الف حكايه وحكايه مع ابتسام الصاوى

#اتعلمت_من_قصة_سيدنا_سليمان١٣ #الليله٤٥٨ 1 - ضيع رحبعام  صلته بالله فضاع ملكه وضاع هو نفسه رحبعام ابن النبى وحفيد النبى نسى ربنا و ضيعه من حساباته  الغرور لما بيركب انسان بيضيعه  لما ركب ابليس كفر قال لرب العزه خلقتنى من نار وخلقته من طين  فاكرين قارون لما ربنا آتاه من الاموال ما لايستطيع حمل مفاتيح خزائنه الا العصبه اولى القوى  ساعتها قال انما اوتيته من عندى  طب ساعة ما رحبعام بعد عن طريق  ربنا  إختار طريق الشورى فى قول بينسب كذب للرسول وهو منه برى بس انا بحبه كمقوله لا خاب من استشار ولا ضل من استخار   طب هو مش بيستخير لانه زى ما قلنا بيبعد عن ربنا ماشى بدماغه  يستشير بقى وهو عنده نوعين من المستشارين  كبار السن والشباب  كبار السن قالواله كلمهم باللين واكسب الشعب لصفك وقولهم انا خدامكم وتحت امركم  والشباب قالوله اديهم على دماغهم ... ابوك كان دايما بيديهم على دماغهم  وطبعا كالعاده اختار السكه الغلط  و عمل زى الناظر صلاح الدين كده وفضل يقولهم اسكووووتييييييى ياللى كان ابويا بيديكى على دماغك     ...

#الغزاله_الصغيره_ج٢والاخير #الليله١٠٨ حارب الاعداء ... وانتصر عليهم  بسرعه ... ورجع جرى علشان يحتفل مع زوجته بالنصر   رجع بسرعه من غير نفير الحراس من بره القصر  ان الملك وصل    ولما دخل على زوجته لقى معاها واحد  اتفاجئ وبسرعه الشاب ده جرى على بره مخدعها  وهو وراه بيطارده بسيفه  بس الواد مجريش يخرج من البوابه  جرى ع السور والملك بيتابعه بسيفه ولقاه بيهرب من الفتحه الصغيره اللى زوجته طلبت منه انه  يعملها للغزاله ... علشان يعديها للغابه طبعا نجح الولد انه يهرب ... بس الملك خلى الحراس اللى بره وجايين معاه طاردوه وجابوه  والحكايه بقى ايه !!!! الحكايه ان البنت كانت بتحب راعى بيروح  الغابه وكانوا ببتقابلوا من ورا اهلها وأما الملك اتقدم مقدرتش تضحى بفرصه انها تكون ملكه بس بردو مهانش عليها تفرط ف حبيبها  وعلشان صديقها ضئيل الحجم فكانت الفتحه الصغيره اللى كل مره بتصر انه يعملها للغزاله ف السور كانت بتكفى انه يدخل ويخرج منها وعلشان تتاكد ان الملك يتعطل اطول وقت كانت بتطلب منه يبنى سور ورا سور علشان على ما يفتح ال٧ اسوار يكونوا انتبهو...

#تعلمت_من_قصة_سيدنا_سليمان١٢ #الليله٤٥٧ رحبعام اسم عبري معناه "اتسع الشعب" ودا ابن سليمان  من نعمة العمونية وواضح من معنى الاسم هو فخر سيدنا سليمان بمملكته اللى اتسعت ودين الله اللى انتشر و حول كتير من الممالك المحيطه من عبادة غير الله زى سبأ و عبادة الشمس وغيرها من  الاصنام و الازلام واصبحوا يعبدوا الله الواحد مات سيدنا سليمان وهو تارك وريث لمملكه مترامية الاطراف زى ما قلنا مركزها بيت المقدس وقوامها الاساسى ال١٢ سبط من ابناء يعقوب اللى دخلوا مصر بعد اخوهم يوسف واللى كتروا وتناسلوا واصبحوا شعب كبير فى مصر  وهو الشعب العبرى من ابناء وحفدة من خرج مع سيدنا موسى من مصر هروباً من بطش فرعون  ف اذا كان الابن الثانى لسيدنا سليمان من بلقيس منليك الاول فاكرينه هو وسلالته حكموا ف اثيوبيا ٣٠٠٠ سنه  يبقى بقى اللى هيحكم ف اهله وناسه واللى بيحكمهم بعد ابوه سليمان ومن قبله كان جده داود يحكم اد ايه ؟؟ لاء مبدأياً هو مطولش  وعلشان ادور ع الاسباب توهت وتعبت  اى والله زى ما بقولكم كده  بس تعالوا نتفق على الاسباب اللى منها رئيسيه  ومنها فرعيه  ومنها كلام اكي...

#الغزاله_الصغيره    #الليله١٠٧ كان ياما كان ياسعد يا اكرام ولا يحلا الكلام الا بذكر النبى عليه الصلاة والسلام كان فى بلد من البلدان  ملك بيحب مراته اوى كان متخيل انه عايش فى سعاده وان مفيش اخلص من الملكه بس فى يوم اكتشف خيانتها واتأكد وهى اعترفت ..  ساعتها كره كل ستات المملكه وقال لازم اشوف واحده تكون عمرها ما شافت راجل  وف يوم وهو بيتمشى ف غابه تابعه لمملكته قابل بنوته صغيره وجميله معاها غزاله  صغيره بتاعتها وعرف انها عايشه ف الغابه مع اهلها لوحدهم وانهم مفيش حد عايش معاهم ولا بيختلطوا بحد خالص  الملك قال بس هى دى لا بتشوف حد ولا اتعرفت على حد دى حتى مراحتش لعاصمه ملكه ولا تعرف حتى ان ده ملك البلاد  فرح بيها و اتجوزها وقال بس دى اللى اضمن شرفى معاها امعانا فى الامان وعلشان متعرفش حد من اهل المملكه او سكان القصر ووزرائه واقاربه وتخونه زى الملكه السابقه عمل حل عبقرى  لما  اتجوزها بنى قصر كبير فى الغابه فيه كل حاجه ممكن تحتاجها وقالها ايه رأيك هى وافقت وقالتله انا طول عمرى مش متعوده اختلط بالناس ودى فرصه حلوه ليا   و كمان عم...

 #تعلمت_من_قصة_سيدنا_سليمان١١ #الليله٤٥٦ عارفين سيدنا سليمان ربنا وهبة ملك لم يؤت لاحد من البشر ... لانه حكم بشر وجن وحيوانات وطيور و فهم لغاتهم تحكم ف الرياح النحاس   دا غير الحبشتكنات اللى بقت معاه ومش مع غيره  زى بساط الريح وخاتم سليمان غيره وغيره و كل دا مكنه من انه يحكم مملكه مترامية الاطراف شملت المنطقه اللى فيها حاليا فلسطين والاردن يعنى قول بلاد الشام كلها وعليهم اليمن واثيوبيا غير البلاد التابعه زى مصر وغيرة وغيره وغيره  بس كل ده كوم وتحكمه ف الجن دا قصة تانيه  دا ربنا قال عنهم  ( وَلِسُلَيْمَانَ الرِّيحَ غُدُوُّهَا شَهْرٌ وَرَوَاحُهَا شَهْرٌ ۖ وَأَسَلْنَا لَهُ عَيْنَ الْقِطْرِ ۖ وَمِنَ الْجِنِّ مَنْ يَعْمَلُ بَيْنَ يَدَيْهِ بِإِذْنِ رَبِّهِ ۖ وَمَنْ يَزِغْ مِنْهُمْ عَنْ أَمْرِنَا نُذِقْهُ مِنْ عَذَابِ السَّعِيرِ 12 يَعْمَلُونَ لَهُ مَا يَشَاءُ مِنْ مَحَارِيبَ وَتَمَاثِيلَ وَجِفَانٍ كَالْجَوَابِ وَقُدُورٍ رَاسِيَاتٍ ۚ اعْمَلُوا آلَ دَاوُودَ شُكْرًا ۚ وَقَلِيلٌ مِنْ عِبَادِيَ الشَّكُورُ )سبأ١٣،١٣  وعين القطر دى اللى هى النحاس ربنا اسال...

#كوووسه    #الليله١٠٦ كانت حدوته صغننه خالص افتكرتها وانا بقنع ولادى على اهميه الكوسه وفوايدها  كان ياما كان واحده بقها 👄 واسع حبتين  ولانها كانت جاهله مش عارفه اننا كلنا خلقة ربنا وان شكلنا ملناش يد فيه كانت بتتكسف تتكلم قدام جوزها الا بحذر شديد وبتنقى الكلام اللى ميبينش ان بقها واسع  علشان كده كل يوم اما يروح يقولها عامله لنا اكل ايه ؟؟؟ كانت ترد وتقول :كوووسه🥒  كل يوم .. كل يوم الراجل زهق 😡 علشان كده  فكر فى حل  وف يوم بعد ما روح واكل الكوسه قالها : الحقى مش البق 💋الكبير طلع موضه  فرحت جدا  وقالتله : - بجد 🤩 ولما رجع تانى يوم من الشغل سألها : - هاه عملالنا اكل ايه النهارده  قالت له : بطا💋تس🥔 وتوته توته خلصت الحدوته  وكالعاده تحتوى القصص الصغيره بين جنباتها عبر قويه وذات مفهوم عميق  زى اننا لازم ناكل الكوسه لانها مفيده ومهمه وباللحمه المفرومه   ومحمره وبسمسم  ودى حكاية الكوسه الغلبانه المظلومه  اللى بنقول انها رمز للواسطه وتجاوز الدور  وده اللى حكيناه قبل كده ف حدوتة  #اه_ماهى_كوسه ال...

#تعلمت_من_سيدنا_سيدنا_سليمان١#الليله٤٥٤ فاكرين نعمه  اتعرف عن «نعمة» انها أقامت مع والدة الملك سليمان اللى بيقولوا ان اسمها  «باتشيبا» التى وعاشت كتير احد ما عجزت اوى  وكعادة الحموات حتى الملكات منهم كانت هى صاحبة الكلمة والسلطة  قالوا عن علاقة نعمة بحماتها كلام حلو وعكسه عموما مالناش دعوه وعلاقتهم كانت ازاى دى امور عائليه  وانتوا عارفين لو كانت الغله اد التبن كانت الحما تخب مرات الابن ومسيرك يا مرات الابن تبقى حما  واللى حماتها تحبها الشمس تطلع لها  وكفايه بقى اقفل ماسورة امثال الحما ومرات الابن ونرجع لحكاية الست نعمه المهم ان اللى وصلنا  أن نعمة كانت ذات شخصيتها قوية وذكيه  و جميلة.. وزى ما قلنا ف الليله اللى فاتت انها انجبت له ولد  واذا كانت بلقيس عاشت وابنها ف اليمن وحكم ابنها منليك  اليمن واثيوبيا ف نعمه وابنها رحبعام او ساعات بينطقوه  «ريهوبوام»  عاشوا معاه ف مملكة بيت المقدس  وبيقولوا إن سليمان عليه السلام كان بيحب نعمة اوى وكتب فيها شعر  و محدش يعرف تاريخ وفاة نعمة   اما بالنسبه للشملول رحبعام ف...

#لا_تبكي_على_اللبن_المسكوب  #الليله١٠٤ كان يا مكان كان في زمان بنت صغيره كانت جالها شويه لبن هديه  جارتهم حلبت البقره بتاعتها وادت البنت لبن كتير كام لتر مره واحده الجاره كانت جايبه البقره جديد وفرحانه بيها و قدمت كميه لجارتهم اليتيمه اللى عايشه مع جدتها الفقيره فرحت البنت واستأذنت جدتها تروح تبيعهم ف السوق  خرجت من بدرى ... واخذت شويه اللبن  عشان تبيعهم ف السوق  بس الطريق طويل والشمس حاميه علشان كده راحت حاطه الجره اللي فيها اللبن على الارض  وراحت قاعده تحت شجره جنبها عشان ترتاح شويه  وبعدين  تكمل الطريق للسوق  وبعد كده وهي قاعده سرحت وفكرت وقالت ياه انا هابيع  باللبن ده  واشتري بداله كتاكيت صغيره واربيهم لحد ما يكبروا  و لما يكبروا ويبقوا فراخ اخدهم واروح بيهم السوق ابيعهم ولما ابيعهم  هاكسب فلوس كتيره  اجيب  بالفلوس  دى  معزه صغيره وبكره تكبر وتخلف و يبقى عندها اولاد كثير   اخدهم وابيعهم وبيع امهم كمان ويبقى معايا فلوس اكثر اشترى بها خروف ومعزه ويخلفوا معيز كتير و خرفان كتير وابيع منهم واشت...

#من_طقطق_لسلاموووو_عليكوووو#الليله١٠٣ النهارده كان يوم مختلف شويه وملحقتش انزل حكايه جديده  وانا زى شهر زاد اخاف افوت يوم شهريار يقطع رقبتى  علشان كده  حكيت المثل الصغنن ده  علشان ميبقاش فات يوم ميتحكيش فيه حاجه جديده #من_طق_طق_لسلاموا_عليكوا اما تحب تعرف الحكايه من اولها لاخرها و تحب تعرفها بكل حذافيرها حذفوره حذفوره  مش عاوز المختصر المفيد لاء دا عاوز تفاصيل التفاصيل  بتقول للى بيحكيلك احكيلى من طق طق لسلامو عليكوا  يعنى من اول ما رحت البيت وخبطت ع الباب و وبالباب قال طق طق🚪  لحد ما خرجت من الباب وقولتلهم سلاموا عليكوا👐 مثل لذيذ وسهل بس لو ركزنا ف التفاصيل اللى فاكر مثل زيه يكتبه ويفكرنى  عموما اللى مشبعش من الحدوته القصيره بتاعة النهارده عنده حلين  ممكن تقرأ القصص القديمه وكل ما هتتعمق ف الصفحة هتعجبك القصص اللى ذكرتها قبل كده  او انك تنتظر شويه واحكى القصة الجديد بتاعة الليله  #كل_يوم_مثل #انا_وانت_وساعات_الحظر #ابتسام بقالى اكتر من سنه بكتب قصص كل ليله قصة جديده... تقرأها وتعمل كده🤔 وحاجات تعرفها فتعمل😳  وساعات ☺ا...

#تعلمت_من_قصة_سيدنا_سليمان٨ #الليله٤٥٢ علشان منتلخبطش واحنا بنحكى ويدخل الحابل ف النابل  اى حكايات عن اى من الانبياء لها ٣ مصادر:  ١ - القرآن ودا لا مجال لمناقشته  اوالحديث ودا حسب مكانه صحيح ولا ضعيف  ٢ - اهل الكتاب ودول الرسول عليه الصلاه والسلام قال يؤخذ منهم ويرد عليهم يعنى نشغل عقلنا هو الكلام ده منطقى وميخالفش الدين يبقى خير وبركه ... خالف او مقتنعتش مش مجبر تقتنع خده وارميه عادى ٣ - بعض الاثار او كتب التاريخ او روايات الشعوب وغيرهم  وبالتالى سيدنا موسى مثلا ذكر كتير ف القرآن وبالتالى لما كتبت عنه مذكرتش كل اللى جه ف القرآن لكثرته او تشابهه وحاشا لله انى اقول تكراره واكيد طبعا كنت مقصره ووقتها استعانت بحاجات قليله  من العهد القديم  لغزارة التفاصيل فى القرآن  اما سيدنا سليمان ف الكلام عنه ف القرآن محدود ودا خلانى ادور ف النوعين التانيين من المصادر  ونرجع تانى لاخوانا البعدا  بجيب حكاياتهم لكذا سبب اولا علشان نكمل الناقص ف قصة نبى من الانبياء وندرسه بس لازم نكون ما عندناش شك ان الكلام ده صح كمان نشغل عقلنا ونشوفه  ثانيا بناخذ ال...

#زئرده_ج٢_والاخير #الليله١٠٢ فكرت زئرده وقدرت المخاطر والعواقب لكل اختيار منهم  وكان القرار استنت زئرده لما رفع البقجه على ضهرة واتدور  ووشه لباب الاوضه وخارج  وضهره ناحية زئرده ... وهنا كانت لحظة زئرده المنتظره اول ما لف واداها ضهره راحت ناطه على ضهره ومتشعبطه فرقبته ومكلبشه برجليها ف وسطه وكل ده فوق البجقه والراجل يفلفص انه يعرف يفك نفسه علقه ولزقت فيه  كل ده طبعا مع وصلة صريخ وصوات من اللى يصحى الموتى مش النايمين  وف لحظات كانت عيلتها والجيران عندها ف الشقه  وهم اللى خلصوه من ايدها ..... واختها جريت جابت لها روب لبستهولها  والرجاله خدوا صاحبنا وعملوا معاه الواجب  هههههههههه لو كانت عملت نايمه لحد ما خرج كان زمانه اخد اللى حيلتها وهرب وخسرت كل اللى عندها و لو صرخت اول ما حست بيه طبعا كان ممكن يغزها بحاجه او يديها على دماغها خصوصا انه بيبقى داخل ف البدايه متربص وحذر بس اما بيتأكد ان اللى فى البيت نايمين بيفقد حذره مع الوقت وبيغلبه الطمع انه ياخد اللى يقدر ياخده  الحكايه دى كانت من ضمن حكايات امى الملهمه ليا انى مخافش وانى لازم ايا كان الموقف...

#تعلمت_من_سيدنا_سليمان٧ #الليله٤٥١ انتوا عارفين ان اليمن قريبه جغرافيا جدا من الحبشه وبينهم مضيق باب المندب  متعرفوش؟؟😳 مانتوا لو بتركزوا ف حصة الجغرافيا كنتوا عرفتوا🙄 عموما دايما فى صله كده والحاكم القوى اللى بيحكم ناحيه منهم بيسيطر على الجهه المقابله  فاكرين ابرهه الحبشى اللى كان بيحكم اليمن ؟ كمان مش  فاكرينه؟😠 ما انتوا لو بتركزوا ف حصة التاريخ كنتو..... فاكرينه ؟؟☺ خلاص خلاص متزقوش  المهم يعنى ... علشان كده كانت بلقيس والملوك اللى قبلها بيحكموا اثيوبيا  او بلاد الحبشه قديما وكانت خاضعه لسيطرتهم  وكانوا اهل الحبشه بيحبوها اوى ومسميينها الملكه ماكيدا (( مش عارفة ليه ما قالوش ماجده دا حتى اسهل )) فقوم ايه بقى لما اتجوزت بلقيس من سيدنا سليمان انجبت منه ابنهم  ( منليك الأول)  الغريب بقى ان الجماعه بتوع اثيوبيا شبطوا ف النسب ده اللى هو بين الملكه بلقيس وسيدنا سليمان والناتج عنه ابنهم منليك واعتبروه اول السلاله الحاكمه واللى امتد حكمهم لحوالى٣٠٠٠ سنه اه قرأتها صح  يعنى ٣٠ قرن من الزمان  يعنى قبل ميلاد السيد المسيح ب ١٠٠٠ سنه  يادين ...

#زئرده #الليله١٠١ الحدوته المرادى حقيقيه زى حكايه #الشنطه_المعجزه  اللى ده الرابط بتاعها https://www.facebook.com/102264164820545/posts/142331610813800/ بردو جيران ماما زمان ف الحى العريق والشارع الجميل (( ابن الرشيد )) اللى لا اتولدت فيه ولا عشت فيه بس حبيته من حب امى فيه ومن حكاياتها عنه  (( زئرده ))  دى واحده جارتهم وباين من اسمها -اللى طبعا مش اسمها الحقيقى - ولكن الناس كانوا مسمينها كده لانها كانت صغننه الحجم  تقريبا كان اسمها نوال بس اللى كانت الدنيا كلها بتناديها بيه كان زيئرده كانت متجوزه بس معهاش اولاد وجوزها كان بيشتغل ف بلد تانيه وبييجى يشوفها كل فتره  وعلشان كده كانت عايشه ف شقه ف بيت اهلها بس بتبات لوحدها ف شقتها كان الناس كلها عارفين انهم مرتاحين ماديا  وف ليله صيفيه حاره حين لم يكن يوجد لا تكييف ولا حتى مروحه فى هذا الزمان القديم  و حيث لا يوجد حل سوى ان تنهى ليلتك بدش بارد لتذهب للنوم متأخراً على ١١ونص ١٢ بالليل كده  بعد ساعه ولا ٢ اما المدينه كلها تغرق فى سبات عميق مفيش صاحى  كانت كالعاده بايته لوحدها وحست بحركه معاها ف اوضة ...

#تعلمت_من_سيدنا_سليمان٥ #الليله٤٥١ وقفنا المره اللى فاتت ان الانسه بلقيس البكر الرشيد بنت الملك  الهدهاد بن شرح بن شرحبيل بن الحارث الرائش كما يذكر الهمداني  لما جتها رسالة سيدنا سليمان وحصل الحوار المذكور ف سورة النمل    ( وَتَفَقَّدَ الطَّيْرَ فَقَالَ مَا لِيَ لَا أَرَى الْهُدْهُدَ أَمْ كَانَ مِنَ الْغَائِبِينَ * لَأُعَذِّبَنَّهُ عَذَابًا شَدِيدًا أَوْ لَأَذْبَحَنَّهُ أَوْ لَيَأْتِيَنِّي بِسُلْطَانٍ مُبِينٍ *  فَمَكَثَ غَيْرَ بَعِيدٍ فَقَالَ أَحَطتُ بِمَا لَمْ تُحِطْ بِهِ وَجِئْتُكَ مِنْ سَبَإٍ بِنَبَإٍ يَقِينٍ * إِنِّي وَجَدْتُ امْرَأَةً تَمْلِكُهُمْ وَأُوتِيَتْ مِنْ كُلِّ شَيْءٍ وَلَهَا عَرْشٌ عَظِيمٌ * وَجَدْتُهَا وَقَوْمَهَا يَسْجُدُونَ لِلشَّمْسِ مِنْ دُونِ اللَّهِ وَزَيَّنَ لَهُمُ الشَّيْطَانُ أَعْمَالَهُمْ فَصَدَّهُمْ عَنِ السَّبِيلِ فَهُمْ لَا يَهْتَدُونَ * أَلَّا يَسْجُدُوا لِلَّهِ الَّذِي يُخْرِجُ الْخَبْءَ فِي السَّمَاوَاتِ وَالْأَرْضِ وَيَعْلَمُ مَا تُخْفُونَ وَمَا تُعْلِنُونَ * اللَّهُ لَا إِلَهَ إِلَّا هُوَ رَبُّ الْعَرْشِ الْعَظِيمِ *  قَال...

#قصة_الفنان_العميق_ج٢_والاخير #الليله١٠٠ بيكمل الفنان ويحكى  المهم جبت الالوان والقماش بكل الفلوس اللى معايا وكمان استلفت وعملت كميه  لوحات تكفى ادخل بيها معرض كبير اصل دى سهله شويه شخبطه على كام سكينة او وفرشه كده وفرشه كده بقت لوحة معتبره ومتاخدش ف ايدى نص ساعة ولا بالكتير ساعه   الا بقى وانا بجهز للمعرض زارنى صاحبى الصحفى صاحب فكرة اللوحات السرياليه  وشافنى متوتر وخايف ماهو  انا اصلاً مش مقتنع باللوحات اللى بعملها يبقى ازاى هقنع الناس يشتروها  ساعتها صاحبى لاحظ ده وقالى غلط وكده فعلاً المعرض ممكن يفشل  وخلى بالك انت مراهن عليه بمستقبلك  قولتله باسف مستقبلى ومستقبل عيلتى كمان قالى خلاص هاقولك على حاجه  لما حد يسألك عن اى لوحه والمعنى والمقصود والكلام دا كله  بصله الاول ف عنيه بعمق  وبعدين بص ف الفراغ بشرود كده وقوله  هل تابعت فى حياتك نهر وهو بيتدفق ؟؟؟!!!! قولتله :  نعم ؟؟؟ دى جمله ملهاش اى  معنى ، انا مفهمتش منها حاجه  وبعدين لو سألنى يعنى ايه؟؟ ساعتها  هرد اقوله ايه ؟؟؟ قالى متخافش هو مش هيسألك تان...

#الفنان_العميق_كيف_تكون_وزير_ثقافه #الليله٩٩ كان ياما كان فى اربعينيات او خمسينيات القرن الماضى رسام فنان وبيرسم لوحات جميله  بس حظه ان محدش بيشترى لوحاته  الراجل كان هيتجنن من ضيق الحال خصوصا  من بعد ما اتجوز وبقى اب ومسئول عن بيت واكل للرضيع وهو دايما مقصر مع زوجته المحبه وصغيره الجميل    بس ما باليد حيله  هو ميعرفش يشتغل شغلانه تانيه غير انه يرسم  ولوحاته محدش بيشتريها  هنسيبه هو يكمل  وف يوم .. زارنى واحد صاحبى من ايام الدرسه وبيشتغل دلوقتى صحفى وكاتب  قلتله  على احوالى ومدى سوء وضعى الاقتصادى  واد ايه برسم لوحات روعه للغروب والشروق والحاجات الطبيعيه الجميله اللوحات بتبقى بتنطق من الجمال بس محدش بيشتريها بردو ساعتها اقترح صاحبى انى اغير اسلوب لوحاتى واعمل كام لوحه سرياليه من اللى طالعين موضه  ومحدش فاهم منهم حاجه والناس الاغنيا بيشتروهم علشان يبانوا مثقفين بس هم بردوا مش فاهمين حاجه  قلتله اللوحات دى سهله و اقدر اعمل منها كميه كبيره ف وقت قصير  صاحبى الصحفى قالى هايل  وانا ليا واحد صديقى عنده...

#تعلمت_من_قصة_سيدنا_سليمان٤ #الليله٤٤٨ و قالوا كمان  انه اتى امرأته وهى حائض فاتعاقب بالنبذ وانه اصبح جسداً والطف ما قيل منهم انه احتجب ٣ ايام لم ينظر فى امر الناس لان زى ما احنا عارفين انه كان وارث القضاء من ابوه سيدنا داود عليه السلام فلما امتنع عن الحكم بين الناس  ابتلىّ  طبعا الكلام اللى اتقال عن الشيطان اللى اخد الخاتم بكل قصصه كلام فارغ وهى النبوه بخاتم اللى يلبسه يبقى نبى حتى ولو كان شيطان والقصص بتاعة الخاتم دى كتيره اوى وراح للناس وقال شحتونى مش عارفينى انا نبى الله سليمان فواحد ضربه على دماغه عوره وبعدين صعب عليهم ادوله سمكه يفتحها وياكلها فلقى فيها الخاتم بتاعه  الله ؟ مش هو الخاتم ده اللى كان لبسه الجنى ؟؟🤔 فلما لبس الخاتم رُد عليه بهأؤه فاتلمت عليه الطيور فالناس عرفت انه نبى الله الملك سليمان و جت له اعتذروا عن اللى عملوه  اما الكلام بتاع الزوجات فده حديث صحيح وهنزل ف الكومنتات النصوص المختلفة اللى ذكرته  يبقى لا النبوه خاتم ف ايد اللى لابسه لو اتخلع اتخلعت النبوه  ولا الكلام عن الزوجات دى تصح كافره او حائض او من غير اليهود كلها سخافات...

#هو_ازاى_تصدق_خرافه #الليله٩٧ طب هو انت ينفع تصدق ان الجن ممكن تخطف راجل ويروح يعيش معاهم طب تصدق انه يرجع تانى ويحكى للناس ع اللى حصله  طبعا مش هتصدق وتقول دى خرافه .. مش كده  هقولك اه دا فعلا حديث خرافه  ان كان ياما كان واحد من قبيله اسمها عذره ودا قبل الاسلام  المهم خطفوه الجن وعاش بينهم فتره وبعدين سابوه تانى ورجع عاش بين البشر وبدأ يحكى اللى حصله لجيرانه واللى شافه هناك من عجايب وغرايب مختلفه عن حياتنا ... بس طبعا محدش صدقه وكلهم قالوا عنه بيكذب او بيتخيل  الراجل ده اسمه خرافه  واتعود العرب زمان انهم يقولوا ع الكلام العجيب الغير منطقى انه ((حديث خرافه )) بس الحكايه حقيقيه ... واللى نبأنا عنها خير الورى صلى الله  عليه وسلم عن مسروق، عن عائشة - رضي الله عنها - قالت : حدث رسول الله - صلى الله عليه وسلم - نساءه ذات ليلة حديثا فقالت امرأة منهن يا رسول الله كأن الحديث حديث خرافة فقال - صلى الله عليه وسلم - أتدرون ماخرافة ؟ إن خرافة كان رجلا صالحا من عذرة أسرته الجن في الجاهلية فمكث فيهن طويلا ثم ردوه إلى الإنس فكان يحدث الناس بما رأى فيهم من أعاجيب فقال...

#تعلمت_من_قصة_سيدنا_سليمان٣ #الليله٤٤٧  سيدنا سليمان عليه السلام كان متزوج من عدّة نساء يقال انهم كانوا ٧٠ او يقال انهم كانوا ١٠٠ وكان بيتمنى انه  يُرزق بأولاد صالحين شجعان يساعدوه في إدارة مملكته الواسعه ومحاربه الأعداء   وف ليله قال  لنفسه : لأطوفنّ على نسائي كي اُرزق بعدد من الأولاد ولكن  نسى يقول (إن شاء الله)  فلم ساعتها رزق  بولد واحد  ميّت ناقص الخلقة جابوه واُلقوه على كرسي سليمان (عليه السلام)  وَلَقَدْ فَتَنَّا سُلَيْمَانَ وَأَلْقَيْنَا عَلَىٰ كُرْسِيِّهِ جَسَدًا ثُمَّ أَنَابَ (34) ص ساعتها  (عليه السلام) تفكر  وتألّم لكونه غفل عن الاعتماد على الله  وإعتمد على قواه الذاتية  فتاب إلى الله ان كان فى تفسير تانى  يمكن طرحه وهو : ان  لما ربنا رزق سيدنا سليمان ولد الجن خافوا وقالوا دا الولد ده لو عاش هنشوف منه زى اللى شفناه على ادين ابوه سليمان من ذل وبلاء  فزى ما تقولوا كده سيدنا سليمان خاف على ابنه منهم واسترضعه من المزن (السحاب) الا وفجأه ولقاه ميت على كرسيه تنبيه من ربنا ان الحذر مايمنعش قدر  وان...

#العرق_دساس_الجزء_الرابع #الليله٩٦ الملك راح لامه الملكه وقالها قوليلى مين ابويا الحقيقى  قالتله يابنى هاحكيلك كل حاجه بس اصبر عليا وسامحنى  الملك كان ظالم وجبار ومفترى  ومن افتراه انه كان يتجوز البنت ولما  تقعد ٩ شهور  ومتخلفش يقتلها  كان شغال على كده فتره  كبيره  وموت بنات كتير لمدة سنين كتير  مفيش مره خطر ف باله ان معنى كده انه مبيخلفش  الله يرحمه كان غبى  المهم جه الدور عليا واتجوزنى وكان لازم اتصرف  علشان كده خلفتك من طباخ  القصر  والسر ده ميعرفوش مخلوق  انت بقى عرفت ازاى ؟؟؟ قالها دا اللى هارجع  واعرفه  وطلع السايس من السجن  وقاله تعالى بقى وقولى عرفت ازاى اصلى وسرى اللى انا نفسى معرفهوش ولا مخلوق يعرفه  قاله يا مولايا الملوك لما بترضى عن حد  بتديله عطايا دهب وفضه  ولا نياشين ولا قصور او مناصب  انما انت كل كل ترضى عليا تنعم عليا بأكل     ودا يعنى شغل طباخين لامؤخذه  مش حركات ملوك  رضى عنه الملك وسأله طب تحب انعم عليك بإيه  قاله انعم عليا بانى ...

#تعلمت_من_قصة_سيدنا_سليمان٢ #الليله٤٤٦ حكينا الحكاية المنتشره عن سيدنا سليمان والصافنات الجياد وانه قطع سوقهم واعناقهم لانهم اخروه عن صلاة العصر حتى توارت الشمس بالحجاب  ودى روايه ايدها بعض المفسرين على اساس انه تقرب لربنا بالخيل لانه كان بيحبها ولكن لانها شغلته عن ذكر ربه فهو ذبحها وتصدق بها عملاً بقول لن تنالوا البرّ حتى تنفقوا مما تحبون  بس مش دا بس هو التفسير الوحيد للقصه  خصوصا ان فى حوار بين سيدنا علىّ بن ابى طالب وابن عباس عن الايه دى لما حكى ابن عباس لعلى رضى الله عنه ان كعب قاله انهم كانوا ١٤ فرس فامر سيدنا سليمان بذبحهم لانه اخروه عن صلاته فحرمه ربنا لمدة ١٤ يوم من ملكه  ورد سيدنا على وقال كذب كعب  وقال انما ردوها على مقصود بها الشمس اللى امر ربنا برد الشمس مره اخرى فصلى ما كاد انه يفوته من صلاه .... ودا كلام الطبرسى  اما الشيخ ناصر مكارم الشيرازي فقال في تفسيره الآيات دى : أنّ في يوم من الأيّام عند العصر إستعرض سليمان (عليه السلام) خيوله  التي كان مجهزها لمحاربة أعدائه  فمرّت الخيول مع فرسانها أمامه (عليه السلام) في إستعراض منسّق ومرتّب...

#العرق_دساس_الجزء_الثالث #الليله٩٦ وقفنا ان الملك راح لوالد زوجته وطلب الانفراد به من الحرس  واول ما خرجوا حط السيف على رقبته وقاله ايه حكاية بنتك ومتكذبش الملك حماه قاله ابوك كان ملك ظالم وجبار ومفترى  وكان خاطب بنتى لك وانتوا لسه مولودين  وبنتى عندها سنتين عيت وماتت وخفت اقوله  فى الوقت ده كان فى على الحدود بين مملكتنا ومملكتكم غجر ناصبين خيامهم  وابوك امرنى انى اطردهم  وفعلا الجنود طردوهم من الفجر  وبعدين بعد ما مشيوا ورحت علشان اتأكد بنفسى لقيتهم سايبين طفله عندها سنتين جنب خيمه من خيامهم  المهدوده  تاهت من امها  ف الاجلاء المفاجئ  او امها نسيتها من اللخبطه  او ضاعت منهم ازاى معرفتش  بس المهم ان محدش هيرجع يدور عليها والا هيتقتل من الجنود قبل ما يقرب من مكان الخيام  هم عارفين كده لما الجنود طردتهم فهيخافوا يرجعوا يدوروا عليها علشان كده خدتها وربيتها تربيه ملكيه على انها بنتى وهى دى اللى انقذتنى من بطش ابوك لو كان عرف ان بنتى ماتت  ورجع الملك على قصره واستدعى السايس اللى كان سياسى واصبح مرافق للملكه الان ...

#اتعلمت_من_قصة_سيدنا_سليمان #الليله٤٤٥ سيدنا سليمان اتأثر لما سمع النمله بتنادى على اخواته وبتحذرهم  🐜🐜🐜🐜 (( حَتَّىٰ إِذَا أَتَوْا عَلَىٰ وَادِ النَّمْلِ قَالَتْ نَمْلَةٌ يَا أَيُّهَا النَّمْلُ ادْخُلُوا مَسَاكِنَكُمْ لَا يَحْطِمَنَّكُمْ سُلَيْمَانُ وَجُنُودُهُ وَهُمْ لَا يَشْعُرُون))َ سورة النمل (18) يعنى سيدنا سليمان  مش بس سمع دبة النمله لا دا سمع صوتها وفسر كلامها وهو شئ لو تعلمون عظيم  واحس بقيمة النعم اللى ربنا عطهاله وطلب منه سبحانه انه يعلمه ازى يشكره عليها  مع انها حشره صغيره لكنه احترمها ... وابعد مسار جيشه عنها احترامه للحشره مكانش من اهميتها ... لكن كان من الرساله اللى وصلتله من خلال انه قدر يفهم لغتها ويوصل لمسامعه صوتها مع بعد المسافه وضعف الصوت ... سيدنا سليمان حن عليها وبعد جيشه عن طريق مساكنها وف قصة سيدنا سليمان او قصصه اللى ذكرها القرآن  عبر تانيه  زى مثلا لما كان من حبه للخيول 🐎🐎🐎🐎🐎 بيقضى معاها وقت كبير يدربها ويلاعبها ويهتم بيها بس لما سرقه الوقت معاها وفاته صلاة العصر من شدة ندمه ولانه خاف ان ده يتكرر تانى وعلشان يعاقب نفسه ضر...

#العرق_دساس_الجزء_الثانى #الليله٩٤ الملك جاب الوزير وسأله الفرسه دى حكايتها ايه ؟؟؟ قول الصدق والا هطير رقبتك  الوزير قاله : يا مولاى الفرسه دى عربيه اصيله ولكن امها ماتت بعد ما ولدتها علطول ومكانش عندى حل علشان تعيش الا انى اخليها ترضع من بقره عندى  وبعت الملك وجاب السايس من السجن  وقاله : انت طلعت صح بس قولى عرفت ازاى ؟؟؟ قاله : يا مولاى الخيل معروف عنها انها بتاكل من العشب اللى متعلق انما دى بتدور على اكلها على الارض زى البقر  ما بيعمل  اعجب اوى الملك منه ومن فراسته وقاله خلاص انا رقيتك  ومن بكره هتكون مرافق لزوجتى الملكه وهتاخد ٣ فرخات  للوجبات التلاته مع رز وشوربه وعيش وفضل المرافق مع الملكه ٣ ايام  وبعدين هرب  وبعت الملك جابه وهدده بالقتل لو ما قالش هرب ليه  وطلب من الملك الامان  واداله الملك الامان وقاله اتكلم هتجننى  قاله يا مولاى الملكه تربيه ملوك وتصرفات ملوك بس اللى يقولك انها بنت ملوك قوله انت متعرفش حاجه  وطبعا الملك حبسه ف السجن  وراح لحماه ملك البلد المجاوره  ودخل عليه وطلب الانفراد به ... واول ما ...

#قطة_مشكله #الليله٤٤٤ خد اسمع الحكايه دى وانت تتعظ وتعرف ان الدنيا اتغيرت وان مفيش حاجه بتفضل على حالها  و دى عباره عن مشكله كانت ف جروب وعلى رأى المثل من شاف بلاوى الناس هانت عليه بلوته #المشكله مع ملاحظة انى نقلتها بالفاظ صاحبتها  صباح الخير  استشاره، الاستاذه بوسى تقريبا جالها تخلف ... بتسرق الروچ وتحط فى جسمها ورجلها ووشها والمصيبه مش راضى يطلع جسمها مسحت بخل ووشها غسلت بمياه،  ده غير بقى ان فى قط واقفلها ع السلم هتموت وتضربه بتبخ فيه جامد لا والمفاجأه ان فى فار فى البيت هى نايمه جمبى وهو كمان واخده الفار فى حضنها واخاف اجيب سم هى تاكله واخاف اجيب لازقه هى اللى تلزق  ومحدش عارف الفار مكانه فين غيرها بيصفرلها تسرق الاكل وتروح تأكله😔   اه والله تسرق الكبده والفراخ والجبنه وتجرى تديله وهو واقف ورا الباب ياخد منها بايده الصغنونه دى ... بيستغفلونى😂 وبتكمل صاحبة المشكله    القطه اتهبلت فين زمان ... كنا انا وهى نشوف الصرصار نجرى منه وتستخبى ... دلوقتى لا  بقت هى بتعامل الفار على انه ابنها وبتحضنه 😕 ولما سألوها عضاء الجروب   مش ...