب الابيض على جنب كده بكل شياكه وبيقول عليها مريله عاوز ...

#قارئه_الفنجان #الليله٢٢٧ كان ياما كان فى  بنوته ف عز شبابها مش مرتبطه ومش مستعجله ولا فارق معاها  كان رأيها النصيب هييجى ف اوانه رقيه ... ودا اسمها كانت عندها مشكله من نوع اخر  اخوها مش مرتاح ف شغله  الشغل كويس بس هو مش بيحبه ميوله حاجه تانيه ودا مزعل امهم وعاوزه تطمن عليه خصوصا انه كبير العيله بعد وفاة والده وف عز ما الحزن مسيطر عليها علشان اخوها مصطفى حبيبها ...  وعلشان امها ست الحبايب اللى زعلانه عليه وشايله همه  جت صاحبتها بالاقتراح العبقرى  تعالى يا رقيه نروح لفلانه الفلانيه اللى بتقرا الفنجان  ورقيه قالت لها فنجان ايه ؟؟ وكلام فارغ ايه بس يا زينب ؟؟ دا دجل وكلام اونطه  اه ... نسيت اقول ان احداث حكايتنا بتدور  ف الخمسينات من القرن الماضى  وكانت منتشره قرأة الكف والفنجان والكلام ده  اكتر من دلوقتى  بس اذا كان قراءه الفنجان دجل  والبنوته  عارفه كده زى ما كلنا عارفين   فى حاجه تانيه كلنا عارفينها بردو وهى  ان الزن ع الودان امر م السحر  وبسبب زن صاحبتها   راحت معاها لقارئه الفنجان ...

#الشتا_ولبس_الشتا #الليله٥٧٦ تطور اللبس فى الشتا و تطور اسعار اللبس فالشتا  و اللى تخلي الواحد يبيع كليه او فص كبد  علشان يشترى جاكيت مابالك بطقم تلبسه  ودا خلانى ارجع بالذاكره لايام زمان واللبس زمان  والليله هاحكى لاولادنا اللى محضروش الشتا زمان ولبس زمان   وافكر جيلى واللى قبله بذكريات زمان والشتا  زمان كان الرجاله كلهم زى بعض عماد حمدى ولا كمال الشناوى ولا عمر الحريرى  بيلبسوا زى بابا وخالى البيجامه وزى كل ابهاتنا بس بابا عمره ما عملها بزراير من الجنب🙄 والستات بتلبس جلابيات بيت  دا حتى لما حبوا يبتكروا كرافات كرييتف لرأفت الهجان فى المسلسل علشان تبقى سيم بقى وحاجه اخر جاسوسيه كانوا عاملينها من ايشاربات بيلبسها كل ستات مصر😂😂  يعنى اسرائيل كانوا ينزلوا العتبه يعملوا احلى شغل على رأفت الهجان بالايشارب ابو ٣ جنيه ده  وانا واخويا بنلبس زى افلام ومسلسلات زمانا واحنا وزمايلنا كنا زى بعض ونفس اللبس طبعا كان لبس الخروج من حاجات مختلفه زى الديولين (مش عارفه كتبت اسمه صح ولا غلط كتبته زى ما كانوا بينطقوه الامهات والخياطه) او ماما تاخدنا ...

#حدوتة_ليه_الجمل_غالى؟؟ #الليله٢٢٦ الحكايه دى الصراحه مش فاكره اوى سمعتها الاول من بابا ولا من ماما اصل بابايا سمعت منه حكاوى ليها العجب مسيرى ابقى احكيها بس اكيد سمعتها منها بردو كتييير هههه هتعرفوا ليه لما تقروها #الجمل_غالى كان فى ولد صغير بيلعب قدام بيتهم وسمع واحد بياع عمال بينده و بيقول الجمل بجنيه ... يلا اشترى  الولد مصدقش نفسه ، وجرى على ابوه  يحكيله وهو مش مصدق التمن الرخيص اللى بيتباع بيه الجمل  لكن فوجىء بابوه بيقوله : - لاء كده الجمل غالى  قاله : - يا بابا دا بجنيه بس ... دا لقطه  قاله ابوه : - لاء دا غالى ومش هنقدر نشتريه   عدى الزمن والظروف اتغيرت و الاب إتغنى وبقى تاجر كبير والابن واقف قدام البيت لقى راجل بينادى الجمل ب 100 جنيه  دخل وقال لابوه :   - تصدق الراجل بينادى بيقول الجمل ب100 جنيه  باباه رد وقاله :  - ياااه رخيص كده ... خلاص خد وروح جيب لك جمل    الابن استغرب واعترض وقاله :  - بقى لما كان الجمل بجنيه قولتلى دا غالى ولما بقى   ب100 جنيه تقولى رخيص رد الاب وقاله : - لما كان الجمل بجنيه مكا...

#اسم_له_شنه_ورنه #الليله٥٧٥ اسمه زى الطبل له شنه ورنه طب اسمه زى الطبل وممكن نفهمها يعنى اسمه عالى ومشهور والناس كلها عارفاه وسامعه به زى الطبله او زى ما بنقول كده نار على علم  فاكرين المثل ده👇 https://www.facebook.com/100022862494719/posts/1073633630075377/ اما بقى حكاية شنه ورنه دى ايه؟ آه ... شنه دى عارفينها لما العيل الصغير بيكون عنده برد وبيشن بمناخيره المؤرف ده ... 🤔 صح كده؟؟ ورنه دى اللى هى لما بنرمى الفلوس او اى حاجه معدن ع البلاط و بترن يبقى دى معنى شنه ورنه صح كده   لاء ... طبعا غلط 😠 اصلاً الكلمة دى مش عربيه من اساسه 🤨 دى قبطيه فرعونيه  و اه شنه ورنه دا دليل الشهره والصيط والاهميه للشخص ده بس يا ترى اصلها ايه ؟ اولا :زى ما قولنا  أصلها فرعوني بس تفسيرها كالتالى  والفكره ان كلمة “رِن” كلمة مصرية قديمة معناها الاسم   والاسم اهميته كبيره جدا عند المصرى القديم لانه زى ما بتقول نصوص الأهرام واحد من طرق  الخلود للمتوفى أن يكون له اسم لان الروح هتتعرف على الجسم في العالم الاخر ويحفاظ له ع الخلود الابدى  ودا يفسر ليه طمس الملوك اسماء م...

#الخنجر_والامير_والحاج_منير #الليله٥٧٤ مش كل امير لازم يبقى جميل ووسيم ممكن يبقى احمق وغشيم  الحكايه دى على غرابتها الا انها حصلت مع ابويا واتحكت لى منه الله يرحمه وكان عليها علامه ودليل  والحكايه ان والدى الله يرحمه كان ف خمسينيات وستينيات القرن الماضى ودا قبل ما يخلفنى بفتره كبيره عايش و بيشتغل فى واحده من الدول العربيه ودا طبعا قبل ظهور البترول وانتشار المصريين هناك ف التمانينات و بالتالى الاحداث كانت قبل ما تكون دول بتروليه غنيه وتتملى بالمصريين والهنود والباكستانيين وتتزحم بالاجانب والدى كان يعد موظف الى حد ما كبير فى شركه من الشركات الكبرى و اللى كانت تتعد ع الصوابع هناك  ودا كان بيتيح له الاختلاط بالامراء من اهل البلد حيث ان الاعداد قليله والمصريين طبعا لهم مكانه كبيره هناك قبل ما نتبهل بهدلة ما بعد الانفتاح والزحف المصرى جريا ورا الدراهم والريالات  المهم فى سهره من السهرات  واسمحولى اقول ملاحظه هنا ان الوقت دا كان لسه فى عبيد و إماء بس ف القصور الملكيه وبنسبه قليله بس كان لسه موجود  اللى مستغرب مصر لحد القرن ال١٩ يعنى ١٨٠٠ وما بعدها كان فى جوارى وعب...

#سلسلة_عضة_اسد_ولانظرة_حسد٣ #شمشون_الجبار_ج٦ #الليله٢٢٥ قولنا الليله اللى فاتت ان شمشون خلاص اتذل بعد ما ضاع منه كل حاجه ودا خلاهم يستغلوه يشغلوه اشغال شاقه ماشى  يدور طاحونه ميضرش وان كان ميمنعش بردو من شوية سخريه وتريقه وفكاهه  والليله دى الفلستيين بيحتفلوا  بعيد الاله  بتاعهم داجون عملوا احتفال كبير فيه كل كبار  البلد و فى الساحه اللى فوق سطوح المعبد اتجمع اهل البلد كلهم علشان يحتفلوا  وزى ما قولنا شمشون بقى الحاجه اللى بيتعاجبوا بيها ويضحكوا عليها و هاتوا بقى شمشون  الضعيف الضرير نتمسخر عليه شويه ونلعب به حبه  واتجرجر شمشون وهو ضعيف و مقيد واعمى ... من الاخر عاجز من كله  بس استنى كده ... شمشون تاب لما حس بخطيئته مع ربنا انه عصاه ...  شمشون تاب وربنا غفور رحيم  شعر شمشون كمان طول  وبالتالى ربنا رجع لشمشون قوته ورجع تانى شمشون الجبار  بس لسه شمشون اعمى  شمشون طلب من الغلام اللى ساحبه انه يخليه يسند ايديه على العمودين اللى بيرتكز عليهم المعبد  شمشون  سند ع العمودين وبكل قوته ومال وهو بيقول :  لتمت نفسى...

#سلسلة_عضة_اسد_ولانظرة_حسد٣ #شمشون_الجبار_ج٥ #الليله٢٢٤ وبعد ما عملت الغدا لمؤمن..  اااقصدى  وبعد ما شمشون غلب دليله وهى تدلع عليه وتقوله كده بتضحك عليا مخصماااك قالها خلاص ... خلاص  يمكن لو ربطت لو ربطتى خصل شعر صدغينى قوتى تضعف و فعلاً ربطتهم وهو نايم  لكن بردو اول ما صحى من نومه فك الرباط وتانى تتقمص دليله وتنفذ وعيدها بانها تخاصمه وتعمل مقموصه و يتجنن شمشون وبتذلل لها تصالحه بس هى تقوله لاء انت بتضحك عليا ومش هصدقك تانى   و دليله خلاص سيطرت على عقله وقلبه  و فى النهايه شمشون  ضعف و قالها على سره وان قوته ف شعره  والمره دى كانت دليله متأكده انها اخدت عقله وقلبه  وكمان عرفت توقعه وتعرف سره والمره دى سره الحقيقى  ومضيعتش وقت و استدعت الجنود وقصت شعره وهو نايم  وقالتله الحق يا شمشون الجنود جت  الجنود جت  قام شمشون وهو فاكرها بتهزر زى كل مره بس لقى الجنود محاوطينه وقيدوه بالقيود النحاس وجرجروه  طبعا كان شعره مقصوص ففقد قوته بعد ما اخل بالنذر اللى على اساسه ربنا كان مديله القوة الجباره اللى عنده وبالتالى سحبوه زى م...

#عضة_اسد_ولا_نظره_حسد٣ #شمشون_الجبار_ج٤ #الليله٢٢٣ قولنا ان شمشون كان اعزل  ولكن مسك فك حمار وبفك الحمار ده قضى على الجيش كله قتل ال 3000جندى  وسابهم ورجع بلده  طبعا بعد القضاء على الكم ده من الفلستيين اهله رضيوا عنه لانه كده بيقربهم من العوده لارضهم (ارض الميعاد ) و كنتيجه للكرامات دى كلها بنو يهوذا رضيوا عنه وعينوه قاضى عليهم هو مش ده اللى كنتوا مربطينه بالحبال ومسلمينه تسليم اهالى الليله اللى فاتت المهم انهم رضيوا عنه وعينوه قاضى  والقضاء دا مكانه كبيره ومنزله وشرف عند بنى اسرائيل  وبعد عن صنف الفلستيين وحريمهم وطبعا بعد الجيش اللى فناه لوحده الفلستيين مراحوش وراه تانى فضل فيهم قاضى كتير ؟٢٠ سنه  و بعد عشرين سنه حن انه يرجع لمدينة حبيبته اللى ماتت وطبعا هم لهم تار ال ٣٠٠٠ جندى وال ٣٠ اللى قبلهم دا غير المزارع اللى ولع فيها  بس بردو ميقدروش يقربوا له بعد ما واجهوا قوته الجباره  الحل كان الحيله  ... والحيله يعنى دليله  ودليله دى لامؤخذه غانيه ف البلد .. راح عندها شمشون بعد ما حس ان الجنود بيطاردوه  وطبعا الموضوع كان بالاتفاق معاهم ...

#ان_غداً_لناظرة_قريب_ج٤ #الليله٥٧٢ وقفنا الليله اللى فاتت ان النعمان مستعجل يخلص على قراد  والراجل قاله احنا ف صدر اليوم  ولسه بطنه وركبه ورجليه او زى ما قال فإن يكُ صدرُ اليوم ولى فإن غدا لناظره قريب  عدت الليله على قراد والله اعلم بحاله وهو مستنى الاعدام   وفي تانى يوم اللى هو اليوم المنتظر ... النعمان بن المنذر راح  على العزيين بتوعه بينه وبين نفسه كان بيتمني انه يقتل قراد علشان ينجى  الاعرابي اللي كان أكرمه من سنين  وكان بيتحسر أن الراجل اللي أكرمَه ميجيش الا يوم نحسه مش ف يوم نعيمه  كان عمال يبص على ادوات الاعدام اللى مستنياه  ويتمني نفسه ان الاعرابي ميوفيش بوعده ولما خلاص الشمسُ قربت ع الغروب وقُرَاد واقف  مُجَرَّد في إزاريعنى مفيش عليه الا قميص بس فى مكان الذبح والسيافُ واقف جنبه مستنى الاشاره جت مرات قراد بتبكى وتنوح تقول :  أيا عَيْنُ ابكى لي قُرَاد بن أجْدَعَا ...  رَهينا لقَتْلٍ لا رهينا مُوَدّعا  أتته المنايا بَغْتةً دون قومه ...  فأمسى أسيراً حاضر البَيْتِ أضْرَعَا ويدوبك لسه النعمان بيشاور للسياف ان...

#عضة_اسد_ولا_نظره_حسد٣ #شمشون_الجبار_ج٣ #الليله٢٢٢ زى ما قلنا الفلستيين قالوا اسيبه  و كان انتقام الفلستيين على حرق شمشون لمحاصيلهم  نوضح تانى اللى حصول علشان ملخبط حبتين  شمشون لما لقى الاسد اللى كان قاتله النحل عمل فى  الجيفه بتاعته بيت ولقى فيه عسل  عجبته الحكايه وحب يقول فزوره يتمنظر بيها على اهل مراته يوم العرس  ولما معرفوش ساقوا عليه مراته اللى استغلت ثقته فيها وخلته قالها حل الفزوره   وقالته لاهلها   واهلها قالوه له هو مش عبيط علشان يفهم ان كده مراته خانت ثقته  فسابها ورجع على اهله  وقابل ف طريقه ٣٠ جندى فلستى قتلهم وخد هدومهم وراح رماهم لاهلها وفاءًا للاتفاق وانهم عرفوا حل الفزوره  ورجع لاهله مده كده والشوق جابه لمراته  ورجع تانى لقاهم جوزوها لواحد منهم وهى لسه مراته  وزعل من غدرهم تانى  وراح على ارضهم جمع ٣٠٠ ذئب وطلقهم على ارض الفلسنيين  وانتقموا منه  وقاموا رموا مراته -اللى كانوا جوزوها لراجل تانى دى - هى وابوها ف النار او يعنى ولعوا فيهم احياء اما شمشون فرجع لاهل قريته من بنى يهوذا اللى قالوله اح...

#ان_غداً_لناظرة_قريب_ج٣_ #الليله٥٧١ بس اللى حصل ان النعمان حِزن حُزن جامد اوى اوى خالص على حنظله وبأن هيكون مصير الراجل اللي أكرمه ده هو الموت .... يا حرام😒 حونين اوى يا نعمان وقلبك رُهيف  طب ما تلغى الحكم يا جدع انت هو فى حد حط القرار المتخلف دا غيرك يا نعمان  بس لاء هو قال لحنظله : يا حنظلة هلا أتيت في غير هذا اليوم؟ قال حنظلة : أبيت اللعن لم يكن لي علم بما أنت فيه يعنى النعمان بيقوله : ايه اللى جابك ف اليوم الاغبر ده يا منيل ابقوا اقروا عن معنى منيل من هنا👇هتعجبكم حكاية اتنيل جتك نيله https://www.facebook.com/102264164820545/posts/236534718060155/ فكان رد حنظله انا راجل جزمه وأستاهل ضرب الجزمه انى جيت لك وصدقتك قال له النعمان بن المنذر : فاطلب حاجتك من الدنيا وسل ما بدا لك فإنك مقتول يعنى اطلب اللى تطلبه اكديه ميت واكديه ميت  فقال له الاعرابي : أبيت اللعن وما أصنع بالدنيا بعد موتي؟ فأجلني حتى أعود إلى أهلي فأوصي إليهم وأقضي ما علي ثم أنصرف إليك طب سيبنى ارجع لاهلى احل مشاكلى اللى كنت فيها قبل ما اجيلك واوصى اهلى وبعدين ارجعلك  قال له النعمان : فأقم لك كفيلا يعنى...

#عضة_اسد_ولا_نظره_حسد(٣) #شمشون_الجبار_ج٢ #الليله٢٢١ يا ترى شمشون عمل ايه لما هاجمه الاسد ؟ تفتكروا عمل ايه ؟ دا له قوه جباره علشان كده دافع عن نفسه وصرع الاسد بيديه عاريتين  يعنى بدون سلاح  ومتستغربش انه قتل اسد زى ما قلنا كان عنده قوة جباره علشان كده سموه الجبار وحاجه كده تدى على بيج رامى  ساب جثه  الاسد وهناك قابل بنت من الفلستيين وحبها وطلبها للزواج  وبعدين وهو راجع على اهله عدى ع المكان اللى صرع فيه الاسد وهناك لقى ان النحل عمل لنفسه قفير بيت يعنى جوه جثه الاسد الاستاذ  شمشون اكل من العسل وخد معاه لابوه وامه  وعرض عليهم حكايه البنت اللى حبها بس هم رفضوا  اصل دول من الاعداء اللي محتلين بلدهم  بس هو كمل وراح على معاد الزفاف اللى متحدد  هناك بقى عملوا وليمه وعم شمشون اتغر ف نفسه و قال اقولكم  فزوه :  ( من الآكل خرج أكل ، ومن القوي خرجت حلاوة ) ويقصد   ايه هو اللى بياكل   وفيه جواه اكل حلو  يقصد عسل النحل اشاره لحكايه الاسد اللى قتله ولقى بعد كده فيه بيت  نحل  رأيى انها  منظره مالهاش لاز...

#إن_غداً_لناظره_قريب_ج٣ #الليله علشان الفجرى فجرى على رأي اخواتنا الصعايده حنظله الطائى راح للنعمان يوم بؤسه  و قصة يوم بؤسه دى غريبه اوى الحكايه انه في يوم من  الأيام كان النعمان  عمال  يشرب الخمره لحد ما سِكر ومبقاش عارف يمينه من شماله  كان عنده ٢اصحابه هم صحابه الانتيخ  الاولانى كان اسمه  خالد بن المضلل والتانى  عمرو بن مسعود بن كلدة وكلده دى مش اسم امه دا اسم قبيلته  عم النعمان اثرت عليه الخمر   و زى قال قيس بن عاصم : لَعَمْرُكَ إنَّ الخَمرَ ما دُمتُ شارِباً لَسالِبَةٌ مالي وَمُذْهِبَةٌ عَقلي وتارِكَتي من الضِّعافِ قُوَاهُمو وَمُورِثَتي حَرْبَ الصَّديقِ بلا نَبلِ بالمناسبه الاستاذ قيس دا شاعر جاهلى ومع ذلك كان محرم على نفسه الخمر ... سامع يا عمرو يا اديب فاهم يا محمد يا صلاح واللى مش فاهم قصدى يقرأ دى👇   نرجع لعم النعمان بقى قعد مع شلة الانس و الخمره لطشته ع الاخر و خربوها لدرجة انهم تقريبا كده قالوا حاجة ضايقته فامر بقتلهم  أمر بقتلهما ... مره واحده كده   اه ... مره واحده كده ... امال تفتكر يعنى ربنا م...

#عضة_اسد_ولا_نظره_حسد(٣) #شمشون_الجبار  #الليله٢٢٠ مع سلسله عضه اسد ولا نظرة حسد لسه مكملين وزى ما بعيد المقدمه كل مره بحكى حكاية جديده لمواجهة الاسد مع الانسان  دى سلسله هنزلها بشكل متقطع عن ناس عبر التاريخ اتقابلوا مع اسد ولكن فى لقاءات غير عاديه  هنلاقى ناس فى التاريخ المسيحى وناس ف التاريخ الاسلامى او اليهودى وناس فى العصر الحديث كل لقاء مع الاسد كان مختلف عن التانى  يجمعهم بس اللقاء بأسد  وتأثراً من التكاتك و الميكروباسات  سميت السلسله عضة اسد ولا نظرة حسد ليس تضخيما للحسد ولا تقليلا من شأن الاسد ولكن علشان الجرس فيها عجبنى  اللقاء غير عادى يعنى مش ف جنينة الحيوان ولا اصطادوه ف الغابه ولا رحلات السفارى المتأمنه ف غابات افريقيا  ولكن ..... ماتيجوا نشوف لحد دلوقتى حكيت منها حكايه سفينه مولى رسول الله صلى الله عليه وسلم ودا ممكن نقول انه من صحابة رسول الله  و دى حكايته #سفينه ج١ https://m.facebook.com/story.php?story_fbid=1098994797539260&id=100022862494719 ج٢ https://m.facebook.com/story.php?story_fbid=1099584734146933&id=100022862...

#إن_غدا_لناظره_قريب #الليله٥٦٩ كان ياما كان فى شبه الجزيره العربيه زمان مملكه اسمها مملكه الحيره  ودى علفكره اتكلمنا عليها قبل كده ف حواديت كتيره  ياريت لو حد فاكر يقولى ف الكومنتات ولا زى ما دابما بقول على رأى نجيب محفوظ  آفة حارتنا النسيان .. المهم نرجع لموضوعنا   إنهم بيقولوا ان  النعمان بن المنذر ملك الحيرة خرج ف يوم يصطاد ف تاه   طب ازاى بتقولى تاه هو عيل صغير؟ لاء هى الحكاية ان ساعات الملك بتاخده الجلاله ويبعد عن الحاشيه و الاتباع وبيضل الطريق خصوصا ان زمان مكانوش بيركبوا  gbs  ف الحصان او ف الجمل  المهم بعد اما اتأكده انه تاه  وممكن لو غوط شويه كمان ف الصحرا يموت من الجوع والعطش بدا يدور على حد يساعده  مطولش  قولوا لاء طولى☺   مش هتقولوا 🙄 عموماً انا قصدى انه هو اللى مطولش ف البحث .. الا ولقى  بيت راجل من قبيلة طيء ودى القبيله اللى اتسمى على اسمها حاتم الطائى لانه منها الراجل ده اسمة  حنظلة ودا مش اللى كان بيقوله محمود مرسى ف فجر الاسلام الا تستحم يا رجل لكنه حنظلة تانى  المهم ان عم حن...

#اصل_الكريب_ج٢ #الليله٢١٩ #اذا_عرف_السبب  قولنا ان ولى عهد انجلترا اخد معاه هنرى شاربنتى مخترع الكريب وقال له تعالى  يا واد يا هنرى اشتغل عندى ف القصر  طبعا عم هنرى ما صدق دا انت هتشتغل طباخ الرئيس زى طلعت زكريا  وكان كده ممكن تنتهى حكاية الكريب واسراره ف قصر الامير الانجليزى وتموت مع اصحابها زى العدس الاباظى ده اللى بنسمع عنه او تبقى اكله ملوكى متتقدمش الا ف قصر باكنجهام بس هنرى بعد ما كبر ف السن و تقاعد رجع وفتح مطعم صغير بيقدم الكريب بخلطات حشو مختلفه  منها الحلو ومنها الحادق  واشتهرت الاكله ف فرنسا  ومنها لانحاء العالم كله و جت ام الدنيا وفتحت بيوت ناس كتير المهم ان من كتر جمالها واعجاب الفرنساويين بيها غيروا اسم عيد عندهم وهو عيد كان اسمه ( يوم بركة العذراء مريم ) وهو يوم ٢ فبراير  فغيروه و سموه   Le Jour des Crêpes يعنى يوم الكريب  وال ايه لو عملت الكربايه ف المقلايه ومسكتها بايدك اليمين  وتحدفها ف الهوا وبعدين تشقطها وانت ماسك عمله دهب ف ايدك الشمال هتكون السنه دى سنه غنىّ وفلوس بالنسبه لك بأمارة ان الكريب بيكون دهبى ومد...

#الصياد_ورزق_البن؟ات_ج١٩والاخيره #الليله٥٦٨ وقفنا عند سؤال هو ينفع الامير يتجوز بنت الصياد؟ ولو الامير حب وقلبه مال هل يوافق الملك ولا هيعتبره شغل عيال ؟ مش هطول عليكم واكرر ف الاول الملك اتردد وفكر وقال كنت بتمنى يا ابنى تتجوز اميره بنت ملوك متربيه ع الحرير مش فقيره مكانش عندهم الا الحصير  اتكلم معاه صفوان وفهمه انها بذكائها وحنكتها ساعدته انه  يرجع لابوه الملك ويرجع كل حاجه لمكانها  ولولا افكارها كان زمان الملك سجين مرضه وسريره وهو محبوس او مقتول وشعور دان وابوها مستوليين ع البلد بيجمعوا ثروات ويبنوا قصور ... وفكره بحال البلاد زمان لما كانت عايشه امه الملكه جلنار واد ايه كانت رأيها سديد ومشورتها بتفيد  فى النهايه اقنعه ويوافق الملك   وتتزف خوخه وتصبح زوجه ولى العهد الامير صفوان امير البلاد  وفى مرة بعد فتره تطلب خوخه من صفوان أن يسمع رأيها فى مرضوع مهم  صفوان : قولی اللى ف بالك یاخوخایه یاقرة عینی واغلی منایه  خوخه : بصراحه أختى مشمشه  بتحب الأمير عسكران من زمان  ف الفتره اللى كان محبوس عندهم ف السطوح ويا المعيز والخرفان  فاي...

#اصل_الكريب_ج١ #الليله٢١٧ #اذا_عرف_السبب = هتخرجوا تعملوا ايه ياولاد ؟؟ - هناكل كريب  = اكتر محلات بتفتح الايام دى ؟؟ - محلات كريب  حتى بتوع الكشرى والفول والطعميه بيعملوا قسم للكريب  المحلات السوري اللى ملت البلد سابوا اكلاتهم التقليديه اللى بنموت فيها اهم قسم عندهم الكريب  عموما الله يسهلوا يا ياعم  طب ماعلينا انتشر فجأه الكريب بس اصل الكريب منين ؟؟؟  تعالوا نتعرف عليه ... واصله ايه ؟؟؟ اولا الكريب اكله فرنسيه  وان كان فى ناس تانيين مفاجأه بيقولوا انهم هم الاصل هاقولهم ف الاخر تعالوا نشوف الاول النسخه الاشهر النسخه الفرنساوى  كان ياما كان ولد فلاح فرنساوى  عايش ف تلال اقليم بريتانى فى  غرب فرنسا اسمه ( هنرى شاربنتى )  اخترع الفطيره دى سنه ١٨٩٥ يعنى  قول من ١٢٥ سنه كده ومكوناتها اللى مستمره لحد دلوقتى هى مزيج من الدقيق والبيض والزيت واللبن وشوية ملح وشوية سكر  الواد راح على باريس عند عمه اللى فاتح مطعم وهناك بقى يقدم وجبته اللى اتخصص فيها مطعمهم واشتهر بيها  وساعتها ماكنش بياكل الكريب الا الاغنيا لان الدقيق الا...

#الصياد_ورزق_البنات_ج١٨ #الليله٥٦٧ اول اما استتب الامر لصفوان بعت الحراس بيت الصياد وامرهم  يجيبوا عسكران   علشان يقف بين ايدين السلطان ويحاكمه على أفعاله و ازاى انه وافقهم  على قتل أخوه وكل ده علشان يستولى على عرش البلاد فبكى عسكران واعتذر و باس راس أخوه صفوان  خصوصا ان كتير من عمايل هامان وشعور دان كانت خافيه عنه وانه كان مشغول بالخمر والجوارى ودايما كان حواليه اسوء الاعوان  فبعد البكا والاعتذار بيطلب من ابوه الملك العفو والغفران و بيطلب صفوان من أبوه أنه يعفو عن أخوه عسكران لانه بعد ما خالطه الفتره اللى فاتت وقرب منه فى شكل مرزوقه عرف اد ايه ان هو طيب و مش مؤذى ولا شرير بطبعه لكنه لاهى وعن الصح والحق غفلان  الملك سامحه لانهم فى الأول والأخر الاتنين اولاده و أخوان  وتمر الأيام وصفوان عمال يعمل مشاريع حقيقيه بيطهر ترع ويبنى جسور ويحسن اساليب الزراعه ويدعم الفلاحين بالبذور  ويدعم الصناع بالخامات  وجاب عم مرزوق وسأله ايه اللى محتاجه الصيادين علشان تتحسن معيشتهم قاله قوارب قويه وشباك جديده بدل اللى معاهم مهريه وامر النجارين ف المينا يعملوا...